لواء الدين

البارت التاسع

بقلمي .. روى فاروق
روايه : لواء الدين ..

" ذبلانه الروح والنفسيه تعبانه
حزن ودموع من عزاز عافونه 💔😖 "
ــــــــــــــــــــــــــــــــــــــــــ
اكو نص مراقبتهم ديقرون بلقصه
ومدينطون الحقوق الي تحتاجها القصه
وهنه "التصويت ‘وتعليقات "
الحجي عدا البطله لان ماتريد تضهر
شخصيتها بلوقت الحاضر ..

ولله محتاجه تصويت ودعم للقصه
وخصوصا بهاي الفترة الي هيه
فترة البدايه ومحتاجه الدعم الي يشجعني
وخصوصا التعليقات هم كلش قليله
من اشوف هيج تعليقات مايصيرلي
واهس اروح احجي ويه البطله. واخذ
منها احداث ..
واكتب ..
ع العموم حجيت الي بكلبي ورتاحيت
اتمنا تستمتعو بلبارت ..
ــــــــــــــــــــــــــــــــــــــــــــــــــــــــــــ

طلعت عسريع جبتلها بطل عصير
وكيمر عرب ..

رجعت للمستشفه شفتها نايمه ..
حضرت الاكل عجربايه بصفها
تقرمت همست يم اذنها بهدوء ..

فتحت عيونها بتعب باوعتلي ..
ـ كومي دموع يلله جبتلج ريوك ..

هزت راسها لعبانه روحها ..

ـ ماريد ..

ـ لا شنو كومي ..

لزمتها من ايدها وايد عله ضهرها
كومتها بهدوء سندتها علحايط
الي ورة ..
متقبل تاكل غصبتها واكلت لكمتين ..

وطول اليوم وهي نايمه وتعبانه
حد ماصار اليل اخذت ورقه
خروجها من الدكتور وطلعتها ..
طبكت السيارة بلكراج نزلتها
لاف ايدي عله متنها والثانيه لازم
ايدها وهي كوة تمشي ..

ركض فهد كبالنه فتح الباب
الرئيسي ..دخلته ولمحت البردة
مال شباك المطبخ
مفتوحه غلست عنهن
دخلت من باب الصالة ..

شفت زئير وعمي عادل جانو
كاعدين ..
زئير ـ هلا ولله حمدلله علسلامه ..

رفعت راسها بتعب مبتسمه بخفه
وردت عليه واني كوة سمعت صوتها
ـ الله يسلمك ..

رجع دنك راسه للموبايل
تونه وصلنه لممر ردنه نطلع وصاح
عمي عادل ..
ـ هاي جزات ابو البلاوي والمشاكل ..

مارديت عليه وبداخلي
مستغرب من عمي الي بهليومين
نكلب ميه وثمانين درجه ..
شكلبه هلكلبه هاي ..مكان ميتحمد
بلسلامه ..
صار ثاني واحد يتشمت بينه من بعد
عمتي فاطمه ..

كملنه خطوات ساعدت دموع
تتمدد
بفراشها غطيتها زين وطلعت ..
صعدت لغرفتي كبل ..
سبحت وبدلت .. لاكيت فهد توة
طلع من الغرفه باوع للبسي العسكري
ورافع حاجبه ..

ـ عله خير. ..

ـ عندي شغل ولله ..

ـ لعد شو اني محد خابرني ..

ـ اي شغله حتاجوني اني مو شرط
ثنينه ..

هز راسه رافع بحاجبه
ـ تمام سيدي المحترم ابن صهوبي ..