لواء الدين

البارت الرابع والأربعون

بقلمي .. روى فاروق
روايه :لواء الدين

لاتنسو التصويت ♡

كلشيء ياخذني عليك
الصفنة واشواكي وحسرتي
كلهن ذكرني بيك
وانه حالف مااجيك
______________

ضليت أدعي يارب تهديهم وتخلي علاء يتقبل الموضوع بشكل طبيعي ..

بقيت كاعدة أكل بأضافري أهز برجلي متوترة ..
شوي وسمعت أصوات عالية ..
وية الصوت كمت وكفت يم الباب جسمي كلة يرجف ..
مدري من شنو ..

شوية وسمعت صوت لواء يم الدرج يصيحلي ..

ركضت مديت راسي - هاا ..

- تعاي ..

كالها وراح ..
ركضت لبست حجابي ونزلت أفتر بالصالة
تعاي وين اجي يعني .. اطبلهم! ..

شوية ورجع طلع شافني كال - تعاي ..

مد أيدة رحت لزمتها وسحبني للأستقبال ..
صار كدامي علاء .. مو علاء الأعرفة أبد ..

عيونة منوكرة وذبلانه ملامحه كلها تعبانه ..
ولحيتة طولانة ..
وحتة جسمة ضعفان كلش ..
كاعد منحني ضهرة ..

دمعت عيني لا أرادياً من شفت وضعيته هيج ..
يباوعلي بطرف عينه نضرات تعب ..

دنكت لأن ماكدرت أقاوم نضراته ..

لواء عافني وتوجه للكرسي كعد ..
كال - يله يابه كليلة ..
جبرناج أحنه ترفضي؟ ..
هددناج بشيء .. كلنالج عوفي مومناسب ألج؟ ..
كلنالج شيء يخليج ترفضين ؟ ..
يله هاذ كدامج وحاجي .. اذا كلنالج شيء ..

سحبت نفس قوي رفعت راسي أجمع القوة ..
بس ماكو قوة يم نضراته وملامح وجهة ..

ضليت أباوع بوجهة وكل الحجي أختفة من حلكي ..
ردت أحجي وانطق بكلمات رفضي ألة بس أجتني الصفنه ..
حسيت عقلي خدر ..
وعيوني ذبلت كلش ..

صعب تكسر أكثر شخص قريب عليج ..
وخصوصاً اذا جنتي رايدتة ومجبورة تكسرين كلبة ..
محد جابرج لا .. بس أنت الي جابرة روحج ..
حفاضاً على مشاعر الناس وعلى مستقبلج ..

تخلخلت المسامعي نبرة صوتة الحادة ..
كال بهدوء وهو يهز راسة - أحجي ..

حسيت جنت بغيبوبة وصحيت على نبرة صوته ..
دنكت أنضاري للكاع افتح وأغمض بعيني بقوة أحاول أستوعب ..

فهد كال متسرع - مبين علا ملامح وجهة ماتريد ..
يلا كافي سد السالفة وامشي اطلع برا ..

لواء رد عليه بنبرة عصبية - فهدد اسكتت ..
وعيب عله شواربك تطرد ابن عمك ..
سمعنةةة ..

رجع اندارلي - احجي .. منتضريج ..

باوعت العلاء وكلت .. - مم .. منرهم سوة ..

انداريت ردت أطلع كال متسرع - أحد جابرج ..
لتخافين من أحد بالعباس اخذج هسه واروح ..

فهد - ايييي مووو هيههه تايهلتك ..