لواء الدين

البارت الثلاثون

بقلمي .. روى فاروق
روايه :لواء الدين

طبعا بنية وحدة

وحدة
ماكسرت بخاطري
وعلقت بالبارت السابق
اشكرها من كل كلبي ..

اذا اكو اخطاء حذروني لانو اني
ماراجعت البارت شوية شغل عندي
بالكوة يلة لحكت اكملة

غلطة صغيرة
منك تسبب مشاكل للأخرين
أحذر
_________________

دموع :

مشيت .. مشيت وين ما عند الله
كاع ..
اتمشة والدنية توها فجر
السماء برتقالية
والجو زين لا بارد ولا حار ..

بدون مشاعر ولا احاسيس
هدفي اخلص من البيت الكاعدة
بي واخلص من اهلة ..

قريب ما ردت اطلع باوعت للساعة جانت بالخمسة وخمسة يمكن ..

السيارات مو هواي تفتر بالشوارع

ابتعدت عن البيت بمسافة كلش جبيؤة
اطب بفرع اطلع من فرع
الحد ماصار كدامي شارع عام مبلط
بي محلات معزلة

تمشيت علة يمينة ودموعي تصب
وين اني .. وين جنت وين صرت ..
خايفة .. اي خايفة ..

مو اني دموع القوية الطلعت من البيت
كلها ثقة ..
جانت ثقتي بنفسي قوية ..

هسه .. هسه ماكو أي ثقة
خايفة شلون زامط الشيطان بعقلي ..

درت عيني للمسافة الي قطعتها وبجيت
اكثر ..

تهت .. وين بيتي وين غرفتي
وين عفت اخوي وين شارعنة
منطقتنه ..
وين اروح هسه ..
اريد ارجع للبيت ماكو تيهت مااعرف الطريق ..

راحت رجليه كعدت عله كرسي
كدام محل معزل فوكا سقفية
بقيت اباوع علشارع ودموعي تنزل

سويت شيء غلط اني

اريد ارجع للبيت اني سويت بروحي
مافكرت ..

وين رح انام وين رح اكعد
ويامن امشي ..
وااني مااندل أي بيت ..

ضربت راسي وشهكات من كلبي تطلع ..
دنكت عله ايدي لزمتها اشهك
احسها دتأذيني هواي ..

رفعت راسي علشارع بلكت
سيارة او شخص اسأل ..

حتلو يعبرن سيارات ماالي جرئة
اوكفهن

بقيت كاعدة مكاني ساعه ونص يمكن ..
درت عيني علباب الي بصف المحل
طلع منها شاب مبين اكبر مني بكم
سنة ..

اول مااجت عينة بعيني ..
دنكت وهوة تقدم وكف ببعد مسافة عني ..

طفرت روحي وكمت انطيتة ضهري ومشيت
اجاني صوتة وراي يوكفني
- لحضة اختي بس لحضة ..

سرعت خطواتي بالمشي أسرع
درت عيني عله سيارة طبكت كدامي
علرصيف
نزل منها سيف مستغرب

وسعت عيوني بقوة
وكأن رجعلي النفس بالحياة
حسيت باب وانفتحلي ..

ركضت وكفت يمة وهو خازرني
- شسوين هنا ..