لواء الدين

البارت الثامن والثلاثون

بقلمي .. روى فاروق
روايه :لواء الدين

كل سطر مطبوع عليه الكلمات الي تضخ أثر الحزن او الفرح
علقن علية حتة يصعد البارت ♡♤

ايامك الصعبة التي تمر بها ستصنع منك
شخصاً قوياً لا ينكسر
ـــــــــــــــــــــــــــــــــــــــــــــــــــــــــــــــ

وكأن عرفت الي يريد يكولة شنو ..
بالضبط مثل الأفلام والمسلسلات ..
الكل قلب محب لازم اكو جرح جبير منتضرة ..
سحبت شهكة قوية ضربت ضهرة قابضة علة ايدي
- خواااااان ..

ضربت جتفة بكل قوتي ودموعي بدت تزخ زخ
وصوتي طالع مااعرف شأحجي وشأكول
ابد مواضحه كلماتي ..

وهو يلزم بأدية ويحجي وياي وبالي مو يمة أبد
ولا يم كلماتة كل ألي بي جنت اريد اطفي نار كلبي واطلع قهري كلة
افكار راودتني بلحضتها ..خاني وتزوج غيري ..
هاي كل شيء خطر ع بالي بوقتها ..

ضليت ارفس ودموعي تجري وكلمات مامفهومة تصدر مني ..
كد ما رفست وضربت جتفة حتة القراصة ألي بشعري انفتحت
وخصلات شعري صارت علة وجهي تتصارع ويه دموعي
وهو بس صوتة يرن بأذني مااعرف شيحجي
ويلزم بأدية يحاول يسكتني ..

بدون وعي وتفكير نزلت علة ركبتة
نبتت بيها أسنوني .. عضيتها بكل ماعندي قوة
لدرجة حسيت اللحم رح ينشلع .. طبكت عليها أسنوني
بكل معنى الكلمة ..

ضليت مجلبة بيها وشهكات تطلع مني ولا عفتها
شكد جرني حتة لزم راسي وسحبني
راد أوخر بس ماوخرت ..

رخيت حلكي من حسيت اسنوني رادت تنشلع
وبدء لحمهن يأذيني ..

رفعت راسي خدودي ملطخة بدموع والشعر منثور علة وجهي
باوعتلة ساكتة صدري يصعد وينزل بقوة ..

مد أيدة تلمس ركبتة بطرف أصبعة وملامحة ملامح ألم
رفع راسة باوعلي كلت - سويتها مو ..

- علة هااي سوايتج المفروض اخذ ثلاثة عليج
وأختم الشرع ..ويجوز أطلكج وأخذ اربعة ..
ولج انتي صاحيةةةةة ..

رجعت دفرت جتفة وبجيت - ليييشششش هييج لوااء
سويتهااا وخنتنييي .. ليييش هيييج موو ااانننييي احبكككك ..

ضرب راسي واردف - شبيج يابه .. انتي منو خاينج
منيلج هالحجي ..

صفنت بين عيونة ووكعت دمعة مديت اصبعي مسحتها
- جاانتة يعني ماخنتني ..

- شسوي بسوايتج هسه .. ولله لو امطلج بالكاع
ودك دفرات واجلدج بالحزام هم شوية عليج ..

نزلت عيوني علة ركبتة وشوف قالب مال اسنان محفور بيها
رجعت باوعتلة يباوعلي عاض شفتة
لميت اشفافي ليجوة عيوني دمعت قهر
- توجعك ..

هز راسة - لا يبوي ماتوجعني هو انتي اشسويتي
قاابل عضيتيني وشعلتي جد جدي .. هي جكة مال دنبوس ..