لواء الدين

مشاهد من الروايه

بقلمي..روى فاروق
روايه: لواء الدين

مشهد 1
ـــــــــــــــــــــــــــــــــــــــــــــــــــــــــــــــ
ابتسمت هزيت راسي نزلنه للمطبخ..
فهد وگف.بلباب حته أذا احد يجي ينبهني..

بديت أدور عله صياخ مالشوي..
لكيتهن داحسينهن جوة الطباخ.. طلعت ثنين وعلكت النار خليتهن علنار..
شمرت حذاء فهد عليه دنگ يلبسه وأني لبست حذائي طلعت للسايق يحضر السيارة
رجعت للمطبخ واكف يم الطباخ..

فهد، كافي ولك صارن حارات..

، لا الى اخليهن يصيرن حمر جمر يللة..

انتضرتهن شوي عله ما حمرن
باوعت لفهد مبتسم..

، يللة..

راح يصيح لمرام شوي وأجه يركض كعد كبال الباب عله الكرسي كدامه الطبله رافع رجله..
شمرت الصياخه بباب الطبخ..خليت واحد بصف ألثاني..وجانت مده ثخينه يعني مايبينن
وكفت بصف الباب يعني متكدر تشوفني..
شوي وسمعت صوتها مبينه نعسانه..

، ها..

ابتسملها فهد وأشرلها بأصبعه بمعنا تعاي..

أول ما دخلت للمطبخ صرخت تكمز كامشه رجلها
ـــــــــــــــــــــــــــــــــــــــــــــــــــــــــــــــ

مشهد2
ـــــــــــــــــــــــــــــــــــــــــــــــــــــــــــــــ
اباوع للجو الي نقلب 180 درجه كامت تمطر وصوت رعد.. ورياح قويه
غمضت عيوني بهدوء راسي مرجعته علكرسي اتصنت للمطر ألي يوكع بلكاع
واصوات الأشجار.. الي تضرب وحده ب الثانيه..

شوي ودخل فهد للمطبخ باوعلي مبتسم كعد مقابيلي..
، ها شو هنا كاعدة..

، متسوون واهس أحد يباوع بخلقتكم..

، ليش ماتسكتين كايمه تتمادين هواي..

، شسويت اني..

، سؤالج مساع الي مدري منين طلع.. ولو مامتفاجئ لأن يوميه طالعتلنه بسالفه جديده..

، وشبي سؤالي اصلاً كلش عادي..

، شوفي مازعلان منج بس اعتبريها نصيحه..
مساع عله سؤالج ترة ضوجني ويمكن حته لواء ضاج.. بلأخير هاي حياتنه
مانحب أحد يتدخل بيها.. وسؤالج ضوجنه وطلعت منج كتدخل..

، نيتي جانت مجرد سؤال وأعتذر اذا ضوجتك..
ـــــــــــــــــــــــــــــــــــــــــــــــــــــــــــــــ

مشهد 3
ـــــــــــــــــــــــــــــــــــــــــــــــــــــــــــــــ
رجعت للمطبخ أكمل العشه..
فرشت السفره بلستقبال وبديت أنكل بالأكل..
تجمعو كلهم علسفره جدي وبيبيتي وعمي عادل وعمتي فاطمه وايناس
وفهد وزئير جيت أكعد شفت لواء توة دخل من برة كعد علسفرة.. صاح

، تعاي هنا..
ابتعد يسويلي مكان طبطب بصفه يباوعلي.
باوعتله صفح ورحت كعدت بصف فهد كاعد كبال لواء..
لواء خله أيده عله حلكة يتحمحم خازرني لأن فشلته..
يسويلي بأيده( اني اعلمج )
ـــــــــــــــــــــــــــــــــــــــــــــــــــــــــــــــ

مشهد 4
ـــــــــــــــــــــــــــــــــــــــــــــــــــــــــــــــ
صرخت بصوت عالي بألم..
وماشوف غير فهد وزئير ألي كام يضرب واحد بلثاني..
وأني دموعي تنزل بألم..
صرخت من شفت زئير ركع فهد عله وجهة وفهد تفل الدم من حلكه
، لواااااااء

شوي ودخل لواء يركض للأستقبال شافني بلكاع فتح عيونه بصدمه أتوجه عليه لزم رجلي
صرخت بألم كام ألتف. عله زئير يضربه شفت زئير القزم بين ثنين عمالقه. ويستلم الضرب من كل الجهات
وعمتي ألي واكفه تبعد لواء واتصيح وشوي وتروح عله فهد تحاول تسحبه..
وأني ألي خفت من ألمنضر ثنينهم يضربونه بدون رحمه وهوة الي خشمه وحلكه ثنينهن يجرن دم..
ـــــــــــــــــــــــــــــــــــــــــــــــــــــــــــــــ

حسابي على التيك توك

يتبع..

بقلمي..روى فاروق
روايه: لواء الدين