لواء الدين

البارت الثاني والثلاثون

بقلمي .. روى فاروق
روايه :لواء الدين

لن تكسرك الحياة إذا أتقنت فن الصبر ..!
ـــــــــــــــــــــــــــــــــــــ

هزيت راسي ورجعت للمطبخ
اول ماطبيت انسحب راسي من ورة
وضربة اجت بنص ضهري عالعامود
احس روحي فرفحت

مااعرف شنو الي خلاني مااصيح وكدرت اكتم
صوتي بشهڱة ..

خلت راسها بصف راسي تحجي بتهديد
وتجر بية منا وترجع منا
واني لازمة أيدها متأذية

ـ هاا ولج .. موكايلتلج سوي زقنبوت
وتزقنبي .. تروحين تتبجبجين يم زربان
لواء عبالج تكدريلي ..
ولله لطلع هالتمن حبة حبة من خشمج ..

نترتني بنص المطبخ
باوعتلها لازمة راسي متأذية
ـ هااي شبيججج شسويتلج اني ..

ـ صوتجج ولللججج كحـ ** صوتج
ماتعلي علية لا اجي اكص الساننج ..

فتحت عيوني بصدمة
ـ اني كحبة ؟؟ ..

ـ كحبةة ونصصص ..

تقدمت كدامي وضربتني راجدي
بكل قوتها
ـ ولجج اذااا تراددييييننن اففتححح
راااسسس الخلفججج فتهمتييي ..

أشرت بأصبعي عليها
ـ اهلي ميتيننن لاجيبينن طاريهم
علة الساانج ..

دفرت اصبعي وكالت
ـ وخريي لجج اغلط عليج وعليهم
وانعل شيب الخلفج
وهاذ اصبعج اذا مديتي مرة ثانية ..
اكسره فتهمتي ..

سحبت نفس اصبر بروحي
ـ تراا روحي كامزة الألله ..
حذرتج سالفة اهلي لجيبيهمم
عله السانج نااس ميتة وشابعه مووت
شكوو تسبين بيهم ..

عضت اصبعها ـ يمههه
يمههه باوعع السااان يايابةةة
يرادلةة كصص ..
ولجج انتي مامتربية ..
صوتج نصيي احترمييي الاكبرر
منجج حترمييي
ولوو يرادلجج تربيةة من جد وجديد ..

نزلت دمعة من عيني وكلت بصوت حاد
وبحركة كلب

ـ مااعندي أهل ربتني
بس عندي عمة ربتني تربية تسوة
عشيرتج ..

خزرتني ولزمت اذاني
ـ عيدي عيدي اشكلتي ..

دفرت ايدها بكل قوتي
ـ ابقي مكانج هسه جيج ..

رادت تضربني دفرتها وطلعت من المطبخ
وكفت بباب الصالة
دموع ماشافتني منطيتني ضهرها مدنكه تاكل
بس لواء صار بوجهي باوعلي

مديت ايدي مسحت دمعتي وأشرتلة
بأصبعي القصد "تعال"

عگد حاجبة ذب الخاشوكة
من أيدة واجة ..
سحب ايدي وكف بصف الباب
ـ شبيج يابة ..

لزمت ايدة وجريتة للمطبخ
ايناس عله وكفتها واكفه ايدها عله خصرها وتهز برجلها

ضحكت بأستهزاء وفرت ايدها
ـ باوع الفاهيه .. تخوفني
بلواء ولله ياربي ..