لواء الدين

البارت العاشر

بقلمي .. روى فاروق
روايه: لواء الدين

النشر رح يصير بين يوم ويوم ..
فجرولي البارت بتعليقات والاصوات
منتضرتكم ...

" خطار جايك ليش تاذيني
مو علراس لازم تخليني !؟''))" ..
ـــــــــــــــــــــــــــــــــــــــــــــ

مانتبهت لان مالي نفس اكل ..
ماسمعت غير صوت الكزاز الي نضرب
بلكاع
وصرخه استابرق من صرخت ..

كلها طفرت من مكاناتها واني التفتت
بسرعه

شهكت من شفت الكاستر
كله متبدي عله صدر استابرق
وهيه تصيح وتنتر بديها تنفخ
عله صدرها ..

اجاها علاء عسريع اول ما طخ
المحلبي شاغت روحه من حرورته
واني ريكي يبس حايره شاسوي
ولواء الي واكف يرزل بمرام
ـ شهلفهاااوه شبييييج مطفيههههه وثووول ..

عله صوتهم اجني عماتي يركضن
سحبت استابرق الي خبصتنه بصوتها
تبجي متأذيه من حرورته
دفرت باب الحمام عسريع وكعدتها
جوة الدوش وفتحت عليها الماي البارد
وهيه تبجي وتصرخ
ـ حااااار يوجعنييي ولله وخرييييي ..

ـ اوكفي بس شويه اطي صبر
هسه يبرد اوكفي ..

طلعت لعلاء الي واكف بباب الحمام وكتله
ـ معقم صخام عصاره حروق اي شي بسرعههه ..

جان يفتر ايده عله كصته
التفت عليه وصاح بصوت
ـ طلعيهااااا اوديهااا للمستشفه بسرعههه ..

ركضت لغرفتي جبتلها دشداشه وعباتها
وشالها
ورجعت جانت عله كعدتها ورافعه راسها
مخليه الماي يجري عله صدرها وتشهك
ـ يحركننننني دموععع سوييي اي شييي ..

ـ تعاي كومي بسرعه ..

قفلت باب الحمام وعسريع بدلت دشداشتها ..
لفيتلها الحجاب وهيه جامده
ماتحرك صدرها يلجمها ..

فتحت الباب وعسريع دخل علاء
وهي اول ما شافته زادت بلبجي ..
ـ يوجعععع يوجعع علااااء ..

ـ هسه شويه تحملي فدوه اروحلج. .

سحبها وتوجه للكراج وهو كل الطريق
يهديها وكللها اتحملي اتحملي ..

عسريع رحت لفيت حجابي
وعباتي شمرتها عله راسي وطلعت
لواء منتضرني بلباب
حته هو يوصلنه لأن فهد
وسيف راحو ويه علاء بسياره لواء ..

طلع هو عسريع جاب سياره تكسي
وحته بيبيتي وجدو ميدرون
لان غرفتهم باخر البيت ميسمعون شي

قبل لا روح شفت مرام كاعده بلمطبخ
من شافتني ابتسمت بخبث صحت بيها

ـ وثوووول حته ثووول
شايله فهااااوه بكددد رحمه الله ..

ـ ومنو يكول فهاوه ..
هااا يجوز اني متعمده
.. شمدريكم انتو ..

ـ مووو ادرييي بيييج حيييه ..