لواء الدين

البارت الثاني والعشرون

بقلمي.. روى فاروق
روايه: لواء الدين

بنات اليوم اجو بيت خالي علمود
شغله يم بابا ..
اخذت موبايل من ابن خالي
ونشرت البارت الي جنت كاتبته بايبادي ..
اقرو انتو مدام كملته احسن من ماتنتضرون اكثر ..
طبعا جنت اتواصل ويه البطله
عن طريق موبايل اختي علواتساب

هاذ بارت الكم واشكركم ع انتضاركم ..
يمكن يمكن يمكننن شويه بعد أنشر
كلمات بقلم زينب انطتني كم كلمه وحبت
اوصلهن ألكم ..

لاتنسو التصويت والتعليق بين الفقرات ..
ـــــــــــــــــــــــــــــــــــــــــــــــــ

ابتسم والتفتت الابوي عله ما كمل لبس
طلعنه من البيت اتمشينه البيتهم ..

اول ما دخلنه رحب بينه ابو عادل
كعدنه احنه وابو عادل بلاستقباب
جان ويانه بس الحجيه وابوي
عود لان الابو هاذ واجبه يحضر
وية ابنه..

واني ولواء وفهد..

رفعت راسي من دخلت ام عادل
وراها بنيه يمكن عمرها 17 هيج شي..
جانت مدنكه والتوتر مبين عله ملامح
وجهة ..

كعدت عله صفحه كمت اني كعدت يمها
سلمت عليها رفعت راسها وانصدمت بوجهة..

جانن عيونه مثل ما كلت لون عين مايشبه الثاني الفرق بيناتهن 180 درجه..
جانت بشرتها بيضه كلش وخشمها وصط
وحلكها صغير حلو..
وجان وجهة مدور..

ابتسمت وصليت علنبي بداخلي..
حاولت اخليه تحجي بس هي مدنكه
متحجي تستحي..
حولت نضري عله لواء يحجي
ويه الرجال وساعه عينه تروح عليها
وساعه علابو عادل..

اخر شيء خصمها لواء شويه
ونردلكم خبر..
هو كال هيج وهية طفرت طبت جوة..
التفتت للواء وكمنه طلعنه..

رجعنه للبيت كعدنه بلصالة مشتمعين..
لواء ـ اهلها مبينين خوش ناس أوادم..

ـ مو اهلها ابو عادل عمها والمرة مرة عمها..

ـ اني شعليه بيهم ماخذ
البنيه لو ماخذها هيه..

لعبتله حواجبي مبتسمه
ـ حلوة هااا عجبتك مبينه عله ملامح وجهك..

رفع حاجبة ـ شهلحركه لاتعيديه بعد..
البنيه ما بيه شي وحلوة هااا..

فهد ـ ي وللة خوش بنيه..

لواء ـ رح نردلهم خبر نكلهم هاي هيه
باجر نمشي عليهم شتكولون..

اصهب ـ باجر اني عندي مشيه الصبح
خليها عله عكبه..

فهد ـ عادي روح انته الصبح المشيتك
ومن تجي العصر نمشي علاوادم..

لواء ـ أي العصر..
كالها ورفع الموبايل ع أذانه ..
شويه وكال
ـ هاا الوو ابو عادل ..

ـ اي اني ههه ..

ـ خويه نتوكل عله الله ..

ـ اي اي هو باجر
رح نجيك بمشيه حضر الوادم ..