لواء الدين

البارت الرابع

بقلمي..روى فاروق
الروايه: لواء الدين

• أسوأ ما قد يمر على الإنسان أن يحزن من نفسه وعلى نفسه..
ـــــــــــــــــــــــــــــــــــــ

نزلت من السيارة وأشوف زلم هواي بلحوش ومخبوصين
التفتت الفهد الي لاف أيدة على متني..

، هاي شگو..

، ديذبحون بلذبايح حته يطبخوهن..

تقدمت لباب الحوش واشوفهم يمكن سته ازلام بفترون
ومخلين جدورة كبار ودم بلكاع
وهاذ الي دينضف وهاذ الي يطبخ..

، خلي نروح نبدل ونجي نساعدهم..

، لا جدي وصاني ميقبل احد يوكف وياهم.. اصعد أنته أرتاح واني شويه وأجيك..

رحت للصالة شفت الحجيه كاعده وبصفها دموع تلعب وية طفل صغير..
تقدمت رفعتها بستهة..

الحجيه، ها يمة اجيت..

هزيت راسي وعيني عله الطفل..
، هاذ ابن منو..

خلت ايدها عله راسه..
، هاذه حفيد جدك جمال.

عگدت حاجبي بتساؤل..
، يا جمال..

، ياا عزه بعينك لاتكول أسمه كول جدي.. وهو يصير اخو جدك جلال..

هزيت راسي وصعدت فوك
خليت دموع عله الجربايه وبدلت رجعتلها
شلتها نزلت من الدرج صادفني فهد..

، يهلاااا نعجتنه شلونج..

مد أيده راد ياخذها رجعت ليوره..

، أسم جديد هاذة شنو.؟..

، اي ولك شفت هذيج النعجه البرة ديذبحوها وشبهتها بأختك..

، لعد شعندك شايل نعجه وتفتر بيها خليها عندي أحسن..

ضحك وسحبها من أيدي وهيه الحقيرة تكيف عليه.. عبن يلاعبها ومرات يطلعها
يشتريلها..

نزلت كعدت يم الحجيه والبيت متروس نسوان نصهن ما اعرفهن
كلساع وطلعتلي وحده..

شوي ودخلو ثنين ولد مبينين اكبر مني يمشون سويه
أجو كعدو كبالي.. شوي واجه فهد بأيده دموع..
شافهم ضحك وراح سلم عليهم..

، شلونكم كو****..

واحد منهم ضرب علباته من ورة.. وكرص خد دموع بخفه..
، منو هاي الحنوشه الحلوة..

باوعلها وكعد بحضنه دموع..
، هاي بنيتي..

ضحكو ثنينهم باوعلي وصاح بصوت..
، تعال جنك بنيه عازل روحك..

ضحكت كمت كعدت بصفه..
، اعرفكم اختي الطيوبه..

ضربته عله متنه بخفه..
، نگته بايخه..

واحد منهم كال..
، هو هاذ الحجالنه جدي عليه مو..

رد عليه فهد..
، اي هاذ اسمه لواء الدين وهاي أخته دموع..