لواء الدين

البارت الثالث عشر

بقلمي.. روى فاروق
روايه: لواء الدين

كم مرة صتصدمينا يا دنية؟
ــــــــــــــــــــــــــــــــــــــــــ

بلعت ريكي متوتره مدري شديصير
ولواء بسرعه صاح ..
ـ شجااااااااااابك ..

التفتت علرجال مبتسم بوضوح
ولواء صار وجهة احمر خازر الرجال ..
قدمت وجهي يم لواء رافعه راسي
اباوعله ـ منو هاذ ..

التفتلي خازرني وجهة احمر دم
دمارات ركبته طالعات ..
ـ دخلي جوة بسرررررعه ..

كمزت من مكاني ورد عليه
عمي عادل
ـ لا خلي هو مادامه اجه يريد
يشوف دموع ..

التفتت عليه ـ منو هاذ ..

ضحك الرجال وفتح احدي
ـ تعاي اني ابوج اصهب ..

هنا حسيت ضربه قويه نزلت
عله راسي فتحت عيوني بصدمه
معقوله اجه بداخلي مدايستوعب ابد ..
التفتت عله لواء بقله استيعاب ..
ـ ل لل للواء صدك ..

لزمني من زندي وصاح
ـ مراااااااااام ..

اجت مرام واني صافنه عله ابوي
او بلاحرا ميصير اكول ابوي لأن ما
شفته ولا عايشه ويا يوم واحد ..

التفتت عله مرام من اجت ولواء بسرعه
دفرني عليها ـ اخذيها جوة ولا تخلينها
تجي داشوف الوررررطه هاي منين الله
ذبها عليه من جدييييد ..

بسرعه ابتسم ابوي باستهزاء
ـ لااه ولك لواء باباتي
شجاك حبيبي انه ورطه ؟ هههه
من لكه صحابه نسه حبابه ..

سحبتني مرام للغرفه واسمع لواء يشرشط
واني ارفس بين ادين مرام
اريد اروح اشوف شعنده جاي هلوكت كله ..
وهيه اديها جنهن قفايص قابطه عله ادي
بقوه ..

دفرتني بلغرفه وسحبت الباب عليها سدته
رحت اركض اريد الحك افتحه ماكدرت
قفلته من برة كعدت بلكاع
ضهري علجربايه وراسي مصطور
صطر من هلسالفه ..
يمكن جنت اتمنه اشوفه مرة وحده بس
ومن شفته شلون يحجي ويه لواء
مستهزء بلوضع وشلون طريقه تعامله
وهو يكولي تعاي ..

نعلت يوم الي اشتاقيتله واتمنيت
اشوفه ..
صوت لواء الي رج البيت رج
وترني اكثر .. كمزت عله موبايلي
ايدي ترجف راد يفلت مني
دخلت عله فهد اتصلت عليه
مدري شون اتصلت من رجفه ايدي
رفعته عله اذني والموبايل احسه يركص

شوي واجاني صوت فهد
ـ ها دموع شنو شتـ ..

ـ بسرعةةةةة تعااال للبيت بسرعهه ..

ـ شكو شكو شبيج ..

ـ تعااال وانته تعرف استعجللل ..

سمعت صوت كركعه يمه وهو
يكول ..
ـ جاي جاي بس فهميني جدي بي شييي ..

ـ لواااااء لواااء مووو زين تعااال بسرعه ..

ـ ولج شبيييي لا تخبلينييييي ..