لواء الدين

البارت الثاني والاربعون

بقلمي .. روى فاروق
رواية :لواء الدين

رجعنالكم ببارت جديد لتخافن مراح اطلب شيء
منجن بهالبارت رح خليجن عراحتجن

بكيت ثم أستسلمت
قلت لابأس سيأخذني الله
ذات يوم ..
___________________

كعدت ثاني يوم عله همساتة يكعد بية ..

فزيت عاكدة حواجبي بنعس ..
باوعت لروحي نايمة علزندة ..
- كومي يله حبيبي صحصحي ..

حولت نضري عالساعه ب سته ونص ..
- شنو بعد وكت ..

- كومي بابه .. تااخذج لمكان ..

جريت الغطة صعدتة لوجهي بدون مارد عليه
لأن جنت بوقتها نعسانة كلش ..

رفع الغطة غطة راسة ودنة وجهة لوجهي
بحيث من يحجي شفتة تطخ بشفتي ..
- يله حبيبي .. ماضل وقت هم يالله نطلع ..

همست بنعس - وين ..

- لنجف ..

رديت بأستغراب
- شنسوي ..

- عندي شغلة لازم نسويها ..

- شنو هيه ..

- كومي هسه بدلي .. تعرفين بعدين ..

- ولله نعسانة كلشش ..

- ميخالف نامي بالسيارة يله كومي ..

رفعت الغطة عن وجهي طبع بوسة خفيفة علشفتي
ورفع راسة ..

كمت سبحت وبدلت النومة بعيني بعدها ..
بس أتثاوب ..

وكفت صليت وهو طلع من الحمام وكفت
عالمراية ألف بحجابي ..

- يله ستعجلي تأخرنة ترا ..

- ماعندي شيء بعد بس اسوي ريوك عالسريع ..

- نتريك بالطريق حبي ..

باوعتله بأستغراب شعندة يريد يروح لنجف
ومستعجل هالكثر ..

- شعدنه رايحين ..

كعد عالجرباية يلبس بحذائة ..
- تعرفين بعدين لتلحين بسالفة ..

سكتت ماحجيت وكفت لبست عباتي ونزلنه كبل طلعنه لسيارة
محد جان كاعد لادموع ولا فهد ..

مسافة الطريق وطبك شترة ريوك من المطعم وجاب له كلاص جاي
وألي كارتونتين حليب يعرف احبه لصبح ..

تيسرنة بالطريق وهدؤء الفضول كاتلني اسألة وين رح نروح
وليش للنجف ..

بس خفت يحجي عليه لأن كال لتلحين بعد ..
لفيت الباقي مالريوك وشمرتة بسيارة ورة ..
نداريتلة وكلت - للوادي؟ ..

- تؤ ..

جر بطل الماي يشرب عينه عالطريق
- وين لعد ..

شمر القبق بحضني ونطاني البطل قبقته ورجعته لجكمجة ..
- وين ..

- زينب ..

سكتت ماحجيت بالموضوع بعد
- زين دموع كلتلها ..

- كلت الفهد ..