لواء الدين

البارت الخامس والأربعون

بقلمي .. روى فاروق
روايه :لواء الدين

لاتنسو التصويت ورأيكم بالسرد ♡ ..

رأيت الجمال في عينيكَ وأغرمتُ

فيه دونَ قصد : ..
_____________

جان وجهة ضايج كلش وعاكد حواجبه

لازم موبايلي بأيدة ويفتر بالغرفة يروح منا ويجي منا ..

عكدت حاجبي - ها ..

مدلي موبايلي بأيده دمارات ركبته طالعه
- تفضليي ..

أخذت جهاز منة دنكت اباوعله رقم غريب
عكدت حاجبي - شنو ..

رفع حاجبه وأشر أحجي ..
بلعت ريكي ورفعت الموبايل الأذني ايدي رجفت ..

- الو ..

- هلا بنيتي ..

وسعت عيوني بصدمة ..
صوتة ! ..
اي صوته بس شعجب ..

جسمي رجف ونترت
- شتريد ..

- اف اف اف .. هيج تحجين وية عمو ..

- شتريدد .. موطاردنه ومتريد أحد بينه ..
شكو مخابرني هسه شكوو ..
ماكفاك حرمتني من عمتي وعادل ..

- أعصابج يابه لاتتخربطين .. شنسوي يبوي ..
ضروف وداعتج ضروف ..
كاطع عنج وموبايلي بدلت السيم كارت راح رقمج بالسيم كارت ..

- هااا .. حلوو .. عذر مستحيل اصدكة .. وشلون هسة بلله
لكيت رقمي ..

- اةة .. احمم .. شخبارج شلونه رجلج وياج ..

باوعتله كاعد عالجرباية يسحب نفس من النركيله بعصبية ..
- زين وعين الله عليه .. عمتي شخبارها بمذلتك ..

- ولله عمتج حامدة ربها وشاكرته ..
شبيها مثلا منيمها بدون عشه لو مكعدها بدون فراش ..
شحلاتها ..

- اي ..الف الحمد والشكر ولو ممصدكه ..
نطينيها يمك هيه ..

- أهاا .. مبين متردين تمرين ودتسألين بجهاز ..
تعاي يابه تعاي .. نشوفج مشتاكيلج ..

باوعت للواء يباوع بعيني بحلكة الأركيلة
يهز برجله ..

- يمك عمتي ..

- لا وداعتج انه طالع برا البيت ..
تعالو تعشو يمنه .. مشتاكلج وروح ابوج ..

سحبت نفس قوي - لتحلف بروحه جذب حرام عليك ..

- اوف .. يعني عشتي يمنه عمر وغايبه صارلج ٣ سنين ..
معقولة منشتاكلج ..

- شعجب داك ؟؟ .. شنو تريد عندك مصلحه يمي .؟ ..
احجي.من الأخير وريح راسي وراسك ..
تفضل .. أسمعك ..

- أأأ .. تعاي بابه شنو من مصلحه ..
يعني اذا ادك عليج يعني عندي مصلحة ..؟؟
وداعتج ماعندي شيء ..

ضحكت بأستهزاء - هسه شنو تريد ..

- مريلنه .. عمتج دتلح فوك راسي صارلها شكد ..
تعاي وريحيها .. وانه هم مشتاكلج اريد اشوفج ..