لواء الدين

البارت العشرون

بقلمي.. روى فاروق
روايه: لواء الدين

ــــــــــــــــــــــــــــ

تعب ماينوصف من هلأيام ..
كلبي اصبح اسود من الاحزان
ــــــــــــــــــــــــــــ

رفع راسه يباوعلي نضرة مااكدر انساها كل حياتي
نضرة تعب وانكسار ..
نضرة حزن هلنضرة خلتني اجمد بمكاني
حسيت الدم وكف بعروقي ركزت ويا
وهو كال ..

ـ بطله .. اخت اخيته ..

بلعت ريكي والتور سيطر علي ..
ـ الله يخليك درجتي شكثر ..

بسرعه فهد كام يصفك ويهز براسه
ـ نجحنةة ونجحنةةة وهلا وهلا وهلااا ..

باوعتله بتوتر صحت ـ غير اعرف
الدرجه شكد مو كلبييي رح يوكف يمعودييين ..

وكف فهد كبالي يهز براسه وكال 96
هو كال هيج لو تسودنت
اول مرة صفنت بوجهة من الفرحه مامستوعبه
نوب كمت اكمز بلنص جني خبلة ..
كمزت عله لواء حضنته ورحت الفهد حضنته بدون
وعي

ـ ولكمممم نجحتتتت يااااااااااااي.

عفتهم ورحت حضنت بيبيتي وشبعتها بوس
ـ نجحت نجحت ولله نجحتتت ياااناااس ..

لواء وفهد خربو ضحك عله فرحتي
فهد ـ اعلك اعلك الديجي خلي نركص يمعووود
وهلا وهلا ها ها ها اليوم اسهرن للصبح
وحط بيجن ملح بيجن ملح. طارا طارا رطارطا ..

باوعتله شون يهز جتف فرحتي زادت اكثر
كل عقلي جيت اركص ويا وكفت من سحبني لواء
ـ دكعدي عاد فضحتينه يمعوده ..

دنكت عليه حضنته واحمد الله واشكرة
بفضلة صار كل هاذ ..

صاح فهد ـ يااابه بالعباس العشه عله احسابي
و مو هنا لااا بلمطعب ارررركع بعد شتردين ..

ركضت عليه حضنته فرحانه ..
وعيت عله روحي ابتعدت منه خجلانة ..
هو هم خجل بس تصرف عادي ..
التفتت للواء خازرني بعدت نضري عنه
ماريد اخرب فرحتي بهلمناسبه ..

فهد ـ كمممممزي بدلي يلله حته نطلع ..

عفتهم يحجون وركضت للغرفه صادفتني عمتي
فاطمه ـ هااا بشري يمعوده بس لا ناجحه ..

ـ اي ولله معدلي سته وتسعين ..

ـ لاااا حرامات وللة ميلوكلج هيج معدل ..

عفتها ودخلت الغرفتي اركض ..
فتحت الكنتور ومررت طرف اصبعي علملابس
الي معلكه ..

سحبت بدي فوك من الركبه باربع اصابع تقريبا
لونه أحمر ..سحبت ويا بنطرون اسود بي شريط
احمر لبستهن وركضت للمرايه لفيت شعري
دائرة حته يبين بلحجاب حلو ..

تحجبت وطلعت حذاء ماروني رياضي
وسحبت جنطه مارونيه شمرت عباتي عله راسي
وطلعت اركض ..

وكفت بلصالة لكيتهم مبدلين ومخلصين
ـ شنو بيبيتي ماتروح ويانه ..

لواء ـ لا ما بيها حيل ..