لواء الدين

البارت التاسع والعشرون

بقلمي .. روى فاروق
روايه :لواء الدين

اليوم نشرت هاذ البارت من وكت
لان عندي شغل ..
هسه رح انشرة واطلع للشغل
خلوني من اجي افرح بقمة
التعليقات والاصوات اتمنى لكم قرائه
ممتعة ..

رصاصه من الماضي اصابت
الحاضر وشوهت المستقبل!
ـــــــــــــــــــــــــــــــــــــ

ركضو الولد اربعتهم لكاميرات الجيران
حتة يشوفون دموع وين راحت ..

ثلاثة ايام ..
ثلاثة ايام النوم ما مر عله عيونه ..
لواء وفهد كلة بالدوام يدورون عليها
البيت ما طبولة من يوم مانهزمت دموع ..

واصهب كلب البيت عله روسنه
كلساع وكال انفضحنة بالسلف سيرتي
صارت علة كل لسان بنت اصهب
شيخ العشيرة انهزمت ..

وحالف يمين بس تجي يكتلها ..

طول الثلاثة ايام ايناس اتغلت
غياب لواء عني وشغلتني بالبيت
مثل الخادمة واكثر ..
تدگ عليه الباب بالسبعة ونص الصبح
انزل اكنس البيت كلة وامسحة
والحوش بكبرة كلة عليه
يوميه مرتين اغسلة الصبح
وباليل ..
رادت تخلي عليه الطبخ
والخبز بس ماكدرت لان مااعرف
لا اطبخ ولا اخبز ..

لواء يخابرني يطمن علية
واني مابينلة رغم تعبانة بس مااحجيلة
وازيد علة تعبة تعب ..

يوم الثالث عله غياب دموع ..
كعدتني ايناس بثمانية وربع كسرت
الباب علية ..

ولان نعسانة شاغت روحي منها
صحت عليها
ـ ايييي ايييي فتهمتتت جاية
جاااييةة ..

صاحت من ورة الباب
ـ وجعع حتةة وجعع ادبسزز
طلعي يلة فضينة كافي نوم
كعدي يلااا ..

شمرت الغطة مني بقوة
نترت الحجاب علة راسي
وطلعت كالبة خلقتي ..
غسلت وجهي ونزلت صارت بوجهي
كاعدة بالمطبخ يم الشباك ..
ـ تصيحين علية ادبسزز ..

ـ شصيحت شصيحت اني ..
انتي كسرتي الباب كلتلج اي جاية ..

ـ احجي عدل ولج مو اكوم اوكلج نعل ..

سكتت عنها ورحت سحبت جبن
من الثلاجة وحميت الجاي ..
كعدت اتريكت علة السريع
هي اللكمة تنبلع اذا احد واكف
فوك راسك ..

هنا استلمتني شغل
روحي ، تعاي ، غسلي ، جلفي ، كنسي ،مسحي ، ودي ، جيبي ..

خبصتني خبص بالوحدة غسلت مواعين
الغدة يلة صعدت ارتاح ..
ذكرت الصلاة ..
توضيت ورجعت صليت وذبيت
روحي كبل علة الجرباية ..

عيني تغفي هسة ردت اغفة دك موبايلي
رفعت الموبايل بنتر شفتة
عمي ..

كعدت عله حيلي اصحصح
من تزوجت لسة مادك ..
فتحت خط اجاني صوت عمتي تضحك
ـ هاا يمة زنوبة شلونج ..

ـ هلة ماما شخبارج ..

ـ هلة حبيبتي الحمد لله ولله زينة ..
انتي شلونج شخبارج ..مرتاحة لا ..