لواء الدين

البارت الثالث والأربعون

بقلمي .. روى فاروق
روايه : لواء الدين

بنات رح اسوي نضام للبارت وأن شاء الله رح أستمر عليه ..
رح يصير تنزيل البارت كل جمعة ..♡(:

أذا أخطاء صارت بالسرد نبهوني عليهن 》

أسوء حزن سيمر به الأنسان ..
عندما يتذكر أن لا لقاء بينه وبين من يحب ..🙂💔
_____________________________________

وكفت اغسل ادية ومااسمع غير الصياح صار برا
والولد بالاستقباال طلعو يركضون ..
وأسمع علي يصيح - علةةة كيفككك فهددد موهييجججج ..

جمدت أطرافي وكلبي رف من سمعت صوت علاء يصيح ..
بس ماكدرت أركز بالكلمات الي يكولها
لان صوته مواضح ..

سديت الماي ايدي ترجف ..
ركضت وكفت يم الشباك مديت راسي اباوعلهم
فهد لازم علاء من ياخه قميصة والولد ديفاككون بي ..

بالكوة يله سحبو فهد عله صفحه وعلي وزئير وكفو حاجز
بيناتهم ..

باوعت للولد الغريب مدري شنو حجة نوب راح ..
جرو فهد.طببو وعلي راح العلاء سحبه طببه للحوش
وفهد تخبل ..

خليت ايدي عله حلكي خايفة .. عله علاء ومن فهد ..
بلعت ريكي من سمعت فهد يشحرج ينطق بكلمات ..

- ميطبببب للبيتتتتتت امشييي اطلعععع براااااا .. اطلععععع ..

علي - فهددددد شبيككك علهه كيفكك .. خليي نفتهمم من الرجالل
شيريدد ..

- كلشيييي ماريدددد افتهمممم .. امشييي ولككك نذللللل
اطلعععع برااااااا ..

علاء - ماااطللعععع اذااا ماحجيي الكلامم اليي اريدد اكولةة ..
لواااءء وينننن .. لواااااءءء ..

زئير - شبيكممممم انتوو تخبلتووو .. حجي بحجيي موزماطط ..
طبوو جوة نتفاهمم امشوو ..

فهد - ماكووو كلت ميطبب فتهمتوو .. امشيي وليي خلقتكك
ماريدد اشوفهاا ..

وسعت عيوني من علاء كال - لوتصيرر كتلل مااطلععع فتهمتوو ..
لوااءء ويننن اكلكمم ..

علي - مااهووو ماهووو بالنجفف عندةة شغلل ..

زئير - امشوو طبوو جوةة نحجيي اكلكممم ..

علاء نتر - هسههه رايححح .. وبااجرر اليي رجعةة هنااا فتهمتوو ..
منن يجيي لواء عندي حجي ويا .. غصبب عننن اليرضةة
والمايرضةة سمعتوو ..

فهد - لككك يانذلل ..

راد يهجم عليه يضربة بس تلاحكو الولد لزمو وعلاء
طلع من البيت ..

درت عيني عله فهد يتعارك وية الولد وجهة أحمر من العصبية ..

عفت كلشيء جريت موبايلي وصعدت فوك أركض ..
ضربت الباب بقوة سديتة شمرت الجهاز عالجرباية
ووكفت حيلي يرجف اروح منا واجي منا ألهث مثل الي
جانت تركض وتعبت ..