لواء الدين

البارت الثامن عشر

بقلمي.. روى فاروق
روايه: لواء الدين

اعتذر علتأخير بس جان الأشتراك مخلص ..
رح انزللكم البارت الي حفضت أحداثه
اذا كدرت اليوم اسرد الاحداث من البطله
رح انزللكم البارت التاسع عشر واذا
ما كدرت انزله اليوم رح اسهر عليه بليل
وأكمله
استمتعو بقرائة البارت سويته طويل هلمرة ..
هااا ولبارت السابق خليت فيديو روحو شوفو ..

لاتنسو التصويت ورأيكم بلبارت

ــــــــــــــــــــــــــــ

أنت تمارس فن القتل و إني أتقن فن الصبر

{سعاد الصباح}
ــــــــــــــــــــــــــــ

بسرعه جان يزفر الدم من حلكه وتمدد بلكاع

تشنج جسمي واني اباوعله شلون متدد
بلكاع وسبح بدمه ..
كلبي احسه رح يوكف من بشاعه هلمنضر ..

صعب شخص عزيز عله كلبلك
واقرب ألناس ألك تشوفه بهلمنضر ..
دكات كلبي تسارعت وحسيته رح يوكف بلحضتها

من وكع كدام عيني حسيت روحي وكعت ويا
اخوي وحزام ضهري وأبوي وصديقي
كل هلاشخاص موجوده بي ..
ماتوقعت بيوم اشوفه متمدد بلكاع
سابح بدمه هيج ..

ويه اصوات الطلق وره شوي نزل عمي
عادل وزئير من فوك يركضون
يردون يشوفون شكو ..

دخل زئير للمطبخ يركض يسألني شكو ..
واني صافنه عله لواء. ولا يمه اصلاً ..

حسيته لزم أكتافي فرني عليه
ـ شبيج ولج فهمينييي ..

بلعت ريكي ورجعت التفتت للشباك ..
رفعت اصبعي بهدوء أأشر عله  لواء ..
بس شافه زئير صاح ـ الله اكبررررررر ..

كال هيج وطلع يركض ورا عمي عادل وابوي ..

بقيت اباوعله واحس نار شابه بكلبي
دموعي الي كامت تتسابق وحده ورة الثانيه
ماتمنيت او اصلا ما توقعت اشوفه بيوم من الأيام
هيج ..

بين صدمتي وبين الخبصه الي صارت يمي
عماتي الي واكفات يدعن يموت وبين
عيوني الي تركض ورة لواء الدنيه
مخبوصه عليه ..
الحراس التمت يم راسه والجيران طلعت
وحته الفلاليح اجتي تركض

كل عقلي عفتهن وطلعت اركض للحوش
ودموعي مترضه توكف ..
طلعت مفرعه بدون حته ححاب ..
ركضت توني ردت اطلع باب الحوش
انتبهلي زئير وأجه يركض سحبني وسد الباب

ـ خبللللللللله انننننتي وين مولييييه هيييج ...

دفرت صدره واني أبجي
ـ اريد أخووووويه
زئيررررر اخوووويه مايعوفني حبااااب
اريده اريييييييده ..

هنا لزمت شعري املخ بي واصرخ
وزئير الي يحاول يهدء بيه
ـ مااابي شيييي يمعوووده شجاااج
هسة تجي الاسعاااف وتسعفههه ..