لواء الدين

البارت السابع والثلاثون

بقلمي .. روى فاروق
روايه : لواء الدين

بنات هاذ البارت كاتبته من زمان البارحه يلا وصلت
للبيت الحمد لله ع سلامتي ههههه
بنيات يمكن ماراح التزم بالأوقات مالنشر
يعني كل ماتحصلي فرصة اكتب بارت وبس اكمله
راح انشرة يعني ماكو وقت محدد
بنات أي خطأ بالكلمات نبهوني عليها حته اعدلها
لأن ماراجعت البارت زين ..
وأتمنا تعليقات هاذ البارت تصعد نفس هذاك البارت
ولله جدا فرحت من شفت تعليقات البرت ذاك صعدت 1ألف ..
وهاا انطيجن طريقة تعلقن بيها بدون مشاكل وسريع هم ..
بنات طفن النت من موبايلجن وخلن اصبعجن عالنقطة واصبع
عالنشر مالرسالة .. وضلن دوسن بأستمرار هيج رح
توفرن وقت الجن وتسعدني ♡¡》

حكمة البارت هاذ تكول
طموحك وأحلامك هما وقودك في الحياة . فـ أسعى إليها جاهداً
ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

دموع طفرت كعدت بصفي تفرگ بأيدها ..
لواء مرگز يقرة بالأسماء هو وفهد ..

شوية وكالو ثنينهم بصوت واحد ..

ـ 89 ..

صفگت بكل قوتي والأبتسامة شگت حلگي شگ ..
انداريت عليها صافنة عالولد ماگو أي ملامح فرح ع وجهة ..

لزمت جتفها هزيته ـ ولج درجة عاليةة تجننن ..

دفرت أيدي ولواء كام كعد بصفها حضنها ..
ـ شبيج بابه ..

باوعت لعيونها غورگن بدموع ..
ـ درجتي مو حلوة .. أمنيتي أجيب بالتسعين ..

ضحك باس شعرها ـ عادي درجتج هاي كلش حلوة ..
متفرق شي عن التسعين بالنسبة ألي ..

انداريت الفهد من كال ـ بطلة عمي ولله بطلة منو يكدر
يجيب هيج درجة بهيج مرحلة ..

برطمت شفتها بصوت مبوح ـ لو بيبيتي هنا مو جان هلهلت ..

هنا خنگتني العبرة ولواء شد عله حضنتها ..
دنك راسة يباوعلها ـ كلحنه هاذ طريقنة ..
والحجيه خلص طريقها وراحت يم ربها ..
لتضوجين هناك حياة الها احسن من هنا ..
اترحميلها وبس .. موو دموعة ..

ابتسمت تهز براسها ومسحت دموعها ..
ـ الله يرحمها .. ممكن طلب ..

ـ أمري ..

ـ اريد من كل واحد هدية ..

ضحك فهد ـ تدللين ..

لواء  ـ ساعة وتلكينها بحضنج ..
كولي شتردين هديتج ..

باوعتلها عيوني تلمع من الفرح ولله عبالك اني جايبة
نتيجة مو هيه ..

ردت ـ ماعندي شيء معين .. جيبو انتو عله ذوقكم ..

كعدت بصفها وحضنتها ـ تدرين بيه فگر ماعندي ربع دينار ..
يعني عاذرتني اذا ما جيبلج شيء مو ..