لواء الدين

البارت السادس والثلاثون

بقلمي .. روى فاروق
روايه :لواء الدين

لاتنسو التصويت ورائيكم بالبارت ..

يوماً ما ستدرك أن أقسى ما مررت به كان خيراً
عضيماً انقذك ليجعلك لأقوى مما كنت عليه مسبقاً،
﴿لا تيأس﴾ ..
ــــــــــــــــــــــــــــــــــــــــــــــــــــــــــــــــــــــــــــــــ

بعدني ما حجيت دگ موبايلة ..
خلة راسي بصف راسة صار حلكي يم خدة وجسمي فوك جسمة ..
جر الموبايل فتح خط ..

ـ صبااح لخير ..

قلصت عيوني من سمعته صوت بنية رد
ـ صباح نور ..

ـ شلونك حبيبي ..

ـ أهلاً .. منو ..

ـ أني تبارك ما عرفتني ؟ .. شنو حاذف رقمي ..

كمت عنه كعدت بصفة اباوعله مقلصة عيوني ..
وهو ماد ايدة يلف بكذلتي علة أصبعه يباوعلي ويحجي وياها ..

ـ منو تبارك بلا صغراً ..

ـ شنو حبي أحد يمك ..

ـ لا ماكو احد  .. منو انتي .. منيلج رقمي ..

ـ أخذت رقمك من گرار .. ذاك اليوم من اجيتني
ماقبلت أخذه ..

مديت ايدي جريت التلفون ونترت ..
ـ نعمم خيرر شترديين ..

ـ وشدخلج انتي .. نطيني رائد يلااا ..

ـ منو رائد بالله ..

ـ غير هسه جنت احجي ويا ..
لحضه لحضه .. انتي مو مرتة علياء ؟ ..

ـ عمييي اني لا علياء وهاذ الحجيتي ويا مو رائد
مدري صخمان .. وانتي لو بيج حض ماتحجين ويه
واحد متزوج وتلعبين براسة .. وتجرجرين أرقام ..

ـ نجبيي نجبيي واكلي خـ**أدبسزز
ألسانج بطول النعـ** ..

بعدها ممكملة جر التلفون مني وقفلة ..
ـ شبييج شبييج انهديتي عالبنيه مشتبهة بالرقم وذا يعني ..

ـ شنو وذا يعني .. ماشفتها جانت متقصدة
واحد متزوج وتكلي انتي مو مرتة علياء مدري شنو ..
شكوو هي تخابر بالولد المتزوجين وتخرب بيوتهم ..
الله يساعد مرتة .. شنو شعورها من تكتشف برجلها خانها هاا ..
وهذيج العوبة شتستفاد من تخرب بيت الولد وتفرقه عن مرتة ..
شتستفاد غير الذنوب وأكل الخـ....

خله ايدة عله حلكي يسكتني ..
ـ اششش اشش جري نفس رح تموتين شبييج ..

دفرت ايدة وسحبت نفس قوي لأن صدك
حجيت بدون ما اوكف واخذ نفس ..

ـ شبيج لسانج شغلتي رشاشة عليه من الصبح ..
نطي صبر نزلتي هدادة بالبنية ..

ـ اسكت انتة مالي خلكك .. اشتبهت بالرقم وحبيبي ومااعرف
شنو من يمي روحي شاطت الله يساعد مرة الولد اليحجي وية
هاي العايبة ..