لواء الدين

البارت الواحد والخمسون

بقلمي .. روى فاروق
روايه :لواء الدين

صعدن البارت ..
ورجائاً ..
أي خطأ نبهوني علي

وعلي عكبك يخايب كلشي كل موجود
هلي يدورون بيه ولكو كاتني العوز
ــــــــــــــــــــــــــــــــــــــــــــــــــــــــــ

كعدت الصبح واول مافتحت عيني رجع شريط البارحه والاحداث الصارت كلهن البالي ..

وكأن جنت مسودنه وهسه صحيت ..
شلون رحت وحاجيته ..
شلون هيج سويت اني ..
غلطت غلطه جبيرة من بينت الة اني مهتمه ..
وبالأصل شنو الدفعني وخلاني اسأله
واضل كاعده منتضرته الحد ميجي ..
لا والاضرب جان مبين علية باجيه ..
وليش بجيت ..

ضليت اسأل بداخلي ليش بجيت وانقهرت لبارحه
ردت بس شخص يجاوبني على اسألتي ..

نفضت الافكار كلها من راسي وكمت وكلي ندم عالصار ..

جريت المنشفة ودخلت كبل سبحت حته البارحه ماتسحرت ..

طلعت عالسريع ماتأخرت لان السبح واني مماكله رح
يتعبني ويجوعني اكثر ..

رفعت شعري بالقراصة عدلت شكلي ونزلت ..
صارت بوجهي زينب كاعده عالطبلة لابسه عباتها ودتتريك ..

كلت ـ صباح الخير ..

ردت ـ ياصباح النور هلا ..

ـ ها عله خير من الصبح ..

ـ ولله داروح العمتي ..

باوعت للساعه ب 11
ـ لو ورة الغده مو احسن؟ ..

ـ موهسه لواء رح يروح لدوام وكال اوديج وياي ..

ميلت راسي صار كدامي كاعد عالكرويته مدنك بموبايله ..

طبيت ـ صباحو لول ..

باوعلي ورجع دنك ..

ـ صباح النور ..

ـ صايم ..

ـ اي .. صومتينه بدون سحور ..

ـ ولله ماوقتت الموبايل وكعدت حته اني ماكعدت واكلت لكمه ..
انت ليش مموقت الموبايل لعد ..

ـ معتمد عليج عود ..

ـ اي ولله راحت عليه نومة ..

لف ايده عله جتفي حضني ـ عادي ..

سحب نفس قوي ورجع كال ـ لبارحه دكيتي الباب؟ ..

باوعتله ودنكت ـ اي ..

ـ ماكمت عبالي حلمان ولله نوب تصنتت ردتج تدكين
مرة ثانيه ماكو مادكيتي كلت يجوز اتخيل ..
شنو ردتي ..

ـ ماردت شي ..

ـ موتكولين دكيت الباب ..

ـ اي ..

ـ اي شنو ردتي ودكيتي .. اكو واحد يدكه بدون سبب ..

.بلعت ريكي ـ هجي صدري شوية أذاني ودكيت الباب ..
اصلا مدري ليش دكيته ..