روايه بنت الاكابر

(الحلقه الاولى )

أبطال المسلسل :
أحمد بطل القصه
سلمى بطله القصه
سالى وندى .. اخوات احمد
مصطفى وعلى .. اصحاب احمد
ساره ومروه .. اصحاب سلمى
والمذيد من اصحاب البطل والبطله وشخصيات اخرى هنعرفها ف المسلسل
وتدور احداث المسلسل في محافظه الاسكندريه
.......................
(الحلقه الاولى ) ........(انتر فيو ) <3
على : الو ! ما تصحى ياعم النيله الله ياخدك يا اخى ... مش عندك مقابله ف الشغل اللى مقدم عليه ...قوم اتحرك ابو اشكالكوا
أحمد : الو ! ايه يا زفت هى الساعه كام ف ايدك ؟
على : الساعه 7 وربع يا حيله ... ولسا سيادتك على ما تقوم تلبس .. يا اخى ملعون دى صحوبيه منيله بنيله اللى مخليانى اقلق عليك اكتر ما بقلق على نفسى . ولسا الزفت التانى اللى اسمه مصطفى ماصحاش هو كمان هههههههههههههههه
احمد : هههههههههههههههه قلب الأم .. هتيجو معايا ولا ايه ؟
على : اه جاى انا وهو نشوف هتهبب ايه ... ربنا يكرم بس وتتقبل ف ام الشركه دى بدل ال 900 شركه اللى كنت بتروح تتخانق معاهم وتمشى انت ايه اللى رجعك م السعوديه نفسي افهم ههههههههههه
احمد : عشان اشوف خلقتكوا المصديه دى ... انا ربع ساعه هجهز وانزلكوا
على : اخلص وحياه امك مش فاضينلك
احمد : حاضر يا زفت .. غور
..........................
ام احمد : احضرلك الفطار يا حبيبى ؟
احمد : لا يا مه انا هنزل بسرعه اتأخرت . والشركه دى كبيره ومواعيدها بالساعه .. ربنا يستر بس وماتأخرش .. ادعيلى النهارده ربنا يسهل واقبل ف الشغلانه دى ... شركه كبيره ومرتبها كويس
ام احمد : ربنا معاك يا كبد ....ربنا يجعل ف وشك القبول
احمد : يارب .. وصحى بناتك عشان مدارسهم ..
..........................
(تحت البيت )
على : ولا يا حموووووووو ... ما تخلص ياعم .. هو شغلك ولا شغل اهلى انا
مصطفى : ما تخلص يابنى انت ايه اللكاعه بتاعه اهلك دى
احمد : فيه ايه يا كلب يا صايع انت وهو ...
مصطفى : بقالنا نص ساعه واقفين ف الشمس اخلص
احمد : وتقف ساعه وساعتين .. يلا يالا وصلنى على الشركه .. عارفين مكانها
على : ههههههههههههه ياختى اسم الله ... انت هتقعد فين ؟
احمد : هقعد فين ايه ؟ هقعد ورا
على : ليه يا روح ماما هو انا السواق بتاع اهلك ولا ايه ههههههههههههههههه
احمد : بقولكوا ايه . انتوا شكلكوا عيال لمضه وهتتعبونى معاكوا . انا اللى هسوق
على : يكون احسن ... مصطفى اقعد جنبه وانا هقعد ورا
..........................
( امام الشركه )
احمد : انتوا متأكدين ان هى دى الشركه ؟
مصطفى : هههههههههههههههههههه قلبى هيقف منك لله .. هى شركه اللى خلفونا احنا ولا شركتك ...
أحمد : لا اصلهم كلهم شبه بعض الشركات دى انتوا عارفين ان كان ليا صولات وجولات في الشركات ههههههههههههه
على : هههههههههههههههه اه يا تحفه ... طب يلا انزل وربنا معاك يا حب وتدخل وتطلع منصور كده وتستلم شغلك النهارده بس ايه ياعم الشياكه دى والبدله والحركات
احمد : دى اقل حاجه عندى يا بابا
على : لا لو على اقل حاجه ف انت طول عمرك شيك ومجنن قلوب العذارى هههههههههههه مين قدك يا عمنا
احمد : دعواتكوا بقا
مصطفى : ف امان الله يا كبير .... مستنيين اهو . مش هنمشى غير لما تتطمنا وتتصل علينا . يا نيجى نتخانق معاك يانيجى نباركلك هههههههههههههه
احمد : لا انا قلبى حاسس المره دى انكوا هتيجوا تاخدونى م القسم ...
على : امشى ياض .. وانا ومصطفى هنستناك ع القهوه اللى هناك دى نفطر ونضربلنا حجرين كده انا نافوخى ورم الله ياخدكوا انتوا الاتنين
احمد : سلام يا غجر يا ناور .. بس ربنا يكرمنى واشتغل وانا ولا هعرفكوا بعد كده
على : هههههههههههههههه سلام يا واطى
...................................
(ف الشركه )
أحمد : لو سمحتى انا جاى عشان الانتر فيو مع الاستاذ عماد
منى : اه حضرتك واخد ميعاد ؟
احمد : اه . انا واخد الميعاد من 10 ايام .. والمفروض اقابله النهارده الساعه 9
منى : طيب ثوانى من فضلك
منى : الو ! ايوه يا مستر عماد .. الاستاذ / ............... اسم حضرتك ايه ؟
احمد : احمد ... قسم الحسابات
منى : الاستاذ احمد جاى يقابل حضرتك بخصوص الانتر فيو ف قسم الحسابات
عماد : خليه يتفضل
منى : اوككى يا فندم ............ اتفضل يا استاذ احمد مستر عماد منتظرك
احمد : اوووكى .. انتى قولتيلى اسمك ايه ؟
منى : افندم ؟
احمد : خلاص بلااااااش . بكره اشتغل معاكو هنا وانا ولا هعبرك بعد كده
منى : اتفضل يا فندم
احمد : (بيطلعلها لسانه )
..............
منى : ههههههههههههههههههههه ( ف سسرها ) عسل يابن اللذينه ... يارب يشتغل
......................
(الانتر فيو )
عماد : اتفضل يا ابو حميد اتفضل
احمد : ربنا يعز حضرتك
عماد : انت مقدم على وظيفه ايه ؟
احمد : محاسب ان شاء الله
عماد : طب وانت ايه شجعك تيجى تقدم ف الشركه معانا هنا
احمد : والله حضرتك انا سمعت عنها سمع خير واكيد نفسي انى احسن قدراتى واكون من ضمن التيم بتاعها واستفاد ..
عماد : خبراتك ايه ؟
احمد : انا بكالوريوس تجاره بدرجه جيد جدا ... اشتغلت 3 سنين ف شركه الكترونيات ف السعوديه محاسب بردو .. وبعدين اشتغلت حوالى 4 شهور لما نزلت ف السياحه ف شرم الشيخ
واهو بتمنى ان احصل على الوظيفه دى عندكوا
عماد : عظيم ... بتتكلم لغات ؟
احمد : اه ... انجليزى وايطالى وفرنساوى .... ومن بعيد روسى
عماد : هههههههههههه يعنى ايه من بعيد ؟
احمد : اتعلمته لما اشتغلت ف السياحه . بس كتحدث مش كتابه
عماد : ههههههههههههه لا ماشاء الله عليك ... فهمك سريع
احمد : شكرا يا فندم
عماد : طيب يا ابو حميد .. انا هعرض ملفك وملفات الناس التانيه اللى مقدمه ... هعرضهم على نائب رئيس الشركه الاستاذه سلمى النهارده ... ولو ربنا أراد خير هنبلغك بقبولك معانا هنا .... المهم تكون فاضى النهارده من الساعه 5 لغايه الساعه 6 علشان ده الوقت اللى هنكلمك فيه لو اتقبلت معانا
احمد : ان شاء الله يا فندم
عماد : مع السلامه يا ابو حميد . نورت
احمد : مع السلامه يا فندم ... سلام
..........................
احمد : بقولك ايه ؟
منى : خير .. قبلوك ؟
احمد : الله . انتى مستعجله على ايه ههههههههههههه لسا هيكلمونى النهارده ؟
منى : ههههههههههههههه والله العظيم مجنون . انت مين يابنى انت ؟
احمد : انا زميلك الجديد .. واتعشم اننا نبقى اصحاب ههههههههه
منى : اتنيل مش لما تشتغل الاول ؟
احمد : ماتقاطعيش والنبى .... لو حصل وكلمتونى ... هعزمك على عشوايه بره .. اشطا ؟
منى : اممممممم اشطا ؟ وانا موافقه عشان يبقى عيش وملح طالما هنبقى زمايل
احمد : ماتجيبى رقمك كده عشان لو كلمتونى ولا حاجه ابقى عارف انه انتوا
منى : هههههههههههههههههههههههههههههه لا هما هيكلموك من تليفون الشركه
احمد : ايه الكسفه دى ؟ بكره تيجى تتحايلى عليا وتطلبى تليفونى ولا هعبرك
منى : طب امشى بقا هههههههههههه يخربيت جنانك
احمد : ماشى ماشى .. سلام
منى : سلاام
.................
منى ف سرها : والله عسسسسسل
....................
(بره الشركه )
على : ايه يا نجم النجوم عملت ايه ؟
احمد : لسا هيردوا عليا النهارده يا اه يا لا
على : اشمعنى يعنى ؟
احمد : لسا هيرد على صاحبه الشركه ويوريها ملفات اللى مقدمين .. وتختار منهم
مصطفى : ربنا يوفقك يا مز ,,,,
احمد : ايوه ماهو هيوفقنى لما سيادتك تجيب ام الشيشه دى اضربلى حجر . انا نافوخى زقزق منكو لله . قوم يالا من هنا
..............................
(جوه الشركه )
عماد : استاذه سلمى موجوده جوه يا علا ؟
علا : اه يا مستر . استنى اديها خبر
علا : ميس سلمى .. استاذ عماد مدير ال H R عاوز حضرتك
سلمى : خليه يتفضل يا علا . انا مستنياه
علا ... حاضر اوك .... اتفضل يا مستر عماد
....................
عماد : مساء الخير يا استاذه سلمى
سلمى : ههههههههههههههههه استاذه ايه يا عمو . انت اللى مربينى
عماد : هههههههههههههههه لا انتى طلعتى قدها وقدود وباباك مسلمك الشركه وانتى مقصرتيش فيها وشربتى الشغل بسرعه
سلمى : تسلملى يارب .. ايه جبت ملفات المحاسبين الجدد ؟
عماد : اه . دى كل الملفات اهو : 7 موظفين والسير الذاتيه كلها وده نص من الانتر فيو بتاع كل واحد
سلمى : تمام ... ورينى كده . فيهم صورهم مش كده ؟
عماد : اه اكيد كل ملف عليه صوره صاحبه
سلمى : ده علاء وده حاتم وده محمد وده أحم.......يا نهار اسود ... احمد ؟ ؟ هو فين صاحب الملف ده ؟
عماد : ايه مالو ؟ انتى تعرفيه ولا ايه ؟
سلمى : ايه ؟ لا .. لا ابدا بس حسيت انى اعرفه كده .. هو مشى ولا ايه ؟ طب معاكو تليفونه طبعا مش كده ؟
عماد : ههههههههههههه اه يا بنتى مالك فيه ايه ؟ معانا كل بياناته
سلمى : طيب الحمد لله ...هو عارف مين اصحاب الشركه ولا مقدم ازاى ولا ايه ؟
عماد : لا هو عرف ان احنا طالبين وظايف محاسبين وهو قدم عليها من فتره . بس تقريبا مايعرفش عن الشركه الا اسمها .. لانى سالته تعرفنا منين . قالى قرأت الاعلان .. سلمى انتى تعرفيه ؟
سلمى : هه ! لا ابدا يا عمو .. ابدا ... طيب انا هقرأ ملفاتهم وهرد على حضرتك مين اللى هنقبله
عماد : خلاص تمام . مستنى ردك قبل الساعه 5 عشان نبلغ اللى هتختاريه
سلمى : خلاص اوكى
.............................
سلمى : الو ! ساره الحقينى انا هموووووووت