روايه بنت الاكابر

(الجزء السادس ) (الحلقه الثالثه ) ( سيبهملى )

الجزء السادس )
(الحلقه الثالثه ) ( سيبهملى ) <3
................
(في الحلقات السابقه )
احمد : ربنا يخليك يا مستر وائل . المهم بعد اذنكو عاوز اقعد مع كل موزعين الشركه ومع مديرين الفروع بتاعتنا .. ياريت ف اقرب وقت . تقدر تحددلى معاد معاهم امتى يا مستر عماد ...
عماد : النهارده العصر لو أمكن
احمد : خلاص تمام . هكون ف انتظارهم
عماد : تمام ...
احمد : متشكر لحضراتكو .. وانشالله المجلس ف حالة انعقاد دائم لحين عبور الازمه دى ، ف اى وقت جهزوا نفسكو اننا هنستشيركو ف اى حاله طارئه
عماد : اتوكلنا على الله
....................... ( الثالثه ) <3
سلمى : انا تعبت ! مش قادره أكمل
احمد : طب استنى فين شنطتك ..
سلمى : فوق ف المكتب
احمد : طب اطلعى هاتيها يلا نروح نتغدى ونيجى نكمل .. ايه تعبتى دى ؟ اتعلمى يا ماما شغلك بقي عيب كده ههههههههه
سلمى : انت عارف . انا نفسي ربنا يدينى نص ثقتك بنفسك
احمد : يا حبيبتى مش موضوع ثقه ولا غيره
اقولك حاجه .. عادى جدا ممكن اللى انا بعمله يطلع غلط والوضع يسوء اكتر من الاول . بس انا عارف وواثق ان لو حصل اكتر من كده مش هقع وهفضل واقف على حيلى . وهجرب واقوم تانى .. المهم انك تبقى عاوزه تكملى ورافضه فكرة الاستسلام
سلمى : طب قولى . انت قررت هتعمل ايه ؟
احمد : بنسبه 70 %
سلمى : طب وال 30 % الباقيه
احمد : الباقى بقي لما اقعد مع موزعين الشركه ومع مديرين الفروع . ساعتها هقعد انا وانتى ونحط خطه هنمشى عليها كلنا الكبير قبل الصغير ف الشركه ... وانا ليا تصريفات تانيه غير اللى هنعملها
سلمى : تصريفات ايه بقي
احمد : اطلعى بس هاتى شنطتك يلا وانا مستنيك ف عربيتى بره هنروح نتغدى
سلمى : ماشى يا روحى . دقيقتين وهكون عندك
احمد : انتى مالك حلوه كده ليه النهارده
سلمى : ههههههههههه اتلم الناس حوالينا
احمد : امشى يابت هاتى شنطتك دانتى فصيله
سلمى : ماشى يا عم ماتزعقش لاديك ف وشك
احمد : طب تعالى . اقفى بتجرى ليه
سلمى : ههههههههه بحبك
احمد : بسرعه بقي مستنيك
....................
( ف مطعمهم )
سلمى : تصدق انا لما باجى مطعمنا قلبى بينشرح ..
احمد : اه منا قاصد يا حبيبتى . اجى اوريك نص الدنيا الحلو بقي . الله اكبر ومن غير ما احسد . المطعم الشهر ده عمل ايراد حلو . وكله مع على هيبعتلك تفصيل بكل قرش دخل وخرج عشان احاسبك اخر الشهر
سلمى : تصدق انك بايخ
احمد : لمى لسانك لاقوم اقطعهولك
سلمى : ههههههههه والله بايخ ومخامصاك
احمد : انتى ايه ؟
سلمى : مخامصاك
احمد : بقولك ايه ماتيجى نروح البيت
سلمى : هههههههههههههه بعينك . مخامصاك بردو
احمد : يا لهوى يامه
على : اجيبلكو ايه يا حب
احمد : ههههههههههه روح يالا اقعد على مكتبك انت ايه اللى منزلك انت صاحب المطعم
على : والله لايمكن لازم اشوف طلباتكو بنفسي
احمد : تصدق هتنضرب .. وبعدين مين قالك يا روح ابوك انت انك مش هتاكل معانا . اقعد اترزع
على : هههههههههههه ايوه بقي . انا اصلا بتلكك عشان اجى اتغدى معاكو . وحشتونى يا عالم يا فقر
سلمى : وانت كمان والله يا علوله هههههههه
على : بقولك ايه . انا خاطب . اقسم بالله لو خطيبتى عرفت اسم علوله ده لاقطع علاقتى بيك وبجوزك اللى قاعد جنبك ده
سلمى : ههههههههههه ليه يعنى دا حتى اسم حلو كفايه ان احمد اللى مطلعه عليك
على : ده كان مشرد ابويا بالاسم ده ايام الجامعه .. ايام لا يرجعها هههههههههههههه
احمد : مابلاش اطلع عليك اسم تانى .
على: لا ياعم كده حلو اوى .. انت طلبتو الاكل ولا لسا ياعم
احمد : يابنى اترزع اقعد . عبد الله هيبعته .
على : وعملتو حسابى
احمد : هههههههههه الصراحه لا . رن عليه قوله يعمل حسابك
على : ماشى يا عم .. ماااااااشى
احمد : المهم فيه شويه مشاكل كده صغيره ف شغل سلمى . ويومين تلاته كده هحتاجك انت والواد مصطفى ..
على : يا حب اؤمر واحنا ننفذ بس
احمد : كلمت عمرو يروح يجيبهم الساعه 4 ؟
على : اه . عامل حسابه .. انا لسا مكلم مصطفى دلوقتى قالى انهم طالعين ع الطياره . مافيش من ربع ساعه الكلام ده
احمد : ماتحرمش منك ياحب
على : حبيبى يا غالي
سلمى : يا جدعان انا جوعت
احمد : قوم يابنى شوف عبد الله راح نام ولا ايه البت هتاكلنا
على : ههههههههه اهو جاى اهو . بسم الله
...................
( ف العربيه راجعين الشركه )
سلمى : حمو ! انت ليه عاوز تشغل على ومصطفى معانا اليومين اللى جايين
احمد : اولا انا ماقولتش هيشتغلو . لان فعليا كل واحد عنده شغله . مصطفى له شغله وعلى ف المطعم وحساباته ... انا قولت هيساعدونا
ف كل ازمه يا سلمى لازم تقربى منك حبايبك واللى يفدوك بعمرهم . لازم ثم لازم يكون جنبك ف اى ازمه الناس دى . هيكونو هما عينيك ورجلك وايديك
سلمى : انت يابنى انت عرفت كل ده فين .. اه . يبقى انت كنت بتذاكر من ورانا هههههههههههههه
احمد : ههههههههههههه اه شوفتى انتى الطالب السهتان البهتان اللى يفضل طول السنه يقول لاصحابه هسقط ومابذاكرش وفجاه اخر السنه يلاقوه جايب امتياز .
سلمى : ههههههههههههههههه اه مانت شكلك كنت زيه اهو
احمد : انتى ناسيه انى سافرت 3 سنين بره . بره اتعلمت حاجات كتير جدااا . ولسا موجوده ف دماغى الحاجات اللى اتعلمتها بس لسا أوانها ماجاش
سلمى : طب ممكن اسال سؤال صغنون اد كدهون
احمد : مالكيش دعوه هعمل ايه ف حاتم وعبد الحميد زفت ده . دول يخصونى انا
سلمى : ههههههههههههههه بسم الله الرحمن الرحيم . انت ايه يابنى عفريت . وعرفت ازاى انى كنت هسالك عليهم
احمد : ههههههه ياروحى انتى عاوزه تسالى السؤال ده من بدرى اصلا بس كل ما تيجى تسالى تترددى وترجعى ف كلامك ... بس انا هقولك انا سايبهم عشان انا اتعامل معاهم ليه ؟
سلمى : ليه ؟
احمد : بصى !
هتضرب ف الشغل هضربك ف الشغل
هتتنافس معايا بشرف هتلاقينى ماددلك ايدى وبسقفلك لو انت اللى كسبت
لكن لما يوصل بيك الامر انهم يخلوكى تعيطى
لا يا حبيبتى دول يخصونى انا من دلوقتى
اقسم بالله العلى العظيم يا سلمى لما سمعت صوتك وانت بتكلمينى ف التليفون وبتعيطى وبتقوليلى وحشتنى يا احمد . انا اتزلزلت من جوايا
قلبى اترعش
ايديا خانتنى وانا سايق وجايلك وزعلت من نفسي جدا انى موجود على وش الدنيا وحاجه تعكنن عليك او تضايقك ... لا عشت ولا كنت
هاخدلك حقك بغباء
هردلك اعتبارك تالت ومتلت وهخليى الكلبين دول يبوسوا الايادى عشان ارحمهم
ومش هرحمهم
فكرة ان الرجال قوامون على النساء ياسلمى دى لا تنقص الستات ف شئ على الاطلاق
لكن مايعرفش يتعامل مع راجل غير الراجل
زى بردو انه مابيعرفش يتعامل مع ست غير الست
وهو ده اللى بتعامل بيه من خلاله مع شخصيه وسخه زى عبد الحميد وزى الزفت التانى
انتى ما عليك غير انك تقعدى برنسيسه كده وتشوفى الارض وهى بتتساوى بيهم
وبعدين انا شوفت منك دلع ورقه ورومانسيه كتير مش هنكر هههههههههههه ومبهدلانى معاك بمياصة امك دى
ف حقك عليا دلوقتى انى زى ما خدت خيرك وجمالك ، حقك انى ارجعلك حقك ومالك
ادعى بس ان ربنا يجعل اللى بعمله ده صح والدنيا ماتتعكش اكتر واكتر
سلمى : ( بتعيط )
احمد : يادى النيله عليا وع اللى خلفونى . بتعيطى ليه دلوقتى طيب
سلمى : تعرف عاوزه ايه دلوقتى
احمد : ايه ؟
سلمى : اشمعنى دى اللى معرفتهاش يعنى مانت بتعرف انا بفكر ف ايه كل مره من قبل ما اقول
احمد : ههههههههههههه منا باكل نعناع اهو من بعد ما خلصنا غدا عشان ام البوسه
سلمى : ههههههههههههههههههه ههههههههههههههههههههههههه هههههههههههههههههه بسم الله الرحمن الرحيم . نزلنى هنا يا عم انت . انت عفريت والله ههههههههههه
احمد : طب ايه هنبوس ولا ايه
سلمى : طب غمض عينك
احمد : غمض عينك ايه انتى حوله ؟ انا اللى سايق والمصحف
سلمى : ههههههه ياواد بطل بقي . ط ماتبصش ناحيتى وركز ف الطريق وانا هبوس
احمد : ياريت ننجز عشان احنا داخلين ع الشركه
سلمى : امممممممممممممممواه
.........................
( ف الشركه )
عماد : المناديب جاهزين يا ابو حميد . تحب تقابلهم امتى
احمد : على طول يا مستر .. مديرين الفروع معاهم ؟
عماد : اه موجودين
احمد : طيب تمام . خلى منى تشوف هيشربوا ايه وانا هجيب سلمى وجاي
................
( اوضة الاجتماعات )
احمد : مساء الخير يا جماعه
الجميع : مساء النور يا استاذ احمد . مساء النور يا استاذه سلمى
احمد : طيب يا جماعه انتو طبعا متابعين الوضع اللى بتمر بيه الشركه . وعارفين احنا بنتعرض لإيه
ابراهيم ( كبير الموزعين ) : ان شاء الله الخراج كله على ايدك يا استاذ احمد واحنا كلنا معاك ومع الاستاذه الغاليه بنت الغالي . ربنا يقومه بالسلامه
سلمى : متشكره ياعم ابراهيم
احمد : بصوا بقو !
انتو يعتبر ايدين الشركه بره
وعينينا بره
انتو التارجت بتاعكو ثابت ولا كله ليه تارجت لوحده
ابراهيم : لا كل موزع له تارجت مختلف حسب المنطقه والمحافظه اللى بيوزع فيها
انا مثلا التارجت بتاعى مليون ف الشهر
وفيه الاستاذ محمود التارجت بتاعه مليون ونص لانه بيبيع على القاهره
والباقى بتتراوح بقي ما بين نص مليون و مليون
احمد : طيب انا والاستاذه سلمى هعتمد الشهر ده والشهر اللى جاى وهنعتبر انكو وصلتو للتارجت بتاعكو وعمولتكو ماشيه على الاساس ده حتى لو كل واحد فيكو باع ب 10 أالاف بس ف الشهر ده
ابراهيم : طب ليه كده ؟ مش عاوزنا نبيع الشهر ده ولا ايه ؟
احمد : بص يا عم ابراهيم
دلوقتى لما تسمع اشاعه عن حاجه معينه وفجأه تلاقيهم بينزلو بضاعه كبيره ومنزلين ف السعر انت هتاخد فكره عامله ازاى عن الموضوع ده . وانت طبعا راجل قديم وعارف السوق
ابراهيم : طبعا معاك حق . هاخد فكره ان البضاعه مضروبه وبيحاولو يسربوها
احمد : بالظبط ! لكن لما الاقي ان الحاجه دى سعرها زاد بل بالعكس بقت شاحه ف السوق وصعب انى الاقيها . الزبون هيعمل ايه
ابراهيم : هيقلب عليها الدنيا
احمد : حبيبى ياعم ابراهيم ... دلوقتى الشغل هيمشى كالآتى :
كل واحد فيكو يطلع بنص الحموله اللى المفروض بيطلع بيها
احنا نشتغل على جانبين
التاجر والزبون
التاجر اللى انت متعود تنزله 100 كرتون لا انا عاوزك تنزله 30 بس وتقوله جمله واحده هنتفق عليها كلنا " الشركه داخله ف صفقات تصدير كبيره بره مصر ف الاردن ولبنان وبنجمع الشحنه عشان هنبعتها " بس
والتاجر اللى انت متعود تعدى عليه يوم الخميس . لا عدى عليه يوم السبت وطيارى كده يعنى ماتنزلش تدلل على البضاعه .. خليه هو يطلبها منك .. لاوعه . حسسه انه هو اللى عاوز البضاعه . لان هو اكيد عارف ومتأكد انك بتجرى عشان تبيع عشان توصل للتارجت بتاعك . مش كده ؟
ابراهيم : الله يفتح عليك يابنى
احمد : اما بخصوص الزبون نفسه ف ده سيبولى انا الموضوع ده مع استاذ وائل مدير التسويق والدعايه .. تمام كده ؟
ابراهيم : تمام
احمد : فين مديرين فروعنا
بدر ( كبير مديرين الفروع ) : معاك يا استاذنا
احمد : ههههههههه انت اللى استاذنا ياعمى
بدر : اوامرك يا ريس
احمد : الامر لله .. بس الكلام اللى سمعتوه للموزعين . ده بردو انتو هتنفذوه .. انا عاوزك تقعد باشا ف الفرع بتاعك .مايهمكش البضاعه تتباع ولا ماتتباعش لانك عارف وواثق من قيمة المنتج بتاعك وجودته ، بس المعامله للزبون اللى داخل يشترى بكل حب وود واحترام ، عاوزه يتحرج يقولك كلمه وحشه او الفيديو او اى حاجه
بدر : تمام ..
احمد : انا خلصت مع حضراتكو .. لو فيه اى استفسار تانى انا تحت امركو
ابراهيم : فيه اهم استفسار يا ابو حميد
احمد : خير يا عم ابراهيم
ابراهيم : الازمه دى هتعدى على خير .؟ دى قوت ناس . وناس كتير هيتقطع عيشها
احمد : ( بيمسك ايد سلمى قدامهم ) وحياة البت اللى جنبى دى هتعدى ههههههههه
سلمى : هههههههههه هيييييي وبعدين بقي . المفروض انى صاحبة الشركه عيب كده يقولوا عليا ايه
الجميع : ههههههههههههههههههههههه هههههههههههههههههههههه ربنا يحفظكوا
احمد : ماتتخيلوش يا جماعه سلمى دى بالنسبالى تبقى ايه ؟
سلمى : ( بتتكسف وبتبص لاحمد انه يسكت )
احمد : هههههههههه وطبعا عارفين ان اقل حاجه اعملهالها انى احافظلها على فلوسها
زى مانتو بردو دلوقتى وقفتكو معانا عاوزين تردو جميل ابوها
ابراهيم : طبعا . دى بنتنا وبنت الغالي ، ربنا يقومهولنا بالسلامه . والله عاوزين نروح نشوفه ونقعد معاه
احمد : ياريت ! هيفرح بيكو جداااا
ابراهيم : ههههههههههههه مالك يا سلمى / انتى اد بنتى ، مكسوفه ليه كده
احمد : هههههههههههههههههه سيبوها يا جماعه معلش . وبعدين انا قولت 100 مره ان الستات مكانها البيت والمطبخ ههههههههه
الجميع : ههههههههههههههههههههههه
احمد : ههههههههههه ( بيبوس راسها ) دى حبيبتى وشريكتى ونصى التانى /
شرفتونا يا جماعه ومستنى ردود افعال التجار والزباين تبلغونا بيها أول بأول
ابراهيم : تمام يا هندسه . عن اذنكو
بدر : عن اذنكو
احمد : اتفضلو . مع السلامه
...........
سلمى : ( بتمسكه من ياقة القميص ) بقا تقول عليا بت قدامهم ياض انت ؟ وايه اللى عملته فيا ده والتشريده دى
احمد : لازم تزرعى الثقه جوه الراجل بتاعك وشغال عندك قبل ما تطلبى منه انه يزرع هو الثقه ف نفوس الناس ..
اللى انا عملته النهارده هيخلى كل العمال تضحك وتتكلم وتقول شوف الاتنين دول بيعملوا ايه
هيحسوا بطمأنينه كده وروحهم هتهدى
والخوف والقلق اللى جواهم هيتحول لطمأنينه
فهمتى حاجه ؟
سلمى : لا
احمد : عشان حماره هههههههههههه فين وائل مدير الدعايا ؟
سلمى : استنى هتصلك عليه
احمد : اتصلى عليه وقوليله يجيب عقود الدعايا بتاعتنا ومصاريفنا ع الدعايا بالمليم
سلمى : تمام
........................
إلى اللقاء ف الحلقه القادمه
شارك برأيك عشان نكمل