روايه بنت الاكابر

(الحلقه التاسعه) ( كلهم عليا )

(الحلقه التاسعه) ( كلهم عليا ) <3
................
(في الحلقات السابقه )
سلمى : يالهوى يانا يامه منا كنت جايه اقابله اصلا ..
سالى : تقابلى مين اتنيلى على عينك .. دانتى هاره على نفسك اهو ومرعوبه
سلمى : ههههههههههههههههه اه يا تحفه .. ايه هاره على نفسي دى
سالى : ياختى خلصى ادخلى الاوضه هننضرب كلنا والمصحف ..
ندى : انا هدخل معاها يا سالى وانتى حاولى تشغلى اخوكى وتدخليه اوضته وانا هخرجها .. والحمد لله ان ماما مش ف البيت والا كنا اتظبطنا
سالى : طب يلا ادخلوا ادخلوا انا سامعه صوت جزمته بره بسسسسسسسسرعه يالهوى
.......
(احمد داخل البيت )
.......................... (الحلقه التاسعه ) <3
احمد : مساء الخير يا لولا
سالى : مسسسساء الفل يا قلب لولا
احمد : ههههههههه الله .. ايه الروقان ده كله ؟ فين امك واختك ؟
سالى : مافيش .. اصل .. اصل
احمد : انتى مالك مش على بعضك كده فيه ايه يابت ؟
سالى : ههههههههههه ياعم فيه ايه . مافيش ندى لسا نايمه وماما بره بتشترى شويه طلبات . خرجت مع طنط غاده من ساعه كده
احمد : ماااااشى .. اااااااااااه يانا يا رجلى ، عاوز اريح شويه
سالى : انت بتعمل ايه ؟
احمد : هكون بعمل ايه يعنى . هقعد شويه اريح رجلى
سالى : طب ما تقوم تغير هدومك على ما احضرلك الغدا
احمد : ماشى بس شويه بس كده افك رجلى .. طول النهار مزنوقه ف ام الجزمه لما صوابعى ورمت
سالى : طيب يا حبيبى قوم طيب ارتاح شويه وغير هدومك وانا هعملك الاكل تاكل وتنام ... مش انت هتنزل بالليل مع اصحابك
احمد : اه
سالى : طيب قوم بقي
احمد : الله ! هو فيه ايه ياهبله انتى .. وبعدين ايه الحنيه اللى نزلت عليك مره واحده دى
سالى : انا طول عمرى حنينه ياخويا .. وبعدين انت حبيبى وابويا واخويا ..
احمد : طب بقولك ايه .. انا هدخل اغير هدومى تكونى صحيتى ندى ونتغدى سوا .. وقيميها بدل ما ادخل اصحيها واشدها من رجليها
سالى : تدخل فين استهدى بالله كده .. ادخل انت وانا هدخل اصحيها اهو . واهو بالمره تقوم عشان تساعدنى ف المطبخ .... اهو تحمر الفراخ حتى
احمد : ماشى
................
سالى : انتى يابت انتى وهى يلا بسرعه يا سلمى على بره
احمد : ساااااااااااالى !
سالى : يا نهار اسود زى مانتوا خليكوا
سالى : ايه يا حمو
احمد : فين ام البنطلون اللى كنت لابسه الصبح ... هنام بيه
سالى : بنطلون ايه يا راجل دلوقتى البس اى حاجه
احمد : انتى واقفه على باب الاوضه كده ليه ؟ تعالى دورى ع البنطلون شوفى امك وديته فين ... تموتو انتوا وتفضلوا تكركبولى ف هدومى .. الف مره قولتلكوا سيبوا هدومى مكانها مافيش فايده
سالى : ماشى جايه اهو .. وبعدين انا كنت لسا داخله اصحى ندى بس قفلت الباب لما لقيتك بتنادى
احمد : طب روحى انتى دورى ع البنطلون وانا هدخل اصحيها
سالى : لا بقولك ايييييييييه هصحيها انا
احمد : يابت اوعى
سالى : وحياه النبى لا يمكن .. روح يا قلبي انت ارتاح
احمد : الله ! اتاخرى يا جزمه
..................
احمد : ماهى القرده صاحيه اهى ... انتى صاحيه من امتى ؟
ندى : لسا حالا اهو صاحيه على صوتك ..صحيتونى ليه ؟
احمد : اصحى يالا عشان نتغدى .. وبعدين انتى قايمه من نومك تدورى ف ايه ف الدولاب ....... الناس بتقوم تغسل وشها الاول وبعدين فيه ريحه برفان ف الشقه كده غريبه ،
ندى : ايه ! ايوه منا جايه اهو بس كنت هغير هدومى . اطلع بقا عاوزه اغير
احمد : انتى أختى بقالك اد ايه ؟
ندى : ليه ؟
احمد : عمرك ما قولتيلى الكلمه دى .. فيه ايه ... اخلصى يلا عاوز اكل . اختك محتاسه لوحدها مش عارفه تعمل الاكل .. والله منا عارف هتتجوزوا ازاى
سالى : اهو اهو لقيت البنطلون ... خد ياعم اهو
احمد : يلا اخلصوا انا واقع
ندى : فوريره
..................
سالى : انتى وديتى سلمى فين ؟
ندى : جوه ف الدولاب
سالى : ههههههههههههههههههههه همووووووووووت ..
ندى : هههههههههههههه انا ماسكه نفسي بالعافيه ومش عاوزه اضحك
سلمى : اه يا شويه جزم . بتضحكوا عليا ؟ حاضر والله لامورياكوا انتوا وشويه الجزم اللى عكونى العكه دى وسايبينى لوحدى وقاعدين تحت
احمد من بعيد : بتضحكوا على ايه يا عالم يا خولل اخلصوا بقي ؟
سالى : حبيب قلبى لا مااااااااااااافيش حاجه خارجين اهو
سلمى : هتفطسونى الله يخربيوتكوا ...نفسي كان هيتكتم جوه خرجونى من هنا بسرعه
سالى : سلمى ! انا هخرج بالراحه وافتحوا الباب بشويش ... واول ما اشاورلكوا تيجوا جرى اشطا
ندى : يلا والنبى بسرعه انا بطنى كركبت اخوكى لو عرف هيطردنا بره البيت طرده الكلاب
سلمى : بس تفتكروا يا بنات اخوكوا بيضحك معاكو اهو وبيهزر يعنى انا مش ف باله ولا ايه ؟
سالى : ياختى اتنيلى على نيلتك .. ده ايه البت المجنونه دى ..هو ده وقته ؟. ارحمينا شويه هنمووت كلنا
سلمى : طيب طيب اخرجى يلا شوفى الدنيا
سالى : ربنا يستر
..................
سالى : ايه هتنام ولا ايه ؟
احمد : لا مريح جسمى على ما تخلصوا ... هلعب ف التليفون شويه
سالى : ماشى .. يعنى هتخرج تقعد بره ولا هتفضل هنا
احمد : لا هنا .. مريح على ما تخلصوا
سالى : ماشى . خمسه وهنخلص
...................
سالى : يلا يا بت انتى وهى بسرعه هو مريح ع السرير
ندى : يلا يا سلمى يلا بسرعه اخرجى
سلمى : ربنا يستر
................
(ال 3 بنات ماشيين بشويش ف الصاله وفجأه بيسمعوا صوت احمد )
احمد : سااااالى !
سالى : يا لهوى .. ادخلى الحمام بسرعه انتى وندى واقفلوا ..
سالى : ايييييييييييييييه يا حمو
احمد : استنى شويه .. انا اتصلت على امك وقالت هى طالعه اهى هنتغدى كلنا
سالى : وحياه النبى ؟ انت بتتكلم بجد
احمد : اه .. فين اختك ؟ لسا ماقامتش ولا ايه ؟
سالى : لا ف الحمام
سلمى بشويش لندى : انا هيجرالى حاجه .
ندى : جاتك وكسه . انا اللى قلبى هيقف .. دى معرفه ايه المنيله بنيله دى
احمد : انتى بتتكلمى مع مين يابت وانتى ف الحمام يا هبله يا بنت الهبله
ندى : ياعم بغنى .. بغنى ياعم سيبنى ف حالى بقي
احمد : هههههههههههههههههههههه ياخرااااااابى على المعاتيه
.........................
سالى : ندى ! .. سلمى ! اطلعوا بسرعه هو واقف ف البلكونه
سلمى بتفتح باب الشقه : سلام يا بنات سلام
سالى : سلام
سلمى : انا خدت ارقامكوا من ندى هبقى ارن عليكو ونظبط سوا خطتنا . ماشى
سالى : ماشى . امشى بقي
.......................................
(ف عربيه سلمى )
سلمى : اطلعى بسرعه يا مروه اطلعى
ساره : ايه اللى حصل فوق انطقى بسرعه انا هموت واعرف هههههههههههههههه
سلمى : اطلعوا يا شويه جزم هنتمسك . الواد لسا ماشافنيش
ساره : ايييييييييييييييه ؟ ماشافكيش ازاى داهو بقاله فوق اكتر من ربع ساعه
سلمى : هحكيلكوا بس اطلعوا
..................................
ساره : ههههههههههههههه ااااااااااااااااااااااه قلبى هيقف ... هموووووووووووت مش قادره
مروه : ههههههههههههههههه الحقوووووووووونى يا ناس .. بقا تستخبى ف الحمام وف الدولاب . ياخرابى اسود ومنيل
سلمى : الا قوليلى يا ساره يعنى ايه هاره على نفسي
ساره : ههههههههههههههههه اااااااااااااه ارحمى امى بقي مين اللى قالك الكلمه دى
سلمى : سالى اخت احمد لما قولتلها انا كنت جايه اكلم احمد اصلا .. لقيتها بتقولى اتنيلى على عينك دانتى هاره على نفسك اهو
ساره : ههههههههههههه هاره على نفسك يعنى خايفه ومرعوبه بس بزياده شويه
سلمى : طيب ياختى انتى وهى .... دلوقتى احنا جندنا اخواته معانا ... هنعمل ايه دلوقتى ؟
ساره : انا معايا رقم مصطفى ... استنوا هرن عليه واخليه ييجى يقابلنا .. ونجنده هو كمان
ساره : الو ! ازيك يا واد يا صاصا
مصطفى : الو !! مين معايا
ساره : نسيتنى يا واطى انا ساره .. ساره وسلمى
مصطفى : هههههههههههههه اهلااااااااااا اهلاااااااا بوش المصايب كلها
ساره : مصايب ايه انت عرفت ؟
مصطفى : هههههههههه اه كنت ف سيرتكوا من شويه مع احمد .. الواد لو شافكوا هينفخكوا والمصحف
ساره : طب بقولك ايه . عاوزين نشوفك دلوقتى
مصطفى : طب بقولك ايه .. فيه كافيه ع البحر كده .. العزيزيه عارفاه ؟ ادخلوا وانا دقيقتين هلبس وجايلكوا
ساره : ماشى ماتتأخرش
.................
اسماء : رايح فين بقا ومين دول ؟
مصطفى : يا حبيبتى لما ارجع هحكيلك لان الموضوع يخص احمد
اسماء : يخص احمد ؟ ليه ماله احمد .. خضتنى
مصطفى : لا ماتقلقيش مافيش حاجه ... لما ارجع هحكيلك انا هحاول ماطولش معاهم
اسماء : ماشى ..
............................
مصطفى : اهلا اهلا باللى هيودونا ف داهيه . انا جاى بتلفت ورايا وكتاب الله . خايف احمد يشوفنى وانا جاى اقعد معاكوا يا عالم يا فقر هههههههههههه
ساره : اخص .. بقا شحط زيك كده وطول بعرض وتخاف انه يشوفك
مصطفى : اتنيلى على عينك واسكتى ... هههههههههههه دماغ اللى خلفوه صعب .. بس حبيبى .. ازيك يا سلمى ؟ ازيك يا مروه ؟
سلمى : بخير يا مصطفى انت عامل ايه ؟ من زمان ماشوفناكش ولا اتلمينا اللمه دى
مصطفى : اه والله . كانت ايام حلوه ... ربنا يباركله بقا اللى جمعنا مع بعض . احمد افندى اللى احنا ملمومين بسببه
ساره : طب بقولك ايه ؟ عاوزينك معانا
مصطفى : عاوزينى معاكوا ازاى بقي ومن ناحيه ايه ؟
ساره : يعنى بص ... انت هتبقى معانا تقولنا اخبار احمد وبيعمل ايه ومع مين وتحاول تقنعه بكلام احنا هنقولهولك ... وكده يعنى ؟ لغايه ما يرجع تانى
مصطفى : مش هيوافق . انا عارف
ساره : اسمعنى بس للأخر
مصطفى : كملى .. ياساتر يارب استنوا . بيتصل ؟ داهيه لايكون شايفنا
ساره : رد ياعم رد .. دا بتيجى سيرته اعصابى بتسيب ههههههههههه
سلمى : ربنا يستر
مصطفى : الو ! ايه ياعم لسا مانمتش ولا ايه ؟
احمد : لا انا كلت وكنت داخل انام معرفتش .. موضوع النهارده معكنن عليا وعمال افكر ف اللى حصل .. اقسم بالله لو مسكت ال 3 بنات دول لنا فارمهم ف ايدى
مصطفى بيعلى صوته : بتقول ايه ؟؟ هتفرمهم ف ايدك لو شوفتهم ؟
احمد : انت بتعلى صوتك ليه يابن الهبله . انت فين ف البيت ولا فين ؟
مصطفى : اه انا روحت بس نزلت اشترى طلب لاسماء كده وطالع تانى
احمد : ماشى ... ابقى رن عليا بعد العشا صحينى .. ونشوف هنتقابل فين ... الواد على غطسان ف انهى داهيه مش باين طول اليوم
مصطفى : هكلمه واشوف يا حب واظبط معاه ونكلمك
احمد : ماشى
مصطفى : ماشى سلام
ساره : هو فيه ايه ؟ هو انا ليه قلبى بيفضل ينط كده وقت ما تيجى سيرته .. لا بجد فيه ايه ، ايه الرعب ده ههههههههههههه
سلمى : هههههههههههههه فعليا والله يا جماعه بجد بخاف منه حتى وهو مش موجود
مصطفى : ياختى اتنيلى انتى وهى . انا ركبى كانت سايبه وهو بيكلمنى .. كنت حاسس انه شايفنى ...
وهو ده اللى عاوزينى اتفق معاكوا عليه
لا ماشاء الله احنا هنقدر عليه فعلا .. اتلم تنتن على تنتون
ساره : المهم كنا بنقول ايه ؟
مصطفى : ودينى منا فاكر ههههههههههههه
ساره : اه كنا بنقول انك تقنع احمد انه يرجع الشغل عن طريق خطه تانيه
مصطفى : هى ايه ؟
ساره : هتكلمه مثلا وتقوله يا عم سيبك منها . وروح شغلك عاملها على انها مش موجوده اصلا واثبت انت نفسك ولا تديها اى اهتمام
مصطفى : هو الكلام حلو .. بس مش مقنعه اوى يا ساره
ساره : يا أخى حاول اعمل اى حاجه .. انت مش بتحب صاحبك ؟
مصطفى : اه طبعا ...
ساره : خلاص شغل مخك معانا شويه وقدامك النهارده وبكره تقنعه
مصطفى : خلاص حاضر ... هشوف وربنا يقدم اللى فيه الخير
سلمى : على فكره انا كنت ف بيت احمد من شويه
مصطفى : نععععم ؟ ازاى داحنا لسا مروحين سوا
سلمى : اه منا روحت بس مالقيتوش هناك واتكلمت مع سالى وندى وهما كمان بقوا معانا هههههههههههههههههه جندناهم يعنى
مصطفى : لا بتهزرى ؟
سلمى : اه والله ههههههههههههه بنتين زى العسل .. طالعين لاخوهم ابن اللذينه
مصطفى : اه يعنى كلنا كده بقينا ضد الواد
ساره : هههههههههههههههه اه وشوف بقا لما نكون احنا كلنا كده بربطه المعلم ومعانا اخواته كمان مع بعض وهو لوحده
مصطفى : طب اقولك حاجه ؟
ساره : خير ؟
مصطفى : احنا كلنا على بعض كده مش قده .. ووقت ما هيعرف بالموضوع وقتها هتتعك على نافوخنا كلنا . ونافوخى انا بالخصوص
ساره : خلاص يبقى متفقين ههههههههههه
مصطفى : على بركه الله ....
......................................
اسماء : كويس انك ماتأخرتش ... احكيلى بقا حكايه البنات دى ايه واحمد
مصطفى : يا حبيبتى انا جعان تعالى نتغدى ونتكلم واحنا بناكل
اسماء : ماشى
......................
اسماء : ياخرابى ؟ كل ده ( كلكوا بقيتوا على احمد ، طب خلى بالك يا بابا ههههههههههه
انا مش مرتاحه
احمد انت ماتضمنش تصرفه لو عرف بحاجه زى دى
مصطفى : والله عارف يا اسماء بس اعمل ايه .. انا لولا عارف انه بيحبها ماكنتش هوافق على كده بس انا عارف انه بيحبها وعمره ما حب غيرها
اسماء : المهم مش عاوزاك تستقووا ع الواد . يعنى هو لوحده دلوقتى
مصطفى : ههههههههههههههه اه هو لوحده .... بس وحياه النبى كلنا مرعوبين
اسماء : هههههههههههههههههههه اه منا عارفه ...احمد جدع يا صااصا وبصراحه ماشوفتش ف جدعنته ولا شهامته .... وااهم حاجه واللى انا اكتشفتها من فتره صغننه ان هو اللى بيخلى جوزى حبيبى يقولى كلام حلو مش كده ؟ ههههههههههههههه
مصطفى : ايه ؟ لا طبعا ازاى الكلام بيبقى طالع من جوايا ههههههههههههه
اسماء : طب كل يا حبيبى كل دانت كنت بتحفظ اللى بيقوله وتيجى تسمعهولى ... عشان كده بقولك ماتستقواش ع الواد انت وهما ...
مصطفى : ربنا يستر
..............................
( ف الكافيه بالليل )
احمد : الشيشه بتاعتى يا حوده والنبى
حوده : حاضر يا سيد الناس ...
احمد : ازيكوا يا غجر ؟
مصطفى : حبيبى حبيبى .... قايم من امتى
احمد : لسا قبل ما انزل بربع ساعه . انت فينك ياعلى م الصبح ..؟ وانت ياعم زياد غطسان فين بقالك يومين يا كلب السكك انت
زياد : اسكت ياعم ابويا مشغلنى معاه اليومين دول ومطلع عين اللى خلفونى
على : وانا كان عندى كام مشوار كده بخلصهم مع خطيبتى .. هاريانى ياعم وخربت بيتى هههههههههههههههه عقبالك
احمد : لازم طبعا تخرب بيتك امال عاوز تخطب ببلاش ولا ايه
وبعدين لو تطول تجيبلها حته م السما هاتلها وماتستخسرش فيها حاجه
مصطفى : تصدق وتؤمن بالله ؟؟؟ انا بحسد وبشفق ع اللى هتكون من نصيبك
احمد : تحسد وتشفق ازاى يعنى ؟
مصطفى : يعنى هتعيش ع تركيبه كده مش مفهومه
رومانسيه مافيش بعد كده بس ف نفس الوقت عصبى وعينيك بتطق شرار لما بتقلب
عاااقل جدا وكبير ف نفسك كده وف نفس الوقت مافيش واحد قابلته ولا هقابله ف حياتى اجن منك لان قلبك اللى مجنون
جد شويه بعض الاحيان .. بس بحس احيانا بسنه تفاهه كده ههههههههه
اقسم بالله كوليكشن مش موجود ....
احمد : ايوه يعنى عاوزنى اعمل ايه ؟ فين الموضوع ؟ هههههههههههه
مصطفى : المهم .. هتعمل ايه ف موضوع الشركه ؟
احمد : ما خلاص ياعم الموضوع انتهى
مصطفى : لا مانتهاش ... ارجع الشغل وطز فيهم واثبتلهم انهم ولا حاجه
احمد : هو انت متخلف يابنى ؟ مانت كنت موافق على كلامى الصبح ايه اللى غيرك كده
مصطفى : ايه ؟ لا ياعم ماتغيرتش بس لما قلبتها ف دماغى كده حسيت ان ماينفعش تخسر وظيفتك علشانهم ..
احمد : تغور الوظيفه . مش عاوزها .. كرامتى قدام منى اعلى من الف وظيفه
مصطفى : يا حبى ماجيناش جنب الكرامه .. بس بردو ده حقك وتعبك ، لازم تروح ياعم
احمد : انت مالك يا مصطفى ؟ غيرت رأيك ليه ؟ وواخد الموضوع على اعصابك يعنى ؟ فيه ايه يالا ، وعمال تتهته ليه ف الكلام
مصطفى : هههههههههه خلاص يا عم انا بقولك رأيى وانت حر
احمد : مصطفى !
مصطفى : عاوز ايه من زفت
احمد : تعالى .. تعالى قرب كده وبصلى ف عينى يا حيلة أمك
..................................
والى اللقاء ف الحلقات القادمه