روايه بنت الاكابر

(الحلقه السادسه ) ( الجنان حلو )

(الحلقه السادسه ) ( الجنان حلو )
................
(في الحلقات السابقه)
احمد : طب ادخلى قطعى السلطه معاها
ندى : ماهى قطعت
احمد : دى مصيبه ايه دى ؟ ادخلى اعملى الشاى
ندى : عاملينه وخلص من شويه
احمد : ادخلى ولعى ف اختك غورى بقي
ندى : لسا مولعه فيها من شويه
احمد : طب غورى من هنا يخربيت ام تناحتك (بيحدفها بالكوفيه بتاعته )
ندى : ههههههههههههههههه ماجتش فيا ( بتطلعله لسانها )
..................... (الحلقه السادسه ) <3
احمد : انتى بتطلعيلى لسانك ؟ طب ودينى منا عاتقك ... امسكيها يا سلمى معايا
ندى : مامااااااااا .. مامااااااااااااا
احمد : سيبى امك نايمه يا بقره . وبعدين انا كل ما اجرى ورا واحده منكوا تصوتوا ليه ؟ مش قد الهبل انتوا بتهبلوا مع امى لييييييييييييه ؟
ندى : طب اوعى .. اتاخرى ياسلمى انتى اخرجى بره الموضوع عشان ماكرهكيش هههههههههههههههه
سالى : ههههههههههههههه استنى همسكهالك ...
ندى : اه يا كلبه يا واطيه ... حتى انتى
سالى : ههههههههههههههه هو انا هنسي ساعه ما جريتى ورايا مع اخوك ومديتونى على رجلى .. رجلى لسا معلمه لغايه دلوقتى الله يحرقك
احمد : هههههههههههههههه وقعوا ف بعض وقعوا ... امسكوها ... امسكووها
سلمى : ههههههههههههههههههههه ههههههههههههههههه اهى ..
احمد : ايوه هاتوها ع الكرسي ده ... هاتى العصايه اللى هناك دى ياسالى بسرعه
سالى : اهى ياسيد المعلمين .. الا صحيح هى عملت ايه وبتضربها ؟
احمد : ابدا والله يا سولى .. مش عاوزانى اقعد مع سلمى لوحدنا ..
سلمى : ههههههههههههههههههه
سالى : طب سيبوها معايا وهندخل نعمل عشا من تانى لو عاوز . ولو عاوز نسيبلك الشقه يومين كده ولا حاجه قول انت بس
احمد : ههههههههههههههههه لا يا قلبى مش للدرجادى . انا جايبها وجاى عشان اقعد معاكو . ا... كنتوا اتنين اخوات بقيتوا تلاته .... ومافيش واحده تغير م التانيه فاهمين ؟
انتوا عارفين ان انتوا كلكوا غلاوه واحده ومافيش حد اعلى من التانى ولا اقل من التانى . اشطا ؟
سالى وندى : اشطا
سلمى : اشطا
احمد : ياغتى عسل .... بسكوته يا اخواتى
سالى : اه . هى عسل واحنا بصل بقا ولا ايه
احمد : هههههههههههههههههههههه ياوليه يابنت الهبله انا لسا بقول ايه من شويه
سالى : اه سورى اندمجت شويه ههههههههههههههه
ندى : هههههههههههههههههههه لا سلمى حبيناها من اول يوم شوفناها فيه
احمد : اه اليوم اللى خبيتوها ف الدولاب والحمام .ههههههههههههههههههه صحيح بقا احكولى عملتوا ايه ف اليوم ده وخبيتوها ازاى ؟
سلمى : ههههههههههههههه اااااااااااه . كل ما افتكر منظرى ساعتها احس انى هيجرالى حاجه . وانت ماشاء الله زى مايكون كان قلبك حاسس وكل شويه داخل خارج لما فرهدت اللى خلفونا يا اخى
احمد : هههههههههههههههه طب قوموا هاتوا العشا انتوا يلا وتعالوا عشان تحكولى ايه اللى حصل واحنا بنتعشى . انا واقع يابت منك ليها
سلمى : طيب انا مش هعرف اتعامل ف المطبخ بلبسى ده ..
احمد : مش هتعرفى ايه ؟ قومى يا ماما البسي اى حاجه من لبس سالى جوه . انتوا تقريبا نفس الجسم .. خديها ياسالى لبسيها حاجه من هدومك .. يلا انجزوا
سلمى : ههههههههههههههه انت ايه ماعندكش قلب .
احمد : يلا يابت قومى .. ياكش تكونى مفكره انى جايبك هنا عشان نخدمك هههههههههه لا يا حلوه انتى صاحبه بيت ... احنا مابنخدمش الا الضيوف بس . انتى مش ضيفه ..
انجزوا بقا اختارولها حاجه تلبسها وتعالوا بسرعه انا جعان والله منكوا لله
سالى : طيب .. تعالى يابنتى
سلمى : يلا
ندى : رايحه معاهم
احمد : رايحه معاهم ليه هى جمعيه
ندى : هههههههههههههه
............................
(اوضه البنات )
سالى : وحياه امك لاتقوليلى بقا اتصالحتوا ازاى وعملتوا ايه وايه اللى حصل اللى خلاكوا ترجعوا احسن م الاول
ندى : ههههههههههههه مش هتخرجى من هنا ياسلمى غير لما تحكى .. اخلصى
سلمى : اقولكوا ايه بس اقولكوا ايه ؟ انتوا ربنا يعينكوا على اخوكوا ده ههههههههههههههه عايشين معاه ازاى بحلاوه امه دى
سالى : ماتنطقى ياروح امك ... (بتكتفها على السرير وندى بتضربها )
سلمى : اه انتوا بتستفردوا بيا .والله انادى على احمد يلحقنى ههههههههههههه
سالى : احمد مش هيلحقك يابت .. انطقى
سلمى : ههههههههههههههههه طيب خلاص خلاص هنطق .. ههههههههههههههههه ندى بطلى زغزغه ياندى هموووووووووت ههههههههههههههه
سالى : ههههههههههههههههه
احمد : فيه ايه يابت الهبله انتى وهى بتعملوا ايه ؟ انتوا بتغيروا هدومكوا ولا داخلين تزغرطوا جوه اخلصوا
سلمى : هههههههههههههههه اهو شوفتى . اخوكى هيدخل يبهدلنا .
سالى : مالككيش دعوه باخويا احنا قافلين الباب . وبعدين هو هيقوم يجيب الاكل وهياكل مع نفسه ولا هيعبر اللى خلفونا دلوقتى هههههههههههههههه وبعدين يا ماما انتى وكتاب الله مانتى خارجه من هنا الا لما تقوليلى ايه اللى حصل واتصالحتوا ازاى ؟
سلمى : طيب هحكيلك بس الاول شوفيلى حاجه البسها من هدومك . يلا
سالى : ماشى تعالى .... خدى البسي دى
سلمى : احييييييييييه ؟ عيب . انتى عاوزانى اقعد قدام اخوك كده ؟
سالى : اه انا بقعد عادى كده ههههههههههههه
ندى : ههههههههههههههههه
سلمى : هههههههههههههههه وحياه امك ؟ انتى تقعدى انما انا لا .
سالى : طب استنى .. خدى ده
سلمى : ياما جاب الغراب لامه ههههههههههه ايه ده يابت ؟
سالى : طب والله هيبقى حلو عليك
سلمى : لا .. لونه مش حلو
سالى : نعم يا حيلتها ؟ انتى تعرفى تجيبيه اصلا . اخلصى هتختارى ايه من دول ؟
سلمى : سيبينى ادور .. عاوزه حاجه حلوه تجنن الواد
سالى : هههههههههههههههههههه الهى يحرقك هو انتى اتجوزتيه من ورانا يابت ولا ايه ؟ تجننيه ايه بس الله يكرمك . واحنا قراطيس جوافه ولا ايه . اخلصى .. استنى خدى القميص ده ... حلو اهو
سلمى : اممممممممممم ايوه ده كويس ... دوروا وشكوا التاحيه التانيه اما اغير
سالى : مش هنبص بس اخلصى
ندى : هههههههههههه لا انا هبص عشان اتطمن على مستقبل اخويا
سلمى : اه يا واطيه هههههههههههه دورى وشك يابت
ندى : اهو يلا
سالى : انا بصيت على فكره . واحب اقول كلمه واحده ... يابختك يا احمد ههههههههههههههه
سلمى : ههههههههههههههههههه اه يا قليله الربايه . والنعمه لاقول لاخوك
سالى : تعالى بس هنا .. انتى غيرتى هدومك خلاص .. احكى بقا ايه اللى حصل النهارده
سلمى : كنتى عايشه احلى احساس ف الدنيا ..
دخلت البيت النهارده لقيت بابا بيقولى تعالى عاوزك ف موضوع
قولتله نعم يا بابا قالى احمد زعلان منك وبيفكر يفركش الموضوع . وانا بصراحه ماقدرش اغلطه لانك انتى السبب ف كده وانتى غلطانه . فضلت اعيط واسح ف العياط لما كنت هموت
وبعدين لقيته بيقولى الا اذا
سلمى : انا سمعت منه كلمه الا اذا دى حسيت ان روحى بترجعلى
قولتله الا اذا ايه يا بابا ؟
قالى تقوليلى سيبتى خطيبك ليه الاولانى اللى مش راضيه تقولى من ساعتها
قولتله بقا كل حاجه
سالى : ايوه وانا المفروض اشم على ضهر ايد امى واعرف اللى انتى قولتيه لابوك . ماتنطقى يابت
سلمى : هههههههههههههه قولتله انى كنت شايفه احمد على طول وحاتم ده اللى هو كان خطيبى كان حاسس ان فيه حد ف حياتى .. وقررنا نسيب بعض لما هو شافنى ببص على صوره احمد وبعيط ...
سالى : يالهوى .. بجد ؟
سلمى : اه والله بجد
سالى : طيب لغايه دلوقتى تمام . احمد رجعك ازاى بقي ؟
سلمى : ماهو كان متفق مع بابا . وبابا اتصل عليه وهو بيكلمنى وبيسالنى .. وبابا كان حاطط السماعه ف ودنه .... واحمد سمع كل اللى انا قولته ده هههههههههههههههههههه
سالى : ههههههههههههههههههههههه اه يابن الجنيه .... واد سوسه اقسم بالله
ندى : طب وبعدين . عمل ايه
سلمى : كلم بابا ف السماعه وقاله اديهانى يا عمى
بابا طبعا فضل يضحك وقالى طب خدى كلمى خطيبك
سلمى : ماكنتش مصدقه .. كلمنى وقالى كلمه واحده . انزلى يا لومه انا تحت البيت
وخدنى وودينا اول مكان نخرج فيه سوا بره الجامعه . كنت مبسوطه انه لسا فاكر المكان ده
سالى : جاتنا نيله على نيله وفوقينا نيله .... اقسم بالله انتى ربنا بيحبك ان احمد ده اخويا
سلمى : ليه ؟
سالى : ماهو لو ماكنش اخويا كنت اتجوزته انا ولو انتى كنتى وقفتى على شعرك ماكنتش هتقربيله هههههههههههه
ندى : وانا نفس النظام
سلمى : بقولكوا ايه . القميص بتاعك ده حلو عليا ولا ايه ؟
سالى : حلو ايه بس ؟ دا هينطق عليك ... جسمك ماشاء الله حلو ياسلمى يليق عليك اى حاجه .. اقسم بالله انتى لو لبستى شوال هيبقى حلو ... يابختك يا احمممممد هههههههههههههه
سلمى : حبيبتى انتى اللى زى القمر .. وندى بردو قمرين مش قمر واحد
ندى : ماتيجوا نخرج بقا انا مش سامعاله حس .. تلاقيه بيعمل مصيبه بره
سالى : هههههههههههههههههههههه ربنا يستر تعالوا
سلمى : هههههههههههههههههههه
............................
سالى : بتعمل ايه يا مجنون جبت ده إمتى ؟ هههههههههههه
سلمى : يا لهوووى الحقونى هموووووووت وكتاب الله
ندى : ااااااااااااه هيجرالى حاجه .. قلبى هههههههههه
سالى : ايه ياعم انت حضرت الكلام ده إمتى ؟
احمد : بعتت لمصطفى رساله واحنا بره . قولتله حضرلى شويه بلالين هيليوم وشويه شوكولاتات بقا وورد وشموع وحركات وتورته باسمك يا سلمى . ايه رايك ؟
سلمى : متنحه وبتعيط
سالى : سيبك من سلمى دلوقتى .. سلمى مش معانا ههههههههههه بس ازاى مصطفى لحق يعمل كل ده ؟
احمد : ده ابن جزمه اتأخر اصلا ... انا باعتله الرساله اول ما سمعت سلمى بتكلم ابوها . اول ما كلمتها وقولتلها انزلى . وانا كنت كلمت مصطفى ... اتعمدت اخدها والف بيها شويه لغايه الدنيا ما تجهز . ولما ادانى التمام قولتله اجهز تحت البيت لغايه ما اديك الامر ههههههههههه .. تعالى ياسلمى
سلمى : احم احم ...
احمد : ماتيجى يابت انتى بتبصى لاخواتى ليه ؟ هما يقدروا يفتحوا بؤهم ...
سالى : روحى ياختى شوفيه عاوزك ف ايه ؟
ندى : الرحمه شويه ماشى ؟ يعنى بعد اذنكوا يعنى .. احنا ف سن خطر
سلمى : نعم يا روحى
احمد : مش هتبطلى تحلوى بقا .. يعنى لابسه قميص مش قميصك وبردو زى القمر
سلمى : طب بحبك بقي
احمد : وانا بموت فيك .. بموت فيك ياسبب فرحتى ف الدنيا دى وسبب ضغطى اللى بيعلى كل شويه هههههههههه .. شغلى الصب يا سالى ووطى صوته عشان امك .. عاوز ارقص مع سلمى
سالى : من عنيا الجوز
احمد : (بيمسك ايديها وبيرقص معاها )
سلمى : مش كنت تخلينى ارقص باللبس بتاعى بدل منا مبهدله كده ههههههههههههه
احمد : منا قاصد بصراحه انك ترقصي معايا كده عشان تعرفى انى عمرى ما بصيت ليك على انك سلمى البنت اللى معاها فلوس بنت الأكابر
سلمى : اخص عليك .. والله هزعل منك لو قولت كده تانى ... يا احمد والله العظيم انت اللى كتير عليا مش العكس .. انا اللى محظوظه انى عرفتك . انت مسيطر على كيانى كله . بطل احلامى حتى من قبل ما اشوفك ...
احمد : (بيشيلها وبيلف بيها )
سلمى : (بتعيط )
احمد : يابت انتى مجنونه ؟ يعنى تزعلى وتعيطى قولنا ماشى ... تفرحى تعيطى قولنا ماشى دموع الفرح . لكن مايبقاش كل حاجه اعملها تعيطى عليها كده . عيب كده بقي
سالى : ماتيجى نرقص انا وانتى يا ندى بدل وقفتنا السوده دى
ندى : هههههههههههههههههه
احمد : سمعتك على فكره يا جزمه ... هاجى ارقص معاك انتى وهى دلوقتى ...
سالى : اذا كان كده ماشى
احمد : المهم ياسلمى جاوبينى على اسئلتى
سلمى : اسئله ايه ؟
احمد : بتحبينى ؟
سلمى : اوى اوى
احمد : هتخبى عليا حاجه تانى ؟
سلمى : لو خبيت عليك حاجه تانيه بعد كده ساعتها اعمل اللى انت عاوزه ولو عاوز تبعد ساعتها عمرى ما الومك
احمد : هتفضلى تحبينى الحب ده على طول
سلمى : لا طبعا .. لان كل يوم هيعدى عليا حبك جوايا هيكبر اكتر من اليوم اللى قبله
احمد : عارفه ان احمد بيحبك ولا لا ؟
سلمى : عارفه وماليه ايدى من ده اوى وعارفه انه بيحبنى اكتر منا بحبه كمان
احمد : عارفه انه هيقف جنبك وف ضهرك وعمره ما هيتخلى عنك ؟
سلمى : عارفه
احمد : عارفه انه راجل وعينه مليانه ومافيش بنى ادمه غيرك هتملى عينه
سلمى : عارفه ومتأكده اولا لانه راجل ثانيا علشان اصلا لو هو فكر يبص هنا ولا هنا هقلعله عينه
احمد : هههههههههههههه طب عارفه هو نفسه ف ايه دلوقتى ؟
سلمى : (بتحضنه ) مش نفسك ف كده ؟
احمد : بحبك
سلمى : بحبك
سالى : بت يا ندى انا بحبك
ندى : حبك برص اتنيلى بقا انا هموووت
سلمى : ههههههههههههه بتفصلونا ليه طيب دلوقتى
احمد : تعالى ياسلمى نكمل سهرتنا بره طالما الغجر دول واقفينلنا كده
سالى : ههههههههههههههههه لا خلاص ..
احمد : بقولكوا ايه . ماتجيبوا البلاى ستيشن اما اقطعكوا انتوا التلاته
سلمى : تقطع مين يابابا ؟
احمد : نعم ؟ ؟؟ عاوزه ايه انتى . . ؟ هتغلبينى يعنى ؟
سلمى : اغلبك ؟ دنا هشخرمك ..
احمد : ياصلاه النبى ... انتى بتعرفى تلعبى بلاي ستيشن كمان ..
سلمى : طبعا دى لعبتى المفضله . وبلعب كوره كمان
احمد : الله اكبر .... هاتى يابت البلاى ستيشن اجرى ...بس انا مابلعبش بلوشى يا ماما لازم رهان
سلمى : راهن ياباشا الرهان اللى انت عاوزه ... تلعب على كام ؟
احمد : العب على 20
سلمى : 20 جنيه بس ؟ لا ياعم زود
احمد : جنيه ؟ ايه جنيه دى . انا بلعب على 20 بوسه يا روح امك
سلمى : هههههههههههههه طب ماتخليهم 40 ونبقى حبايب
سالى : طب ماتخلوها 100 ونفرح كلنا ونبل الشربات
ندى : ابوس معاكو هههههههههههههه
احمد : ايوه ... اقعدولى بقا ... احنا لما بنلعب يا سلمى بنقعد ع الارض . عشان انا بلطش ف اى حد قدامى ههههههههههههه
سلمى : هههههههههههه احلى حاجه ع الارض ... انا هلعب بريال مدريد .. الواد رونالدو ده عسل
احمد : ما تلمى نفسك ياروح ابوك انتى . ايه عسل دى ؟ وبعدين انا اللى بلعب بريال مدريد شوفيلك فريق تانى
سلمى : لا والله احنا هنحمرأ بقي ... ماليش فيه شوفلك فريق انت تانى يإما تلعب بردو بنفس الفريق ...
احمد : طيب ماشى ... المهم اللى هيكسب هيعمل ايه ؟
سلمى : اممممممم عاوز ايه انت طيب
احمد : احكموا ياسالى انتى وندى ... اللى هيكسب يعمل إيه ؟
سالى : اممممممممممممممم هيحضن التانى
احمد : مااااااشى ... يلا بينا
سلمى : يلا
...................
(بعد نهايه الماتش )
سلمى : ماتبقاش تتحدانى تانى يابابا ... روح اتعلم
احمد : هههههههههههههههه ماشى يا قرده .. ماكنتش اعرف انك سوسه كده
سالى : المهم احضني احمد انتى ياسلمى .. من غير ما ايدك تتحرك يا احمد هى اللى تحضن
سلمى : اهووووووو (بتحضنه )
احمد : انا هقوم اتصل بابوك بقا عشان نروحله وهكلمه ف موضوع جوازنا .... هيبقى اول اسبوع الشهر الجاى ..
سلمى : ماشى يا بابا وانا هلاعب سالى لغايه ما تيجى ياخسران
احمد : هههههههههههههههه هعمل ايه بقا
...........................
سلمى : هتعرفى تلعبى ولا هغلبك زى اخوك
سالى : لومه
سلمى : ايوه
سالى : ماتصدقيش نفسك والنبى ده هو اللى مخليك تكسبيه عشان تحضنيه انتى
سلمى : بطلى هبل
ندى : ههههههههههههههههههه وكتاب الله كان سايب الدراع وانتى بتلعبى وعمل الفيلم ده عشان انتى اللى تحضنيه
سلمى : لا والله بتهزروا ... بجججججد ؟
سالى : ههههههههههههه وكتاب الله بجد انا شايفاه من ساعتها سايب الدراع
سلمى : ههههههههههههههههههه اه يا جزمه ياحمد ... طب بزمتكوا شوفتوا حنيه كده قبل كده ؟ هو انا عاشقه اللى خلفوه ده من شويه . ربنا يعينى
سالى : هههههههههههههههههه انا بدات اكرهك يابت انتى ... هتاخديه مننا كده ... طب نروح فين ونيجى منين من بعده
سلمى : هنفضل مع بعض يا روحى انتى وهى ومش هنسييب بعض خالص ...
سالى : انشاء الله .. العبى يلا
...........................
احمد : الو ! ايوه يا عمى احنا جايين لحضرتك دلوقتى عاوز افاتحك ف موضوع جوازى انا وسلمى .. وعاوز احدد معاد مع حضرتك
ابو سلمى : طب تعالوا ونشوف
..................
*السناجل ماتقرأش حلقه بكره لمصلحتكوا
والى اللقاء ف الحلقه القادمه