روايه بنت الاكابر

(الحلقه الاولى الجزء الثالث) ( ابن المجانين )

(الحلقه الاولى الجزء الثالث) ( ابن المجانين ) <3
................
(في الجزء التانى )
منه : الف مبروك يا احمد ... الف مبروك ياسلمى
احمد : منننننه الله يبارك فيك يا قمر ... مجيتك دى على راسي من فوق
سلمى : الله يبارك فيك يا منون عقبالك
منه : انتى ايه ؟ مش هتقومى تحضنى صاحبه عمرك
سلمى : هههههههههههه بس كده ؟ احلى حضن (بيعيطوا سوا )
احمد : ايه يا اخواننا خلاص فيه ايه ؟
.....................
(احمد بيغمز لمصطفى ... )
وفجأه النور كله بيطفى ...
المزيكا بتبطل ..
السكوت بيعم المكان
الدى جى بيطلب من الجميع انهم يقعدوا مكانهم
( احمد بيهمس ف ودن سلمى)
احمد : هو انتى مش طلبتى تشوفي جنانى ؟ اتفرجى بقي ع الجنان ؟ اتفرجى واستمتعى
................................. (الحلقه الأولى ) <3
(بتظهر شاشه كبيره ف اخر القاعه بيظهر عليها فيلم تسجيلى والصوت هو صوت احمد ..)
الفيلم :
مساء الخير على عيون احلى وارق بشر ف الكون
انا احمد اللى بتكلم .. العريس ودى صورتى طبعا
حبيت ابدأ ايامى مع سلمى حب عمرى بالفيلم البسيط ده
بس هوريكوا شويه حاجات الاول
عشان تعرفوا انا وهى وصلنا لليوم ده إزاى ؟
دى صوره سلمى وهى عندها يومين .. شوفتوا كانت كلبوظه ازاى ؟
ودى صورتى وانا ابن يومين ... طبعا قمر طول عمرى
ودى صورتها ف اول يوم ليها ف المدرسه . وأد ايه الفيونكات بتاعتها كانت حلوه وطول عمرها شعرها سايح ماشاء الله
ودى صورتى اول يوم ليا ف المدرسه ... كنت ابيضانى بطريقه بشعه وعامل بانك ف شعرى اهو . محدش يتريق ده كان الموضه على ايامنا
ودى صوره سلمى ف اولى اعدادى ... بدات تحلو وجمالها يظهر
ودى صورتى انا ف نفس السنه ... انا مش عارف مين اللى صورنى الصوره دى ساعتها بس الله يسامحه بقا مطرح ماراح
ودى صوره سلمى ف 3 ثانوى ... واد ايه كانت اجمل وارق بنت ف مدرستها وف اسكندريه كلها ...
ودى صورتى انا وانا ف 3 ثانوى ... كنت على مسرح المدرسه بغنى اغنيه لعيد الأم ودى ...انا عارف ان سلمى هتسيب الصوره والمسرح وعيد الام وهتقولى بعد الفيلم ده مين البنتين اللى بيبصوا عليا تحت المسرح دول وواحده منهم بتديلى ورده
ودى اول يوم ليها ف الجامعه . طبعا ماكنتش اعرفها .. شوفتوا متصوره فين ؟
طب دى اول صوره ليا ف الجامعه وبردو ماكنتش اعرفها .. شوفتوا انا متصور فين ؟ كان نفس المكان ...
طب اقولكوا ع الكبيره ...
كانت ف نفس اللحظه ... هنقرب الزوووم ع الصوره بتاعة سلمى .... اهو شوفتوا الواد ابو نضاره شمس اللى بعييييييييد ده ؟ اهو ده انا
ودى اول صوره نتصورها انا وهى مع بعض ,.. صاحبتها ساره اللى مصوراها .. ومحدش يتريق عشان كنا جعانين وماصدقنا لقينا أكل انا وهى ..
والبعيده اللى اسمها ساره ماصدقت وصورتنا وفضلت سنه ذلانا بالصوره دى لغايه ما سرقتها منها
ودى صوره لينا انا وسلمى ومصطفى وساره ومنه جوه المدرج
ودى صوره وانا بتخانق على بوابه الجامعه بسبب واحد كان بيرخم عليها
وده فيديو ليا انا وسلمى وساره ومنه وعلى كنا بنلعب صلح ... كانت الاستاذه سلمى كل ما تقع ف النص اقولهم بلاش سلمى تنضرب هدخل انا مكانها ... كلت ضرب مكانها لما قفايا ورم .. ولاد اللذينه ماكانوش بيرحموا . وهى مبسوطه حضرتها عشان لاقيه اللى ينضرب مكانها
والصوره دى اخر صوره ليا انا وهى مع بعض قبل ما نبعد عن بعض 4 سنين بحالهم
كان كل واحد ف ارض غير الارض ومكان غير المكان بس لنا ولا هى قدرنا ننسي بعض
وكان كل واحد فينا اخر الليل يفتح صورة التانى يملى عينه منها لغايه ما ينام
كانت حبيبتى من قبل ما اعرفها
وفضلت الحته النضيفه جوه قلبى واللى استحاله حد عرف يقرب منها ولا هيقرب
وهتفضل حبيبتى ومراتى وبنتى واختى وامى وكل حاجه ليا ف الدنيا
اه صحيح نسيت ..هوريكوا مفاجأه بقي. شوفوا الفيديو ده !!
ههههههههههه ده فيديو ليا ف اول مره اشوف فيها سلمى واللى محدش يعرف عنه اى حاجه لا سلمى ولا اصحابى ولا حتى اخواتى ... كنت قاعد بصور شويه صور ف الجامعه وبصور فيديو وبعدين شوفتها وتنحت .. ونسيت ان الفيديو شغال ... ولما سلمى مشيت جيت ابص ع الفيديو لقيتنى قولت الكلمتين دول
((يابنت اللذينه !! ايه الجمال والرقه دى ياخواتى بس ، والمصحف لاتجوزك ))
واظن كده انا وفيت بالوعد اللى وعدته بينى وبين نفسي
بحبك يا اجمل واحلى وارق بنت شافتها عنيا ف الدنيا
حاجه اخيره ومعلش طولت عليكوا
الانوار هتنور دلوقتى
هتلاقونى واخدها ف حضنى
الحضن ده بعد تعب سنين .. وبعد فراق سنين . وبعد حب سنين ...
محدش يقرب مننا وسيبونى حاضنها شويه
........................
((الانوار بتنور .... القاعه كلها ومعظم الناس اتأثرت بالفيديو وشبه بكاء وكل الناس بتقف وبيسقفوا للعرسان وبيشوفوا احمد حاضن سلمى ))
سلمى : احمد ! انت بتعيط ؟ امال انا اعمل ايه ؟
احمد : هشششششش خليكى ف حضنى ....
سلمى : انا مش قادره اخد نفسي من كتر العياط .. حبيبى دى احلى واجمل وارق هديه منك ف ليله زى دى يا قلبى ....
احمد : انا بقالى شهر بحضر للفيديو ده ... وبحاول اجمع الصور دى من غير ماحد ياخد باله
سلمى : وكتاب الله رجلى مش شايلانى من كتر الفرحه اللى انا فيها
((بيمسكها وبيشيلها وبيلف بيها ))
سلمى : بحبااااااااااااااااك
احمد : هههههههههههه بتقولى ايييييييييييييه مش سامع
سلمى : والله بحباااااااااك
احمد : هههههههههههههههه ايه رأيك بقي ؟ قولتلك استحملى انتى الجنان اللى هيحصل من هنا ورايح
سلمى : لا انا كده مش هسد معاك ...
احمد : طب تعالى نقعد بقا ...
................
مصطفى : ايه ياعم ده ياعم ... انا عرفت دلوقتى انت مارضيتش حد يدخل معاك عند الواد بتاع الاسطوانات وانت بتسجله ... يا اخى دانت فاجر
احمد : بس يا بابا
....................
ساره : شايفه الفرسه اللى انا فيها يا مروه ؟
مروه : فرسه ايه اتنيلى على عين اهلك انا هيجرالى حاجه ...
ساره : لا وكتاب الله انا هفشكل خطوبتى خلاص هههههههههه ياما يعملى كده ف فرحنا ياما مش هكمل .
مروه : بقولك ايه ؟ اعقلى ... ده عريس لقطه
ساره : لا منا هسيبه واتجوز احمد .... سلمى حبيبتى ومش هتقول لا
مروه : ههههههههههههههههه اه اذا كان كده ماشى وانا معاكو .....
ساره : يالهوى يانى يامه .... اقسم بالله حته فيلم .. انا ذات نفسي جسمى قشعر وانا بتفرج . مابالك سلمى بقا كانت حالتها عامله ازاى ؟
مروه : ياعينى عليك يا سلمى .... هيجرالك ايه تانى ؟ ههههههههههههه
......................
امانى : معاكى حق يا منه تحبيه ... دنا نفسي حبيته دلوقتى وكتاب الله
منه : اخرسي بقا
امانى : خلاص سكت
.................
غاده : بقا هو ده احمد اللى سلمى بتحبه ؟
هبه : اه هو ... بنت المحظوظه ... ايه الواد ده لقيته فين ؟
غاده : مش عارفه .. اتاريها طلعت مش سهله .. ابن مين ده ولا بيشتغل ايه ؟
هبه : لا ده مش من ناحيتنا خالص ...
غاده : طب وده نلاقى زيه فين ده ؟ ههههههههههه . وحياه ربنا انا مش على بعضي من ساعه الفيديو .. لا وكمان الواد ماشاء الله عينى عليه بارده .. اقسم بالله خايفه عليه وعلى سلمى ...
هبه : معاكى حق هههههههههه انا حاسه انى هتشل ... انا انضحك عليا ف جوازتى
.......................
منى : لوومه ! مبروك يا قلبى
سلمى : منون حبيبتى .. الله يبارك فيك يا روحى عقبالك
منى : مبروك يا حمو ... ايه الشغل الفاجر ده ياعم ... حرام عليك عقدت الستات قبل البنات
احمد : ههههههههههههه عقبالك يا منون .... معلش بقي دى ليله ف العمر ، مش كل يوم هتجوز
منى : مش كده والنبى . ارحم شويه وخلى رحمة ربنا تنزل
احمد : ههههههههههههه ماوعدكيش بصراحه
.....................
مصطفى : ايه يا نجم ؟ الفقره التانيه حاضره .. الواد سامى بيقولك يلا ...
احمد : طيب يلا .. نازل اهو
سلمى : رايح فين ؟
احمد : هغنيلك ، استنى هههههههههههه
سلمى : هههههههههههه
.............................
الدى جى : سمع هووووووس ... العريس هيغنــــــــــــــى ...
المايك يا مولانا
احمد :
على رمش عيونها قابلت هوى
طـــار عقلي مني وقلبي هوى

وانا يللي كــــنت طبيب الهوى
لأهل العشق ببيع الدوا
وانا يللي كــــنت طبيب الهوى
لأهل العشق ببيع الدوا
من نظرة لقتني صريع الهوى
.يااااااااااااا يا بوي
لها ضحكة يا ويلي بلون السهر
لما الورد بيملا شــــــــفايفه قمر
لها ضحكة يا ويلي بلون السهر
لما الورد بيملا شــــــــفايفه قمر
ضحكة لها بالودن ابتسامة القدر
فوق خدود العطاش بيوم المطر
وانا يللي كــــنت طبيب الهوى
لأهل العشق ببيع الدوا
وانا يللي كــــنت طبيب الهوى
لأهل العشق ببيع الدوا
من نظرة لقتني صريع الهوى
.يااااااااااااا بوي
.............................
غاده : انا قايمه اسلم عليهم واشوف الواد ده من قريب .. سمعتى صوته ؟
هبه : خدينى معاكى
غاده : بس خلى بالك من سلمى .. يعنى لمى عينك ياروح امك مش عاوزينها تهبش فينا
مى : خودونى معاكوا والنبى هههههههههههه
غاده : تعالوا ... بقولكوا ايه ؟ مافيش واحده منكوا تعرف تجيبلنا رقم الواد ده ؟
هبه : قومى بس قومى الله يكرمك نسلم عليهم ونشوفه من قريب وبعد كده نبقى نشوف موضوع الرقم ده
..........................
(نهايه الفرح )
احمد : مش يلا يا روحى بقي ؟
سلمى : يلا يا بابا ... احنا طولنا اوى . بس الفرح كان حلو والناس كلها مبسوطه .. اسكندريه كلها هتفضل تتكلم ع الفرح ده سنه بحالها
احمد : ههههههههههههه طيب منا عارف .. هو فرح اى حد ولا ايه ؟ ده فرح سلمى هانم
سلمى : بحبك
احمد : وانا كمان يا كبده ... هشاور لعلى بقي يلم الليله .. وهقوم اعرف ابوك ان احنا قايمين
سلمى : ماشى يا بابا ..
...............................
( ف البيت )
احمد : ادخلى يا عروستى برجلك اليمين .... خلاص والنبى يا اخواننا كل واحد على بيته بقا مش عاوزين لمه هنا ههههههههههههههه
.......................
الى اللقاء ف الحلقه القادمه