روايه بنت الاكابر

الجزء الثامن (الحلقه الثالثه) ( نميمه )

(الحلقه الثالثه) ( نميمه ) <3
................
(في الحلقات السابقه )
مصطفى : خير اللهم اجعله خير عرفت من مصدر موثوق منه ان كلية تجاره عربى وانجليش دفعة 2010 جايين يباركولك انت وسلمى على حملها ، هههههههههههههههههههه
وانت عارف بقي ان حبايبك كتير وكلهم ما صدقوا سمعوا الخبر ده
احمد : انت بتقول ايه يا روح امك
مصطفى : هههههههههههههه وحياة امى ما ليا دعوه انا عرفت زيي زيك كده ،
احمد : طب غور ف داهيه جاتك ستين نيله ، امسح رقمى من عندك وماعدتش اشوفك بتتصل عليا تانى
.................. ( التالته ) <3
احمد : مش بقولك اخبارة زفت
على : هههههههههههههه يا عينى ، دا امة لا اله الا الله هتتفرج عليك ، اعوذ بالله ايه التدبيسه دى
احمد : ياعم التدبيسه مش ف كده ، التدبيسه ف سلمى ذات نفسها هتفضل ترهق نفسها ف مراقبتى وتراقب كل اصحابنا البنات هتكلم مع مين وهقول ايه وهى حامل مش حمل فرهده ههههههههههههه دماغ أمها جزمه قديمه
على : ياعم سلمى عاقله
احمد : سلمى مين اللى عاقله طب اجرى ، يانهار اسود ع الرعب اللى مربياهولى
على : هههههههههههههه تستاهل
..............
منه : لا بس العزومه اللى العيال ناويين يعملوها دى حاجه جامده هههههههههههههه مين صاحب ولا صاحبة الفكره
فريده : بصرااااااااااحه
منه : هااااا ؟
فريده : انا ههههههههههههه
سلمى : هو انا ناقصه انتى كمان دانتى لئيمه
فريده : هههههههههههه الله ! يابنتى داحنا كنا شله الجامعه فضلت تحكى وتتحاكى عنهم سنين طويله حتى بعد ما اتخرجنا .. الشله الوحيده اللى كان فيه ناس من تجاره وطب وصيدله وهندسه ومن كل كليه هههههههههههه جوزك كان مجمع الحبايب
سلمى : طب اعمل لأمه ايه جه مخلينى ماشيه بتلفت ورايا
فريده : بس بقولك ! انتى اه غيرى عليه زى مانتى عاوزه بس الشهاده لله عمره ما فكر يبص لواحده بصه وحشه ، حتى ف عز صحوبيتى ليه وف عز هزارى معاه وضحكى معاه للدرجه اللى اى حد يشوفنا ماكنش يقول ان دول زمايل بس بس عمرى ما شوفت خيانه ف عينه ، بجد ياسلمى انتى معاكى بنى ادم صعب انه يبقى موجود
سلمى : عارفين يا بنات ! قبل ما اتجوز احمد بكم يوم
كان عازمنى عنده ف البيت قعدت مع مامته ومع اخواته
ف اليوم ده هو يدوب جابنى البيت ومعرفش مين من صحابه اتصل عليه ونزل . هو قالى مش هتأخر ساعه بالكتير وجاى
ف الساعه دى عرفت من امه واخواته حاجات كتييييييييييييييييييييييير عن احمد استحاله كنت هعرفهم
منه : طب ماتحكى عرفتى ايه ؟
سلمى : ف الاول لقيت سالى بتقولى تحبى تتفرجى على ألبوم الصور بتاعنا
قولتلها ياريت دنا هموت واشوفه وهو صغنن كده بكل مراحل تطور كائن العسل ده
ههههههههههههههه فعلا
ببص ف الالبوم لقيت معظم الصور اللى احمد متصورها وهو صغير كانت مع باباه
تقريبا مالوش صوره لوحده كده
بهزر مع سالى بقولها ايه هو ماكنش بيسيب ابوه ابدا
قالتلى كنا بنحسبهم اخوات مش اب وابن
بتقولى احمد لما كان ييجى يهزر مع بابا كان بيكلمه كأنه بيكلم واحد صاحبه
كان يستناه وهو راجع من بره يقوله كلت ولا اعملك عشا ياعم واه بقي لو بابا قاله لا كلت بره كان احمد يفضح الدنيا ويروح يصحى ماما ويقولها الحقى جوزك متجوز عليك ولسا واكل عندها هههههههههههههه
منه : ههههههههههههه يخرب عقله ، الواد ده طول عمره حتة سكره يا ناس
سلمى : هههههههههههه سالى فضلت تحكيلى وتقولى علاقته بابوه عامله ازاى واد ايه ابوه كان مربيه ع الشهامه وأخد الحق من صغره وعلى حب الناس وانك ماتخسرش حد وانك تسامح مره واحده والتانيه تاخد حقك بغباء
فضلت اقلب ف الصور وانا عنيا غرقانه انا وسالى
فضلنا نعيط سوا
بقولها باباك ميت وهو لسا صغير يا سالى مالحقش يعجز
تقولى ومع ذلك لسا فاكرين كلامه وتربيته لينا لغاية دلوقتى
انتو عارفين يا بنات احلى حاجه ف العيله دى ايه
غير عزه النفس وغير الكرامه وغير حاجات كتير جدا بس احلى حاجه عاجبانى ف احمد واخواته انهم معتزين جدا بنفسهم ، بيحكو عن ايام فقرهم كأنها ايام عز وده ينقص ناس كتير
نظره احمد لينا كبنات ناس اكابر معاهم فلوس ماكنتش نظره حقد طبقى ولا كانت نظره استعلاء ان انتو معاكو فلوس واحنا لا بس احنا ضميرنا مرتاح واحسن منكو والكلام اللى بنسمعه كتير
بالعكس
مرح جدا وكان معتبرينا كلنا واحد وعمره ما فرق بين واحده او واحد معاه فلوس وتانى لاء
لذلك ده اللى شدنا ليه
فعلا كلنا اتشدينا لشخصيه زى دى
منه : كل كلمه قولتيها دى بجد جداااااااااااااااااااااا
احكيلكو موقف ليا معاه
سلمى : خيييييييييييييييير
منه : هههههههههههههه فيه ايه يا حاجه ما تهدى ماهو كان صاحبى انا كمان ولولا هو انطس ف نظره وحبك كان زمانى انا دلوقتى متجوزاه وبغيظكو ههههههههههههههه
فريده : هههههههههههههه طب قولى قولى هو مواقفه كتير اصلا . ماشاء الله عليه كان عليه ردود افعال تموووووووووووت
منه : هههههههههههههه بصراحه ردود افعاله كانت تجنن .. المهم سيبونى احكيلكو
سلمى : ها احكى سامعين اهو
منه : كنا مره ف الجامعه وانتى تقريبا يا سلمى ماكنتيش جيتى ف اليوم ده
لقيته قاعد بيقرا ف مجله كده وانا ماشيه مع البنات رايحين محاضره
انا بصراحه قولت فرصه هههههههههههه
استفرد بالواد شوية واكلمه واقرب منه اكتر واكتر
قولت للبنات اسبقونى انتو وجايه وراكو
وقربت منه وقعدت جنبه
من غير ما يبصيلى لقيته بيقولى ازيك يا منون
قولتله عرفت منين من غير ما تبص
قالى برفانك سابقك هههههههههههه مش رايحه المحاضره ليه
قولتله مانت كمان مش رايح اهو
قالى وانا من امتى بحضر محاضرات انا باجى عشانكو والله
قولتله طب ياسيدى اعتبرنى عاوزه اقعد معاك شويه
قالى يا نهار ابيض هو انا اطول يا منون وبعدين يا بنتى دى البصه ف عينك سحر بتودينى ف دنيا تانيه ،
ساعتها انا كنت بدات اضعف هههههههههههه سوسو انتى بتجزى على سنانك كده ليه هتاكلينى ولا ايه ههههههههه
سلمى : هههههههههههههه كملى كملى بس راعى انك بتتكلمى عن جوزى
منه : هههههههههههه وانا بحكى عن صاحبنا اللى كلنا حبيناه
فريده : كملى كملى
منه : لقيته بيقولى ها بقي فطرتى ولا لسا
قولتله لا والله لسا انا العيال صحونى وجابونى وانا ما بصدق اجى الجامعه عشانك والله قصدى عشانكو قالى طب تعالى نجيب فطار
اقسم بالله العلى العظيم ساعتها حسيت ان احمد ده ابويا
ايه الحنيه اللى هو فيها دى
ايه الخوف اللى ف عينه عليا او علينا كلنا ده لما كان بيبقى ماشى معانا وبيبقى هاين عليه يشيلنا من ع الارض عشان محدش يبص علينا
جبنا فطار وشاى وفرشنا ف الجنينه وقعدنا ناكل
هو ليه قعده كده مابيعرفش يقعد غيرها عارفينها طبعا
فريده : هههههههههههه كملى كملى
منه : قولتله انت حلو كده ليه يا واد انت
قالى ربنا يجبر بخاطرك دانتو اللى هتجيبو أجلى
قولتله ليه ياعم
قالى منك ولا من اصحابك ايه ده اللى انتو فيه ده
هلاقيها منك ولا من سلمى ولا البت فريده ولا كلكوا
شويه مزز يعنى
قولتله مزز مين ياعم انت اللى الله اكبر عليك يعنى ماشاء الله طول بعرض بحلاوه هههههههههههه
قالى طب كلى كلى انتى ايه فطرتى ولا ايه
قولتله بصراحه كلت الصبح ومش قادره اكل تانى
قالى طب منا عارف انك بتستعبطى ههههههههههه بس حبيت انا كمان اقعد معاك
لقيت نفسي بضعف تانى هههههههههههههههه كنت خلاص هقوله بحبك
وخصوصا انه عمره ما نطقها لحد حتى لسلمى ماكنش لسا نطقها ولا قال لحد
وبعدين سكت ثانيتين كده وانا ببصيله
قالى انتى بتبصيلى كده ليه
انا عارف اللى انتى مخبياه اصلا وعاوزه تقوليه من زمان
قولتله هاه ؟ وانا ضربات قلبى بدات تزيد
قولتله وتعرف ايه بقي ؟
قالى مش عيب عليك لما تكونى عاوزه بيبسي تقوليلى عشان اجيبلك مكان الشاى
ساعتها بصتله كده وكنت هضربه ولقيته وقع م الضحك وهو مسخسخ
ساعتها قالى جمله لسا فاكراها لغاية دلوقتى
فريده : قالك ايه الواد ده
منه : قالى " الحب والكره مش بايدينا يا منون يعنى انا لما شوفتكو حبيتكو وادمنتكو سواء انتى او سلمى او حتى ساره وفريده واسراء ، انتى ماتعرفنيش لما احب حد بعمل معاه ايه ؟ بيبقى عزوتى واهلى وناسي وانا استحاله هسمح لحد يفض اللمه دى ولا حتى هسمح ليكو انكو تبعدو عنى تحت اى ظرف وتحت اى مسمى ، خلى قلبك ماشى ماتحكميش عليه يحب فلان او يكرهه ، لا . خلى قلبك هو اللى يحركك وهتلاقى نفسك لا اراديا بتقربى من حد او بتبعدى عنه ، زيي كده انا سايب قلبى سارح ف ملكوت من ساعة ما دخلت الجامعه دى ومش عارف هيودينى على فين بس اللى اعرفه انى استحاله هخسركوا ، وقام قارصنى من خدى وقام كده وشدنى من ايدى وقالى يلا تعالى نتصل ع العيال نشوفهم فين بما ان الابله اللى اسمها سلمى دى ماجتش النهارده وحياة امها لاحنا معاقبينها وخارجين كلنا سوا رايحين سينما النهارده عشان تبطل تتعوج علينا ...
سلمى : ويومها انا فضلت متضايقه منكو كلكو اسبوع بحاله انكو خرجتو من غير ما تقولولى
منه : هههههههههههههههههههه لا دا احمد اللى طلب مننا محدش يقولك ، ال ايه عشان يربيك وماتقفليش تليفونك تانى وتعملى فيها مقموصه هههههههههههههههههههه
سلمى : اه يا جزمه يا احمد دنا اول مره اعرف الموضوع ده ... المهم ؟
( منه وفريده مع بعض ) : هو قرصك من خدك بجد ؟
سلمى : هههههههههههههههههههههههههههههههه اه يا كلااااااااااااب بكرهكو
منه : هههههههههههههههههههههههههه ده السؤال هينط من عينك من ساعة ما نطقت وقولت انه قرصنى ... اه يا سوسو قرصنى من خدى بالراحه كده وقالى يلا قومى وشدنى كمان من ايدى ،، بقي بزمتك ونور عينيك وحياة ابنك اللى جاى ف السكه ده ماكنتيش عاوزانى احبه واتعلق بيه التعليقه السوده دى ؟
سلمى : لا منا عاذراك بصراحه .. هو اصلا مطلع عين امى ، كذا مره اقوله غير طريقتك دى مع الناس خصوصا البنات ، يقولى يا سلمى مالها طريقتى ، هو انا لما اتعامل بطبيعتى مع اصحابى وحبايبى ابقى كده طريقتى وحشه .. لازم اكون متكلف كده وحساس ،
اقوله مانت البنات بتحبك ياعم
يقولى هو حد يكره النعمه ههههههههههههههههههههههه كان بيعرف يغيظنى ابن اللذينه
فريده : يالهوى على اليوم اللى كنت عاملاله فيه مفاجأه وجايباله الجاكيت وقولت هديهوله وفجأه لقيته متعصب وماشى بيشخط وينطر وعلى آخره بقوله تعالى تعالى رايح فين قالى الابلوات اللى اسمهم صحابى عاوزين يدفعوا هما الفطار فاكرين هيشترونى بفلوسهم ههههههههههههههههههههههههه قومت حطيت جزمه ف بؤى وقولتله لا ده جاكيت شايراه لاخويا .. وانا بتقطع من جوايا
سلمى : هههههههههههههههههههههههههههه احسن . فرحانه عشان كنتى بتحبى تصطادى ف الميه العكره
فريده : سوسه انتى ، طب اضحككوا على حاجه بس وكتاب الله اللى هتتريق هى حره
سلمى : هههههههههههههههههههه احكى احكى انا عارفه ان حكاياته مابتخلصش
فريده : لا احلفوا انكو مش هتتريقوا او تضحكو
منه : يا ديدا يا حبيبتى مانوعدكيش بصراحه دى حاجه لا اراديه . هو احنا من يوم ما عرفناه واحنا قادرين نمسك نفسنا اصلا .. قولى قولى الله يباركلك
فريده : ف اليوم اللى شوفته فيه وبعدين شتمنى عشان زنقت عليه بالعربيه وهو قاعد
ساعتها فضل معلق ف دماغى
كان السؤال اللى مسيطر عليا يومها مين الواد ده ؟
طب هو ماشافش العربيه بتاعتى
طب انا ! كان شكلى وحش ؟ ده ألف واحد يتمنو انى اقولهم صباح الخير بس
ازاى واحد يشتمنى ويقولى يا متخلفه لا وكمان يعيد الكلمه عليا لما انا قولتله انت بتكلم مين ؟
وكمان يرمى المجله اللى بيقراها ف وشى
اقسم بالله فضلت واقفه بتاع كم دقيقه كده مش عارفه اروح فين ولا اجى منين
هز ثقتى ف نفسي
قولت هو انا شكلى وحش النهارده ؟
طب ايه ماله ده ؟
لغاية ما صحابى جم ومشينا وانا طول اليوم متنحه
لغاية ما شوفته تانى وروحت كلمته وضحكت معاه
وخدت تليفونه وخد تليفونى
سلمى : ايوه فين ام الموضوع اللى هنضحك عليه ولا هى فارسة ع الفاضى يا روح امك انتى
فريده : هههههههههههههههههههههههه اصبرى لسا
يومها بالليل فضلت مستنيه انه يكلمنى ،، مافيش ؟ طب ايه يا جدعان مش هيكلمنى ويقولى مقدرتش ماسمعش صوتك النهارده ويقولى تصبحى على خير يا ديدا ههههههههههههههههه ؟ وانا الشيطان بيلعب ف راسي . قولت خلاص بقي مابدهاش هتصل انا
بتصل عليه لقيته رد
قالى ايوه ؟ مين ؟
قولتله مين ايه انت مسجلتش الرقم ولا ايه يا استاذ ؟
قالى انتى مين يابت ؟ مش فاضيلك انا اخلصى انتى مين
قولتله ايه ياعم انا فريده ؟
قالى ها يا فريده فيه حاجه ؟
قولتله هاه ؟ حاجة ايه ؟
قالى امال بتتصلى ليه الساعه 1 بالليل ، العيال غالبينى ف البلاي ستيشن مش فاضيلك ، اشوفك بكره
سلمى : هههههههههههههههههههههههههههه اه يا بطنى
منه : هههههههههههههههههههههههههههههههه همووووووووووووووت والله ، يا نهار اسود ، ايه الجبروت ده
فريده : جبروت ايه بس دنا فضلت ابرطم واشتم طول الليل . طب والمصحف ما نمت يومها وفضلت اعيط هههههههههههههههههههه
منه : هههههههههههههههههههههه كان غريب جدا ومازال ، معرفش هو بيبقي قاصد انه يبقى غريب ولا هى دى اصلا شخصيته
سلمى : كنت فاكره زيك كده بس اتضح ان دى شخصيته فعلا
اهو شوفتى بيرن عليا ههههههههههههه
منه : طب ردى شوفى عاوز ايه
احمد : الو ! ايوه ياسلمى خلصتو نميمه ولا لسا
سلمى : هههههههههههههههههههه هو احنا بتاع نميمه يا روحى
احمد : شوف ازاى ؟ طب ايه هتعدوا نتغدى سوا ولا رايحين فين انتو
سلمى : اه يا حبيبى احنا بنلبس اصلا ونازلين ، هنخلص كم مشوار كده وهنعدى عليك ، انت خلصت اللى وراك ولا لسا
احمد : اه من بدرى قاعد مع على اهو ،
سلمى : خلاص ساعه بالكتير هنخلص ونجيلك
احمد : ماشى ، بايباى
سلمى : باى يا روحى
.....................
منه : سبحان الله ، عينيك فيها لمعه كل ما تيجى تكلميه ، معرفش ساحرلك الواد ده ولا عامل ف أمك ايه عقدتينى ف عيشتى
......................
الى اللقاء ف حلقه قادمه