رواية بنت الاكابر

(الجزء السادس ) (الحلقه السادسه ) ( ما ضاقت الا ما فرجت )

(الجزء السادس )
(الحلقه السادسه ) ( ما ضاقت الا ما فرجت ) <3
................
(في الحلقات السابقه )
سلمى : هههههههههههههه انا عندى ايه يا دكتور طمنى
احمد : هههههههههههه انتى عندك مرض خطير جدا اسمه " زيبوطاطس " وده علاجه الوحيد ان جوزك حبيبك يبوسك كل 5 دقايق بوسه بنج زى اللى فاتت وكل ساعه تنامى ف حضنه .
سلمى : طب تعالى نكشف بقي جوه
احمد : على خيرة الله .. هجيب السماعه وشنطه الشغل وجاى ههههههههههههههه
سلمى : هههههههههههههههههه بسرعه يا دكتور
.................. ( السادسه ) <3
( تانى يوم ف الشركه )
سلمى : سرسووور وحشتينى
ساره : حبيبتى . وحشتنى مووت اليوم ده . وحشتنى ياواد يا حمو
احمد : ناموسيتك كحلى ياختى متأخره ليه
ساره : هههههههههههه الله ! انت هتعمل مدير عليا .
احمد : طب اطلبيلنا فطار بقي عشان انا وسلمى لسا مكلناش وتعالى نفطر جوه
ساره : من عنيا يا مز . تاكلو حاجه معينه ولا ايه
احمد : لا اللى تطلبيه
ساره : ماشى
..............
احمد : سلمى ! انتوا بضاعتكو بتسوردوها منين ؟
سلمى : عندنا عقود استيراد من النمسا وسويسرا ومن امريكا كمان
احمد : طيب انتى معاكى توكيل مش كده
سلمى : اه
احمد : طب واللى اسمه عبد الحميد ده . شركته بتجيب منين
سلمى : مش عارفه ، بس بيجيب من بره بردو بس الفرز التانى مش الاولانى . وبيبيعه بنفس اسعارنا كمان . يعنى احنا اللى بنجيب احلى حاجه
احمد : كويس جدا طب بقولك ، انا عاوز الفيديو بتاع الراجل اللى اتكلم عننا ده على تليفونى
سلمى : ليه يا بابا هتعمل ايه ؟
احمد : هعمل حاجه كده بس انا عاوز الفيديو
سلمى : هتلاقيه عند شريف بتاع ال I T ابعتله التليفون وهو هينزلهولك ولا هيبعتهولك على الواتس
احمد : خلاص وانا نازل هعدى عليه بس لما نفطر
سلمى : رايح فين ؟
احمد : مشوار مهم جدا ولازم اعمله النهارده وبسرعه
سلمى : طب قولى يا حبيبى فين المشوار ده
احمد : لما ارجعلك هقولك كل حاجه
سلمى : ماشى يا روحى خلى بالك من نفسك
ساره : ايه يا اخواننا بترغوا ف ايه م الصبح . يلا انا جهزت الفطار اطلعوا
احمد : هاتيه هنا يا ساره وتعالى
ساره : خلاص اوكى . ثوانى
..............
( ف شركه المختار لمستحضرات التجميل واللى صاحبها عبد الحميد المحمدى )
( احمد بيكلم السكرتيره واللى اسمها ليلى ( بنت جميله جدا ) )
احمد : لو سمحتى !
ليلى : ايوه مع حضرتك ، اى خدمه
احمد : بسم الله ماشاء الله
ليلى : نعم ؟ اؤمر حضرتك
احمد : ايه ؟ هو انا كنت جاى ليه ؟
ليلى : لا دانت حالتك صعبه
احمد : ههههههههههههه معلش انا آسف . المهم انا كنت مقدم السي في بتاعى هنا معاكو وكنت عاوز اعرف يعنى العطله جايه منين
ليلى : ههههههههههههههه ايه العطله دى ؟
احمد : الله ! مانتى بتضحكى اهو . لا بجد انا مقدم السي في بتاعى من مده والمفروض قالولى هيردو عليا خلال اسبوع ودلوقتى بقالنا 10 ايام اهو . ايه بقي
ليلى : مش عارفه والله ، طب اسأل ف ال H R وهما هيفيدوك اكتر منى
احمد : لا انا جاى اسالك انتى بصراحه ههههههههههه
ليلى : ههههههههههههه
احمد : ايه ده ؟ ايه الضحكه دى
ليلى : لم نفسك يا استاذ انت
احمد : هههههههههه حاضر . ع العموم انا آسف . انا جاى النهارده اصلا مخصوص عشانك وعشان اجيبلك الورده دى
ليلى : ورده ؟ ليا انا ؟
احمد : اه المره اللى فاتت شوفتك بسرعه كده ومن ساعتها وانا قولت لازم اجى اجيبلك الورده دى وامشى . ومش عاوز اى حاجه
ليلى : احم ! انت بتحرجنى كده
احمد : طب ايه هتاخدى الورده دى ولا ايه ياعم
ليلى : انت اسمك ايه ؟
احمد : ههههههههههه ع فكره انا مش جاى اتعرف ولا اخد رقمك ولا الكلام اللى يخوفك منى ده . انا جاى اديلك الورده دى واتوكل على الله . امسكى بقي مدى ايدك
ليلى : اهو .
احمد : صباحك فل بقي . مع السلامه
ليلى : مع السلامه
.................
( بتشم الورده وبتضحك )
...................
احمد : الو !
مصطفى : ايه يا حب ؟
احمد : انت اجازه لسا ولا نزلت الشغل
مصطفى : لا اجازه لسا . هنزل بكره
احمد : طب بقولك ! الواد سيف فين
مصطفى : ههههههههههههههه انت الوحيد اللى بتقوله الواد سيف . يابنى ده ظابط
احمد : ظابط على نفسه . هو فين ياض
مصطفى : معرفش . بس هتلاقيه ف المديريه دلوقتى . أرنلك عليه ؟
احمد : لا انا هرن انا وهروحله
مصطفى : طب ليه طيب فيه حاجه ولا ايه
احمد : خير خير لما اقابلك هحكيلك ، سلملى على البت اللى عندك
مصطفى : حاضر يا حب وهى كمان بتسلم عليك
...................
احمد : الو !
سيف : حبيبى حبيبى فينك ياض
احمد : انت اللى فينك يا واطى
سيف : هههههههههههه يابنى احترمنى شويه يابنى دنا رائد دلوقتى
احمد : ههههههههههههه رائد على نفسك ، انت فين يا حيلة ؟
سيف : اهو ياعم ف المديريه .
احمد : طب انا جايلك عاوزك ف خدمه
سيف : اخيرا هتطلب منى حاجه يا أخى ؟ تعالى مستنيك
احمد : بقولك ايه ! ينفع تجيبلى شيشه عندك ههههههههههههههه
سيف : هههههههههههههه من عنيا حاضر عشان ندور على حد يشغلنا انا وانت . تعالى انجز
...................
( ف مديريه الأمن )
احمد : ايه المكتب ده ياض ؟ هو مقعدينك ف بير السلم ولا ايه
سيف : هههههههههههههههههه يخربيت لسانك . ايه ياعم ؟ ايه ياعم انت كفايه تشريد ف اهالينا بقي
احمد : عاجبك ولا مش عاجبك
سيف : ( بيحضنه ) حبيبى يا حمو . تشرب ايه ؟
احمد : عندكو قرنفل ؟
سيف : هههههههههه احلى كوبايه شاى بالقرنفل دلوقتى تكون قدامك مانت عودتنى على ام الشاى بالقرنفل ده .. الو ! عم عطيه كوبايتين شاى بالقرنفل والنبى
.....
سيف : اؤمرنى يا غالي
احمد : فيه فيديو فيه تلبيخ على شغل سلمى مراتى ، يعنى خراب بيوت
سيف : يانهار ازرق ؟ سلمى ؟ حد يقدر يقربلها ؟، طب ايه الفيديو ده فيه ايه ولا مين
احمد : بص يا سيدى ده الفيديو . اتفرج
.......
سيف : طب وبعدين ، ناوى على ايه
احمد : ده بيزنس يا سيف انا مش عاوز منك غير انك تجيبلى عنوان الراجل اللى ف الفيديو ده
سيف : بس كده اعتبره حصل ...ابعتلى الفيديو ع الواتس وانا خلال ساعتين هتلاقينى جايبهولك
احمد : لا مش عاوزك تجيبهولى . انا عاوز اسمه وعنوانه وبس
سيف : حاضر ... هما ساعتين بالظبط واقل من كده
احمد : طب خلص يلا وتعالى اغلبك عشرتين طاوله ف الكافتيريا اللى تحت ونضربلنا حجر هههههههههههههههه
سيف : عليا النعمه انت هتحبسنى ههههههههه استنى بس اخلص موضوعك وجايلك ، ثوانى خليك هنا
.............
( بعد ربع ساعه )
سيف : يلا يا حب . ساعتين وهيجيلنا التمام ، هنروح فين
احمد : اقلع بس البدله اللى هتحبسنا دى وتعالى نقعد ع القعوه اللى تحت ولا نروح ف مكان بعيد شويه عشان محدش يشبشبلك هههههههههههه
سيف : يلا ياعم انا هقلعها ف العربيه تحت . مش عربيتك معاك
احمد : اه يلا
سيف : تمام . وحشتنى قعدتك يا مولانا
احمد : طب يلا ياخويا يلا
........................
( ع القهوه )
سيف : انا اعرف حكايتك انت وسلمى من زمان بس ماكنتش اعرف انك هيمان بيها بالشكل ده
احمد : وانت عرفت منين ؟
سيف : ههههههههههه يابنى اللهفه اللى ف عينك دى دى لهفة واحد عاشق . يخربيت ده حب . امال انا ماحبتش ولا اتحبيت كده ليه يا جدعان . منا ظابط اهو وابن ناس وحليوه هههههههههههههه ولا لازم اكون اسمى احمد يعنى عشان اعجب
احمد : ماهو قلبك الاسود ده هو اللى عامل فيك كده . جاتك داهيه تاخدك وانت غلاوى واسود
سيف : ههههههههههههه اعمل لأمك ايه مانت مافيش بنت كانت تشوفك الا وتسلم نمر يا حيلتها ، اعوذ بالله . فيه ايه يا عم ؟
احمد : اظبط لسان اهلك بدل ما اقوك اطرقعلك ، مايغركش البدله بتاعتك دنا اللى ملبسهالك
سيف : ههههههههههه ابو شكلك واد رخم . استنى زميلى بيرن عليا . شكله جاب العنوان
احمد : طب رد
.......................
سيف : طلع ورقه وقلم واكتب العنوان ده
احمد : استنى ! .... ها
.................
سيف : ها هتعمل ايه
احمد : ولا حاجه ، انت تشكر لغاية كده . خدلك تاكسي وارجع انت مش فاضيلك
سيف : ههههههههههههههههه هههههههههههههه اه يابن الفقريه . واطى واطى يعنى
احمد : ههههههههههه طب اركب اركب اما ارميك هناك واروح انا المشوار ده صحيح قولتلى اسم الراجل ده ايه ؟
سيف : عماد نور الدين ،
احمد : ماتحرمش منك يا حبيب اخوك ، انت عارف انى دايما مابجيلكش الا ف المصايب هههههههههههههههههههههههههههه
سيف : ههههههههه ياعم المهم اشوفك ، يالا بتوحشنى وكتاب الله ،
احمد : اخرج بس م الازمه دى وهعزمك ، عندى ليك عروسه بنت حلال ومزه ياعم
سيف : ايدك ابوسها ياساعة الباشا
احمد : سبحان الله لايقين على بعض
سيف : طب هى مين ؟
احمد : انت مالك انت ؟ فتره كده وهظبطلك معاها ميعاد كأنك جاى تزورنى ف البيتا وهى موجوده لانها صاحبتنا يعنى انا وسلمى
سيف : طالما من طرفك ومن طرف سلمى ف انا اكيد موافق من قبل ما اشوفها . شوف انت الموضوع ده وانا معاك
احمد : ربك يسهل ... انزل بقي غور
سيف : ههههههههههه سلام يا معفن
..................
( ف بيت عماد نور الدين )
احمد : سلامو عليكو ، ازيك ياعم عماد ؟
عماد : اهلا وسهلا ! مين حضرتك
احمد : انا من طرف عبد الحميد بيه ، جاي اكمل معاك اتفاق تانى
عماد : طب اتفضل اتفضل
احمد : تسلم . حد موجود مع حضرتك
عماد : لا لا اتفضل
...............
احمد : دلوقتى المبلغ اللى خدته وعشان تطلع تعمل الفيديو ده شايفين ان لازم تعمل فيديو تانى لان الفلوس اللى خدتها كتير جدا وكان اى حد يطلع يعمل فيديو زى ده
عماد : انت بتقول ايه يا استاذ ؟ انا بعرض نفسي لخطر ومسائله وفيه ناس بتتأذى بسببى مقابل 50 ألف جنيه بس ؟ وكمان جايين دلوقتى تستكتروهم عليا . لا يا حبيبى انا كنت هكلمكو اصلا عشان عاوز زيهم ، خلو بالكو انا مسجل كل اللى بينا وكل الاتفاقات اللى حصلت بينا عشان يوم زى ده
احمد : طيب ياعم عماد ، ماهو اللى متفق معاك قبلى ماقالناش كده
عماد : لا انا كان اتفاقى مع مستر حاتم مباشر انى اطلع اقول كذا وكذا وكمان قالى ان عبد الحميد بيه شخصيا موافق . كمان هو طلب منى ان مافيش طرف رابع هيدخل وسطينا . ومش عارف انت مين ولا عرفت ازاى ؟
احمد : ايه ده هو انا ماقولتلكش ؟
عماد : مانت قولتلى انك من طرف عبد الحميد بيه
احمد : هههههههههههه ياراجل ؟ بقا اى حد يقولك انه من طرف فلان يبقى فعلا من طرفه . مش تتأكد الاول قبل ما تودو نفسكو كلكو ف داهيه
عماد : داهيه ؟ داهية ايه ؟
احمد : دلوقتى انا ابقى اسمى احمد نائب رئيس مجلس ادارة الشركه اللى انت طلعت لبخت فيها امبارح واتهتمها زور بكلام فيه خراب بيوت ليها وللناس الغلابه اللى شغالين فيها . وسجلتلك كل اللى حصل واتقال دلوقتى على التليفون ده .. ايه رأيك ؟
عماد : ايه ؟ انت بتقول ايه ؟ فين الفيديو ده ؟ ورينى الفون
احمد : ( بزعيق ) اثبت عندك يااااا متخلف انت . ماتمدش ايدك لاقطعهالك .. اسمع اللى عاوز اقولهولك ورجلك فوق رقبتك
عماد : اتفضل
احمد : دلوقتى الفيديو اللى معايا لو نشرته او قدمته للنيابه انت اللى هتاخد مش اقل من 3 سنين رشوه وزيهم سب وتشهير .. وهما كل واحد فيهم هينكر معرفته بيك وهيخرج م القضيه بسهوله ، انا جايلك ف مصلحه
عماد : مصلحه ؟ مصلحة ايه ؟
احمد : دلوقتى انت خدت 50 الف عشان تشهد شهادة زور وتتبلى على الناس .. صح ؟ انا بقى هديلك زيهم مقابل انك تطلع تقول الحق وتقول بالاسماء اللى اتفقت معاك وتقول انك معاك ما يثبت ، مش بتقول انك مسجلهم ؟
عماد : اه مسجلهم
احمد : خلاص تدينى التسجيلات والفيديو اللى هتصوره وليك 50 ألف
عماد : 50 ألف بس ؟
احمد : اتفضل ، دول 20 ألف والباقى بعد تسجيلك لفيديو وتسلمنى التسجيلات . لاحسن لا هيكون فيه 20 ولا 50 وهقدم التسجيلات دى للنيابه تتصرف معاكو براحتها
عماد : طب استنى ...
............
عماد : دى الفلاشه اللى عليها الحوار اللى حصل بينى وبين حاتم وفيه كل الاتفاق وبكلام منه شخصي ان عبد الحميد بيه موافق ع الكلام ده
احمد : تمام ! هتسجل الفيديو هنا ولا فين ؟
عماد : ف المكان اللى يريحك
احمد : ف نفس المكان اللى مصور فيه الفيديو التانى
عماد : طب عاوزينى اقول حاجه معينه
احمد : لا ! اطلع اتكلم وقول ان فيه ناس هددتنى وطلبت منى انى اطلع اعيب ف شركه السلامه لمستحضرات التجميل وماكنتش افهم ايه اللى بقوله وانا على باب الله ، لكن لما لقيت ان الشركه ناس بتتشرد بسببى ضميرى صحى ومقدرتش ماطلعش اقول الحقيقه
عماد : طب ماهو ده فيه مشكله بالنسبالى
احمد : هيعتبروك انك اتهددت . وبعدين الفيديو ده عشان يحفظ حقى وحق شركتى ف الخراب اللى انت اتسببت فيه . ومش ناوى اقدم حاجه لمحاكم ولا نيابات الا لو الوضع ساء
عماد : تمام . ادينى لاخر النهار وهيكون الفيديو عندك
احمد : تمام . عن اذنك
عماد : اتفضل
................
احمد : الو ! لوما . انتى فينك ؟
سلمى : الو ! اهو يا حبيبى انت اللى روحت فين ...
احمد : طب انزلى تعالى نتغدى بره
سلمى : حاضر يا بابا . انت فين دلوقتى
احمد : انا دقيقتين واكون تحت الشركه . لما ارنلك انزلى
سلمى : حاضر يا بطتى . مووووووووواح
احمد : اتحشمى يابت
.......................
إلى اللقاء ف الحلقه القادمه