روايه بنت الاكابر

(الجزء الرابع ) (الحلقه التاسعه ( قبل الأخيره ) ) ( الصياعه أدب )

(الجزء الرابع )
(الحلقه التاسعه ( قبل الأخيره ) ) ( الصياعه أدب ) <3
................
(في الحلقات السابقه)
احمد : اسم الكريم ايه ؟
الاستقبال : علاء يا فندم
احمد : مراتى المفروض انها هتيجى تقفشنى وانا بخونها مع واحده اجنبيه يا علاء . هههههههههه ف كنت عاوزها بقا تيجى تلاقي ليله حلوه ومفاجأه حلوه . لان ده يعتبر اول خروجه لينا بره اسكندريه واحنا متجوزين .. احنا لسا ف شهر العسل

............................. (التاسعه ) <3
علاء : لا ماتقلقش .. سيب الموضوع عليا شخصيا .... هظبطهولك .. وبعدين الباشا اسكندرانى يعنى ابن بلدى
احمد : ايوه ياعم مانا مستنيك تقول ابن بلدى من ساعتها عشان ماتقولش انى بحرجك ولا حاجه هههههههههه
علاء : ههههههههههههههه اه تمام ... خلاص ولا يهمك . بس هستأذنك هتبعت صوره البطاقه على الواتس . وهبعتلك رقم الحساب . .
احمد : خلاص تمام . ادينى ربع ساعه والدنيا كلها تبقى عندك
علاء : خلاص مستنيك ...
احمد : مع السلامه
...................................
(على واتس البنات )
سالى : صبح صبح يا مزز .. لسا نايمين ولا ايه
اسماء : لا صاحيه ... ورايا ترويق .. ماتيجو تساعدونى يا مقاطيع
ساره : انا ف الشركه ياختى اهو .. احمد باشا يقعد سلمى م الشغل وتستريح واتعك انا ف الموضوع .... سلمى لسا نايمه ولا ايه هههههههههههههههه ياعينى الواد مصحيها من الفجر
اسماء : هههههههههههههههه اه تلاقيها ياعينى هو نزل من هنا وهى كملت نوم ... دى مش وش بهدله يا ناس . دى بسكوته
سالى : ههههههههههههههه اخويا حبيبى اللى خلانى اكسب الرهان ... انا هرن عليها كده اشوفها نايمه ولا ايه ...
ساره : لا ماتتعبيش نفسك .. انا لسا رانه من شويه وهى ماردتش .. هى نايمه
سالى : انا هعدى عليها شويه كده اروح اصحيها واقعد معاها ...
ساره : ماشى . وانا لو عرفت اعدى عليكو بعد الشغل وانا مروحه هعدى ...
سالى : ماشى يا مزه .. باي
ساره : باي
اسماء : مع السلامه
..........................
(بعد الضهر )
سالى : ايه يا سلمى كل ده نوم ... صح النوم يابنتى . بقالى ساعه بخبط ع الباب ههههههههههههه انا بعد كده هاخد نسخه من المفتاح
سلمى : معلش يا روحى كنت ف الحمام باخد دش .... نعسانه على روحى ..
سالى : هههههههههههه معلش يا مزه .. نستحمل شويه بقي
سلمى : اه .. اخوكى مورينى الويل ياختى ... بس اعمل ايه بحبه ابن ال...... ولا بلاش انا بحب امه ههههههههههههههههه القط مابيحبش الا خناقه ....
سالى : ههههههههههههههههه لا حلوه .... فطرتى ولا لسا
سلمى : لا لسا ....
سالى : طب انا هدخل اعمل فطار . على ما تصحصحى انتى . وهعملك نسكافيه
سلمى : ماشى يا روحى ... ماجيبتيش ندى معاكى ليه
سالى : ندى مزنوقه اليومين دول ف الثانويه بتاعتها .. ربنا معاها
سلمى : يارب
سالى : صحيح هتطبخى ايه ؟
سلمى : يالهوى ؟؟؟ ايه ده الساعه كم
سالى : الساعه 12 وربع الضهر
سلمى : يالهووووووووووى اخوكى هيبهدلنى ... لسا مطبختش حاجه . اطبخ ايه طيب ؟؟
سالى : اه يا عبيطه ... ولسا نايمه من ساعتها .... طب قومى قومى نشوف عندك ايه
سلمى : فيه محشى و بط من امبارح ف التلاجه . احمد يدوب أكل حته من الصدر وكم حبايه محشى
سالى : لا طالما احمد بيتلكك يبقى نعمل حاجه جديده . مع انه بيحب المحشى وهو متحمرش كده ومحروق لما يتسخن بس بلاش لاحسن يكون متلكك
سلمى : طيب نطبخ الفراخ طيب ؟
سالى : اه .. طلعيها من الفريزر تفك شويه ....... عندك خضار ايه
سلمى : استنى . انا عندى البتاعه الخضرا دى ... مش عارفه ايه دى امك اللى جايباها وسابتها من قبل يوم الفرح
سالى : هههههههههههههههههههههههه اه يالهووووووووى انتى مش عارفه الملوخيه شكلها ايه كمان
ده الحمد لله انه فيه ملوخيه .. احمد بيعشقها
سلمى : بجد والنبى هى دى الملوخيه ... خلاص اعمليها مع الفراخ . وانا هعمل الرز
سالى : هتعرفى ؟؟
سلمى : السؤال ده لو سمعته تانى هفجر راسك .... انتى بس ظبطتيلى الميه بتاعته والملح وسيبينى ههههههههههههه
سالى : طيب اتعلمى بقا معايا .. ماشى ؟ واحده واحده
سلمى : ماشى ...
.....................................
مصطفى : الو ! انت فين ؟ روحت ولا لسا ف الشغل
احمد : لا ف المطعم . تعالى عدى عليا قبل ما تروح ضرورى
مصطفى : تمام .. انا داخل عليك اصلا اهو . عشر دقايق وهبقى عندك
................................
( ف المطعم )
احمد : اسمعنى بقا وركز مع كل حرف هقولهولك
مصطفى : خير
احمد : اسماء مراتك !
مصطفى : مالها ؟
احمد : عاوزها توصل سلمى ان احمد رايح شرم الشيخ يخونها مع واحده .... ان احمد اتعرف على واحده هنا وهياخدها ويروح شرم يقضوا يومين مع بعض ..
مصطفى : نعم ياخويا ؟؟ وازاى عاوزنى اوصل لاسماء حاجه زى دى . وانت فعلا رايح شرم ولا مقلب ولا ايه انت بدماغ اهلك دى
احمد : ههههههههههههه يا بقره انا حجزت الفندق خلاص .. وهقولك ازاى يا فالح توصلها الكلام وامتى
مصطفى : تمام ... إزاى بقي ؟
احمد : صحصح معايا
.....................
(بعد المغرب ف بيت احمد )
احمد : مين اللى عامل الملوخيه ؟
سلمى : انا طبعا ....
احمد : ياشيخه روحى ... دى سالى اختى اللى عاملاها .. اتعلمى منها والنبى .....
سلمى : اعوذ بالله هو انت الواحد مايضحكش عليك ابدا ....
احمد : محدش يقدر ... المهم انا رايح يومين شرم وجاى يوم الجمعه
سلمى : ليه ان شاء الله هاجى معاك
احمد : تيجى معايا فين .. انا رايح ف شغل ... فيه واحد هيوردلى اسماك بأقل سعر للمطعم . الفرع الرئيسي ف شرم بس هو ليه فرع ف اسكندريه هنا ... بس انا عاوز اروح اقابله هو شخصيا
سلمى : طيب يعنى هتتأخر ف السفريه دى
احمد : على الجمعه هكون هنا .. وبعدين انتى قاعده بتتكلمى معايا كده ليه خير .. على اوضتك يا ماما لغايه ما امشى انزل المطعم .. احنا هنهرج .. مش قولتلك مش عاوز اشوفك .. انا بقولك عشان تتعودى على غيابى اليومين دول مش اكتر
سلمى : كده يا حمو ؟
احمد : اه كده ... وتسلم ايد اللى طبخت الملوخيه واللى قطفتها واللى شهقت عليها زى الهبله
سلمى : ههههههههههههههههههههه ايه ده ؟ هو انت كنت معانا
احمد : لا ماكنتش معاكو . بس توقعت وشوفتك قدامى وانتى بتقولى ل سالى انا عاوزه انا اللى اشهق ع الملوخيه زى ما بيعملوا ف الافلام .... مش ده حصل ؟
سلمى : لا اله الا الله .... اقسم بالله ده اللى حصل بالحرف ... هى سالى بتقولك كل حاجه ولا ايه
احمد : والله ما كلمت سالى النهارده خالص وعمرها ما طلعت سرك ولا سركوا ليا
........................................
( ف بيت مصطفى )
احمد : الو ! ايوه .. جاهز ولا ايه
مصطفى : ايوه ياعم استنى ... المفروض اعلى صوتى صح ؟
احمد : اه بس مش اوى ... يلا . انا ف المطعم اهو يلا .. اطلع ف البلكونه وعلى صوتك . والمهم انك تقولها استنى اما اشوف احمد عاوزنى ف ايه
..............
مصطفى : (بصوت واطى ) يلا يا نجم تمام . البت قاعده بتفرك بره عاوزه تعرف بنقول ايه
احمد : طيب يلا وعلى صوتك ....... مصطفى انا رايح شرم يومين اروق دماغى .. رايح اقابل واحده
مصطفى بصوت عالى شويه : رايح تقابل واحده ف شرم ... امتى ؟ وتعرفها منين الواحده دى
احمد : يابن العبيطه وطى صوتك شويه .... انت كأنك بتقولها انا عاوزك تسمعى .... ياربى هو انا ربنا واعدنى بالمتخلفين عقليا
مصطفى : هههههههههههههههه ايوه ياعم والعه معاك .. نازل فندق ايه ؟
احمد : مالكش دعوه ههههههههههه
مصطفى : اه اه عارف انا الفندق ده ... المهم رايح امتى . وانت تعرفها منين الواحده دى
احمد : ههههههههههههههه لا ممثل ياض
مصطفى : ياراجل ... يعنى انت وهى مسافرين مخصوص سوا تقضوا اليومين مع بعض ... طب وسلمى ظبطت معاها الكلام وقولتلها ايه . عشان لو سألونى .... .. طيب تمام . خلى بالك من نفسك .. انت مسافر الصبح على طول كده ...
............................
( اسماء سامعه كل حاجه )
............................
(بعد العشا )
سالى : سلمى ! هو ايه ده
سلمى : ايه ده صحيح ... اه ده الحجز بتاع احمد ف الفندق اللى هيروحه بكره . رايح ف شغل .. اسم الفندق ايه استنى ؟؟ اه عارفه الفندق ده . وكما حاجز غرفه واحده ب 2 حمام ليه ... انتى فاهمه حاجه ؟
............................
سلمى : الو ! ايوه يابنتى .. ماتيجى نقعد شويه
ساره : ماشى انا جايه . عشان مش لاقيه حاجه اعملها بصراحه .. لسا بردو احمد حابسك ف البيت
سلمى : هههههههههههه اه .. تعالى يلا ماتتأخريش
ساره : ماشى يا حبي .. مش هتأخر
سلمى : الو ! ايوه يا اسماء . ما يلا يابنتى .. تعالى نقعد شويه سوا . البنات هنا
اسماء : ماتعفونى انا النهارده ... مش قادره اخرج
سلمى : هتيجى ولا هجيبهم واجيلك
اسماء : لا خلاص جايه . ادونى ربع ساعه
سلمى : وانا عاملالكو طبق جيلى حلو
..................
ساره : انتى مالك يا اسماء كده من ساعه ما جينا بنضحك وبنهزر وانتى مش معانا
اسماء : ايه ؟ لا معاكوا اهو . ليه بتقولوا كده
سلمى : اه فعلا . انتى متخانقه مع مصطفى ولا ايه ؟
اسماء : لا والله ابدا
سالى : ما تقولى يابنتى مالك ... فيه حاجه ولا ايه
اسماء : بصراحه كده فيه
سلمى : فيه ايه بقي
اسماء : احمد !
سالى : ماله احمد .. ماتنطقى على طول يا جزمه ايه التنقيط ده
اسماء : احمد مسافر شرم مش شغل .. رايح يقابل واحده هناك
سلمى : نعم ياروح امك ؟
اسماء : اه والله ...سمعت مصطفى بيكلمه كده النهارده .. ومعرفتوش انى سمعت
سلمى : انتى بتتكلمى جد يا اسماء
اسماء : اه والله
سلمى : يعنى حجز الفندق والغرفه الكبيره اللى حجزها اللى بحمامين بقي عشان هو وعشان الهانم للى هيجيبها ....
سالى : يالهوووووى ...
سلمى : لهووووك ايه .. دنا هقتلهم ...
سالى : ايه ده انتى مش هتواجهيه النهارده لما ييجى ؟
سلمى : لا طبعا .. هطب عليهم هناك ... وهتعامل معاه النهارده عادى جدا ومش هحسسه بأى حاجه ... وانتوا التلاته اوعى حد فيكوا يقول حاجه او حتى بالغلط
سالى : هى مالها قلبت كده ليه
اسماء : معلش بقي بس كان لازم اقولكوا
سلمى : قوموا روحوا انتوا بقي ... بت ياسالى هو احنا شوفنا طياره احمد بكره امتى على شرم
سالى : الساعه 10 الصبح الاقلاع
سلمى : ماشى استنى ..! الو ! ايوه يا منى .. ازيك يا روحى ؟
منى : اهلا اهلا يا سلمى انتى عامله ايه واحمد
سلمى : بخير يا روحى والله .. بقولك يا منى كنتى عاوزاك تحجزيلى ضرورى بكره على طياره شرم .. فيه رحله الساعه 10 دى مش عاوزاها . عاوزه اقرب رحله بعدها
منى : طب ثوانى خليكى معايا . انا فاتحه اللاب بتاعى اهو
سلمى : اوكه
منى : فيه رحله الساعه 1 الضهر . تمشى معاك ؟
سلمى : اه طبعا حلوه ...
منى : احجزلك انتى واحمد ولا ايه
سلمى : لا انا بس . احمد مسافر قبلى وانا هحصله عشان عندى شويه حاجات
منى : اوكى تمام حجزتلك اهو ..
سلمى : تسلميلى يا جميل . معلش ازعجتك
منى : لا ولا يهمك يا حبيبتى ....
سلمى : سلام
....................
سلمى : يلا قوموا انتوا على بيوتكوا .. سيبولى الباشا ده عشان استعد لليله دى
سالى : ههههههههههههههههه
ساره : اعصابك طيب يا مزه لايجرالك حاجه
................................
( ف المطعم )
احمد : بقولك ايه .. هى اسماء مراتك كلمتك قالت انها رايحه لسلمى
مصطفى : اه من بدرى ..
احمد : طب استنى .. انا هعمل اتصال كده صغنن هعرف اذا كانت سلمى عرفت انى مسافر مع واحده بكره ولا لا
مصطفى : ازاى ؟
احمد : يا اخى استنى
احمد : الو ! اجيب حاجه وانا جاى ؟
سلمى : لا شكرا
احمد : (كاتم ضحكته ) طيب انا نصايه وهاجى شوفى لو هتعوزى حاجه اجيبها وانا جاى
سلمى : براحتك ... مش عاوزه حاجه
احمد : طيب سلام
........
احمد : ههههههههههههههههههههههههههه البت عرفت . الخبر وصل للأمم المتحده
مصطفى : واتأكدت ازاى ؟
احمد : هههههههههههههههههههههه يا حبيبى انا افهم سلمى من مجرد تغيير ف نبره كلامها .. دى بتكلمنى وهاين عليها تحدفنى ف وشى بأى حاجه .. ورافعه حاجبها كمان .. ههههههههههههههههه لا البنات طلعوا اصحاب بجد ومش بيخبوا حاجه عن بعض
والله منا خايف غير عليك انت
مصطفى : عليا انا ؟ وانا مالى ؟
احمد : هههههههههههههههه مالك ازاى . دى اسماء هتطين عيشتك النهارده . مش هتصبر وهتقولك انت عارف ان احمد هيخون سلمى وساكت يبقى انت بتعمل زيه وهيبقى ليله امك سوده النهارده ههههههههههههه
مصطفى : ياعم وكتاب الله انا بدأت اخاف منك
احمد : هههههههههههه تخاف ليه ؟ بالعكس .. احكم ع الامور بطبيعتها وانت تعرف ايه اللى هيحصل .. من معرفتى ل سالى اختى وسلمى مراتى واسماء مرات اعز اصحابى وساره صاحبتنا من زمااااان اقدر اقولك هيتصرفوا ازاى وهيعملوا ايه .. مش كبيره يعنى . انا بقرا بين السطور يا درش ... انا قايم اروح بقي كفايه ع البت كده لاحسن يجرالها حاجه
.........................
احمد : مساء الخير
سلمى : اهلا ... اعملك تاكل
احمد : لا كلت بره ... عاوزه حاجه اجيبهالك من شرم بكره
سلمى : لا عاوزه سلامتك ياخويا ... ابقى خلى بالك من نفسك
احمد : لا منا رايح عشان اخلى بالى من نفسي ماتقلقيش ... ربنا يسهل بس واللى انا رايحله ده مايمشيش
سلمى : وحياه امك ؟ قصدى وهو هيمشى ليه يعنى هو هيلاقي زى حمو وجمال حمو
احمد : جمال حمو ايه .؟ هو انا هناسبه .... .. ممكن على حظى يكون سافر
سلمى : لا ياراجل ماتقولش كده ... ان شاء الله تلحقه وتقعدوا مع بعض شويه حلوين
احمد : يارب ... انا قايم انام ... وصحينى بدرى على 7 كده عشان المفروض اكون ف المطار 8 ونص او 9 ..
سلمى : ماشى
........................
((تانى يوم ف الفندق ))
سلمى : لو سمحت .. فيه نزيل عندكوا لسا عامل شيك النهارده . ده اسم البطاقه بتاعته .
علاء : اه يا فندم الاستاذ احمد ... موجود اه
سلمى : طيب هو ف غرفه كام
علاء : غرفه 554 . تحبى حضرتك اوصله اى خبر
سلمى : لا انا هروحله بنفسي ...
علاء : اكيد ... مع حضرتك شنط او حاجه
سلمى : لا مش معايا شنط ..
علاء : تمام يا فندم . اتفضلى
سلمى : هو معاه حد ؟
علاء :ايه ؟ اه تقريبا مع ضيفه انجليزيه
سلمى : والله ؟ طيب تمام .
.......................
علاء : الو ! ايوه يا ريس .. الامانه جايالك ف السكه ...
احمد : حبيبى .. ماتنساش بقي اللى قولتهولك هههههههههههه
.....................