روايه بنت الاكابر

(الجزء السابع ) (الحلقه السابعه ) ( اضرب الظالمين بالظالمين )

(الجزء السابع )
(الحلقه السابعه ) ( اضرب الظالمين بالظالمين ) <3
................
(في الحلقات السابقه )
فريده : لوووووووووووووووووما ! وحشتينى يابت
سلمى : ديدااااااااااا تعالى يا روحى فينك يا جزمه انتى
فريده : اهو ياستى كنتى سالتى عليا يعنى
سلمى : معلش انتى عارفه بقي انى شايله الكلام ده كله لوحدى ، بقولك ايه تعالى قربى كده ريحة برفانك عاجبانى ، شممهانى كده
............... ( السابعه ) <3
فريده : هههههههههههه انتى اللى دايما ريحة برفانك كانت مجننانا
سلمى : ههههههههههههههههههه لا بس ريحة برفانك المرادى حلوه ، انتى كلك على بعضك مزه اصلا يا ديدا
فريده : الله ! فكرتينى بديدا دى لما الواد احمد كان يقولهالى بردو
سلمى : اااه هههههههههه ايام حلوه بقي وانتى اخبارك ايه ؟ انتى برفانك ده بتحطيه بقالك اد ايه
فريده : هههههههههه ايه يا لوما مالك ، ماله البرفان وحش ولا ايه
سلمى : لا ده حلو جدا ومن كتر حلاوته مش عارفه اقولك ايه بصراحه
فريده : تصدقى انا بقالى سنه معرفش عنك حاجه ، ينفع كده ،، بس سمعت طراطيش كلام كده وانا جايالك من تحت انك اتجوزتى ،، عارفه لو كنتى عملتيها بجد من غير ما تقوليلى ، هتبقى بزعله
سلمى : هههههههههههه معلش يا روحى الموضوع جه بسرعه والله وماكنتش مرتباله ، انا نزلت من امريكا اتجوزت على طول
فريده : واتجوزتى مين بقي
سلمى : ( بتغمز ل ساره )
ساره : ديدااااااااااااا هتشربي ايه يا روحى
فريده : مالوش لزوم يا سرسور انا جايه اشوفكو واقعد معاكو بس ، وحشتونى والله
سلمى : طب ما تيجى نتغدى سوا النهارده واهو بالمره تشوفى البت منه ،
فريده : ايه ده ؟ انتو اتصالحتو ؟
سلمى : ههههههههههههههه هو احنا كنا متخاصمين ؟ وبعدين كانت ايام مراهقه يا ديدا يعنى كنا صغار لسا
فريده : طب هى فين عاوزه اشوفها
سلمى : طب تعالى ! انتى وراكى حاجه دلوقتى ؟ نروح نشرب اى حاجه ف اى حته واهو اتصل على منه تيجيلنا
فريده : خلاص خليها وقت تانى لانى بجد كنت قريبه من هنا وقولت اعدى عليك اشوفك شويه ، والله العظيم وحشتينى
سلمى : يا حبيبتى وانتى كمان وحشتينى ، صحيح خدى هنا ، هاتى رقمك عشان اظبط معاك ف خروجه كده
فريده : واخبار عمو ايه ،
سلمى : اهو احسن الحمد لله ، انتى عارفه تعبه صعب شويه
فريده : خلاص هبقى اعدى عليه ف اى وقت كده اسلم عليه واشوفه
سلمى : ف اى وقت يا ديدا تنورى يا روحى
فريده : انا قايمه بقي ! رقمى معاك اهو ،
سلمى : خلاص ماشى ، وفضى نفسك النهارده بعد العصر لو فضيت هجيب منه وساره ونتقابل بره
فريده : خلاص هشوف واقولك
سلمى : اتفقنا
فريده : لوما بقولك !
سلمى : اؤمرينى
فريده : اخبار الواد احمد ايه ماتعرفيش عنه حاجه لسا ؟
سلمى : احمد ؟ ليه بتسالى عنه ، انتى ناسيه اننا طفشناه هههههههههههه
فريده : واحشنى جدا ، او واحشنا كلنا يعنى
سلمى : ( بتغمز لساره )
ساره : هو فعلا واحشنا كلنا ، المهم هاتيلى رقمك انتى كمان ، اهو يبقى معانا عاوزين نرجع شلة زمان دى يا جماعه بقي
فريده : اكتبى عندك اهو ،
يلا يا بنات انا هسيبكو بقي
سلمى : المهم ماتنسيش فضى نفسك النهارده عشان لازم نتقابل
فريده : خلاص هستنى مكالمتك ، باي يا بنات
سلمى : باى يا روحى
ساره : باى يا ديدا
..........
سلمى : ( بزعيق ونرفزه ) اتصلى على منه خليها تيجى بسرعه
ساره : ايه مالك يا سلمى
سلمى : اتصلى ياساره عليها ، ولا اقولك اتصلى عليها قوليلها تسبقنا على بابلو وانا وانتى رايحينلها ، واتصلى على مروه
ساره : طيب يا روحى اهدى انا مش عارفه ايه اللى عصبك
سلمى : انا هقولك هناك ، يلا هاتى شنطتك
ساره : طيب ثوانى
................
( ف العربيه )
سلمى : ساره استنى ماتتكلميش
ساره : تمام
سلمى : الو ! فينك يا أحمد
احمد : مع على يا روحى ،
سلمى : طيب انا نازله اشوف البنات شويه وراجعين
احمد : فيه حاجه ولا ايه
سلمى : ابدا ! قولت اعزمهم النهارده كده / مروه وساره ومنه
احمد : خلاص ماشى ، خلى بالك وانتى سايقه
سلمى : طيب، وانت كمان خلى بالك من نفسك
احمد : ماشي
سلمى : سلام
احمد : مع السلامه
.................
على : ايه يابنى تنحت كده ليه ؟
احمد : ههههههههههه مش عارف ، نبرة صوتها مش مريحانى
على : اشمعنى ؟
احمد : معرفش ! بس نبرتها متغيره ! متغيره جدا ، دى قالتلى احمد و سلام
على : هههههههههه امال عاوزاها تقولك ايه
احمد : يابنى دى مابتقولش سلام او احمد الا لو متضايقه او دماغها شغاله ف حاجه اسمع منى انا
على : طب ايه تكونش شافتك امبارح ولا ايه ، اصلك عمال تحكى وتقولى كنت هتتقفش امبارح بس هى باين عليها انها ماشافتش حاجه ، امال دماغها هتشتغل ليه بقي ؟
احمد : انت بتسالنى انا ؟ ماتروح تسالها هى ياخويا دى مابتفصلش ، دماغها دى ألماظات ماشاء الله
على : ههههههههههه حقها ولا مش حقها
احمد : يا عم دى موترانى ، والله العظيم موترانى بطريقه بشعه دنا بقعد اتلفت ورايا وانا ماشى وانا سايق لاتكون بتراقبنى
على : ههههههههههههههه ايه يا سيد الرجاله بتخاف من مراتك ولا ايه
احمد : بص يا علوه !
موضوع انك تعمل حساب زعل مراتك وخوفها على حبيبها وجوزها وزعلها وغيرتها ده مالوش اى علاقه ان الراجل بيخاف من مراته ولا لا
اسمها بخاف على زعلها
بعمل حساب غيرتها عليا
بعمل حساب خوفها عليا من اى ضرر او اى بنت ممكن تاخد مكانه عندى غيرها هى
يابنى طالما بتراقبك وبتغير عليك ومطلعه ميتين اللى خلفوك تبقى بتحبك ، غير كده تبقى رمت توبتك ف داهيه ومش فارق معاها حتى لو انت جبت نسوان عندها البيت هههههههههههههه فهمتنى ؟
على : بص يا حمو ! بعد الدباجه اللى انت قولتها دى وبتهرب منها احب اقولك انك خايف بردو وماتصيعش على أمى يالا دنا خابزك وعاجنك
احمد : ههههههههههههههههههههههه اه يابن الجزمه ، اه خايف ارتحت
على : هههههههههههههههههههه هههههههههههههههههههه هتموتنى يابن الفقريه ، وعمال تلف وتحور على أمى وهتعملى فيها افلاطون وانت قاعد وانت مرعوب اصلا
احمد : هههههههههههههههه هههههههههههههههههههههه طب اخرس بقي ، جاتك داهيه انت كمان
على : هههههههههههههههههه قوم قوم يا حيلة شوف هتعمل ايه ف المصيبه دى
احمد : دى مش اى مصيبه ؟ دى مصيبه فيها دبح المرادى
على : بطل عط وقلة ادب وانت تتظبط
احمد : اخص عليك ، يعنى لما اسلم على واحده صاحبتى واقابلها عشان مكسرش بخاطرها ابقى بعط
على : ههههههههههههههههههههه انا وانت عارفين انه لا مافيهاش حاجه ، بس مراتك هتعرف ايه
احمد : مراتى دى بنت مجانين ؟ ربنا ينجينى من عنده ، بس بجد بجد صوتها فيه حاجه مريبه ، واقطع دراعى من هنا ان ماكنتش البنات دى ملمومين دلوقتى عشان يفكروا ويتدبروا من أمر القوم ، اللى هو انا يعنى القوم ده
على : هههههههههههههههه همووووووووووووووووووت ، طب وبعدين ، هتعرف ازاى
احمد : سيب الخلق للخالق ، كل حاجه هتبان النهارده ف البيت العصر ،
على : ربنا معاك ، طب بقولك ايه
احمد : لا ماتقولش وماتلعبش ف دماغى عشان لو طلع اللى ف دماغى صح وربنا لاكون مقعد الواد مصطفى على سيخ اللحمه اللى هناك ده
على : ههههههههههههههههههه والمصحف كنت هقولك كده ، لاتكون مراته جرجرته ف الكلام ولا حاجه وهو زى الحمار بيقع على طول
احمد : بقولك ايه يا على ! ماتخلنيش اتصل عليه دلوقتى واهزق اللى خلفوه انا مصبر نفسي لغاية ما اشوفه
على : يا عم اتصل عليه شوف ايه الحكايه لايكون قالها
احمد : تفتكر ! طب استنى
آلو
مصطفى : آلو ! ايوه يا حب فينك
احمد : انت قولت حاجه لمراتك امبارح ولا ايه ياض
مصطفى : ههههههههههه حاجه ايه ياعم انت جاى تلبسنى تهمه
احمد : وحياة امك شكلك وقعت زى الجردل وقولتلها بروح امك
مصطفى : لا بس انا حالف عليها ، هى فعلا سمعتنى وانا بكلمك ، بس انا حالف عليها ماتقلقش
احمد : وحياة أمك ؟
مصطفى : اه ياعم والله ماتقلقش اسماء مش هتنطق ، انت ايه اتقفشت من حته تانيه ولا ايه
احمد : ههههههههههههههههههه شكلها كده يا درش ، ادعى لاخوك وقعتى سوده
مصطفى : هههههههههههههههههههههه ربنا يتولاك ، طب وانت عرفت منين
احمد : عدى عليا وانت مروح م الشغل واقولك ، انا مع على اهو قدامك اد ايه
مصطفى : انا نصايه وهقوم امشى هعدى عليكو / ماتمشيش
احمد : على مهلك وانت جاى
مصطفى : سلام يا كبير
احمد : سلام
......
احمد : ( بيبص ل على ) وبعدين يا علوه ف المصيبه دى !
على : هههههههههههههه ياخرابى يامه ! اول مره اشوفك قاعد القعده الحزينه دى /
احمد : ياعم انت ماسمعتش صوتها وهى بتكلمنى ، لا ناويه على حاجه بجد او عرفت حاجه وناوياهالى
................
( ف بابلو )
منه : ايه يابنتى مالك عماله تنفخى من ساعة ما جيتى ليه ؟
سلمى : ركزوا معايا بقي عشان انا دماغى هتضرب م الصبح
مروه : ها قولى فيه ايه
سلمى : امبارح احمد كانت لازقه ف هدومه ريحة برفان ولما سالته ريحة مين الحريمى دى قالى ده كان عند صاحبه وبنته كانت بتلعب بالبرفان ده
منه : تمام وبعدين ؟ فين المشكله ؟
سلمى : جايالك ف الكلام اهو
ده طبعا غير توتره ف الكلام ، احمد انا عارفاه لما بيكون بيعمل حاجه مش عاوزنى اعرفها مابيعرفش يمثل عليا انا بالذات لانى بقفشه
منه : ها وبعدين بردو
سلمى : النهارده بقي البت فريده لما جات شميت عليها ريحة البرفان اللى كان على احمد
منه : يا نهار اسود
سلمى : وياريت على كده
منه : ايه تانى
سلمى : اسالى ساره اهى هى اساسا كانت جايه تسالنى على احمد او جايه تعرف حاجه عنه
، بس الغريبه انها ماتعرفش انى انا واحمد اتجوزنا
منه : لا بالراحه بقي
يعنى عاوزه تقنعينى ان فريده المختار هتكون قابلت جوزك وعرفت مثلا انه اتجوزك وهتيجى النهارده تسلم عليك وتضحك معاك ؟ وهى عارفه انك متجوزه احمد ؟ لا يا ماما مش بالعاها
سلمى : ماهو ده اللى مخلى دماغى هتضرب مش فاهمه حاجه ، عماله اقول حكاية البرفان دى صدفه وفعلا احمد كان عند صاحبه بس لما الاقي فريده ف وشى برجع اتوتر تانى واقول لايمكن الصدف دى تحصل مع بعض
منه : ههههههههههههههه بصى ! فيه حلقة ناقصه ف الموضوع واحنا بقي لازم نعرفها
سلمى : طب ايه حلقة ايه ، ماتتكلمى معانا يابت انتى وهى انتو جايين تاكلو بس
ساره : ههههههههههههههه يا حبيبتى سلمى ومنه بيخططوا ماينفعش حد فينا يتدخل بينكو دانتو جبابره ، دا الواد غلبان معاكو
منه : واد مين اللى غلبان طب اسكتى ده يتفاتله بلاد
سلمى : المهم هنعمل ايه ، وحلقه ايه اللى ناقصه ولازم نعرفها
منه : لازم نتأكد الاول احمد شافها وقابلها ولا لا
ثانيا هى فعلا تعرف انك متجوزه احمد ولا ماتعرفش بجد
ثالثا وده الاهم هى لو تعرف احمد فين ناويه على ايه ؟
سلمى : لا دنا هروح اجيبها من شعرها هى بقي واسالها
منه : ماتتبطى انتى كمان واقعدى بقي
سلمى : طب والحل
منه : جوزك
سلمى : ماله الشملول
منه : إلعبي عليه وجننيه ولازم تعرفى منه
سلمى : وهعملها ازاى دى ان شاء الله
منه : انتى مش بتقولى انك خدتى رقم فريده ، اتصلى عليها وانتى قاعده ف حضنه وشوفي ضربات قلبه هيحصل فيها ايه وهتذيد ولا لا وشوفيه هيتوتر ولا لا
سلمى : بس كده ؟ سهله ، وحياة النبى لاخليه يكلم نفسه
منه : هههههههههههه اتوكلنا على الله ! بقولك ايه ، اسماء ممكن تكون عندها فكره او حاجه
سلمى : مش عارفه ! بس تصدقى فعلا لو فيه حاجه ف مصطفى هيعرفها وبالتالى اسماء هتعرف ، بس خلينا الاول قبل ما اكبر الموضوع ع الفاضى خلينى العب على احمد الاول النهارده العصر
منه : هههههههههههههههههه على بركه الله ، انا عارفاك لو شوفتى احمد قدامك دلوقتى هتبطحيه ف مخه
سلمى : بتقولى فيها ؟ اعمل مع الواد ده ايه يا جماعه قولولى
منه : هههههههههههههههه
ساره : ههههههههههههههههههههههههه حد قالك تحبيه هو دونا عن بقية الخلق
سلمى : ماكنش ينفع احب حد غيره ، ده ساكن ومعشش ف قلبى ،
منه : احم ، نلم نفسنا بقي عشان احنا بنتضايق هههههههههههههههههههههههه ده بردو صاحبنا ومن حقنا نغير عليه حتى من مراته
سلمى : هههههههههههههههه وحياة أمك ، طيب ياختى
............................
مصطفى : ايه ياض قاعد كده ليه
على : سيبه ف حاله والنبى ده حاله يصعب ع الكافر
احمد : ههههههههههههههههههه يابن الجزمه انت وهو اتلمو بقي ، جاتكو داهيه لما بتمسكو ف حاجه
على : حقنا ولا مش حقنا دانت بتسوينا يا اخى ههههههههههههههههههه لا بس بالأمانه شكلك حلو وانت قاعد خايف كده
احمد : بالامانه ؟
على : بالامانه
مصطفى : هههههههههههههههههههه ياختى حلوه
احمد : طب يلا يا حلوه انت وهو كل واحد يشوف هو رايح فين انا مروح
.................
منه : يلا يا بنانيت ، رايحين ف حته ولا هتروحوا
سلمى : لا انا هروح / زمان احمد مروح دلوقتى
منه : ناويه على ايه يا مزه
سلمى : هههههههههههههههههههه يسويها ربنا من عندها ، وكتاب الله هشيبه واخليه يقول حقى برقبتى
منه : ههههههههههههههههههههههههههه اوبا ! إلعب
ساره : ههههههههههههههههههههههه دى هتبقى مدبحه
مروه : ياريتنى كنت معاكو ههههههههههههههههههه
سلمى : اتوكلنا على الله
.....................
( احمد طالع البيت بيقول : اللهم اضرب الظالمين بالظالمين واخرجنا من بينهم سالمين )
....................
إلى اللقاء ف الحلقه القادمه
شارك برأيك ف الحلقه واكتب توقعك