رواية بنت الاكابر

(الجزء السابع ) (الحلقه الثانيه ) ( شاف كتير وقليل )

(الجزء السابع )
(الحلقه الثانيه ) ( شاف كتير وقليل ) <3
................
(في الحلقات السابقه )
بعدها بيومين كده او حاجه كنت ماشى مع احمد ومع على لقينا عربيه بتركن قدامنا بصوت عالى وفرملت علينا كده انا وعلى خوفنا بجد
ولقينا فريده نزلت
وجات ناحيتنا كده وقالت
................ ( التانيه ) <3
مصطفى : لقيناها جايه كده ونازله م العربيه بتنفخ
وبتقول انت يا استاذ انت ، انت ياأخ
المعلم بصلها وقالها انتى بتكلمينى انا ؟
قالتله طبعا هو فيه حد قليل الذوق هنا غيرك
انا بقي رديت وقولتلها اهدى يا آنسه ولمى لسانك
تتخيلى المعلم احمد قالى ايه
اسماء : ههههههههههههههههه ايوه بقي قالك ايه ، احكى
مصطفى : لقيته بيبصلى وبيقولى طب اهدى انت بقي
وبصلها وبدا يكلمها وقالها :
انتى بتكلمي مين يابت انتى ولمى لسان أهلك ده احسنلك
ردت عليه وقالتله بس بخوف بقي لانه بدأ يكشر ويرفعلها حاجبه
قالتله اه انت انا بقالى يومين بدور على سيادتك عشان اخد حقى منك انت مش عارف انا مين ولا بنت مين عشان ترد عليا وتقولى الكلام اللى قولتهولى
قالها وانا كنت قولت لمعاليك ايه وبعدين هو انا كل ما اكلم واحد ولا واحده ف ام الجامعه دى يقولى انت مش عارف انا مين ، مانشالله تطلعى رئيس الجامعه حتى طالما غلطتى تاخدى على دماغك
قالتله بتقولى يا حلوفه ومش عارف ايه
قالها اه وانتى فعلا حلوفه فيه حاجه
قالتله ماااشى انا هربيك وهخلى بابى يشطبك م الجامعه
قالها مين ياختى ؟ بابى ؟ طب روحى خلى بابى بتاعك يطردنى جاتك ستين نيله تاخدك وقرب منها وقالها " عليا النعمة من نعمة ربى لو شوفتك تانى مره قدامى لاكون معلمك الادب وانا اللى هربيك بجد "
وخدنا ومشينا
بقوله يابنى بتقول ايه دى شكلها بنت دكتور ولا بنت عميد الكليه
قالى مانشالله تبقى هى عميد الكليه حتى احنا ناقصين يا عم ، امشى ياعم خلينا نخرج نقعد ع القهوه اللى بره بلا قلبة دماغ
اسماء : ههههههههههههههه اه يانى يا بطنى ، وبعدين ؟
مصطفى : يومين كمان ولقيت واحده صاحبتها اسمها مى وقفتنى على جنب كده وقالتلى ممكن ثوانى بس بعد اذنك
قولتلها اكيد اتفضلى
قالتلى هو صاحبك اللى بتمشى معاه دايما ده اسمه ايه ؟
قولتلها انهى واحد احنا شله كبيره
قالتلى صاحبك ده التنك اللى محدش عاجبه اللى اتخانق من يومين مع بنت دكتور عبد الله بتاع المحاسبه
قولتلها يا نهار اسود هى تبقى بنت دكتور عبد الله ؟
قالتلى اه ، اسمه ايه بقي
انا خوفت اقولها اسمه لاحسن اكون بسلمه تسليم اهالى
قولتلها اسمه ايمن وهو اساسا مش معانا ف تجاره هو ف صيدله وكان جاى يشوفنا
قالتلى والله ؟ طيب تمام عن اذنك
بعدها بكام ساعه كده قبل ما نروح لقينا صاحبتك دى بقي فريده ومى واتنين تانيين جايين علينا وكان احمد مش معانا وفضلو واقفين قصادنا كده وكانو بيشاوروا علينا
انا كلمت على وقولتله علوه روح شوف احمد فين وخده وامشو دلوقتى
البنات دى ناويين على شر او ناويين يتبلوا على احمد
قالى شكلها كده ، راح المعلم على عشان يشوف احمد فين وياخده ويمشى ، 10 دقايق لقيت احمد جاى مع على وبيقولى هما فين ؟ هههههههههههههه
قولتله هما مين ياعم يلا نمشى
قالى والله منا ماشى ، احنا هنهرأ يا مصطفى ولا ايه هما فين البنات دول
قولتله مشيو يا عم تعالى اخلص ويلا عشان نمشى
وفعلا مشينا
تانى يوم ف نفس ام المكان البنات جات بس فريده ماكنتش معانا
والبنات شافو احمد وهوب اتصلوا على المعلمه فريده وهما 5 دقايق لقيناها جايه
ولقيناها جايه وسطينا
احمد بقي قالنا مالكمش دعوه بيها سيبونى انا ارد عليها لو فتحت بؤها
هوب دخلت وقالت لاحمد ممكن ثوانى بعد اذنك
بصلها كده شويه وهو رافع حاجبه ومستغرب وقالها اتفضلى
وهما دقيقتين كلام وعتاب ولقينا المعلمه صوت ضحكتها قالب الجامعه كلها ههههههههههههههههههههههه بتضحك ضحك مش طبيعى
اسماء : ههههههههههههههههههههههه اه يابن اللذينه ، عرف يثبتها ولا ايه
مصطفى : يثبتها ده ايه ؟ دنا لما سالته بقوله انت عملت للبت ايه يا اخى قالى ولا حاجه دنا كنت بهزأها وبشتمها لقيتها ضحكت ، سيبك سيبك ياعم دى بنات مخها لاسع
اسماء : لا بقي والمصحف لازم اعرف هو قالها ايه
مصطفى : مش مهم بقي مانتى عرفتى الحكايه اهو
اسماء : صاصا ! احكى يا بطتى افتح بس بؤك الاول وكل حتة الكيكه دى
مصطفى : انتى بتغرينى بالكيكه انتى كمان ، دى مصيبه ايه دى
اسماء : هههههههههه ها قول بقي
مصطفى : لما سالته بقوله عملتلها ايه يابنى وقولتلها ايه خلاها تضحك
حكالى بقي وقالى لقيتها بتقولى انت بجد مش عارف انا مين ؟
قولتلها امبارح عرفت انك بنت دكتور عبد الله
قالتلى طب ايه مش خايف
قولتلها اخاف من مين ؟ منك ولا من ابوك ؟
قالتلى انت ماخوفتش انى اقول لبابا يعمل حاجه او ياخدلى حقى منك
قولتلها اولا انا ماغلطتش فيك ولا جيت ناحية حقك انتى عملتى حركه مش مظبوطه وفيها قمه قلة الادب والذوق وانا رديت عليك وخدت حقى انا
قالتلى طيب خلاص يا سيدى انا آسفه وفعلا الحركه اللى انا عملتها كانت قليلة الذوق جدا بس صدقنى انا ماكنتش واخده بالى ان فيه حد كان قاعد بس كلامك استفزنى ساعتها وماكنتش عارفه انا بعمل ايه ولا بقول ايه وياريت نبقى اصحاب
اسماء : ههههههههههههههه ايوه وبعدين قالها ايه ؟
مصطفى : قالها اصحاب ؟ عشان كل شويه نتخانق ؟
قالتله لا مش هنتخانق تانى هى كانت مره وخلاص بس بجد عاوزه نكون اصحاب
قالها انا ماعنديش اصحاب ومش اصحاب
كل اللى ف الجامعه هنا اخواتى واصحابى وحبايبى وماعنديش مشكله انك تبقى واحده منهم بس هقولك حاجه عشان نبقى على نور من دلوقتى
قالتله قول
قالها هتيجى تقولى بابى ومعرفش ايه وسلطه وكده مالكيش الا الطرقعه على دماغك
هى ساعتها بقي ضحكت ضحكه كبيره وقالتله ماشى خلاص موافقه اعتبرنى يا سيدى واحده منكو ،،، انا متشكره جدا يا ايمن اننا بقينا اصحاب حتى لو احنا ف تجاره وانت ف صيدله
اسماء : ههههههههههههههههههه ايووووووووووووه قولى بقي قالها ايه بعد كلمة ايمن دى
مصطفى : قالها اه ، بدأنا التخلف العقلى اهو
قالتله ليه يا ايمن ؟
قالها ايمن مين الله يحرقك انتى كمان
قالتله صاحبك اللى هناك ده قال لصاحبتى انك اسمك ايمن
قالها والنبى ؟ لا يا حلوه اسمى احمد وف تجاره هنا ، حاجه تانيه ؟
البت ضحكت تانى وحسيتها مبسوطه انها زميلتنا سنه بسنه كنا ساعتها كلنا قولنا دى بداية قصة حب بقي
لكن لما فضفت مع احمد وقولتله ايه ياعم فيه قصة حب عنيفه هتبدا ف الجامعه ولا ايه
لقيته قاعد سرحان
قولتله هيييييييييي انت يابنى ؟
قالى ها ! بتقول ايه يا مصطفى
قولتله اه شكل الدنيا لعبت ياسطا وبتحب
قالى فعلا بحب وقلبى متشحتف
قولتله يااااااااااااه بسرعه كده دانت لسا مكلمها النهارده
قالى مكلم مين ؟ انا اصلا ماشوفتهاش غير مره
قولتله مره مين يا متخلف انت دانت لسا مكلمها اهو ييجى بتاع ربع ساعه والبت فضلت تضحك وشكلها معجبه بيك
قالى انت بتتكلم عن مين ؟
قولتله البت فريده
قالى فريده مين وبتاع مين انت كمان ، دى بت عبيطه
اسماء : هههههههههههههههههههه
مصطفى : قولتله امال انت بتتكلم عن مين
قالى واحده يا مصطفى شوفتها من كم يوم ماشيه مع زمايلها وانا كنت قاعد بشرب شاى وشوفتها ، آيه من الجمال يابنى والرقه ، سبحان من سواها
قولتله اسمها ايه
قام شاتمنى ياستى وقالى انا ربنا واعدنى بالمتخلفين عقليا والمصحف ، يابن الهبله بقولك شوفتها مره واحده اكون عرفت اسمها منين جاتك داهيه انت كمان ، قوم يالا هات شاى واطلع من نافوخى
اسماء : ههههههههههههههههه ههههههههههههههههههههههه هههههههههههههههه ياخرااااااااااااااااااااااااااااااابي هو محدش فيكو كان بيسلك معاه كده
مصطفى : هههههههههههههههه خالص
بس قولتله طب والبت فريده شكلها فعلا معجبه بيك
قالى وانا مالى ماتعجب ولا ماتعجبش هو انا جيت جنبها وسابنى ومشى
قولتله رايح فين يابنى ؟
قالى ياعم هروح اشوف البت اللى شوفتها دى ف انهى مكان ولا ف انهى كلية ادعى بس اعتر عليها هنا ولا هنا
اسماء : ياااااااااااااااااه اد كده طول عمره مش شايف غير سلمى ؟
مصطفى : يابنتى هو وسلمى فعلا فعلا بحسهم روح واحده
عمرى ما شوفت حد بيحب حد كده
عمرى ما شوفت اتنين شبه بعض كده
عمرى ما شوفت واحد عينه بتلمع لغاية دلوقتى لما يشوف حبيبته ومراته
اسماء : فعلا ! اقولك حاجه
مصطفى : قولى
اسماء : انا ساعات لما اشوفهم مع بعض بقرأ قرآن ف سرى خايفه من عنيا انا احسدهم ما بالك الغريب بقي
مصطفى : يابنتى دول اتنين لقوا بعض وحبوا بعض ف ثانيه
وهو ده كان السبب الرئيسي ف خلافات سلمى وفريده مع بعض بعد كده
اسماء : هههههههههههههههههه لا دانت تبقى تحكيلى بقي
مصطفى : اكيييييد بس ابوس ايد اللى خلفوك ، اسم فريده ده مايجيش على لسانك نهائي لا قدام سلمى ولا قدام حد
اسماء : عيييييييييييييييييييييييب دنا سوسكا
مصطفى : ماهى المصيبه انك سوسكا ، هههههههههههههه
اسماء : ههههههههههههههه طب ومنه يا مصطفى حبت احمد ازاى واتخانقت مع سلمى ازاى وزعلت معاها الفتره دى
مصطفى : يا حبيبتى منه وسلمى طول عمرهم اصحاب الروح بالروح
سلمى هى اللى خلت منه تحب احمد من كتر كلامها عنه وحكاياته واد ايه معجبه بيه وبشخصيته
واللى شجع منه انها تتجرأ وتحب احمد ان سلمى عمرها ما قالتلها ان احمد بيقولى بحبك يا سلمى او حتى هى قالتله بحبك
كانو اتنين اصحاب وقريبين من بعض زي كل اصحابنا
كنا احنا عارفين اه ان احمد وسلمى بيحبو بعض بس كان احمد كل ما ييجى يقولها يرجع ف كلامه ، كان خايف جدا يخسرها او انه يكون بيطلب حاجه مش حقه خصوصا فرق الماديات اللى بينهم
اسماء : فعلا دى شخصيه احمد وكان ممكن ساعتها كان خايف من الفرق ده
مصطفى : لكن اهو ربنا وقف معاه خصوصا انه رجع من بره معاه قرش حلو وهو اللى سانده ف المطعم غير فلوس ابوه
اسماء : مصطفى ! هو احمد ايه السبب الاصلى اللى خلاه يسافر وماتقوليش خلافات بين سلمى ومنه وكده خلاته يبعد ، مافيش حاجه تقدر تبعد حد عن اللى بيحبه الا لو حاجه قويه جدااااااا
مصطفى : هقولك بس ده يبقى سر
اسماء : لا حاضر والله بجد سر
مصطفى : اللى خلاه يقرر يسافر فجاه ويبعد هو انه سمع بالصدفه كلام سلمى مع منه ، تقريبا كانو بيتخانقوا ، الكلام ده كان قبل امتحان اخر السنه سنه رابعه بشهرين
سمعهم بيتخانقوا سوا
او شبه بيشتروا ويبيعوا فيه
سلمى تقول لا هو بيحبنى قبل منك
ومنه ترد لا هو مش بيحبك هو بيحب فلوسك وفلوس ابوك عشان تكره سلمى ف احمد
وسلمى ترد تقولها مالكيش دعوه حتى لو طمعان ف فلوسى انا راضيه
وشويه كلام يجرحوا كده
ساعتها لقيته قاعد مهموم ع القهوه قولتله فينك يابنى ماجيتش الجامعه ليه النهارده ؟ قالى مافيش ، عديت على مكتب كده اشوفلى عقد عمل ف اى داهيه اسافر بعد ما اخلص امتحانات وكل الورق بتاعى
قولتله ليه ؟
قالى من غير ليه يا درش ماتشغلش بالك
وفضل شايل الكلمتين دول جوه منه اكتر من 3 شهور لغاية ما قالى كل حاجه وهو ف المطار ومسافر ووصانى على امه واخواته وقالى هغيب يا مصطفى عشان مش ناوى اطول هناك وارجع وانزل كتير ، قالى هى مره واحده هعمل قرش وهنزل ومش هسافر تانى
ايه ده انتى بتعيطى ؟
اسماء : كلامك آثر فيا شويه ، كمل
مصطفى : لقيته بيوصينى عليهم وقالى دول امك واخواتك يا درش انا سايب صاحب وأخ شيل اخوك دلوقتى
ساعتها انا حضنته اكتر من ربع ساعه كامله قبل ما يروح ع الطياره
وقولتله مستنيك يا غالي ماتتأخرش عليا
ويومها على وحسن حضنوه كأننا بنحضن ابننا يا اسماء مش صاحبنا
يومها حسيت بكسرته وفضلت صورته وهو بيحكيلى ف المطار معلقه قصاد منى طول ال 3 سنين اللى سافرهم
عارفه !
كلامى ليك وقت خطوبتنا او حتى ساعة ما شوفتك اتعلمتهم منه
اتعلمت اكون حنين منه ازاى
واتعلمت ماخافش من بنى ادم ازاى
واتعلمت يكون ليا كيان وشخصيه وكبرياء ازاى
كنا لما نقعد مع بعض ع القهوه كده انا والعيال ونفتكره كنا ندمع كلنا لانى كنت حكيت ل على وحسن اللى هو قاله
ونتصل عليه نكلمه ونهزر معاه
مره يقول انا نايم ف العربيه
ومره يقولى انا مسافر اهو ع الطريق خليكو معايا لغاية ما اوصل
نفضل نتكلم بتاع ساعه ونهزر ونضحك ونفتكر ايامنا
اخر المكالمه نفضل متنحين كده احنا التلاته انا وحسن وعلى ماننطقش ونقول ربنا يرجعه بالسلامه
يا حبيبتى بتعيطى ليه ؟
اسماء : مش قادره ، ايه ده اللى هو شافه ده ؟
مصطفى : شاف كتيييييييييييييييييير وقليل حتى هناك ف السعوديه كان كل فتره يطلعلو خازوق ف الشغل مع انه زى مانتى شايفاه كده بلسم ومابيكرهش حد بس نعمل ايه بقي فيه ولاد بهايم كانو بيستكترو عليه حب الناس او ان مديرهم يحبو اكتر منهم
لما شوفته قدامى لما نزل وجالى البيت ماصدقتش نفسي
ساعتها حسيت ان ربنا بيراضينى عشان موت حسن
حسيت ان روحى اترديتلى من جديد
ساعتها بس حسيت انى بقا للحياه معنى
بعد ما ربنا رزقنى بيك وب حسن الصغنن
بس كان لازم تكمل على خير واحمد يرجع
اسماء : ربنا يخليكو لبعض وتفضلوا كده دايما ايد واحده
مصطفى : يارب ! اهو ابن حلال بيرن عليا
اسماء : طب رد
مصطفى : ايه يا حبيب اخوك فينك
احمد : انا تحت اهو نزل الصينيه
مصطفى : طب ما تطلع يابنى
احمد : لا ياعم سلمى مستنيانى بتقولى طابخالك بايديا ههههههههههه
مصطفى : ايوه بقي
احمد : ايوه بقي ايه اتنيل مانت مش عارف ، دنا باكل اللى هى بتطبخه غصب عنى ههههههههههههه خايبه اوى ياأخى ف الاكل ومراتك ياخويا مش عارفه تعلمها
مصطفى : ههههههههههههههههه خدها اهى كلمها هى
اسماء : ايوه يا حمووووو ماهى اللى مابتعرفش تتعلم ياعم
احمد : ههههههههههههههههه والنبى ايه ؟ طيب يا شملوله ابقى روحى اقعدى معاها كده فتره حلوه وعلميها الحاجات الحرشه بتاعتنا ، المحشى والبط والحمام ، انا خسيت النص منكو لله
اسماء : ههههههههههههههه حاضر من عنيا . بس قعدهالى يومين م الشغل بس وانا اروح اعلمها كل يوم حاجه انا واختك سالى
احمد : بس كده ! هقعدهالك اسبوع ياستى ولا تزعلى
اسماء : ماشى ياعم . خد مصطفى اهو
مصطفى : دقيقه ونازلك يا حب
احمد : ماشى
* ملحوظه : تفاعل الروايه بيقل جداااااا وهنضطر آسفين ننزل حلقه واحده كل 3 ايام او نوقف الروايه نهائي اذا استمر عدم التفاعل )
.....................
إلى اللقاء ف الحلقه القادمه