روايه بنت الاكابر

(الجزء الرابع ) (الحلقه الثامنه ) ( تأديب وتهذيب واصلاح )

(الجزء الرابع )
(الحلقه الثامنه ) ( تأديب وتهذيب واصلاح ) <3
................
(في الحلقات السابقه)
احمد : الو ! عاوزه حاجه قبل ماجى
سلمى : سلامتك يا روحى . ماتتأخرش عليا
احمد : انتى مالك بتتكلمى كده ليه ؟
سلمى : مافيش بس وحشتنى اصلك
احمد : طب انشفى .. وبطلى ام المياصه بتاعتك .انا ربع ساعه واكون عندك . سلام
............................
احمد : ههههههههههههههههههه انتى لسا شوفتى حاجه .. دنا هشلك
سلمى : اه يابن اللذينه .. احنا هنبتديها كده ؟ طب ودينى منا خاسره الرهان ده ولازم اكسبه .... ويانا يانت ياحمد النهارده ...
......................... (الحلقه الثامنه ) <3
سالى : ندى ! شوفى مين اللى بيخبط .. قولى مين الاول
ندى : ميييييين ؟
احمد : افتحى يابت مانتى عارفه خبطتى
ندى : حموووووووتى ... وحشتنى
سالى : انت ايه اللى جابك
احمد : نعم ياروح امك
سالى : ههههههههههههه قصدى يعنى ياحمو سايب سلمى لوحدها ليه دلوقتى .. الساعه داخله على 1 .
احمد : وانتى مالك . جاى اشوفكوا واشوف امى .. هى نامت ولا ايه
سالى : اه من شويه
احمد : طيب هدخل ابوسها
ندى : اعملك فشار معايا
احمد : لا انا مروح على طول ...
..........
احمد : ها عاملين ايه . الامتحانات قربت مش عاوزين فضايح .. اللى هتجيب درجات حلوه فيكو هاخدها معايا فسحه حلوه
سالى : فسحه فين ها فين
احمد : لا عادى لسا مقررتش ... بس ف البروجرام يعنى . كمان شويه مش اليومين دول
سالى : ماشى يا حمو . قوم روح لمراتك بقي
احمد : انتى بتكرشينى يابنت الهبله ..
سالى : ههههههههههههههههههه اه . سلمى حبيبتى قوم روحلها بقي
احمد : حبك برص انتى وهى .. انا قايم اصلا مروح اهو .. يلا تصبحوا على خير
ندى : وانت من اهله يا حمو
سالى : وانت من اهل الخير يا مز
........................
( ف البيت )
( سلمى لابسه قميص نوم مفتوح من الضهر ومن منطقه الصدر مغرى جدا )
سلمى : حبيبى ! انت جيت
احمد : لا لسا ماجيتش
سلمى : هههههههههههههههههه بتتريق عليا ..
احمد : اعملك ايه يعنى منا قاعد اهو .. قومى حضري العشا انا جعان
سلمى : طب قوم ساعدنى طيب . انا حيلى اتهد النهارده
احمد : قومى حضرى العشا وبطلى حوارات والنبى على ما اغير هدومى ..
سلمى : يابااااااى .. طيب
....................
(ف المطبخ )
سلمى : اعمل ايه مع الواد ده يعنى دلوقتى ؟؟ ابطحه وأخلص ؟
انا هنفذ الخطه الاولى .. هعمل نفسي اغمى عليا بقا لما اشوف ...
(احمد واقف بره المطبخ بيشرب ميه وسامعها بتتكلم مع نفسها )
احمد : ههههههههههههههههههه .. ماشى يا سلمى . وحياتك لاجيبلك جلطه النهارده . صبرك عليا
...............
(سلمى بتحضر العشا لاحمد وبتجيبهوله على صينيه وبتوطى وهى بتديله )
سلمى : اهو يا روحى العشا ... محشى وبط كمان ياسيدى .. وعملتلك بطاطس وشوربه
احمد : ايه ده وفين الممبار
سلمى : ايه ؟ ممبار ايه ده
احمد : وحياه امك ؟ فين الممبار يا بقره مش قولتلك اعمليه النهارده
سلمى : مالحقتش اعمله . دنا طلع عينى ف الحاجات دى
احمد : شوووف ازاى .؟ طلع عينك . ياحراااااام . طب روحى اعملى الشاى على ما اتعشى . واقعدى ف اوضتك
سلمى : يا احمد انا ....
احمد : خلصنا بقا .. عاوز اكل . جعان
سلمى : طيب
احمد : اعملى الشاى الاول وبعدين ادخلى اوضتك
سلمى : طيب
.........................
( ف اوضة سلمى بتكلم نفسها )
سلمى : ( بتخبط على التسريحه بعصبيه ) طاااااااايب .. هعمل نفسي اغمى عليا بقي .. بس ازاى ؟ انى اتخبطت ف الباب يعنى ولا ايه ... اه انا اتخبطت ف الباب . اهو .. ااااااااااااااااااااااااااااه (بترزع الباب جامد )
(سلمى قافله عين وفاتحه عين بتبص ع الباب )
سلمى : ايه ده لسا ماجاش ... ماسمعش صوتى ولا ايه ؟ طب اااااااااااااااااااااااااااااااااااه
(سلمى بتقوم تخبط الباب تانى جامد وبتصرخ : ااااااااااااااه الحقنى يا احمد )
سلمى : الله يخربيتك يا عم . انت ايه مش سامع ... طب هطلع فوق السرير واهبد نفسي ولا اعمل ايه انا مش فاهمه . ااااااااااااااااااااااه
(سلمى بتبص على شباك الاوضه بتلاقي احمد واقف بره بيبص عليها )
احمد : ايه اللى انتى بتعمليه ده يا هبله يابنت الهبله .. ايه الجنان بتاع امك ده وايه الهبد اللى عماله تعمليه ده
سلمى : ايه ؟ يافضيحتى .. انت واقف من امتى
احمد : فضيحتك ايه ؟ جاتك ستين نيله ... واقف من ساعه ما خبطتى الباب وانتى داخله وعماله تبصى ع الباب تشوفينى جاى ولا مش جاى ... قومى ياروح امك اعملى الشاى . هو انا مربى قرده ف البيت ؟ ..ده ايه ده ؟
سلمى : امرك يا سيد المعلمين
............................
احمد : ( بره الاوضه ) ههههههههههههههههههههههه ااااااااااااااااااااه همووووووووووووت .. مش قادر والله
.................
سلمى : يانهار اسود على دى كسفه .. اودى وشى منه فين .. ياخرابى انا وشي قلب الوان ههههههههههههههه ندخل بقا ع الخطه التانيه ... انا هاخد الفوطه وادخل استحمى . وف نص الدش هخرج بالفوطه واقوله صرصار صرصار . ههههههههههههههههههه والنبى حلوه الخطه . دنا هجنن أمه
............................
( بعد ربع ساعه )
(سلمى خارجه بالفوطه بس م الحمام )
سلمى : أحمممممممممد الحقنى ! الحقنى ! فيه صرصار ف الحمام بيطير
احمد : طب اتاخرى شويه عاوز اتفرج على اعاده الماتش .. اتاخرى
سلمى : ياراجل بقولك صرصار ياراجل
احمد : روحى اضربيه .. اتاخرى بقولك من قدام التلفزيون
سلمى : تصدق انك رخم
احمد : لمى لسانك هقوملك
سلمى : رخم وغتت كمان ... ودمك تقيل . هه بس !
(احمد بيعمل انه بيقوم وراها .. وهى بتطير على الحمام تانى )
احمد : يعنى قفلتى على نفسك الحمام اهو .. امال فين الصرصار
سلمى : ماهو طار بقي
احمد : (بيكتم الضحكه ) اه منا عارف انه طار ... تانى مره تلمى لسانك معايا بدل ما ادخل اكسر الباب على دماغك دلوقتى
سلمى : طب ادخل ورينى . ماتقدرش
احمد : مقدرش ؟؟ طيب
سلمى : خلاص ياحمو تقدر ونص ... انا اسفه
احمد : قولى انا اسفه يا احمد باشا
سلمى : انا اسفه يا احمد باشا
احمد : قولى حقك عليا يا احمد بيه
سلمى : حقك عليا يا احمد بيه
احمد : ( بيكتم ضحكته ع الاخر ومش قادر ) اخلصى يلا بسرعه
سلمى : ليه ها ليه ؟ عاوز منى حاجه . اخرجلك دلوقتى على طول وحياتك
احمد : هكون عايز منك ايه يعنى اخلصى ... عاوز اشرب الشاى
سلمى : ياباي ... طيب طيب . دقيقتين وخارجه
احمد : دقيقتين مش اكتر
...........................
سلمى : وأدى تانى كسفه يا سلمى . شكلك بقا وحش اوى النهارده ..
( احمد واقع من الضحك على الكنبه )
...............................
سلمى : اتفضل الشاى .. انت بتضحك عى ايه ؟
احمد : شكرا ..لا افتكرت موضوع كده بضحك عليه .. . على اوضتك يلا نامى عشان هتقومى الساعه 5 الفجر
سلمى : نعم ! ليه ان شاء الله
احمد : زى اى زوجه مصريه اصيله ... تقومى بدرى تشوفى بيتك وحالك ومحتالك وتخلصى شغل البيت . امور الدلع خلاص انسيها
سلمى : ايوه ده لما يكون عندنا عيال . اقوم معاهم اوديهم مدارسهم او الحضانه بتاعتهم .. لكن انا اصحى الفجر ليه يعنى بتاع ايه ان شاء الله ياخويا
احمد : عشان انا قولت كده .... انا هنزل ع المطعم الساعه 8 .. وعاوزك تقومى بدرى تخلصى اللى وراك وتحضرى الحمام بتاعى والفطار وتعملى عيش طازه ...ايه بطلب منك انا طلب غريب ... فيه ايه يا بت
سلمى : يا حمو حرام كده مانت كل يوم بتنزل على طول وبتفطر ف الشغل ... حرام عليك بقي انا مش هستحمل كده
احمد : ايه ايه ايه ؟ مش هتستحملى ايه ؟ وكتاب الله لو الساعه جات 5 وربع ولسا ماصحيتيش لكون مصحيك بجردل ميه على نافوخك ... لما ابقى انزل لشغلى ابقى نامى انتى واعرفى مواعيد رجوعى الضهر عشان الغدا
سلمى : طيب .. البايتلاةىرلاؤءترانتبلبينلتمكبيلناتل
احمد : انتى بتبرطمى بتقولى ايه هقوملك والله
سلمى : ولا حاجه ياعم . انا داخله انام بقا عشان الحق اصحى بدرى
احمد : بالسلامه
سلمى : تصبح على خير
احمد : طيب
سلمى : ياباى على تقل دمك . والله دمك تقيل
احمد : يابت لمى نفسك
سلمى : اهووووووووووووووووووو بتضحك اهو وكاتم الضحكه . اضحك بقا والنبى والنبى عشان خاطرى
احمد : مابضحكش .. اضحك ليه ان شاء الله . اجرى اجرى عاوز اتفرج ع الماتش
سلمى : طيب ياخويا انت والماتش بتاعك
.............................
سلمى : هقول ايه للبنات دلوقتى بقي .. انا هقول لسالى انى كسبت الرهان وخلاص وكده كده احمد مش هيكلمها
...................
( على جروب الواتس )
سلمى : يابنات باركولى
سالى : خييييييير
اسماء : ايه حصل ولا ايه ؟
ساره : مووووووووزتى بقي . ايه كله اتصلح ولا ايه
سلمى : ايوووون .. ومن بكره ياسالى تيجى تطبخى بدالى . انا وحمو اتصالحنا
سالى : والمصحف كدابه .. احلفى طيب
سلمى : والمرسى ابو العباس اتصالحنا
سالى : احلفى بحياه احمد عندك
سلمى : ايه ده انتى مش مصدقانى .. اخص عليك اخص ماكنتش اعرف انك كده .. ابعدى عنى دلوقتى انا مصدومه فيك
سالى : اخلصى يا روح امك . احلفى بحياه احمد عندك وانا هتلاقينى عندك من بكره اطبخلك
سلمى : عاوزه الفستان لونه ايه
سالى : هههههههههههههههههههههههه ااااااااااااااااه يانى . اقسم بالله الجيران هتصحى على صوتى من كتر الضحك
اسماء : ههههههههههههههههههههههههههههههههههههه اه يانى ... اه يانى يامه مصطفى بيقولى فيه ايه يا بت . قولتله مااافيش هههههههههههههههه
ساره : هههههههههههههههههههههه منكوا لله فضحتونى .. بكلم خطيبى بيقولى فيه ايه يابت . مش عارفه ارد من كتر الضحك هههههههههههههههههههههه
سلمى : انتوا شمتانين فيا .. طب يلا يا روح امك انت وهى روحوا نامو . عشان هصحى من الساعه 5 اوزع اللبن قصدى اوضب الشقه ... ونفسي كلبه فيكوا تتريق
سالى : هههههههههههههههه الرحمه يابشر .. انا بطنى وجعتنى منكوا لله
ساره : انا هقطع علاقتى بيك يا سلمى خلاص هههههههههههه ايه الضحك ده
اسماء : ههههههههههههههههههه ايه التأديب ده . . هو الواد ده محدش قادر عليه ولا ايه يا جدعان ... بس دم امه عسل ابن اللذينه هههههههههههههه
سلمى : بقولكوا ايه ... اللى صاحيه فيكو ف التوقيت ده ترن عليا .. وانا هظبط منبه التليفون على 5 ومنبه الساعه اللى جنبى على 5 .... انتوا عارفينه ده هيقفلى بالدقيقه .. وحالف لايصحينى بجردل ميه لو ما صحيتش
سالى : ههههههههههههه اخووووووووويا ويعملها . ده ياما عملها فينا
سلمى : بتتكلمى جد ؟
سالى : اه والله . لازم تصحى زى ما قالك لاحسن هيصحيك هو بمعرفته
سلمى : يالهوى ... انا هروح انام الله يخربيوتكوا . ده فاضل اقل من 3 ساعات
اسماء : ههههههههههههه ربنا معاك .. وانا لو صحيت هبقى اديلك رنه
سلمى : ماشى يا حبى
ساره : سلام يا مزه .. انا النهارده ضحكت كميه ضحك تكفينى سنتين قدام
سلمى : سلام يا مزز
......................
(الساعه 6 الصبح )
( سلمى بتصحى على كوبايه ميه ساقعه تلج ف وشها )
سلمى : هيييييييييييييي ايييييييييييييييه ده
احمد : انا قايلك تصحى الساعه كام ؟
سلمى : اييييييييييييييييه يا احمد حرام عليك .. ايه اللى بتعمله ده
احمد : انا قايلك تصحى الساعه كام ردى ؟
سلمى : 5
احمد : ودلوقتى الساعه 6 .... انا سيبتك نايمه ساعه بحالها اهى ... قومى حضري الفطار والحمام .. عاوز اخد دش
سلمى : طيب قايمه اهو
......................
(احمد بيخرج م الاوضه وسلمى بتكسل والنوم بيغلبها وبتنام تانى )
(بعد 10 دقايق )
احمد : ايه ده انتى لسا نايييييمه ؟
سلمى : ايه .. نايمه فين ده انا اهو خلاص خلصت ....(بتجرى ع المطبخ )
احمد : ههههههههههههه
...................
احمد : احنا هننام ف المطبخ ولا ايه . ما تخلصى
سلمى : (نايمه على روحها ) حاضر اهو . هعملك لبن
احمد : ماتعملى اللى تعمليه . انا جايبلك جبن امبارح كتير بسرعه . وشوفى عندك ايه تانى
سلمى : طيب . روح انت استحمى وانا هخلص
احمد : عارفه لو نمتى ؟ المره دى بجردل كبير فوق دماغك
سلمى : تؤتؤ مش هنام
احمد : وكتاب الله هتنامى طالما قولتى تؤتؤ دى .. ما تصحصحى يابت شويه
سلمى : ( نايمه على روحها اوى ) منا صاحيه اهو
..........................
(الساعه 8 احمد رايح المطعم بيرن على مصطفى )
احمد : الو !
مصطفى : الو ! ايوه يانجم
احمد : انت نازل على شغلك ولا لسا
مصطفى : اه ف الطريق اهو . انت ايه نازل ولا مريح
احمد : اه انا بدور العربيه ... المهم المغرب ان شاء الله تبقى تعدى عليا بقا عشان عاوزك ف موضوع كده
مصطفى : خيييييير !
احمد : لا خير خير لما تيجى هتعرف
مصطفى : ماشى يا كبير . اشوفك بالليل ..
احمد : سلام يا درش
.........................
( استعلامات فندق معروف في شرم الشيخ )
احمد : الو ! صباح الخير ...
استقبال الفندق : صباح النور يا فندم
احمد : لو سمحت كنت عاوز احجز غرفه عندكوا ف الفندق ..
استقبال الفندق : كم فرد يا فندم ..؟ وامتى الشيك إن
احمد : فردين اه . انا ومراتى ... بكره ان شاء الله . بس انا عامللها مفاجأه يعنى عشان عيد ميلادها وكده ... انا جاى الاول وهى هتيجى بعدى بكم ساعه
استقبال الفندق : تمام يا فندم .... البيانات لو سمحت
احمد : انا هبعتلك صور البطاقه بتاعتى على الواتس بتاع الفندق . تمام كده ؟
استقبال : تمام اوى ... عاوز الغرفه عاديه ولا جناح ولا غرفتين ف بعض
احمد : لا غرفه كبيره . بس انا كنت عاوز اعمل اوردر كده لو ينفع
استقبال : اكيد يافندم تحت امرك
احمد : يعنى عاوز اعمل احتفاليه كده بمناسبه عيد ميلادها .. ف كنت عاوز افاجأها بصراحه ... ايه البروجرام اللى عندكوا ...
استقبال : هههههههههههه يعنى هى عارفه وجايه شرم الشيخ على اساس عيد الميلاد ولا جايه على انهى اساس
احمد : اسم الكريم ايه ؟
الاستقبال : علاء يا فندم
احمد : مراتى المفروض انها هتيجى تقفشنى وانا بخونها مع واحده اجنبيه يا علاء . هههههههههه ف كنت عاوزها بقا تيجى تلاقي ليله حلوه ومفاجأه حلوه . لان ده يعتبر اول خروجه لينا بره اسكندريه واحنا متجوزين .. احنا لسا ف شهر العسل
..............................
الى اللقاء ف الحلقه القادمه