روايه بنت الاكابر

(الجزء السابع ) (الحلقه الثالثه عشر ( قبل الأخيره ) ) ( اللمه )

#مسلسل_بنت_الأكابر (الجزء السابع )
(الحلقه الثالثه عشر ( قبل الأخيره ) ) ( اللمه ) <3
................
(في الحلقات السابقه )
سلمى : آلو ! ايوه يا احمد انت فين ! مصطفى وعلى هنا من بدرى وخلصنا الاكل ياعم احنا واقعين
احمد : انا خلاص ع الباب اهو افتحى الباب يلا
سلمى : طيب يلا جايالك
.....
سلمى : مين ؟ فريده ؟
............... ( الثالثه عشر ) <3
فريده : ايوه فريده يا ندله
سلمى : ههههههههههههههه تعالى هاتى حضن
فريده : ههههههههههه لا مش طايقاك
سلمى : خلاص بقي قلبك ابيض طول عمرك اجدع منى ، ماهو الواد ده اللى مبوظ اعصابى اعمل ايه انا طيب
فريده : تعرفى انى كنت زعلانه منك جدا وهزعل بجد لولا ان احمد كلمنى وفهمنى انتى عملتى كده ليه ؟ وبصراحه عذرتك ماهو الواد ده طول عمره رخم
احمد : الله اكبر انتو هتقلبوا عليا يابت انتى وهى فيه ايه
فريده : هههههههههههههه يابنى الداخل بينى انا وسلمى خارج
احمد : ياساتر يارب ، اه ماهى كملت انضمى لشلة الخولل اللى انا دايما بقول عليكو كده سلمى وفريده ومنه وساره ، ناقصنا بس البت اسراء ومروه الهبله وتبقى كملت ههههههههههههههههه
منه : هههههههههههههههههههه تعالو تعالو ادخلوا ، النهارده عيد والله تعالى يا ديدا
فريده : مونمون ، ! عاجبك اللى حصل ده ، وبعدين استنى مانتى كنتى معاهم يا جزمه ههههههههههههه
منه : وانا مالى انا هما الاتنين قدامك اهو يتصرفوا معاك بقي
فريده : المهم يا احمد ماقولتليش مين البت اللى جات كلمتك وانا قاعده معاك ف الكافيه وخدت رقمك
احمد : ايه يا سلمى بتبصيلى كده ليه يا ماما دى بتهزر
سلمى : ( بتبص لاحمد وعينيها بتطلع شرار )
فريده : هزار ايه مابهزرش
احمد : الله يحرقك البت هتصدق
فريده : لا دى سلمى حبيبتى ، انت اللى عينك زايغه فعلا
احمد : طب مش واكل ، انا ايه اللى جابنى هنا اصلا منا كنت بره
سلمى : رقم مين اللى خدتها ده ياض خد
احمد : فريده انطقى ابوس ايدك الوليه دى مجنونه
فريده : هههههههههههههههههههههه حرام عليك بقا حتة البونبونى دى وليه ؟ اه يا تحفه
سلمى : ها يا فريده هزار ولا بجد
فريده : هههههههههه لا هزار هزار خلاص براءه
سلمى : ربنا بيحبك
احمد : طب اقعدى بقي ف حته وبعدين فين الاكل انا جعان ، انا مش عارف بقيت اجوع كتير ليه اليومين دول ، الخوف حلو بردو ههههههههههههه
فريده : ههههههههههههههه حلال فيك
منه : ههههههههههههههههههههههه
ساره وسالى : هههههههههههههههههه
مصطفى : ايش ايش ايه الصحبه الحلوه دى
اقسم بالله الواحد ما ناقصه حاجه بعد اللمه الحلوه دى كلها
منه : بصراحه بصراحه مافيش غيره اللى يعرف يلمنا اللمه دى
احمد : طب اقعدوا بقي عشان عاوز اقولكو حاجه
انتو كلكوا كده على بعض
ومعاكو طبعا أمى واختى ندى اللى بتذاكر للثانويه بتاعتها وطلعان عينيها
وابو سلمى وامها
اقرب واحب الناس لقلبى
واللى فضلت واخد وعد على نفسي انى احافظ عليكو حتى من بعض
كانت اى مشكله بتحصل بينا كنا بنعديها
عيشنا سوا لحظات حلوه ولحظات وحشه
لحظات وداع وفراق ولحظات فيها فرح وضحك ودموع من كتر الفرحه
صدقونى الكره والنفاق سهل جدا
سهل انى اضحك ف وشك وانا من جوايا مش طايقك
سهل جدا انى اعمل انى بحبك بس من جوايا بكرهك ودايما حاسدك
لذلك كنت دايما بحاول اعيش احلى ايام حياتى سواء ف جامعه او ثانوى او حتى لما سافرت كنت بحاول اعمل زماله وصحوبيه مع ناس كتير
اقولكو حاجه !
انا من غيركو صفر ع الشمال
ولا هيبقالى وزن ولا قيمه من غيركو
الدنيا مش هيبقالها طعم من غير مصطفى وجدعنته وخوفه على صاحبه وبيستر عليا كتير هو اينعم اهبل وبيدلق زى الجردل بس مش مشكله ولا من غير على وضحكته اللى بترد فيا الروح لما بسمعها
حتى ساره مرات حسن كل ما اشوفها كأنى شايف حسن بالظبط عشان كده بردو عزمتها معانا النهارده
هى الدنيا تبقى دنيا من غير منه وعيونها الزرقا ، كنت كل ما اكون مهموم او شايل طاجن ستى فوق دماغى ومش طايق حد كنت ادور عليها واروح اقعد معاها وابص لعينيها بس وأسرح وكل همى بيروح ف ثانيه
ساره صاحبة اجمل قلب ف الدنيا والدلوعه بتاعتنا وبنحسها كأنها بنتنا مش صاحبتنا
وسالى شريكة عمرى وكاتمة سرى كله وحبى الاولانى وبنتى قبل ما تكون اختى
وسمسمه بقي الكريزه بتاعتنا ، احسن حاجه عملها مصطفى ف حياته انه حبك واتجوزك وجابك معانا ، وانتى مثال حى لبنت البلد الجدعه الحلوه اللى دايما شايله الكل وصابره
وفريده اللى ماكنش ينفع الصوره تكمل من غيرها ومن غير غمازاتها وسنانها اللى بتبان لما بتضحك ، ضحكه كده تشرح القلب العليل وعودها يتقال فيه موال ههههههههههه
كده انا خلصت ، ناسى حد انا ولا ايه
سلمى : احححححم
منه : هههههههههههههه
سالى : هههههههههههههههههه
الكل مع بعض : ههههههههههههههههههههههههههه
احمد : هههههههههههههه أما بقا الهانم اللى قدامكو دى ف هى تجسيد حى قدامكو ان ممكن الواحد روحه تطلع قدامه ويشوفها بتتحرك
بس ليها عيون وخدود وغمازات ههههههههههه
اقولكو حاجه عنها
طوال 3 سنين ليا ف السعوديه صورتها كانت قدامى ف العربيه
كانت ونيستى ف السفر
كنت اقعدها جنبى كده وانا مسافر وافضل اتكلم معاها كأنها فعليا معايا
لدرجة من الدرجات انى مره كنت مسافر والجو كان مطر وتلج وحاجه نيله ، دخلت كافيه ع الطريق اجيب حاجه سخنه اكلها وكوباية شاى اشربها
من لبختى جبت كوبايتين شاى واحده ليا وواحده ليها
من كتر منا كنت مصدق انها معايا
ساعتها يا ويلى على عيونى اللى فضلت طول الطريق غرقانه دم مش دموع
من كتر ماكانت وحشانى
صوتها وصورتها كانو محاوطينى بطريقه غريبه
كان عقلى رافض فكرة ان الدنيا دى ممكن تكمل من غيرها
سلمى مش بنت شوفتها وحبيتها ومقدرش استغنى عنها
لا لا لا لا سلمى أكبر من كده بكتير
اقولكو هى بالنسبالى ايه بكل بساطه
هى الدنيا وما بعدها
الحكاية وآخرها
البدايه ونهايتها
روحى ومنتهاها
عشقانك يابنت الناس وملجمه حياتى كلها معاك ومقيدانى معاك بقيود نار
نار هتولع ف اى حد يحاول يقرب منك ولا يطفى ضحكتك
نار هتاخد ف سكتها اى حاجه ممكن تكسرك
ساعات كنت بسأل نفسي كتير جدا وانا قاعد مع نفسي
هو انا حبيتها امتى ؟ وليه هى بالخصوص ؟ وازاى حصل كل ده
لقيت نفسي بجاوب على نفسي وبقول
معرفش حبيتها ليه وازاى وامتى واشمعنى هى !
واحد قاعد ف حاله شاف بنت جميله ماشيه قدامه حبها وعشقها قبل حتى ما يعرف اسمها ولا هى ف اى حته
البنات الحلوه كتير جدا
البنات الرقيقه كتير والبنات اللى كانت عاوزه تكلمنى كتير
طب انا ليه اتخطا كل دول وآآمن بيها هى وبعيونها
اضحككوا على حاجه ؟
اول كلمه تطلع من لسانى بعد ما شوفتها ده طبعا بعد ما تنحت معاها وفضلت عينى عليها لغاية ما مشيت وتاهت عن عينى هى " آمنت بيك يارب "
فعلا
مخلوقه ظهرت قدامى ف 10 ثوانى زلزلت كيان واحد عارف وعرف من البنات انواع
حسيت كأن دش بارد نزل على نافوخى ف عز الحر تلج صدرى
اوقات كتير لما كنت بكون ف حضرتها وقاعدين
بلاقى عيونى تلقائيا تاهت وراحت ورشقت جوه عيونها وآمنت وسلمت
بعدها ب 4 ثوانى بالظبط وكنت بحسبهم كل مره بلاقي عينيها هى كمان بصتلى
نفضل باصين لبعض 4 ثوانى تانيين
وبعدين كل واحد يبص ع اللى كان بيبص عليه
كأنى عيونى الاول ندهت على عيونها
وبعدين العيون اتلاقت وشبعت من بعض
وبعدين خلاص خدوا الاكسجين بتاعهم وكملو حياتهم تانى
ف اليوم الواحد كنت ببقى عاوز اقولها انى بحبك ييجى 10 مرات
ومع كل مره لسانى بيتلجم
خايف !
كنت خايف انى اخسرها حتى كصديقه
مع العلم انى كنت متأكد 100 % انها كانت بتحبنى يمكن اكتر ما بحبها
بس خوفت الحكاية تتكرر من جديد
حكاية واحد صاحبى حب وعشق واحده ف الجامعه
يمكن حكايتى انا وسلمى ماتجيش 1 % من حبه ليها وحبهم لبعض
بس للآسف
ابوها وقف قصاده وبعدها عنه وبعدهم عن بعض
وعشان كان حبهم اقوى من اى حكايه واى بعد
البنت ماستحملتش وتعبت ودخلت المستشفى وسفرها ابوها تكمل علاج واتوفت هناك
خوفت
اترعبت ان الحكاية تتكرر
شوفت صورة صاحبى ده قدامى
شوفت عينه وهى غرقانه دموع
ومش عارف يعمل ايه ولا هو فين ولا مع مين وهو قاعد على قبرها كما اليتيم
كلنا ساعتها مشينا وسيبناه قاعد لآخر اليوم
كان ف ايده ورقة هى كانت كاتباها بخط ايدها ووصت ابوها ان لو حصلها حاجه تدي الورقه دى لصاحبى ده يقراها وهو قاعد على قبرها .. تخيلتو معايا الموقف ؟
ساعتها هو فضل للآخر وفعلا قالنا امشوا انتو سيبونى معاها
وقعد يقرا
انا فضلت ابص عليه من بعيد
صوت نهنهته وشحيبه وصوت آهاته وهو بيقرأ كانت بتدمى ف قلبى
صوت يقطع القلب
صوت يخلى الحجر يتكلم
معقول هو فيه حب بالشكل ده يخلى كل الخوف ده يطلع ؟
معقول فيه واحد يحب واحده للدرجه دى تخليه لغاية دلوقتى لغاية تاريخنا ده بيكلم الناس كلهم عنها ؟
بعدها باسبوعين انا ساعتها شوفت سلمى
ولما عرفت انها بنت ناس كبار وبنت أكابر انا خوفت
وخوفت أوى وكانت دايما صورة أحمد صاحبى ده قدام منى
اقولكو سر ؟
لما سافرت لقيته هناك وقابلته
دايما كان يحكيلى عنها
وهو اللى شجعنى انى ارجع وادور على سلمى
وقالى يا متخلف لو بينك وبين واحده الحب ده تبقى عبيط لو ضيعته من ايدك
.
عارفين !
ساعات كنت بحس بنفسها معايا
مره قومت من نومى شوفتها لمده 3 ثوانى غمضت عينى وفتحتها تانى لقيتها اختفت
كان طيف واحد منها ييجى على بالى كان بيقلب يومى كله بيخليه يوم حلو
كنت بشوفها ف وشوش كل الناس
كانت لما توحشنى احط ايدى على قلبى واكلمها
سلمى دى انا طلبتها من ربنا من قبل حتى ما اكلمها
لما شوفتها أول مره دعيت ربنا انه يعترنى فيها تانى
هعترفلكو باعتراف اول مره هقوله
لما شوفتها واطقست كده وعرفت انها معايا ف كليتى ف نفس السنه
كنت بظبط مواعيدى على الوقت اللى هى بتروح فيه الكافتيريا وافضل متنح فيها من بعيد
وعشان مابقاش شكلى باين اوى انى ببص عليها او على وشوش البنات يعنى عموما كنت اجيب اى واحد او واحده من اصحابنا واقف معاها وابص من بعيد لبعيد كده
لغاية ما جاتنى الفرصه انى اروح اسال عليها لما لقيتها مش موجوده مع ساره ومنه
بس بعدين هى قالتلى انها كانت واقفه بعيد عشان تعرف انا بستناها هى ولا لا
كنت اوقات اجى الجامعه ابص ف وشها واقوم اروح تانى خلاص مش عاوز حاجه تاني
كنت بشوفها تخصنى من قبل حتى مايكون بينى وبينها كلام
حكايتى مع سلمى تتلخص ف 3 كلمات
شوفتها
حبيتها
استكفيت
خلصت كده ومش عاوز حاجه م الدنيا غيرها وغير ضحكتها
عارفين خفة دمى اللى متعودين عليها دى منى
دى كنت بتعمد ابقى كده عشان اشوفها بتضحك واشوف ضحكتها
يا ويلى لما كانت تضحك من قلبها وألاقيها بتبصيلى كده وتقولى انت مجنون يا حمو ، كنت ببقى ساعتها عاوز اخدها من ايديها ونروح بعيد وابوس اللى جابوها عشان تبطل رقة وحلاوه بقي
هحكيلكو مره من المرات كنت بتمشى وروحت اجيب شاى
ولما رجعت لقيت الهانم واقفه مع واحد زميلنا وبتضحك
جزيت على سنانى وكنت هاين عليا اروح اولع فيها وفيه
بس لاء قولت هعمل حاجه تانيه
روحت وقفت وسطيهم وبصتلها وضحكت معاهم
ساعتها انا حسيت بنبضات قلبها بتذيد بسرعه هههههههه لما الواد مشى لانه حس انى هعمل فيه حاجه انا يومها بصتلها وقولتلها لو انتى بنت ابوك بصحيح يبقى اشوفك واقفه مع واحد تانى غيرى بعد كده لوحدكو ، فاهمه ولا مش فاهمه ، ساعتها هى عملت تصرف غريب وردت عليا وهى بتضحك وقالتلى فاهمه يا بطتى
اتارى الهانم متفقه مع ساره ومروه انهم يعملو كده عشان يشوفونى هعمل ايه
سلمى : ( بتعيط )
احمد : عشان كده انا بقولك انى مستكفى بيك يا سلمى ، وافهمى الكلمه دى انا مستكفى بيك واللى حواليك دول حبايبى واصحابى واخواتى ، ومش ناوى اخسر حد فيكو ،
حتى لو حد فيكو قرر يسيب ويبعد مش هسيبه وهجيبه من قفاه
انتو ليا انا
تخصونى
مش هسيبكوا
عشان انا جربت الحياه 3 سنين من غيركو ولقيتها وحشه ، وحشه جدا
هى حاجه واحده نفسي اعرفها ف ام الليله دى
الكل : هههههههههههههههه ايه ياعم
احمد : دلوقتى سلمى وانا بكلمها امبارح ع الواتس قالتلى انا لابس ايه وقالتلى الشيشه اللى بتشربها منفسه كده ليه وبايظه
جيت سالت الواد مصطفى حلفلى انه ماقالش حاجه لحد
والبت بتقول انها مخاويه وعندها عفريت اسمه عفركوش
وحياة امى مانتو طالعين من هنا قبل ما اعرف هى عرفت ازاى
مصطفى : هههههههههههههههههههههههههه
منه : ههههههههههههههههههههههههههههه
اسماء : ( ضحكة رقاصات ) ههههههههههههههههههههههههه
احمد : ايه الضحكه دى يا اسماء عيب يا ماما تبقى انتى شكلك عارفه حاجه والمصحف
سالى : هههههههههههههههههههههههههههههه بصراحه كلنا عارفين هى عرفت ازاى
احمد : طب حد فيكو ينطق
سلمى : هههههههههههههههههههههههههه مش قادره
ساره : انا هيجرالى حاجه حرام عليكو
احمد : ماتنطقى يا زفته انتى وهى حد فيكو ينطق
سالى : ااااااااااه بتعض ليه ياعم خلاص هنطق ، وبعدين اشمعنى انا اللى بتعضنى ما تسأل مراتك ،
احمد : اخلصى ياروح امك انتى وهى حد فيكو يجاوب
اسماء : بصراحه بصراحه احنا دخلنا عليكو الشقه وانتو بتلعبو بلاى ستيشن وسمعناكو وشوفناكو من ورا الستاير
على : عشان تبقو تصدقونى يا كلاب لما قولتلكو انى سامع صوت حس بره الاوضه واتريقتو عليا
احمد : الله اكبر ! ههههههههههههههههههههههههههههههههههههههه يا ولاد المجانين
سلمى : ( ضحكة رقاصات ) ههههههههههههههههههههههههه
احمد : الله اكبر الضحكه اتنقلت عند سلمى هنا
سلمى : يا اخى ارحم اللى خلفونا بقي حرام عليك
...............................
( اخر اليوم )
سلمى : حمووووتى ! تعالى عاوزه اقولك سر صغنون
.........................
إلى اللقاء ف الحلقه الحلقه الأخيره