روايه بنت الاكابر

(الحلقه العاشره ) ( يا وقعه سوده )

(الحلقه العاشره ) ( يا وقعه سوده ) <3
................
(في الحلقات السابقه )
احمد : يلا كل واحد على اوضته . هنصحيكوا الساعه 10 كده ننزل نفطر وننزل ع البيسين شويه
مصطفى : ماشى يا حب
سالى : ايوه بقي ...
ساره : كويس عشان جايبه مايوه معايا
احمد :تصبحوا على خير
مصطفى : وانت من اهله يا حب
ساره : وانتوا من اهله
.........
احمد : وحشتينى جدا ... ادخلى برجلك اليمين
سلمى : لا يا بابا انت هتنام ع الكنبه النهارده
............................. ( العاشره ) <3
( ف اوضتهم )
احمد : كده يعنى ههون عليك تنيميني لوحدى ؟
سلمى : اه هتهون عشان تبقى تتبسط اوى من كلام البنات عليك ياا بو عيون زايغه
احمد : وانا مالى طيب
سلمى : لا كنت مبسوط
احمد : ههههههههههههههه لا ولا كنت اعرف اصلا هما بيتكلموا ف ايه
سلمى : وانا ماليش دعوه ومخاصماك ومش بكلمك .. واوعى كده عاوزه ادخل اخدلى دش
احمد : لا انا اللى عاوز اخد دش الاول
سلمى : لا انا الاول
احمد : لا انا ... طب خلاص ناخده مع بعض
سلمى : لا انا مخاصماك
احمد : وانا مالى ومالك بقي .. مش هبص
سلمى : لا انت عينك زايغه وهتبص . انا عارفه انا
احمد : لا خلاص مش هبص . انا عاوز اقعد ف البانيو بس كده بسلام وخلاص . اروق دماغى شويه .
سلمى : يعنى مش هتبص ؟
احمد : فشر .. انا عمرى ما ابص مانتى عارفانى
سلمى : تصدق ؟ ماشى . هدخل اجيب غيارات م الدولاب . هكسب فيك ثواب واجيبلك انت كمان
احمد : كتر خيرك ... وانا هدخل اظبط الميه ... الاكل اللى احنا جايبينه ده هيبرد
سلمى : تؤتؤ مش هيبرد . انا خليتهم يلفوه كويس وبعدين لما نطلع هسخنه ف الميكرويف ده شويه
احمد : طب يلا بسرعه
................
( جوه الحمام )
سلمى : كده نزلت على طول وماستنتنيش ؟
احمد : لا كنت بشوف الميه عشان احس بيها .. انزلى يلا
سلمى : اهو ثوانى . هعلق الفوطه دى والغيارات
احمد : ماشى
سلمى : اتاخر بقي شويه
احمد : منا بعيد اهو ياسلمى
سلمى : تؤتؤ مش بعيد .. ابعد شويه صغننين كمان ولم رجلك دى اقعد فين انا
احمد : اهى ياستى لميتها اخلصى بقي هتبردى كده
سلمى : اهو .... معاك حق الميه تجنن
احمد : مش كده ؟
سلمى : دور وشك بقا الناحيه التانيه احنا بينا اتفاق
احمد : ههههههههههههههه انا مدور وشى اهو عينى اللى مش عاوزه تدور اعملها ايه
سلمى : لا خليها تدور هى كمان .عيب بقي اتلم
احمد : حلوه اوى لفه شعرك دى . بتعملى شعرك كده ازاى
سلمى : بلمه لما بكون داخله اخد شاور ومش عاوزاه يتبل
احمد : اخر مره قصيتى شعرك امتى
سلمى : وهو انت مخلينى عارفه اتصرف فيه ؟؟ بخاف اقرب منه بسببك ههههههههههه من ساعه اخر مره قفشت فيها عليا واحنا ف الجامعه وقولتلى لو قصيتى شعرك تانى مش عاوز اعرفك
احمد : تعالى كده ورينى بنفسي ؟ ورينى طويل اد ايه
سلمى : اهو . استنى هفكه بس امسكه عشان ماينزلش ف الميه . مش عاوزاه يتبل
احمد : لا يا ماما يعتبر قصير بردو
سلمى : قصير ايه ؟ ده لبعد نص شهرى
احمد : بردو قصير ؟ انتى شعرك حلو وجميل . سلااسل دهب ليه تشيلى النعمه بايدك يا ظالمه
سلمى : احمد لم ايدك ؟
احمد : ههههههههه معلش نسيت
سلمى : وبعدين انا ايه اللى لزقنى فيك كده اوعى
احمد : هشششششش خليكى واسكتى بقي ... تيجى اعملك مساج ؟
سلمى : ماشى . اقوم اجيب بسرعه الكريم والزيت ولا مش ضرورى ...؟
احمد : لا مش ضرورى .. اتعدلى هاتيلى ضهرك كويس
سلمى : اهو ! كده ؟
احمد : اه .. ( بيعملها مساج ف رقبتها وكتفها )
سلمى : حلو اوى انا حاسه ان رقبتى بدأت تفك . انت كنت بتعمل مساج قبل كده ولا ايه ؟
احمد : اه حاجه زى كده . ههههههههههه كنت بجهزلك نفسي
سلمى : والله انت مجنون
احمد : اه . مقدرش اعيش من غير الجنان ده على فكره
سلمى : صحيح ناوى تعمل المقلب ف مصطفى امتى ؟
احمد : مصطفى مين
سلمى : هههههههههههههههههه مصطفى
احمد : مصطفى مين ياشيخه دلوقتى دانتى فصيله .. خليكى معايا يابت
سلمى : منا معاك اهو
احمد : استنى هلملك شعرك تانى عشان مايتبلش
سلمى : براحتك
احمد : ( بيعملها مساج ف ضهرها كله )
سلمى : وحشتنى يابن اللذينه .
احمد : انتى قولتى انى مش هنام جنبك النهارده
سلمى : ههههههههههه انا اللى هنام جنبك . مقدرث اثتغنى عنك
احمد : يعنى بزمه اهلك يعنى احنا ف وضع يسمح بمياصتك ودلعك ده دلوقتى ؟ احنا متجننين ومتنيلين على عين ابونا لوحدنا ههههههههههههههه
سلمى : تؤتؤ ... مابلاقيش نفسي غير لما بتدلع عليك ...
احمد : هههههههههه خلى بالك انا ف حاله دلوقتى ماتسمحش ب تؤتؤ بتاعتك دى وبطريقه نطقك ليها ... عندها حق سالى لما قالت يخربيت دلعك ومياصتك الواد مخه لسع
سلمى : مخك لسع ؟ امال انا مخى جراله ايه ...
سلمى : احمد ! انا من يوم ما عرفتك وانا عاوزه اسالك سؤال . هو انت فيه ايه ؟ مابتعرفش تعمله
احمد : يعنى ايه ؟
سلمى : يعنى مثلا بتهزر وهزارك بيملى الدنيا كلها ومع ذلك جد وليك تكشيره
كنت بتجيب تقديرات ف الكليه مع انك ماكنتش بتحضر
بتعرف تعوم ومعاك ميداليات
مجنون سواقه بدرجه امتياز بس عمرى ما خوفت وانا راكبه جنبك
وبتعرف تطبخ هههههههههههههههه ومش اى طبيخ . لا صوانى وحاجات وحركات . مش هنسي طاجن صينيه البطاطس بالفراخ اللى انت عملتها ف البيت
بتعرف تلعب كوره وشوفتك بعينى
لعيب بلايستيشن بس انا غلبتك على فكره . اى نعم سيبتنى اغلب انا بس غلبتك ماليش دعوه
حنين على اخواتك وف نفس الوقت بيحبوك وبيعشقوك والاهم انهم بيخافوا منك ومن زعلك
قولى انت مابتعرفش تعمل ايه
احمد : المحشى
سلمى : هههههههههههههههههههههههههههههه اه يا جزمه
احمد : اه والله جربت كم مره الف المحشى مع امى مظبطش . معرفش ايه ده . باجى الفها كده تقوم مخرومه من النص
سلمى : هههههههههههههه هبقى اعلمك
احمد : بلا وكسه والنبى . دانتى لغايه دلوقتى مابتعرفيش تعملى بيضتين زى الناس . بتروحى تفقشى البيض ف الطبق وتجيبيى وتجيبى الملح وتقوليلى ظبط الملح عشان مش بعرف ههههههههههههههههه ايه ده فيه ايه ؟
سلمى : هههههههههههههههههههههه هموت يخربيتك .... وبعدين اعملك ايه يعنى الحق عليا انى مش عاوزه أكلك اى حاجه كده ؟ وبعدين لما نرجع هبقى اروح لطنط حبيبتى تعلمنى كل الاكل اللى انت بتحبه ... انت اخر مره كلمت مامتك امتى
احمد : ايه اخر مره دى ؟ هو انتى فاكره انى ممكن يعدى عليا يوم من غير ما اسمع صوت امى ييجى بتاع 10 مرات ههههههههههههه لسا مكلمها قبل ما نطلع كانت داخله تنام وطمنتها على البنات وخالتى نايمه معاها النهارده
سلمى : ربنا ما يحرمنا من حنيتك دى . ماتجيب بوسه ياواد انت
احمد : اللى عاوز حاجه ياخدها
سلمى : هى بقت كده ؟
احمد : يابركه دعاكى يامه
..............................
( تانى يوم ف المطعم )
احمد : بقولك ايه يا مصطفى .. ماتسيب البنات يكملوا فطار على مهلهم وقوم احنا نتمشى عاوز اوريك حاجه
اسماء : رايحين فين ؟
احمد : هنتمشى شويه .. خلصوا انتوا فطار على مهلكوا وانزلوا على البيسين واحنا هنحصلكوا
سلمى : ماشى تمام
احمد : اوكي يا مزز ...
.....................
مصطفى : انت مودينى فين يابنى ؟
احمد : ياعم وطى صوتك . انت مش عاوز تعمل مساج ؟
مصطفى : ايوه بقي انا قولت انت نسيتنى هههههههههههه
احمد : لا اتطمن احنا رايحين على الاصبا نعمل مساج . البت ناتاشا تلاقيها هناك دلوقتى ,,,, والنعمه لاظبطك يا درش احلى ظبطه النهارده
مصطفى : حبيبى حبيبى حبيبى
.................
احمد : ادخل ياعم تعالى
مصطفى : اها ... هى فين البت
احمد : اهى ناتاشا اهى . استنى اكلمها ..
( بيكلم معاها روسى )
مصطفى : انت بتقولها ايه يابنى انا مش فاهم
احمد : استنى ياعم هى مابتتكلمش انجليزى . بتتكلم روسى بس ... بوصيها عليك عشان تعملك مساج زى الفل
مصطفى : الله ينور
احمد : بقولك ايه ... ادخل الاوضه واقلع هدومك . خليك بالشورت بس
مصطفى : الاوضه اللى جوه دى ؟؟
احمد : اه يلا . ولما تخلص انده عليا .. وهتلاقي الترابيزه بتاعه المساج دى فيها فتحه من فوق كده نام على بطنك ودخل راسك جواها وحط الغطا عليك .. تمام ؟
مصطفى : تمام .. هخلص وانده ...
احمد : بس ف الانجاز بقي عشان هى وراها جلسه تانيه كمان ساعه
مصطفى : تمام
......................
احمد : الو ! سلمى . خلصتو ولا لسا
سلمى : اه يا حبيبى . انتوا بتعملوا ايه
احمد : بقولك ايه .. اسماء جنبك ؟ ماتعرفيهاش انى بسأل عليها
سلمى : احم . اه . تمام
احمد : طيب قومى كده اعملى نفسك انك مش عاوزاها تسمع ..وبعدين لما تخلصى معايا ارجعى وبصيلها واضحكى ... طبعا هى هتسألك بتضحكى على ايه .. قوليلها واعترفيلها بقي ان مصطفى بيعمل مساج وواحده روسيه هى اللى بتعمله ومندمج على الاخر
سلمى : احم ... حاضر ماشى . ثوانى
احمد : بس بسرعه . قدامك 5 دقايق تجيبيها وتيجى .. انا كلمت البت ناتاشا وفهمتها الدنيا وهى طلعت بت اروبه وليها ف المقالب ههههههههههههههه
سلمى : اقل من 5 دقايق
.....................
اسماء : مالك يا سلمى عماله تبصيلى وتضحكى ليه خير ؟
سلمى : احم . مافيش
اسماء : لا فيه
سلمى : بصى بقي يا اسماء انا مش هقدر اخبى عنك .. قلبى مش مطاوعنى
اسماء : انطقى يابت فيه ايه
سلمى : مصطفى ياستى مصطفى . الخاين الغشاش
اسماء : ماله الشملول
سلمى : اول ما شاف المساج وهو ريقه جرى عليه خصوصا بعد ما شاف البت الروسيه اللى بتعمل المساج ... واحمد يقوله لا مش هينفع واسماء هتزعل لو عرفت وهو قاله لا هدخل اعمل مساج
اسماء : نعم ياختى ؟؟ وقعه ام اللى خلفوه سوده .. فين الزفت المساج ده
سلمى : اقعدى يا اسماء بقي .. يوووووووووه بقي . طب بصى انا هاجى معاكى بس اوعى تقولى انى انا اللى قولتلك
اسماء : اخلصى يا سلمى . قومى معايا ..
سالى : رايحين فين ؟
سلمى : دقيقتين وجايين خليكو انتو
سالى : لا خدونى معاكو
...................
مصطفى : يا احممممممممممد . انا تمام وخلصت
احمد : استنى انا داخلك ... ها كله تمام
مصطفى : ايوه
احمد : نام على بطنك ياعم ودخل وشك ف الفتحه دى عشان تعرف تاخد نفسك
وغطى نفسك بالفوطه دى ....
مصطفى : اهو ياعم ..
احمد : انت عاوز المساج سوفت ولا هارد
مصطفى : يعنى ايه الحاجات دى ؟
احمد : سوفت يعنى بحنيه ودلع كده ولا له لازمه ... الهارد بقا مساج وخبط وضرب وبهدله بس جسمك هيفك هههههههههههههه
مصطفى : الله ! ايوه خليه هارد
احمد : يا حبيبى ... طب يلا انا خارج وهى دقيقه وداخلالك هى بتعقم ايديها بس
مصطفى : ياعينى ع الشغل العالى . تمام
...........................
اسماء : هو فييييييييييييييييين ؟
سلمى : استنى احمد خارج اهو من الاوضه
احمد : ايه ده ايه اللى جابكو هنا
اسماء : هو فين الشملول حيله امه اللى جاى يعمل مساج
احمد : اهو جوه اهو مستنى البت تدخل تعمله مساج
اسماء : يا حبيبى خليك انت مع مراتك وانا داخله اعمله مساج بنفسي
احمد : استنى يا مجنونه هتعملى ايه
اسماء : خليك يا احمد هنا مع مراتك
احمد : لا استنى انا داخل معاك هو كده كده مش شايف
سالى : هههههههههههههههههههههههه
احمد : هشششششششششششش . لا خليكى بره انتى وسلمى ياسالى
سلمى : لا هندخل مش هنعمل صوت
احمد : لا خليكو . ماينفعش
سلمى : طيب
..........................
( ف الاوضه )
احمد : ( بصوت واطى ) اهو نايم اهو .. رفعى صوتك شويه عشان مايحسش انك اسماء ولا اقولك ماتتكلميش اصلا
اسماء : احسن انا اصلا مابتكلمش روسى
احمد : استنى هعمل نفسي جيت من بره عشان اترجملكو
( بيخبط الباب وبيقفله )
احمد : ها يا درش البت بتقولك جاهز ؟ انا هقف معاك عشان هى مش بتعرف تتكلم عربى ولا انت بتتكلم روسى
مصطفى : جاهز يا معلم .. خليها تشتغل
(اسماء بتضرب فيه )
مصطفى : اااااااااااى ايه ياعم المساج ده .. خليها بالراحه شويه . دى مصيبه ايه دى انا ضهرى احمر
احمد : هههههههههههههههه اخرس بقي . هو المساج الهارد كده انت اللى طلبت
مصطفى : ياعم دى بت مجانين .. دى بتعجن فيا مش بتعمل مساج
احمد : استنى اكلمها اقولها بالراحه ..
(احمد بيتكلم اى كلام روسي وبيشاور لاسماء بيقولها بالراحه )
مصطفى : ايوه كده يا اخى ... ياااااااااااااااه ده الواحد مكنش عايش
احمد : هههههههههههههههههههه
مصطفى : فينك يا اسماء تيجى تشوفى المساج بيتعمل ازاى ؟
احمد : هههههههههههههههههههههههههههههه ياخرااااااااااااابى
مصطفى : ايه ياعم بتضحك على ايه
احمد : مافيش بس متخيل كده .. الا قولى يا درش هى اسماء عمرها ما عملتلك مساج كده
مصطفى : اسماء مين ياعم ؟ دى بتيجى تعملى مساج ضهرى كله بيحمر وبتفضل تعجن فيا زى بت المهبوشه اللى بتعمل دى اول ما بدأت ..
بس دلوقتى ايديها تتلف ف حرير والمصحف
احمد : ههههههههههههههههههههههههههههه
( اسماء بتدى لمصطفى حته قلم على ضهره وبتعجن فيه )
مصطفى : اااااااااااااااااااااااااااااااى .. ايه ياعم الغباوه دى .. انا هقوم ياعم
احمد : خليك ياعم استنى ماتقومش
مصطفى : لا ياعم خلاص كده ..... فين هدومى ... يانهار اسود ومنيل .. اسماء ؟
..........................