روايه بنت الاكابر

(الحلقه الخامسه عشر ) ( تهذيب واصلاح )

(الحلقه الخامسه عشر ) ( تهذيب واصلاح ) <3
................
(في الحلقات السابقه)
ساره : بتضحكى على ايه ؟
منى : لا ابدا فرحانه بس ... ربنا يتمملها على خير يا حبيبتى ... حاضر هدخل اشووف اهو المحلات اللى هنا
ساره : تمام يا حبيبتى
..............
منى : الو ! ايوه ياعم .. انت ايه يابنى كنت شغال ف المخابرات ... حصل اللى كنت قايل عليه بالحرف هههههههههههه وساره اللى عرفتنى
..................................... (الحلقه الخامسه عشر ) <3
احمد : هههههههههههههههههه حبيبه قلبى ... ماشى تشكرى .... المهم انك ماجيبتليش سيره او لاى حد .. عاوزهم هما اللى يبلغونى
منى : خلاص تمام ولا كأنى قولتلك او قولت لحد حاجه ..
...................
منى : الو ! ايوه ياساره . فيه كام محل كده بعتلك صفحاتهم على ايميلك . افتحيهم وقوليلى رأيك
ساره : تسلميلى يا روحى ... انتى ايه ماقولتيش لحد
منى : لا لسا . حد زى مين ؟
ساره : ااااااااااى حد . .. يعنى لاتكونى قولتى لحد يعنى ولا حاجه
منى : لا انا لسا مافتحتش بؤى . لو مش عاوزانى اقول لحد مش هقول
ساره : لا مش للدرجه دى بس على الاقل عادى يعنى لما اصحابنا وحبايبنا يعرفوا
منى : زى مين طيب
ساره : يعنى علا صاحبتك عادى او حتى احمد .. ماهو صاحبنا بردو
منى : خلاص اوكى اعتبريهم عرفوا
.................
سلمى : ياساره .. البت ماتصلتش بأحمد لغايه دلوقتى . انا زهقت هفضل قاعده متابعاهم كده ولا ايه ؟
ساره : طب اعمل ايه طيب منا قولتلها بالصريح كده تقوله وقالتلى اعتبريه عرف ... دى طلعت بت مش سهله
سلمى : طب ما تتصلى انتى بأحمد واعملى ان انتى غلطتى بلسانك وقوليله
ساره : انتى شايفه كده ؟
سلمى : اه يلا
ساره : ماشى
ساره : الو ! ازيك يا باشا ؟
احمد : ازيك ياست ساره ... مافطرتوش ليه يابنتى معايا
ساره : فطرنا والله .. نخليها غدا بقي
احمد : وماله نخليها غدا
ساره : اه ممكن نطلع انا وانت ومنى بس وخلاص
احمد : طب وسلمى مش جايه معانا ولا ايه ؟
ساره : ايه ؟ لا سلمى ممكن تروح البيت عشان ابوها عازم خطيبها النهارده
احمد : عازم مين يا ماما ؟
ساره : طيب يا احمد انا هقفل دلوقتى معلش جالى شغل ضرورى
....................
ساره : يالهوووووووووووووى دنا حاسه انه كان هيضربنى ف التليفون ..
سلمى : يالهوى الحقى الحقى دا طالع على هنا
ساره : ههههههههههههههه بقولك ايه انا ماشيه
سلمى : ماشيه رايحه فين . وكتاب الله مانتى ماشيه من هنا دلوقتى يا كلبه يا حماره . استنى ياساره مابهزرش دى عينه بتطق شرار
ساره : يا سلمى انا مالى
سلمى : نعم يا روح امك ؟ وهو مين اللى غرقنى .. اتنيلى على عين اهلك استنى اما نشوف هيعمل ايه طيب
ساره : استرها يارب
..........................
(احمد بيرزع الباب وبيدخل عليهم )
احمد : ايه اللى انا سمعته ده ؟
ساره : ماهو ... اصل .... ماحنا كنا عاوزين نقولك
احمد : اخلصوا .. ايه اللى انا سمعته ده وحياه امك انتى وهى ؟
سلمى : فيه ايه ياساره انا مش فاهمه حاجه .. احمد متضايق ليه ؟
ساره : اصل .. انا غلطت وقولتله ان باباكى عازم خطيبك النهارده
سلمى : ليييييييييييييه ياساره كده مش قولتلك ماتقوليش حاجه لحد .. يووووه عليك
(احمد بيتفرج عليهم وكاتم الضحكه بس مكشر )
ساره : معلش بقا يا لوما وبعدين ماهو احمد مننا وعلينا يعنى مش غريب
احمد : خلصتوا كلام ؟
سلمى : المفروض يعنى
احمد : طب قربوا انتوا الاتنين
سلمى : روحى ياساره
ساره : وانا مالى روحى انتى
سلمى : مش انتى اللى قولتى انى اتخطبت روحى انتى
ساره : ماهو انتى اللى اتخطبتى مش انا روحى انتى
احمد : اخلصوااااااااااااااااا انتوا الاتنين قربوا تعالوا هنا
سلمى : نعم
ساره : خير ياعم
احمد : انتوا مخبيين وشكوا ليه ؟ على اساس انى هضربكوا مثلا ؟.... انا اه زعلان منكوا جدا بس مش لدرجه الضرب .. ازاى ياسلمى تهون عليك العشره والعيش والملح انك تتخطبى من غير ما تعرفينى اول واحد عشان مين يعنى هيسأل على العريس غيرى يا جزمه .... طب ساره واتخطبت من غير ما اعرف عشان معاها عذرها انى ماكنتش عارف انتوا فين ؟ انتى بقي فين عذرك
سلمى : 😲😲😲
ساره : 😲😲😲
احمد : فيه ايه ؟ مالكوا مبلمين ليه كده ؟
سلمى : 😲😲😲
احمد : انتوا يا بشــــــــــــــــــر مالكوا مبلمين صحيح ... وبعدين فين شربات خطوبتك يا جزمه انتى فاكرانى مش هفتكر .. تبعتى تجيبى شربات للشركه كلها .. وعلى حسابى
احمد : لا حول ولا قوه الا بالله ..... انتوا مالكوا فيكو ايه مش فاهم .. انا نازل اشوف شغلى بقا عطلتونى .....
..........................
(سلمى بتبص لساره )
سلمى : انتى سمعتى اللى انا سمعته ؟
ساره : اه
سلمى : طب اعمل ف امك ايه دلوقتى بعد ما غرقتينى ... احلقلك شعرك ؟
ساره : طيب منا ماكنتش عارفه الصراحه انه هيعمل كده ...
..............................
(احمد خارج من المكتب ميت من الضحك )
منى : مالك نازل بتضحك على ايه ؟
احمد : هههههههههههه مش قادر بصراحه .. المهم ماتبيبنيش حاجه عشان زمان الكاميرات شغاله دلوقتى
منى : لا لازم تحكيلى كل حاجه
احمد : هحكيلك .. بس النهارده انا عازمكوا زى امبارح
منى : عازمنا اللى هما مين ؟
احمد : انتى والبنات هههههههههههههه زى امبارح كده . هنخرج انا وانتى ونسيب رساله ل عم صالح وهما هييجوا ورانا
منى : لا بس احتمال بعد كلام النهارده ده سلمى ما تجيش
احمد : ههههههههههههههههههه
منى : بتضحك على ايه دلوقتى ؟
احمد : تراهنينى انها هتيجى بس الاول هتعملى مكالمه ل ساره
منى : هقولها ايه ؟
احمد : هتقوليلها بالظبط الكلمه دى .... ها يا ساره لقيتى فساتين حلوه ل سلمى ولا لا .. عشان انا احتمال احصلها الاسبوع ده .... وبس
منى : يا خبر ابيض طب لو سألتنى هو مين ومعرفش ايه اقولها ايه ؟
احمد : هتقوليلها لسا والله مش متأكده بس وقت ما اتأكد هعرفك اول واحده ..
منى : دول كده عرفوا ياعم
احمد : ههههههههههه اتصلى يلا قولى الكلمتين دول
منى : ماشى استنى
الو ! ايوه ياساره ماقولتليش رأيك
ساره : رأيي ف ايه ؟
منى : ف المحلات والفساتين اللى بعتهالك ...
ساره : اه يا حبيبتى جميله جدا بنتفرج لسا انا وسلمى
منى : ماشى يا قمر عشان احتمال اجيب واحد انا كمان قريب هههههههههههه
ساره : نععععععععم ؟ بتهزرى ؟ مين مين ؟
منى : والله ياساره انا لسا مش متأكده من الموضوع بس انا حاسه من ناحيته بإعجاب زى منا بردو معجبه بيه من اول ما جه يشتغل معانا ؟
ساره : وبعدين بقي .؟؟؟ لا انتى تقولى مين احسنلك ؟
منى : يا حبيبتى والله غصب عنى معلش . هو عصبى ولو الموضوع طلع على فاشوش الدنيا كلها هتبوظ . خلينى اتأكد ان الموضوع بجد الاول
ساره : خلاص ماشى مش هسيبك ... بعد الشغل هقعد معاك شويه
منى : هههههههههههههههه معلش مره تانيه بقي عشان معزومه بره زى عزومه امبارح . احمد ياستى مصمم يعزمنى على الغدا بردو النهارده
ساره : ياسلاااااااام طب رايحين فين ؟
منى : مش عارفه لسا هو محددش . هو قالى انا عازمك وسكت
ساره : ماشى يا جميل
......................
ساره : انتى بتعملى ايه ؟
سلمى : اهو قاعده .. كنتى بتكلمى منى ولا ايه ؟
ساره : اه .
سلمى : ايوه شوفتها ماسكه التليفون .. بتقولك ايه ؟
ساره : ايه ؟
سلمى : بتقولك ايه يابت ؟
ساره : قالت حاجات ماينفعش نسكت عليها يا سلمى
سلمى : قالت ايه طيب ؟
ساره : يعنى مثلا ان هى احتمال تلبس فستان خطوبه زى اللى هى بعتتهولك تتفرجى عليهم الاسبوع ده
ومثلا احمد عازمها النهارده بردو
سلمى : نعم ياختى ؟ هو مش هيتهد بقا انا تعبت .. رايحين فين النهارده
ساره : معرفش لسا .. هيبقى يقولها
سلمى : اووووووووووف بقي ...
...............................
(نهايه اليوم )
احمد : ياعم صالح ... لو الاستاذه سلمى سالت على منى قولها راحت مع الاستاذ احمد نفس المطعم بتاع امبارح
صالح : حاضر يا حبيبى
احمد : سلام يا عمى
..........................
منى : ايه ياعم هنروح فين النهارده .. ف نفس المطعم ولا ايه ؟
احمد : لا فيه كافيه حلو ع الكورنيش ف سكتنا هننزل نشرب حاجه ونمشى
منى : ماااشى
.........................
(ف المطعم )
سلمى : هما لسا ماجوش ولا ايه يابنتى ؟
ساره : لا لسا الظاهر ماجوش . احنا سبقناهم ولا ايه مش فاهمه
سلمى : مش عارفه .. طب اقعدى اقعدى دلوقتى جايين
...............
(بعد نص ساعه )
سلمى : هو فيه ايه اتأخروا كده ليه ؟
ساره : معرفش دول شكلهم مش جايين اصلا ...
سلمى : ماتتصلى ع الزفته كده تشوفيهم ف انهى داهيه انا الشمس كلت نافوخى منك لله مقعدانى بره ليه ؟
.............................
احمد : هههههههههههههههههههههههههههه اااااااااااااااااه مش قولتلك انهم هيروحوا
منى : والله دماغك دى سم يابن اللذينه انت زمانهم نافوخهم ضرب م الشمس هناك
احمد : عشان يحرموا ... اصلهم استفحلوا اوى ... يابنتي انا بربيها من جديد ههههههههه دي الغاليه
منى : طب انت ناوى على ايه دلوقتى ....
احمد : ناوى اعمل لسلمى حته حركه عمرها ما هتنساها ... بس محتاج انتى تساعدينى
منى : طب عرفنى طيب ناوى على ايه
احمد : مافيش حاجه .... المهم حضرى نفسك وفضى نفسك يوم الجمعه انا عازمك ف البيت .... هنقضيها هزار هناك وبنلعب بلاي ستيشن مع اخواتى ومع اصحابى ومرتتاهم وخطيباتهم .. بيبقى يوم حلو بنعمله كل فتره كده
منى : اوكى . طب هتعرفنى عليهم على انهى اساس بقي ؟
احمد : لما هتيجى هتعرفي
.................................
(ف البيت بعد العشا )
احمد : سالى ! انا نازل عاوزين حاجه .. عاوزه حاجه يا مه ؟
ام احمد : سلامتك يا حبيبى .. ماتقعد تتعشى معانا قبل ما تنزل
احمد : مش جعان والله . انا مش هتأخر ... شويه وراجع هبقى اكل لما ارجع
ندى : هاتلى معاك شيبسي وانت جاى م العائلي
احمد : عيونى وانتى يا سولى عاوزه ايه ؟
سالى : عاوزه ايس كريم
احمد : ماشى ... وحضرى نفسك انتى وهى هعزمكوا على خروجه حلوه بكره هنقضي اليوم كله من اوله لاخره مع بعض انا وانتوا وسلمى هههههههههههههه
سالى : ههههههههههههههههه ايوه بقي . هتقولها ايه ؟
احمد : مش هقول حاجه انتوا اللى هتقولوا
سالى : ازاى بقي ؟
احمد : لما ارجع هقولك
...............
(ف الكافيه )
مصطفى : ها يا عمنا ؟ هببت ايه النهارده ؟
احمد : ههههههههههههههه يعنى هو الخبر لسا ماوصلكش
مصطفى : لا لسا محدش كلمنى .. انت عملت ف البنات ايه ؟
احمد : ولا حاجه .. خليت وشهم يطلع صهد بس بعيد عنك . دخلت عملت نفسي زعلان
مصطفى : طيب ماهو ده اللى كانوا عاوزينه
احمد : ايوه بس دخلت عملت نفسي زعلان ان سلمى خبت عليا موضوع خطوبتها وانى زعلان انها ماقالتيش حاجه زى دى من الاول عشان اسأل على خطيبها وكده بدافع الصحوبيه
مصطفى : ايه ده ياعم ؟ دانت كافر يا اخى
احمد : المهم .. ماتنساش يوم الجمعه تجيب مراتك . وتأكد ع الواد على تجيبه هو وخطيبته
مصطفى : ماشى ... ولو انى مش بالع انا موضوع يوم الجمعه ده هيحصل ايه ؟
احمد : ليه ياعم ؟ عادى هيبقى يوم حلو . انت اللى دماغك هربانه ..
مصطفى : مش مستريحلك يا عم الناس ... بس مش مشكله ... اهو النهارده الاربعاء وبكره الخميس وبعده الجمعه ونشوف ناوى على ايه
احمد : كل خير ياعم
..........................
( ف البيت )
احمد : ايه بتعملوا ايه ؟
سالى : مستنيينك ... أكلت ولا اعملك اكل
احمد : اه اعمليلى عشا وتعالوا انتو الاتنين عشان هنتفق على حاجه ونقولها واحنا بناكل
سالى : ماشى هوا
......................
والى اللقاء ف الحلقه القادمه