روايه بنت الاكابر

(الحلقه السابعه عشر (الأخيره ) ) ( الحب افعال مش بس كلام )

#مسلسل_بنت_الأكابر (نهايه الجزء الأول )
(الحلقه السابعه عشر (الأخيره ) ) ( الحب افعال مش بس كلام ) <3
................
(في الحلقات السابقه)
سلمى : مش جايه .. بس لو غيرت رأيك ابقى تعالى نقضيه مع بعض
احمد : (بيبوس ايديها ) حاضر ياست البنات
سلمى : بحبك
احمد : الفيلم ده حلو اوى تابعيه هههههههههههههه
سلمى : ابو رخامتك
........................ (نهايه الجزء الأول ) <3
(يوم الجمعه )
سالى : الو ! سلمى .. احمد عازم منى . وال ايه بيعرف ماما عليها
سلمى : وقعه امه سوده . هجيب ساره ومروه وجايالكوا
........
احمد : ها يا سالى ؟ قولتيلها
سالى : كله تمام يا معلم
احمد : الو ! ايوه يا مصطفى .. فينك يا زفت وفين مراتك ... الواد على جه هو وخطيبته اهو ومنى موجوده اخلص بسرعه
مصطفى : خلاص طالعين اهو ..
احمد : اخلص ياعم البت جايه ربنا ياخدك
.....
احمد : يامه ! زى ما اتفقنا .. اول ما تلاقى سلمى داخله .... تاخدى منى ف حضنك تمام ؟
ام احمد : هههههههههههههههه تمام... طب هتسيب الجماعه قاعدين جوه ولا ايه ؟
احمد : ماتشغليش بالك انا اصلا جايبهم عشان يكونوا جوه ومايطلعوش غير ف الوقت المناسب
...................
احمد : جاهزه يابت ياسالى انتى وندى ولا لا ؟
سالى : جاهزين
احمد : جاهز يا درش انت ومراتك
مصطفى : تمام
احمد : علوه ؟ ايه الدنيا ....
على : تمام يا مولانا
.....................
(سلمى وساره ومروه بيخبطوا على باب الشقه وسالى اللى بتفتح الباب )
سلمى : اخوكى فين ؟
سالى : جوه ياختى ؟ دا عمال يضحك مع منى .. وامى فرحانه بيها اوى
سلمى : وحياه امك ؟ طب اتاخرى
احمد : سلمى ! ايه المفاجأه الحلوه دى .. تعالى
سلمى : (بصوت عالى ) بلا حلوه بلا زفت ... البت دى بتعمل ايه هنا
احمد : عيييييييييب منى ضيفتى وماتتكلميش كده
سلمى : لا مش هسكت .. وقولى بتعمل ايه هنا ....
مصطفى : ايه ده معقوووووووووووول ؟ سلمى وساره ومروه . ايه يا بناااات فينكوا ؟؟ ؟
سلمى : عاوزه اعرف بتعملوا ايه هنا ومنى بتعمل ايه هنا ؟
مصطفى : مافيش يا قمر . احنا بنسهر كل فتره هنا
سلمى : طب ومنى بتسهر معاكوا النهارده بصفتها ايه ؟
ساره : سلمى استنى شويه ووطى صوتك عيب
سلمى : مالكيش دعوه انتى بيا سيبينى ... انطق يا استاذ احمد
احمد : هههههههههههههه طب تعالى اقعدى
سلمى : مش هتزفت ، وبطل برود بقي وماتضحكش
احمد : سلمى انتى بتعيطى ؟ (بيمسك ايديها ) تعالى يا بابا اقعدى واسمعينى
سلمى : انا مش عاوزه اسمع صوتك بقي خالص
احمد : تعالى يا جزمه اقعدى وماتبقيش دماغك ناشفه لاديك ف وشك
ساره : تعالى يا سلمى اقعدى اما نشوف اخرتها
احمد : من فضلكوا يا جماعه كله يقعد مكانه
وركزوا ف كلامى اللى هقوله دلوقتى ده ......
النهارده جمعت اقرب الناس لقلبى
امى وتاج راسى
اخواتى وعيالى
صحابى وعشرة عمرى
صحاب زمان واجدع بنات عرفتها ف حياتى
ومنى الصاحبه الجدعه اللى ب 100 راجل وقت الجد
وسلمى
سلمى اللى من اول يوم اشوفها فيها خطفت قلبى وعقلى واحتلت كيانى
زلزلتنى من جوه
خلتنى احس ولأول مره بعد سنين من موت ابويا بحلاوه الدنيا
(سلمى بتعيط )
ماتعيطيش ياسلمى وارفعى راسك وهاتى عينك ف عينى
انا اهو بقولها قدامك وقدامهم انك مسلسلانى ودايب ف عشقك من اول يوم ياسلمى
يمكن اكون عصبى شويه
يمكن اكون دماغى ناشفه وجزمه قديمه بس طيب
لو ماكونتش طيب ماكنتش هسامحك لما خبيتى عليا موضوع انك صاحبه الشركه اللى انا اشتغلت فيها ... هو الموضوع يبان انه مالوش لازمه اللى عملته كله بس انا حبيت اوصلك رساله ان مهما خبيتى عليا اى حاجه مهما كانت تافهه ف بردو تبقى انك خبيتى عليا .. المفروض ان انا وانتى كنا واحد ... ومن ساعتها قررت اطلع عينك ههههههههههههه .. وبردو لو ماكنتش طيب ماكنتش هسامحك لما حاولتى تقلبى صاحب عمرى ضدى لا وكمان اخواتى هههههههههههه بس انا عرفت وخدتهم ف صفى يا عبيطه من اول يوم وكنا احنا اللى بنشتغلك
سلمى : هههههههههههه
الجميع : هههههههههههههه
احمد : يوم ما شوفتك ف الشغل قلبى اتنفض وحسيت انى عايش من جديد
وكل حاجه ف الدنيا كان طعمها حلو
افتكرت أحلى ايام ف عمرى
افتكرت اما كانت الضحكه على وشى مابتتقطعش
افتكرت غيرتى عليك لما بس كنت الاقيك واقفه مع اى زميل من زمايلنا
افتكرت سهرى طول الليل ابص ف صورتك لغايه ما اروح ف النوم
افتكرت لما كنت اتصل عليك كل يوم قبل ما تنامى بأى حجه عشان بس اسمع صوتك واقولك تصبحى على خير يا سلمى وف سرى بقول تصبحى على خير يا حبيبتى
افتكرت بردو كل يوم بدرى
ارن عليك عشان اقولك صحصحى يلا يا هانم عشان تلحقى تيجى
بس ف الاصل انا بتصل عليك عشان اسمع صوتك وانتى نعسانه ونيمانه على نفسك ، وأد ايه بتكونى مش مجمعه وصوتك بيشرح قلبى
اقولكوا عن سلمى ايه تانى ؟
افتكرت لما كنت زعلان معاها ف موقف كده ولقيتها واقفه مع معيد معانا ف الكليه ويومها روحت فكيت الاربع كاوتشات بتوع عربيته وبهدلته ف الشارع طبعا ده بمساعده مصطفى
بس بعدها هى عرفت ان انا اللى عملت كده وساعتها هى فهمت ان اى حد هيقرب منها هشيله من فوق وش الارض ..ههههههههههههه بس كنا عيال ساعتها .... بس اللى اعرفه دلوقتى بردو ان اى بنى ادم هيقربلها مش بس هشيله من فوق وش الارض . دنا هخليه يندم ع اليوم ع اللى اتولد فيه
ومن ساعه ما اشتغلت معاك ياسلمى الايام اللى فاتت
مجرد ما شميت ريحتك حسيت انى زى الأعمى اللى ماكنش شايف اى حاجه ولا اى حد وفتح بمجرد ما شم ريحتك من تانى
كنت وانا بكلمك او حتى بتخانق معاك كنت بملى عينى منك .. ماكنتيش ملاحظه انى على طول كنت ببص ف عينك اللى تندب فيها رصاصه دى هههههههههه حتى واحنا بنتخانق وبنرخم على بعض ؟
سلمى : (بعياط ) اه
احمد : هو انا مش قولتلك تبطلى عياط بقي . ابو رخامتك
يوم ما عزمت منى ع المطعم انا كنت عازمك انتى على فكره
ويومها قولت لعم صالح على مكان المطعم عشان تيجى وتجيبى ساره معاك واقعد اطل ف عينك براحتى من قريب .. وده من غير ما اعرفك انى انا اللى عازمك
اي نعم المره التانيه خليت الشمس تاكل نافوخكوا هههههههههههههه بس تانى يوم عوضتهالك وخرجنا بردو ودخلنا سينما لوحدنا وبردو كنت انا اللى عازمك وخليت اخواتى يكلموك ويقولولك ان منى جايه .. ولما دخلنا السينما وقولتيلى بحبك مارضيتش اقولهالك وشتمتينى قولتيلى ابو رخامتك .. ادينى بعوضهالك قدامهم اهو ياستى وبقولك انا مش بس بحبك ... انا عاشقك من ساسك لراسك ومن اول ثانيه شافتك فيها عنيا
سلمى : يامجنوووووون
الجميع : ههههههههههههههههههه
احمد : عرفتى بقي انا عملتلك ايه ؟ حتى ف وقت زعلنا سوا
تخيلى بقا واحد بيحب حبيبته الحب ده كله وهما متخانقين
تتخيلوا ممكن يعمل ايه عشان يسعدها ويحلى ايامها
.....................
ساره : بت يا مروه .. انا همووووت من الفرسه
مروه : انا عاوزه من ده ماليش دعوه
سالى : ندى .. انا هعيط ...
ندى : بقولك ايه سيبينى ف حالى ... وكتاب الله منا متجوزه الا واحد ولازم يكون شبه اخوك
اسماء : اتعلم ياخويا اتعلم
مصطفى : اتعلم ايه ؟ انا مش لسا قايلك بحبك قبل ما نيجى
اسماء : لا كتر خيرك ياخويا كتر خيرك تاعبينك معانا
منار : انت جايبنى النهارده عشان تحرق دمى ولا ايه ؟
على : هههههههههههههه هى يعنى حاجه غريبه ؟ مانتى عارفه دماغه
منار : ماهى المشكله انى عارفاه بس ماكنتش اعرف ان الموضوع فيه سلمى ومعرفش ايه حرام عليك ... اتجوزك ازاى انا دلوقتى
على : هههههههههه طب ركزى ركزى لسا الليله مانتهتش
..........................
احمد : سكوووت بقي من فضلكوا اسمعونى ف الكلمتين الجايين دول
(بيمسك ايد سلمى قدامهم وبيبوس بطن ايديها )
الحب يا جماعه كلمه عبيطه اوى
عبيطه جدا للى بيحب واللى بيعشق بيشوفها قليله اوى على انها تليق بحبيبه
الحب ان ماكنش مرتبط بفعل مايبقاش حب
ان ماكنش مرتبط بخوف وغيره مايبقاش حب
ان ماكنش مرتبط بأمان وسعاده وراحه بال مايبقاش حب
حبك لحبيبك ده يعنى بيغنيك عن العالم كله
لحظه سكوون بينك وبين نفسك بتحسها اول ما يقولك تعالا ف حضنى
طبطبه ايده على شعرك وقت ضعفك بتقويك وبترجع ثقتك ف نفسك تانى
الحب ان ماكنش يفتح وشك وينور حياتك مايبقاش حب
بالرغم ان انا وسلمى كنا مطلعين عينين بعض الايام اللى فاتت
بس انا متأكد انها كانت عارفه وحاسه ومتأكده ان احمد ده بيموت فيها وبيعمل كده عشان يفرسها وبس .. وانا عارف انها عارفه ... صح يا لوما ولا لا ؟
سلمى : هههههههههههه صح
احمد : ومع ذلك كملنا رخامتنا على بعض .... ههههههههههههه
الا صحيح يا لوما قوليلى . انتى كنتى مستخبيه ف دولاب سالى ولا دولاب ندى
سلمى : ههههههههههههههههههههههههه بس بقا . الله ... والله رخخخخخخخخخخخخم ومش بحبك
احمد : ههههههههههههه طب ودخلتى مع ندى الحمام ليه خير ؟
ندى : هههههههههههههههههه ياعم كنت بغنى . كنت بغنى ياعم .. استر عليا بقا هههههههههههههه
احمد : ماشوفتوش انتوا ساعه ما قفشت مصطفى وخليته ينطق زى الجردل .. ده طبعا البركه ف سوسكا مراته اعترفت من اول قلم
اسماء : ههههههههههههههههههههههه اعملك ايه مانت دخلت عليا بدخله كده خلتنى اقع ف الكلام زى برطمان المخلل بصراحه يابن اللذينه ههههههههههههه
مصطفى : ههههههههههههههههههههه جاتك نيله يا اسماء طالعالى
احمد : هههههههههههههه ساعتها قولت لعلى اقفل باب الكافيه يا على وهبيت على مصطفى كتفته وقولتله هتنطق يا روح امك ههههههههههه ساعتها لقيته خر بكل حاجه
سالى : ههههههههههههههههههه منظر يفطس بصراحه .
احمد : ههههههههههه اسم الله .. مانتى بردو لما اتقفشتى كنتى هترمى نفسك م الشباك حصل ولا لا ههههههههههههههه
سالى : ياعم ايه ده ياعم . انا مش فاكره بتتكلم على ايه انت هههههههههههه
احمد : طب طلعيلهم رجلك خليهم يشوفوا اثار المد على رجلك .... كفايه تعب الاعصاب اللى تعبتهولكوا بس .
ندى : اه والله كانت ايام سووده
احمد : لا وكمان ماشوفتوش اللى كنت بعمله ف ساره وسلمى ف الشغل هناك .. وطبعا ده بمعاونه منى اللى كانت عارفه الحكايه كلها واتفقت معاها ... وعلى فكره منى بتحبك جدا ياسلمى
سلمى : انا من 10 دقايق ماكنتش بطيقها .. لكن دلوقتى . هى بجد اختى وحبيبتى
منى : هههههههههههههههههه حبيبتى يا لوما
احمد : نيجى لساره بقي ... راس التعبان ههههههههههههه اللى انا عارف ومتأكد ان كل البلاوى دى بسببها هى
ساره : طيب يا جماعه انا قايمه ماشيه حد عاوز منى حاجه ؟
احمد : ههههههههههههههههههه اقعدى اقعدى دانتى ليلتك سوده
ساره : لا ياعم دى سلمى هى اللى خططت لكل ده هههههههههههههه
احمد : ههههههههههههههه بقا بزمتك حته الباسكوتايه والبونبونايه دى تخطط وتأفلم ... ايش عرفها دى بشغل ال 3 ورقات وشغل الحدارجه والبدارجه اللى كنتى بتعمليه ههههههههههههههه وهى غلبانه وعبيطه وبتوافق على كلامك وخلاص ....
سلمى : ههههههههههههههههه اه والله غرقتنى
ساره : دلوقتى غرقتك ؟ اه يا واطيه ههههههههههه
احمد : اما مروه بقا ف دى كانت معانا ف الحكايه همها على بطنها بس ههههههههههههه جايه تاكل وخلاص ... بس بنوته زى العسل ودمها خفيف على قلبى وبحب انكشها من ايام الجامعه
مروه : ههههههههههه حبيبى يا حمو
........................
احمد : نيجى بقا للنقطه الأهم
مصطفى : ايه يا عمنا ؟ هو فيه أهم من كده
احمد : طبعا .... ياحبيبى كل اللى قولته ده مهما كان حلو ف بردو يبقى كلام .. نيجى للفعل بقا
مصطفى : اللى هو ايه ؟
احمد : اللى هو انى بقالى اسبوع بحضر للعزومه دى عشان اقول الكلام ده ومش من ورا اهالينا ... لا قدامهم . عشان يشهدوا علينا اننا بنتكلم ف النور مش ف الضلمه ومن وراهم ومش بنعمل حاجه غلط
مصطفى : ايه هنروح بيت سلمى ولا ايه ؟
احمد : ههههههههههههه لا هما هنا اصلا وسامعين كل الكلام ده . ثانيه واحده
احمد : اتفضل يا عمى ... اتفضلى يا طنط
سلمى : لاااااااااااااااااااااا بتهزرووووووووا والله .. انتو ايه كلكوا عليا ( بتعيط جااااااامد )
ابو سلمى : الف مبروك يا حبيبتى واحنا استحاله هنلاقى راجل احسن من كده اخليكى معاه واكون متطمن عليكى بعد ما امشى واسيبكوا .. خصوصا انى مش ضامن عمرى بعد ما تعبت التعب بتاعى
احمد : بعد الشر عليك يا عمى . احنا عايشين بحسك
وطبعا الزياره دى مش محسوبه
الاصول مش هنتعداها ... هنجيلك ان شااء الله الزياره الجايه واطلب ايد الانسه سلمى منك بالاصول .. ولا انتى مش موافقه ياسلمى
سلمى : ههههههههههههههههه مش موافقه ايه دنا ممكن اخطفك دلوقتى
احمد : لا عادى لو مش موافقه قولى رأيك دلوقتى مني موجوده اهي ومش هترفض اني اخطبها صح يا منى ؟
منى : هههههههههههه انا موافقه
سلمى : بقولك ايه اتلم بقي هههههههههه
احمد : بالمناسبه يا جماعه . عاوز اقولكوا حاجه
انا كراجل شرقى مش هقدر انى اشتغل تحت ايد سلمى
وكراجل مش قليل الاصل استحاله هحرمها من مالها ومال ابوها واقولها ماتشتغليش
بالعكس هى هتمارس حياتها عادى وتحافظ على فلوسها وفلوس ابوها وامها وانا هكون ف ضهرها وقت ما تحتاجنى وحتى من قبل ما تحتاجنى هتلاقينى ساند وداعم وف ضهرها
.. بس فلوسها لنفسها .. مافيش مليم هتصرفه عليا او على بيتى . انا اللى متكفل بيه .. مفهوم ياسلمى ؟ وده اللى اتفقت بيه مع عمى والكلام اهو على نووور
سلمى : مفهوم
احمد : واحب ابشرك انى فكيت الفلوس بتاعة ابويا بموافقه امى واخواتى طبعا غير القرشين اللى انا عملتهم الحمد لله بعد 3 سنين سفر وغربه
وهأخد مطعم سمك حلو ع البحر ف نفس المنطقه اللى اتغدينا فيها واتفقت خلاص مع صاحب المطعم وهيسيبه على اخر الشهر الجاى ايجاره سنويا كويس ومناسب ... وهبدأ وهوصل انشاء الله ومش هحرمك من حاجه ... وشقتى موجوده
ابو سلمى : طب تعالا هات حضن بقي قبل ما نسيبكوا تكملوا سهرتكوا .. شباب مع بعضكوا
احمد : هههههههههههههههه حبيبى يا عمى
احمد : بحبك يا لوما
سلمى : بحبك يا اجن واعقل واجرأ وارخم واحلى بنى ادم ف الدنيا
.................................
(تحت البيت )
منه : هو ده البيت اللى ساكن فيه احمد يا امانى ؟
امانى : اه هو . منا لسا سأله قدامك اهو بتاع السوبر ماركت
منه : وكمان عربيه سلمى اهى ؟ الله الله دى احلوت اوى .. وكتاب الله لازم افهم ايه اللى بيحصل ... تعالى نطلع
.........................
( نهايه الجـــزء الأول )
واللى اللقاء ف الجزء التانى قريبا