رواية بنت الاكابر

(الحلقه الثالثه ) ( إنتى قفلتيها )

(الحلقه الثالثه ) ( إنتى قفلتيها ) <3
................
(في الحلقات السابقه)
سلمى : قوم نخرج يا ااحمد انت فيك حاجه ومش مركز ...
احمد : اقعدى نكمل الفيلم ... مافيش يابت حاجه اقعدى
سلمى : بجد ؟
احمد : اه بجد ...
سلمى بتمسك ايده : بحبك
احمد : وانا كمان
سلمى : هههههههههه انت كمان ايه ؟
احمد : بحبك
......
(نهايه اليوم )
سالى : حمد الله ع السلامه يا حمو ... مش ناوى تقولى بقا مين البت اللى جات النهارده دى ؟
........................ (الحلقه الثالثه ) <3
احمد : انتى سهرانه ليه لدلوقتى
سالى : مستنياك يا بابا ... انت لسا مروح سلمى دلوقتى ولا ايه الساعه 3 ونص
احمد : لا انا مروحها من الساعه 1 بس كنت قاعد ع البحر
سالى : ع البحر ؟ ياساتر
احمد : ايه يابت مالك ؟
سالى : ماافيش ياخويا بس اصل موضوع قعادك ع البحر ده مابيكونش غير ف حاجه شاغله دماغك ومش عارف تعمل ايه .... قولى بقا ايه حكايه البت اللى جاتلك النهارده
احمد : طب هقولك .. بس طبعا ده سر بينى وبينك . مايطلعش لمخلوق ولا حتى لاختك وامك
سالى : عيب يا حمو دنا سرك
احمد : دى اسمها منه الجمل . كانت زميلتنا انا وسلمى وساره ومصطفى ومروه ... وكنا اكتر من اصحاب . وطول عمرها هى وسلمى اصحاب الروح بالروح ... لغايه ما بدأوا هما الاتنين شبه يتخانقوا مع بعض كذا مره وجات منه تقولى ماتعرفش سلمى تانى لان انا اللى بحبك وسلمى تقول نفس الكلام .. وكنت حاسس انى لعبه ف ايديهم او ماليش وزن ساعتها .. قلبت عليهم الترابيزه وسيبتهم ومشيت ... وهو ده السبب اللى خلانى اسافر اول ما اتخرجت .... هتسالينى طب رجعت لسلمى ليه ومارجعتش ل منه . هقولك ان انا حبيت سلمى بقلبى قبل عينى . وعشقتها وعارف انها معملتش كده بمزاجها بس كانت خايفه انى اسيبها او انى احب منه عليها ... اما منه ف انا طول عمرى كنت ببصلها على انها صاحبه وبس ... لكن لما هما الاتنين اتجننوا ف عقولهم مشيت وقلبتها ع الكل ...
سالى : الله اكبر ! طب هى منه دى ظهرت ليه اليومين دول ؟؟ وتحديدا النهارده .. وماتقولش الموضوع صدفه
احمد : هى بتقول انها شافتنى خارج من الشركه عند سلمى ودورت ورايا لغايه ما جابت عنوانى ... ويشاء السميع العليم انها تيجى وتظهر ف اليوم اللى بقول فيه لسلمى انى بحبها وعاوزها
سالى : ياستار يارب .... طب وبعدين . خرجت اتكلمت قولتلها ايه ؟
احمد : ولا حاجه كنت بكلمها عادى تحت وبحكيلها ان انا وسلمى شبه هنتخطب لقيتها طبت ساكته اغمى عليها .. خدتها وروحنا المستشفى اللى جنبنا دى لما فاقت روحتها وجيت ....
سالى : للدرجادى . دى شكلها متعلقه بيك
احمد : طب انا مال امى انا ... انا مش عارف هلاقيها منين ولا منين
سالى : طيب هو ده الموضوع اللى مخليك قالب وشك من ساعه ما جيت ...
احمد : هو انا كان باين عليا انى وشى مقلوب ؟
سالى : اه طبعا كلنا لاحظنا .... كنت قبل المشوار ده بتضحك ورومانسي والعيال كانت هتتفرس هههههههههه لما رجعت كنت واحد تانى . مهموم كده . انا وسلمى اللى خدنا بالنا . حتى هى قالتلى هو اخوك ماله .. انا قولتلها ممكن يكون م التعب او الضغط بتاع النهارده
احمد : هو بصراحه فيه حاجه تانيه اللى مضايقانى بس مش هقولهالك دلوقتى لما اتأكد منها
سالى : ماشى يا حبيبى
احمد : قومى يلا نامى انتى دلوقتى ..
سالى : ماشى .. انت هتروح الشغل بكره ؟؟
احمد : اه هروح .... لازم اروح
سالى : ماشى .. تصبح ع خير يا حمو
احمد : وانتى من اهله يا سولى
......................
(تانى يوم على باب الشركه )
ساره : اهلاااااااااا انت ماريحتش ليه النهارده ؟
احمد : اريح ليه ؟
ساره : انا قولت انت مروح سلمى الساعه 1 تقريبا ... واكيد ماروحتش على طول .... ف كنت خد اجازه النهارده ياعم ...
احمد : هى سلمى مش جايه النهارده ؟
ساره : هى كانت ناويه ماتجيش . بس لو قولتلها انك هنا . هتيجى
احمد : لا خليها ترتاح شويه .... امبارح كان توتر عليها
ساره : ماشى يا مز .... صباحك سكر
احمد : صباحك جميل
........................
ساره : الو ! انتى لسا نايمه ؟
سلمى : صاحيه من ربعايه كده بس لسا ع السرير مش قادره اقوم
ساره : هو انتى اتخانقتى انتى واحمد امبارح ولا ايه ؟
سلمى : بعد الشر ... ليه بتقولى كده ؟
ساره : مش عارفه ... اول مره احس ان احمد مقفل كده يا سلمى . دا حتى وقت زعلنا الفتره اللى فاتت ورخامتنا عليه بردو كان وشه بيضحك ... دلوقتى بكلمه بيرد عليا كلمه كلمه وبس ..... فيه حاجه غريبه انا مش فاهماها
سلمى : طيب انا هلبس وجايه
ساره : ماشى يا حبى
.................
( ف المكتب )
محمد : مالك يا ابو حميد قاعد مسهم ليه كده ؟ اول مره اشوفك كده
احمد : ههههههههههه لا ابدا خالص انا تمام .. ارهاق بس مانمتش كويس
محمد : الف سلامه عليك يا حب ... اخلى الواد يعملك قهوه معايا
احمد : ياريت تبقى خدمتنى
منى : احمد ! ممكن ثوانى من فضلك
احمد : اكيد اتفضلى ..
...............
منى : مالك يابنى ؟
احمد : هو فيه ايه ؟ هى الناس كلها بتسألنى السؤال ده ليه النهارده ؟
منى : اصلك متنشن كده ... فيه ايه بجد مضايق مع سلمى ؟
احمد : لا والله ابدا . مانمتش بس كويس امبارح .
منى : ايوه ياعم مين قدك .. ربنا يبعد عنكوا العين .. بس عاوزه اقولك حاجه
احمد : قولى
منى : انا اختك وصاحبتك لو حبيت تتكلم معايا ف اى وقت انا سامعاك .. انا بحبك كأخ وكصاحب يا احمد وربنا يعلم معزتك ف قلبى عامله ازاى
احمد : تسلميلى يا منون . الغلاوه واحده والله .. ماتحرمش منك
منى : ماشى .. فطرت ولا لسا
احمد : اه فطرت ف البيت الصبح . الف هنا انتى
..................
(بعد ساعه )
سلمى : الو ! منى حولينى على احمد
منى : حاضر
سلمى : احمد !
احمد : ايوه
سلمى : فطرت ؟
احمد : اه
سلمى : طب ماتيجى تقعد معايا شويه
احمد : لا
سلمى : لا ؟ ليه
احمد : ورايا شغل هخلصه الاول
سلمى : الشغل مش هيطير تعالى بقا
احمد : شويه كده يا حبيبى معلش
...................
سلمى : الو ! ساره . تعالى
ساره : اوكى
..............
ساره : خير يا لوما ؟
سلمى : كلمت احمد دلوقتى .. وفعلا مقفل مش عارفه فيه ايه مزعله ...
ساره : ماهو كده م الصبح حتى منى كلمتنى دلوقتى وبتقولى هو احمد زعلان مع سلمى ولا ايه . هى بردو حست
سلمى : طب وبعدين ... انا حاسه بردو من امبارح انه اتغير بعد ما رجع من بره
ساره : طب تقتكرى فيه ايه ؟
سلمى : مش عارفه .. بس انا سمعت بيقول لسالى اخته امبارح واحنا قاعدين اسكتى وهقولك على الموضوع اللى بالى بالك ولما سالته موضوع ايه ؟ قالى اى فيلم مش حاجه مهمه
ساره : طيب مانروح زياره للبيت ونتكلم مع سالى يمكن تكون عارفه حاجه تريحنا من تعب الاعصاب ده
سلمى : استنى هكلمها الاول اشوفها ف الجامعه ولا ف البيت ... لو ف جامعتها هروحلها . مش هستحمل اشوفه كده
ساره : ماشى
سلمى : الو ! ايوه ياسولى .. انتى فينك ؟
سالى : ف الجامعه يا حبيبتى خير فيه حاجه ؟
سلمى : لا يا حبى بتطمن عليك ....
سالى : تسلميلى
سلمى : سالى !
سالى : نعم ؟
سلمى : اخوكى ماله
سالى : احمد ؟ ماله فيه ايه ؟
سلمى : انا بسالك انتى .. احمد متغير من ساعه ما رجع من بره واحنا قاعدين وانتى حسيتى بكده معايا . وانا عارفه انك ممكن تكونى عارفه حاجه ومخبياها عليا
سالى : انا ؟ ابدا ؟
سلمى : ياسالى بجد لو تعرفى حاجه قوليها انا مش هستحمل التوتر ده تانى والله . انتى ماشوفتيش اخوك .. متنشن والله ومحدش عارف يكلمه مع انه يبان هادى .. بس انا عارفه الحاله اللى هو فيها دى .... ساكت خالص بس لو هب ف وحده فينا مش هيسكت .. ف قوليلى بجد فيه ايه ؟
سالى : سلمى ! انا هقولك بس وغلاوه احمد عندك اوعى تقوليله انك تعرفى او تعرفيه ان انا اللى قولت
سلمى : يعنى فيه حاجه بقي .. طب انتى فين انا جايالك مش هينفع ف التليفون
سالى : لما تيجى على بوابه الجامعه رنى عليا وهطلعلك . انا كده كده خلصت محاضراتى
..........................
( ف عربيه سلمى )
سلمى : ها يا حبيبتى بقا خير .. طمنينى فيه ايه ؟
سالى : بصراااااحه ... هو مش عارفه خير ولا لا
سلمى : خير يابنتى ماتنطقى
سالى : انتى تعرفى واحده اسمها منه الجمل ؟
سلمى : بتقولى مين ؟ منه الجمل ؟ انتى عرفتى الاسم ده منين ؟؟؟؟
سالى : ماهى دى اللى جات لاحمد امبارح . وهو خدها ومشى عشان مش عاوزك تشوفيها
سلمى : ياخرااااابى . هو انا مش مكتوبلى افرح .. هى منه دى ورايا ورايا ؟ انا تعبت
سالى : بصى . اللى انا فهمته امبارح ان منه دى فضلت تبخ كلام مسموم ف دماغ اخويا وهو الميزه اللى هو فيها انه مابيتسرعش ويحكم ع الناس او ياخد موقف غير لما يتأكد
سلمى : طب وبعدين . تفتكرى هى قالتله ايه ؟ او قالها ايه ؟
سالى : ماقاليش والله يا سلمى ... هو ماتكلمش اصلا . وبعدين اخويا عامل زى البحر يبان هادى من بره بس لو دخلتى جواه هتلاقى جبروت ... ربنا يستر بس ومايتفتحش فينا .. عاوزه نصيحتى .. حاولى على قدر الامكان تبعدى عنه او ماتحتكيش بيه او تقوليله كلمه تزعله .. لغايه هو مايشوف هيعمل ايه ... هو لو فيه حاجه مزعلاه بيحب يكون مع نفسه لغايه ما الموضوع يعدى .. بلاش ضغط عليه والنبى ياسلمى . احنا مش قده
سلمى : (بتعيط )
سالى : فيه ايه يابنتى ؟؟ خير خير كله هيعدى
سلمى : سالى ! انا مش هستحمل ان احمد يبعد عنى
سالى : يابنتى يبعد عنك ليه . مجرد ظهور منه مش معناه انه هيبعد .. بالعكس ده المفروض انه بيحبك انتى ومن اللى اعرفه من كلامه معايا امبارح انه طول عمره بيحبك انتى مش هى
سلمى : انتى ماتعرفيش البت دى ممكن تقول ايه ولا تعمل ايه
سالى : هتقول ايه يعنى ؟ هتحاول تشده ؟ اخويا مابيتشدش . دا ياما عرف بنات وكانوا هما اللى بيحاولوا يعرفوه بس ولا كان ف دماغه اى حاجه خالص .. كبرى دماغك
سلمى : سالى انا عاوزه اقولك حاجه
سالى : خير
سلمى : فيه حاجه اخوكى سالنى عنها امبارح وانا خبيت عليه وخايفه ان الحاجه دى هى الكارت اللى بتلعب بيه منه
سالى : خير موضوع ايه قلقتينى ؟
سلمى : بصراحه .. اخوكى امبارح سألنى ف وسط الكلام اذا كان الفتره اللى فاتت دى محدش اتقدملى او اتخطبت او اى حاجه من الحاجات دى ... رديت عليه وقولتله لا محصلش
سالى : طيب وفين المشكله ؟؟؟ سلمى ! اوعى تنطقى وتقوليلى انك كنتى مخطوبه وخبيتى عليه
سالى : ايوه كنت متزفته على عين اهلى . بس موضوع الخطوبه ده كانت بسرعه كده لما كنت ف امريكا . واللى خطبنى ده كان ف امريكا . ولما بابا جه يزورنى ويكمل الفحوصات بتاعته كلم بابا هناك
سالى : يعنى ايه ؟ اللى خطبك ده كان معاك ف امريكا
سلمى : ايوه ..وبعدين هو يعتبر قريبنا ... والمشكله الاكبر انه قريب البت الزفته اللى اسمها منه وده اللى مأكدلى انها هتبوظ الدنيا
سالى : ياخرابى عليك يا سلمى ... انتى قفلتيها علينا كلنا ربنا يسامحك
سلمى : ياسالى انا مش ناقصه تقطيم دلوقتى اعمل ايه ؟
سالى : تعملى ايه ف ايه ياشيخه حرام عليك ... ده مش بعيد يكون سألك السؤال ده امبارح مخصوص عشان يديك الفرصه انك تقوليله انتى بنفسك وتدافعى عن نفسك . تقومى انتى تخبى عليه ؟ حرام والله عليك
سلمى : ماهى الكلبه اللى اسمها ساره قالتلى لا ماتقوليلوش الليلادى وعدى الليله وبعد كده هنبقى نقوله
سالى : ساره ايه بس وزفتة ايه ياشيخه ..نزلينى نزلينى انا هركب واروح
سلمى : استنى هوصلك ...
سالى : خليكى ف اللى انتى فيه .. ونصيحه ماتروحيش الشغل ولا تكلمى احمد سيبيه ف حاله اليومين دول .. ربنا يحلها من عنده
.......................
سلمى : الو ! ساره .. تعالى علي البيت
ساره : مش جايه الشغل انتى ولا ايه
سلمى : تعالى ع البيت ياساره انا مش قادره اتكلم .. تعالى لما تيجى هتعرفى
ساره : طيب اوكى انا جايه
.....................
(بيت سلمى )
ساره : ايه يابنتى فيه ايه ؟ ماله الواد ده شايط . ده كان هيضربنى وكتاب الله
سلمى : الله يحرقك انتى السبب ف كل اللى انا فيه دلوقتى
ساره : هو ايه اللى انتى فيه ؟ مالك يابت ماتنطقى
سلمى : انطق اقول ايه بس حرام عليك .... انا تعبانه ياساره وهيجرالى حاجه
ساره : ماتنطقى ياسلمى انا مش ناقصه تعب اعصاب
سلمى : منه ياستى
ساره : منه ؟ مالها
سلمى : هى اللى كانت مع احمد امبارح وتقريبا قالتله انى كنت مخطوبه . وهو لما جه سألتى انا رنيت عليك وقولتلك انى خبيت عليه . وانتى ماشاء الله عليك قولتيلى ماتقوليلوش .. اعمل ايه دلوقتى ؟
ساره : يانهار اسود ومنيل بنيله .... بطلى عياط بقا والنبى
سلمى : طب اعمل ايه انا دلوقتى .. اوريله وشى دلوقتى ازاى ... انا المره دى جرحته بجد وعندى استعداد لاى عقاب يعمله ... .. بس هو يعاقبنى بس ومايفضلش يتجاهلنى
ساره : طب حاولى ترنى عليه . شوفى رد فعله ايه طيب
سلمى : بس بقا ياساره والنبى انتى عاوزه تعملى فيا ايه تانى
ساره : لا والله بتكلم بجد .. انا عاوزه اعرف رد فعله بس ف الرنه بتاعتك . هيتجاهلها . هيرد بطريقه وحشه ولا هيعمل ايه .. رنى بس
سلمى : طيب استنى
سلمى : الو ! ايه يا حبيبى اخبارك ايه ؟
احمد : تومام يا لوما . انتى ايه مشيتى ولا ايه ؟
سلمى : ايه ؟
احمد : بقولك مشيتى ولا ايه
سلمى : اه حسيت بصداع كده من سهره امبارح قولت امشى اريح جسمى مارضيتش اقلقك
احمد : الف سلامه عليك يا روحى . طب ايه اجى اشوفك ؟
سلمى : لا يا حبيبى انا لو نمت وقومت هبقى كويسه ... انت لسا ف الشركه
احمد : اه
سلمى : طيب حاول تمشى بدرى شويه تريح جسمك . انت هلكت امبارح
احمد : لا .. عادى انا تمام .. حاولى انتى تنامى بس ولما تصحى كلمينى طمنينى عليك
سلمى : حاضر يا حبيبى ........بحبك
احمد : وانا كمان
..............
سلمى : عارفه ياساره ... من علمى باحمد احب اقولك انه ناوى على حاجه من حاجتين
يإما ناوى ينسى الكلام اللى قالته الزفته دى .. يإما ناوى يربينى . بس لما يتأكد . وغالبا هو ناوى يربينى لان احمد استحاله هيسامحنى بسهوله .. ده لو هيسامحنى فعلا
ساره : ماتقفليهاش بس والنبى وتكركبيلى بطنى
سلمى : لا .. ده اللى هيحصل انا عارفه ..
.......................
( ف البيت )
سالى : ايه يا حبيبى . اتأخرت كده ليه ؟
احمد : مافيش ... الدنيا زحمه
ام احمد : مالك ياواد ؟ عينك حمرا ليه كده
احمد : جعاااااااااااان نوم . عاوز انام وارتاح شويه
سالى : طيب استنى اعملك الاكل بسرعه . هغرف بس بسرعه
احمد : لاء .. لما اصحى هبقى اكل
ام احمد : ماشى يا حبيبى ... خش ارتاح انت
...................
(بعد ربع ساعه )
سالى : احمد ! انت نمت
احمد : هنام اهو يا سولى عاوزه حاجه
سالى : بتطمن عليك بس . بردو مش عاوز تاكل ؟
احمد : لما اصحى يا حبيبتى .. اقفلى عليا الباب بس عاوز انام
سالى : حاضر .. (بتيجى تبوسه من راسه )
.............................
ندى : انتى مالك يابت قاعده كده ليه ؟
سالى : مافيش
ندى : مافيش ايه انتى بتعيطى ولا ايه ؟
سالى : مافيش يا ندى بس اخوك ده صعبان عليا
ندى : احمد ؟ ماله .. صعبان عليك ليه ؟
سالى : مش عارف يفرح شويه
كل ما ييجى يفرح الدنيا بتديله على وشه بأجدعها قلم
واقف ويبان قصاد الدنيا كلها انه جبل وعمره ماحسس حد ولا حسسنا احنا بمشاكله ولا تعبه
اخوكى ده بيصعب عليا جدا والله يا ندى (بتعيط )
يعنى عارفه ...
اليومين دول من اصعب الايام اللى هتعدى على اخوك .. ادعيله يعدى منها على خير وربك وحده يعلم اخوك هيعمل ايه ؟
ندى : (بتعيط ) يارب ....فيه ايه ياسالى . انتى قلقتينى ؟ هو فيه ايه ؟
سالى : هحكيلك كل حاجه بس لما اخوك يصحى ويخرج .. وهو اساسا مش نايم . هو بيهرب مننا
..........................
الى اللقاء ف الحلقه القادمه
التفاعل يا جماعه