روايه بنت الاكابر

(الحلقه السادسه) ( سلمى ..؟! 😳 )

(الحلقه السادسه) ( سلمى ..؟! 😳 ) <3
................
احمد : شوفتها النهارده ف الشركه
مصطفى : نعععم ؟ بتشتغل معاك ولا ايه ؟
احمد : لا ... شوفتها مرتين . اول مره قالتلى انها داخله تشوف واحده صاحبتها شغاله هنا وتانى مره وهى خارجه قالتلى دا صاحبتى كلمتلى صاحبه الشركه ووافقت انى اشتغل معاها ... حوار مش مبلوع صح ؟
مصطفى : دا ايه الفيلم ده ؟
طب ماتفكرش ف حاجه لغايه ما نتقابل بالليل ونشوف ايه الدنيا ...
احمد : ماشى .. سلام
مصطفى : سلام
......................... (الحلقه السادسه ) <3
(بالليل على الكافيه )
احمد : ازيكوا يا غجر
على : حبيبى .. اتأخرت ليه ؟
احمد : مافيش كنت نايم ... جيت كلت ونمت
مصطفى : ايه الدنيا هناك ف الشغل ...
احمد : شغال .. العيال اللى شغاله معايا عيال خايبه اوى يا جدع .. مافهمش حد دمه خفيف . ههههههههههههههههه دنا بقول الألشه بيقولولى يعنى ايه ؟
مصطفى : يلا عودهم بقا ...
احمد : ماعدش ينفع .. الكاميرات اتشغلت النهارده ويشاء السميع العليم انها تتسلط على ام المكتب بتاعى
مصطفى : نعم ؟ ليه يعنى ؟
احمد : انا عارف ياخويا ؟؟ انا روحت اقلع جاكيت البدله بتاعى ف المكتب لقيت المهندسين شغالين هناك .. بقولهم الله ينور يا هندسه وكلمه ف كلمه وهزار ف هزار ... بقولهم انتوا مسلطين عليا الكاميرا كده ليه ياعم انت وهو هههههههههههه قالولى دى تعليمات يا استاذنا واحنا بنففذ
مصطفى : نعم ؟؟؟ لا استنى بقي .. دا فيه حاجه غلط ..
احمد : النهارده كله على بعضه فيه حاجه غلط .. فكك ياعم بلا وجع دماغ
مصطفى : طب وحوار ساره ايه ؟
على : ساره مين يالا انت وهو ؟
مصطفى : ساره صاحبتنا ... احمد شافها ف الشغل بتاعه النهارده بيقول انها كانت رايحه تشوف واحده صاحبتها
احمد : اه ... ماهى هتشتغل معايا من بكره
مصطفى : هههههههههههههههه اه من ريحه الحبايب ياعم مين قدك .. وعلى فكره ساره وسلمى اصحاب الروح بالروح .. يعنى هتلاقى سلمى عارفه انت فين دلوقتى وفين اراضيك
احمد : ياريت يا اخى . انا هموت واشوفها البت دى ... وحشت اللى خلفونى
مصطفى : اووووعى وشك . اول مره اسمعك بتقول على حد انه وحشك هههههههههههه
على : هههههههههههه وانا كمان ... ايه ياعمنا .. وقعت ولا ايه ؟
احمد : معرفش ؟؟ بس شوف انت من مجرد سيرتها ومجرد ما حسيت انى قريب منها . حسيت ان كل حاجه ف الدنيا دى حلوه ... بجد ... سلمى وحشانى . عينيها وحشانى
الوحيده اللى عرفت دماغى وكانت بتستحملنى ف عز خناقى وعصبيتى
الوحيده اللى كنت بلاقي نظره غريبه ف عينيها بعيد عن نظره الاعجاب اللى كنت بلاقيها ف عيون بنات تانيه ...
كنت بحس ان أمى هى اللى بتبصلى
اه والله زى ما بقولكوا كده
كانت بتخاف عليا جدا ..
مره ف عز الشتا والدنيا كانت تللللللللج وبتمطر قالتلى تعالى نقعد ف العربيه لغايه ما الدنيا تخف شويه وماتاخدش برد لانى كنت مخفف ساعتها قولتلها لا مش مشكله . شدتنى من ايدى وعضتنى من كتفى وقالتلى يلا تعالى بلاش رخامه
هههههههههههههههه تصدقوا انى ساعات بفتكر العضه دى وبحس بيها
اقولكوا ايه تانى ؟
اقولكوا انها كانت تيجى تشوف نتيجتى قبل نتيجتها
طب خدوا التقيله .. فاكرين المره اللى كانت اغمى عليها فيها وانا شيلتها ف عربيتها وفوقناها .. عارفين هى اغمى عليها ليه ؟ وده السر اللى محدش يعرفه غيرى
مصطفى : ليه ؟
احمد : اختبار كنت عامله فيها
بعتلها رساله من رقم غريب وقولتلها (على فكره انا فلانه وبحب احمد وهو هييجى يخطبنى ف اجازتنا ) وقلتلها اكتر اسم كانت بتكرهه ف حياتها .. منه الجمل .. فاكرين الاسم ده ؟
وكنت مراقب سلمى من بعيد وباصص عليها ....
وهوب مره واحده لقيت الدنيا بتلف بيها ووقعت ... ساعتها ضميرى وجعنى اوى
مصطفى : ايوووووووه . منه الجمل ؟ يا نهار اسود
. دا سبحان مين طلعك من دماغها . دى كانت هى وسلمى بيكرهوا بعض جدا وبسبب ميتيين اهلك هههههههههههههه ...
ماحنا كلنا حلوين اهو يخربيت ده حظ يا اخى
احمد : حظ مين الله يحرقك .. منا عايش لوحدى اهو يا كلب البحر انت ولا شوفت دى ولا شوفت دى من ساعه الكليه وسيبتلكوا الدنيا وهاجرت قعدت 3 سنين بره
مصطفى : هههههههههههههه ياعم اهى سلمى بدات تظهر اهى ..
بس اقسم بالله لو سلمى دى ظهرت ف حياتك تانى وقربتوا من بعض
انا متأكد وواثق ان هتلاقى البت منه دى ظهرتلك تانى وهيطلعوا عين اللى جابوا اهلك ..
انت ناسي ان ابو دى وابو دى كانوا شركا اصلا وكانوا رجال اعمال مع بعض ..
والبنتين كانوا بيحبوا بعض لغايه سنه تانيه...
لغايه ما اتعرفت انت على سلمى .
ودخلت منه ف النص وحاولت تفشكل علاقتكوا وحبتك هى
احمد : مش ناسي .. بس انا مال اهلى انا ؟ ...
منه ماحبتش ان سلمى تحب حد وهى لا ..
حاجه كده فيها غيره من بتوع ولاد الاكابر دول اللى قولتلك عليها .
عندهم نقص ف حاجات كتير ... سيبك ياعم .
ايه اللى هيجيب منه ولا ايه اللى هيعرفنا ببعض .. فكك ... المهم اعمل ايه ف حوار ساره ده ؟
مصطفى : حوار ايه ؟ انا نسيت احنا كنا بنتكلم على ايه اصلا ؟ هههههههههههه
على : اطلبلكوا حجر معسل طيب ؟
احمد : اه ياريت يابنى ههههههههههه شااااااااااى ف الخمسينه يا حوده وحته ولعه
حوده : ماشى يا هندسه
مصطفى : مش ساره هتكون معاك بكره ؟ اهى بنفسها هتقولك على اخبار سلمى
احمد : اه ... يلا ربنا يقدم اللى فيه الخير
مصطفى : بس انت طلعت بتحبها اوى يا صاحبى
احمد : بحبها ؟ اقسم بالله الحب ده كلمه عبيطه اوى والناس ما عارفه معناها ..
يابنى الحب ده هو امتلاك روح على روحك .
بتشرب اللى يشربه بتاكل اللى بياكله بتحب اللى يحبه بتكره اللى يكره ...
بتظبط روحك على روح حبيبك بالمللى
... بتشوف الدنيا من عينه
بتمتلكه كده وبيكون الكون بحاله هو براح حضن منه ...
اقولكوا حاجه .. انا حضن سلمى هيبقى اوسع عندى من الكون ده كله
مصطفى : حضن سلمى اوسع عندك من الكون ده كله .. كمل كمل انا بحفظ بس .. بتعلم منك الكلام وبروح اقوله ل اسماء مراتى هههههههههههه
احمد : هههههههههههههههه اه وطبعا مراتك فاهمه انك انت اللى بتقول كل ده صح ؟ عايش انت على حس اللى خلفونى ... ههههههههههههه زمانهم دلوقتى هى واخواتى عمالين ينموا على اللى خلفونا ..
مصطفى : اخويا وحبيبى يا ابو حميد هو انا عندى غيرك ههههههههههههههه
احمد : امشى يالا هههههههههههه
...........................
(تانى يوم )
منى : حمد الله ع السلامه يا استاذ ... متأخر 5 دقايق
احمد : اه . كنت سهران امبارح لوش الفجر .. وقايم النهارده مضروب بالجزمه والله ... المهم انتى ايه اللى بتعمليه ده
منى : بعمل ايه ؟
احمد : عماله تحلوى كده وتألوظى ماشاء الله يعنى . فيه ايه ما تتلمى ؟
منى : ههههههههههه يخرب عقلك . تحفه والله
احمد : بقولك ايه . مستر وليد جوه ؟
منى : لا لسا ماجاش ... انت فطرت ؟
احمد : لا لسا ... هشوف كده الجماعه معايا ف المكتب فطروا ولا لا .. ماتيجى تفطرى معانا
منى : سيبك منهم وتعالى نفطر انا وانت .. هبعت اجيب سندويتشات
احمد : ماشى بس انا اللى هدفع
منى : ياعم ماتفرقش
احمد : لا تفرق
منى : فيه ايه انت قفشت كده ليه ؟ خلاص ادفع انت .. ياسم
احمد : ههههههههههههه هدخل اظبط حالى لغايه ما تطلبي الاكل
منى : ماشى يا رخم
................
(مكتب ساره )
سلمى : قمر يا ناس .. منوره مكتبك يا قلبى
ساره : طبعا منور ...
سلمى : المهم تفهمى الشغل بسرعه عشان بعد الضهر تظبطى اللقاء مع الواد ...
ساره : احم احم . بس ايه الشياكه دى يا عم النهارده ....
سلمى : بس يابت انا طول عمرى شيك اصلا وده على طول لبسي
ساره : لا بس مزه مزه يا سلمى . الواد هيتهبل النهارده
سلمى : ياريت .. المهم مروه هتيجى امتى ؟
ساره :ساعه كده وهتيجى اانا قولتلها قبل الضهر تكونى عندنا
سلمى : ربنا يعدى اليوم ده على خير
.......................
(بعد الضهر )
ساره : الو ! اكلم الاستاذ احمد من فضلك ... اه قوله ساره سكرتاريه الاداره
محمد : ارفع السماعه يا احمد
احمد : الو !
ساره : ايوه يابنى مش هتيجى تباركلى يا واطى ع المكتب الجديد ولا ايه ؟
احمد : ياسلام ... اجيلك طبعا .. المهم الوليه الحيزبونه صاحبه الشركه عندك ولا لا . لو عندك مش هاجى مش عاوز اطقش مع حد ع الصبح انا
ساره : هههههههههههههههه لا هى هتتأخر هتيجى بعد العصر
احمد : اوكى يا مزه .جاى اهو ....
بقولك ايه يابت انتى ماكلمتيش سلمى خالص اليومين دول ؟
ساره : مانت هتيجى اهو وهقولك قولتيلها ايه وقالتلى ايه ؟
احمد : طيب . انا جاى اهو
................
ساره : بسرعه بسرعه يابت انتى وهى الواد طالع اهو بسرعه استعدوا
سلمى : يالهوى انا خايفه ... ايه اللى انا فيه ده منكوا لله
.......................
(احمد بيخبط الباب )
ساره : تعالى يا حمو ادخل
احمد : مبرووووووك يا سرسووووور والله وبقيتى زميلتى يابنت الجنيه
ساره : ده احلى خبر ليا يا احمد والله ..واحشنا كتير ياض انت .. وزعلانين منك كلنا
احمد : ليه يا مزه بس ؟
ساره : بقا اكتر من 4 سنين ماتسألش علينا .. ماكنش عيش وملح ده
احمد : بالعكس انا فضلت متابع اخباركوا فتره لغايه ما سافرت يا ساره قعدت 3 سنين على بعضهم ..ولما رجعت قدمت ف كذا شركه واهو اتقبلت هنا ويشاء السميع العليم انى بعد ما اشتغل بيوم انتى تشتغلى معايا
ساره : اه والله مبسوطه كتييييير
احمد : المهم .. اخبار السيكو سيكو ايه ؟
ساره : على صوتك تقصد مين ههههههههههه
احمد : هههههههههههه لومه .. اكيد قاصدى على سلمى . لومه زى ماكنت بقوللها
ساره : طب ايه رأيك ف المفاجأه دى ؟
احمد : مفاجأه ايه ؟
ساره : ادخلى يا نيله
مروه : حموووووووووو.... واحشنى يخرب عقلك
احمد : ايه ده ... انتى لسا عايشه يا ام نص لسان انتى ؟ والله واحشانى يابنت الهبله انتى .. احلويتى اهو وتخنتى شويه بدل مانتى كنتى شبه العصايه ف الجامعه
مروه : ههههههههههههه واحشنى كتير كتير كتير .. فينك يارخم وفين أيامنا
احمد : هههههههههه كويس ياحلوه اهو .. كويس خالص .. ها ياساره .. هتجيبى مين تانى ف الدفعه هههههههههه
ساره : ههههههههههههههه انا قولت افكرك بحبايبك . احنا مش حبايبك ولا ايه ياض انت ...
احمد : وبعدين انتى خارجه من مكتب الاداره مش خايفه الحيزبونه تيجى وتطردك من اول يوم ف شغلك
مروه : هههههههههههه لا ساره أمنت عليها وهى مش هتيجى قبل العصر
احمد : والله عال . مسيطرين اهو .. شوفيلها شغل معانا ياساره هى كمان ... المهم لومه فين الله يحرقكوا بجاز انتو الاتنين
ساره : ههههههههههه الله ! مالك ياواد
احمد : مالى يا واد ايه ؟ بقا اشوفك واشوف مروه ومش عاوزانى اشوف سلمى ؟ انا كده هتجنن الله ياخدكوا ... هى ماجتش معاكوا ولا ايه ؟
ساره : استنى ! ادخلى يا برنسيسه
..............
(احمد بيشوف سلمى للمره الاولى )
احمد : سلمى ! ؟😳
.......................
((يتبع ))