روايه بنت الاكابر

(الحلقه الرابعه) ( المساج )

(الحلقه الرابعه) ( المساج ) <3
................
(في الحلقات السابقه )
سلمى : احم احم ... عاوز ايه انت دلوقتى
احمد : هعوز من واحده زيك ايه يعنى ههههههههههه اتنيلى نامى وشيلى الحاجات دى
سلمى : حاجات ايه ؟ والله منا عامله حاجه . المفروض ان انت بتاع المساج وانت اللى تتعامل بقي وتشوف هشيل ايه وماشيلش ايه... انت اللى هتعمل . انا جسمى كله قافش يا حمو
احمد : يخربيت حمو وسنين حمو ، اتنيلى نامى
........................ ( الحلقه الرابعه ) <3
سلمى : هههههههههههه اهو نمنا . انجز بقي
احمد : استنى اما افكلك شعرك .
سلمى : احم
احمد : بقولك ايه .. لا احم ولا اسمع صوتك خالص اخرسي .... انا ايديا سايبه
سلمى : ههههههههههههه خلاص هسكت
احمد : ايون والنبى الله يسترك ..... استنى بقي اما أشيل القميص ده .. فين الكريم ولا الزيت
سلمى : اهو ف شنطتى ...
احمد : طيب .. استنى اما اجيبلك فوطه م الحمام تسترى بيها نفسك بلا قله أدب
سلمى : هههههههههههههههههه
احمد : بتضحكى ؟ طب والله منا جايب حاجه. وخليكى كده بقي ياكش تستهوى عشان تبطلى استفزاز ف أمى
سلمى : احسن بردو الجو حر النهارده .. ...
احمد : المناطق ايه اللى قافشه عندك خلينى ابدا بيها
سلمى : رقبتى زى ماتكون ملووحه كده مش عارفه من ايه
احمد : طيب استنى
سلمى : ااااه . بالراحه ياحمو
احمد : هو انا لسا عملت حاجه طيب ف الليله الزرقا اللى انا فيها دى انا بمشى ايدى بالكريم والزيت بس عليها . الهى ربنا يهدك اثبتى يابت انتى عيون امك مبهدلانى ..
سلمى : طب بالراحه بردو والنبى .... انت مش بتعملى مساج اصلا انت بتكهربنى
احمد : دى وقعه ايه دى .. يابت اثبتى بقي وكتاب الله انا اللى متكهرب
سلمى : ههههههههههههههههههههه طيب خلاص هثبت اهو
احمد : لومه
سلمى : احم احم
احمد : ايوه والله احم احم علي الاخر .. مش كده والنبى ؟ ههههههههههههه
سلمى : هههههههه وحشتنى
احمد : وانتى كمان وحشانى ... استنى هعمل حركه حلوه
سلمى : حركه ايه
احمد : ههههههههههههه هغرق نفسي ونفسك بالزيت بتاع المساج عشان نفلفص من بعض كده محدش يعرف يمسك التانى ف الليله السوده دى
سلمى : هههههههههههههه هتموتنى
احمد : اهو .. ايه رأيك بقي ؟
سلمى : هههههههههههههه طب الزيت ده بيفضل لازق ف الجسم مش هيروح غير لما تنقع نفسك ف البانيو ساعه كامله يا ناصح
احمد : يلا ياشيخه احنا ورانا ايه يعنى هههههههههههههه
سلمى : ههههههههههه على رأيك .. اعملى مساج بقي
احمد : اهو ...
سلمى : احممممد ! لم ايدك
احمد : ههههههههههههه اللى هو ازاى يعنى .. ألمها ايه .. دا لو ايدى اتلمت هقطعها ههههههههههههه
سلمى : بعد الشر . بس لمها بردو . حييب اللى بتعمله ده
احمد : لا مش حيب . انا سألت فيها شيخ قالى مش حيب خالص طالما مراتك حلالك بلالك
سلمى : هههههههههههههههه طيب اذا كان كده ماشى
احمد : ايون كده
سلمى : احمممممممممممد ! حييييييييييييب
احمد : ههههههههههههه يادى النيله عليا . مش عيب ياعم مش عيييييييب اجيبلك الشيخ بنفسه يعنى اللى يقولك
سلمى : ههههههههههههه انا بتطمن بس
احمد : لا يا حلوه اتطمنى
سلمى : كمل ! بس بالراحه وبلاش تمد ايدك اوى يعنى
احمد : لا حاضر من عنيا مش همدها
سلمى : وعد ؟ !
احمد : ومقام سيدى عبد الكريم وعد
سلمى : هههههههههههههههههههههه كدااااااااب . لا قول وحياة سلمى وعد
احمد : وحياة سلمى وعد
سلمى : هههههههههههههه لا يا بابا مش عليا كمل الجمله على بعضها . قول وحياة سلمى مش همد ايدى اوى
احمد : احم . وحياة سلمى مش همد ايدي اوى
سلمى : ههههههههههههههههههه والله بتضحك اهو . يبقى انت ف نيتك حلفان تانى ... لا انا عاوزه اتطمن . قول وحياه سلمى مش همد ايدى اوى عليك يا سلمى وانا بعمل المساج
احمد : وحياه سلمى ترنتنتنت نتنربنترنرتنبرنمنرمنمرنؤ وانا بعمل المساج
سلمى : هههههههههههههههههههههههههههه يالهووووووووووووووووى
احمد : (بيشدها تحت منه وبييجى فوقها ) ايه بقي ؟ عاوزه ايه انتى
سلمى : اوعى . سيبنى . انا مخاصماك
احمد : مش هوعى اولا عشان انا لزقت فيك خلاص من كتر الزيت هههههههههههه ثانيا وده الاهم انتى بتاعتى وتخصينى .
سلمى : طب انت مكتفنى يعنى ؟ فاكرنى مش هقدر عليك
احمد : اللى عندك اعمليه
سلمى : طب خد ... بتضربه براسها ف راسه
احمد : ااااااااااااااااااه يابنت العبيطه ..
سلمى : (بتقوم هى فوقه وبتعضه من كتفه )
سلمى : ايه رأيك بقي
احمد : لا دى اسمها خيانه دى . انتى بتضربينى بالروسيه ... فيه واحده مزه حلوه كده وزى القمر تدى بالروسيه
سلمى : انا اسكندرانيه يابابا لحمى مر محدش يقدر عليا
احمد : لحم مر ايه انتى حوله ؟ انا جوزك
سلمى : اه معلش اندمجت شويه ههههههههههههه وبعدين ماتغيرش الموضوع اعمل فيك ايه دلوقتى
احمد : بصي ف عينى
سلمى : لا
احمد : بت
سلمى : حاضر . ببصلها اهو
احمد : تعالى قربى من شفايفى
سلمى : اهو
احمد : بحبك
سلمى : وانا كمان بحبك ( بتبوسه بوسه طوييييييله )
احمد : قوميني
سلمى : اهو استنى اقوم انا الاول انت عمال تفلفص كده ليه هههههههههههههه
احمد : تكالنا عليك يارب هههههههههههههه
.................
( تانى يوم )
سلمى : احممممد ! حمووووو ! انت لسا نايم
احمد : ( مابيردش عليها ونايم )
سلمى : (بتتصل بخدمه الغرف ) الو ! لو سمحت طلعولنا الفطار
خدمه الغرف : حاضر يا فندم .. فردين مش كده ؟
سلمى : اه
خدمه : تحت امر سيادتك
سلمى : متشكره
.......
سلمى : حمووتى ! اصحى بقي اواد انت ( بتلعب ف شعره )
(وبتكلمه وهو نايم )
انت عامل فيا ايه يابنى انت
مالكنى كده ليه
حياتى كلها بقت عباره عنك انت
لما كنت ببقي عاوزه يومى يمشى كنت بفتكرك وافتكر جنانك
ضحكتك مافارقتنيش طول ماحنا بعيد عن بعض
انا مش عاوزه الايام دى تعدى . عاوزه افضل ف حضنك وتحت حمايتك
عاوزه اكون متطمنه على طول زى منا متطمنه دلوقتى
والله يا احمد مش عاوزه حاجه تانيه م الدنيا غير انك تفضل معايا
طول الوقت قصاد عينى
اقسم بالله لما كنت بنزل الشغل وانت تنزل شغلك كنت بحس انى يتيمه طول النهار وانا بعيده عنك
مابحسش بنفسي وقيمتى غير وانا ف حضنك
حتى لما بترخم عليا وتضايقنى وتنرفزنى كنت ببقى طايره
القلم اللى اديتهونى على قد ماهو وجعنى على قد ماده احلى ذكرى هفضل فاكراها لانى ساعتها عرفت انا حبى ف قلبك واصل لغايه فين
قوم بقي الفطار زمانه جاى
قوم يا احممممد ماتستهبلش انا عارفه انك صاحى
احممممممممممد
ايه ده انت نايم بجد ولا ايه ؟
هههههههههههههه احسن بردو كويس انك ماسمعتش الكلام ده
عشان ماتشوفش نفسك عليا
حمووووووو
حموووووووتى قومي يا بطتى بقي الساعه 11 هنقضي اليوم كله نوم (بتبوسه من خدوده )
قوم ياواد انت وحشتنى
احمد : صباح الخير
سلمى : صباح الفل يا مزتى .. ايييييييه كل ده نوم
احمد : ماهو من ام الزيت بتاعك
سلمى : هههههههههههههههه احنا نمنا كده ازاى
احمد : مش عارف والله . داحنا خلصنا من هنا وتوهت
سلمى : طب قوم بقي ياكسلان عاوزين نفطر انا جعانه
احمد : وانا جعان اكتر منك
سلمى : يلا قوم خدلك دش حلو كده لغايه ما الفطار ييجى انا طلبت فطار وزمانه جاي
احمد : طب قومينى طيب .. ايه ده يافضيحتى فين هدومى
سلمى : ههههههههههههههه معرفش اسال نفسك ..
احمد : والله ؟ طب تعالى هاتى بوسه
سلمى : تؤتؤ
احمد : طب خلاص مش قايم ومش فاطر
سلمى : تؤتؤ هتقوم لاحسن اشدك من رجليك كده
احمد : انتى يابت انتى جايبه الافترا بتاعك ده منين
سلمى : هههههههههههههههه منك .. فيه واحده تبقى متجوزه سي احمد باشا وماتبقاش مفتريه . دنا بحاول اجتهد بس
احمد : والنبى ايه ...
سلمى : يلا قوم الميه تجنن . اول ما قومت خدت دش ابن لذينه كده فوقنى خالص
احمد : ماشى ... صباح الفل بقي
سلمى : صباح الورد على عيوناتك
........................
(اسكندريه )
اسماء : انت ياعم ؟
مصطفى : ايه
اسماء : هنروح شرم امتى
مصطفى : ماهو احمد حاجزلنا على الاربع
اسماء : طب عاوزين شويه طلبات بقا وشويه هدوم كده اخرج بيها
مصطفى : اى حاجه يا اسماء بقي
اسماء : اى حاجه ايه .... لا عاوزه اكون متشيكه
مصطفى : طيب هننزل انا وانتى بعد المغرب نشوفك عاوزه ايه
اسماء : ماشى
........................
ندى : سالى ! ايه رأيك ف القميص ده البسه واحنا ماشيين ف خليج نعمه
سالى : وحياه امك انتى عاوزه اخوك يرجعك مشي من هناك ولا ايه
ندى : ايه طيب ماله ؟
سالى : معرفش . وحش وخلاص ... انا اصلا محتاره مش عارفه هاخد ايه البسه ههههههههههههههههه ماشاء الله سلمى عندها حاجات حلوه . وانا بجيبلها هدومها شوفت اللى عندها . كنت بكلمها فيديو وبتقولى لا هاتى ده وسيبى ده ... يابختك ياواد ياحمو هههههههههههههه زمانه هايص دلوقتى م الحاجات اللى هى لابساها
ندى : هههههههههههههههههه سلمى دى حته سكره .. وفعلا هما الاتنين لايقين على بعض .. وكتاب الله ياسالى هما الاتنين شبه بعض .. شكلا وصفه ...
لو ركزتى ف ملامحهم هتلاقيها شبه بعض
لو ركزتى ف صفاتهم هتلاقيها شبه بعض اووووووى
بقولك ايه انا مش هتجوز غير واحد يكون شبه اخوك كده وزي جنانه
سالى : ربنا يكتب الخير ... يابت قوليلى بقا اعمل ايه ف النيله دى انا مش عارفه هلبس ايه هناك
ندى : استنى ! ماهو ياسالى عندك حاجات كتير اهو انتى اللى عاوزه تاخديهم كلهم . وهما يدوب 5 ايام وهنيجى
سالى : 5 ايام مين . هخلى اخوك يمدها يومين تلاته كمان
ندى : ياريت ههههههههههههه
................................
احمد : ايه بقي ؟ هنعمل ايه النهارده
سلمى : تعالى نقعد ع البيسين شويه وبعدين نتغدى ونخرج
احمد : بيسين مين دلوقتى داحنا نتسلق زى البيض
سلمى : هههههههههههههه ماهما الاجانب كلهم تحت
احمد : ما يولعوا وانا مالى .. وبعدين دول جايين من بلاد مافيهاش شمس وجايين ياخدوا لون ... انا بقى عاجبنى لونى كده ههههههههههههههه
سلمى : طيب ياعم عندك برنامج تانى نعمله
احمد : احلى برنامج انه مايكونش فيه برنامج . وقت ما تطلب ف دماغك حاجه تعمليها اعمليها .. وانا دلوقتى حالا عارف عاوز اعمل ايه
سلمى : بقولك ايه اتلم
احمد : هو انتى دماغك دى مابيجيش فيها الا قله الادب يا قليله الادب ياسافله هههههههههههههههه انا بقول على حاجه تانيه
سلمى : ههههههههههههههههههه والله ؟ بقا انا بردو . هنعمل ايه طيب
احمد : هنروح ننزل البحر . نعمل دايفينج النهارده . انا سألت ولقيت ان فيه غواصين ف الفندق شطار . هننزل نشوف السمك والشعب المرجانيه اللى هنا
سلمى : فكره حلوه بردو ...هنروح دلوقتى ؟
احمد : اه بعد الغدا كده بشويه ... عشان هنطلع نروح خليج نعمه .. هنسهر ف ديسكو حلو النهارده كنت بروحه لما كنت بشتغل ف شرم هنا من زمان
سلمى : ايوه والنبى عاوزه ارقص
احمد : عاوزه ايه يا عنيا ؟
سلمى : ايه يا حمو ارقص . منا هرقص معاك ؟
احمد : هههههههههههههههه طيبه انتى يا لومه ...
سلمى : طيبه ليه هو احنا هنروح الديسكو نعمل ايه ؟
احمد : هنروح نبيع سبح هناك
سلمى : هههههههههههههههه هههههههههههههههههههههههه ههههههههههههههههههه ههههههههههههههههههههه هههههههههههههههه ههههههههههههههه هههههههههههههههه ههههههههههههه
يالهوى عليك وعلى ألفاظك
لا بجد طالما مش هنرقص هنعمل ايه
احمد : وهو يعنى عشان اسمه ديسكو جه ف بالك انه رقص او شرب والحاجات دى
عادى يا روحى هو ديسكو حلو هنروح نقعد شويه هننبسط بالجو اللى هناك
بالفقرات اللى موجوده ... بالرقاصات اللى هناك قصدى الرقصات ... ركزى فيه فرق بين الرقصه نفسها والرقاصه ...
سلمى :
احمد : ايه ده انتى بتبصيلى كده ليه ؟ اهدى وصلى ع النبى انا بقول ع الرقصه نفسها . الشو .. العرض يعنى ...
سلمى :
احمد : الله اكبر الله اكبر .... انا اساسا مابحبش الديسكوهات .. ديسكو ايه وكلام فارغ ايه
سلمى : ههههههههههههههههههههه هههههههههههههههههههه لا هنروح . بس هاخد معايا سكينه طبعا عارف ليه ؟
احمد : (بيبلع ريقه ) والله العلم علمك .. مش عاوز اعرف
سلمى : ههههههههههههههههههه طب بحبك
احمد : طب بموت فيك
سلمى : ماتيجى نتمشى ف الفندق شويه ...
احمد : كنت لسا هقولك ... يلا بينا
..................
سلمى : احمد ! فيه مشكله اد كدهون عندى ف الشغل
احمد : خير يا بابا ؟
سلمى : مافيش بس فيه شركه منافسه لينا مانت عارفها . شركه الشرق بيضربوا من تحت الحزام وبيشتروا الناس بتوع التوكيلات عشان يرسوا عليهم البضاعه اللى جايه . وانت عارف ان مجال شركتى هى مستحضرات تجميل يعنى اقل حاجه بتأثر فينا
احمد : محلوله يا روحى ... لما ننزل هنقعد ونشوف الموضوع ... طب انتى المناديب بتوعك اشتكوا ان فيه نقص ف الطلب ع البضاعه ؟
سلمى : اه طبعا . ساره كانت بتكلمنى وبتقولى ان العرض بقا اكبر من الطلب ... ودى عمرها ما حصلت ف شركتى . ولما سألت عمو فاروق صاحب بابا قالى على موضوع الشركه بنت الكلب دى ... عاوزين يضربونا بأى طريقه لان احنا اللى سابقينهم على طول
احمد : لا محلوله ان شاء الله .. ماتفكريش ف الموضوع لغايه ما نرجع وهنشوفله حل انا وانتى
سلمى : اشطات ...
احمد : الفندق حلو صح . المنظر بتاعه يجنن
سلمى : اه
احمد : استنى اما اخلى الواد ده يعملى حجر شيشه هههههههههههه تعالى نقعد ف ركنه الشيشه اللى جوه دى
سلمى : انا مش عارفه ايه كيف الشيشه بتاعك ده
احمد : تعالى بس تعالى ... مسا الفل يا عبدالله
عبد الله : مسا الفل يا احمد باشا . ايه اظبطلك حجر زى بتاع امبارح
احمد : ياريت بقي ..
عبد الله . عنيا . 5 دقايق واكون عندك ... اتفضل انت يا رياسه ع الركنه وانا وراك
احمد : وكوبايتين شاي ف الخمسينه بقي ...
عبد الله : عنيا
احمد : تسلم عنيك يا عبدوو
.................
سلمى : بتعمل ايه
احمد : ايه . هنام على رجلك
سلمى : كده قدام الناس وهما رايحين وجايين
احمد : اه عادى
سلمى : (بتلعب ف شعره ) بحبك
احمد : بتقولى ايه ؟
سلمى : ب ح ب ك
احمد : ياباشا انا معدى معاك الكلمه دى من بدرى
سلمى : ازاى بقي ؟
احمد : يعنى كلمه بحبك دى لا تليق بمدى حبى واشتياقى لكى
إن الحب المكنون داخل اعماق صدرى ينتفض اجلالا وحبا لتلك العينين الزرقاوتين اللى مبهدلين امى معاهم . اقصد مبهدلين والدتى معكى
لا اطيق بعدى عنكى ولو لدقيقه واحده
ما أنا الا سجين نسي نفسه داخل سجن غرامك وحبك يا مولاتى
اعشق نفسي عندما تميل الى الدلال عليك
اعشق عيني عندما تنظر اليك
اعشق اذنى واغار منها عندما تسمع همساتك وانتى تنطقين ف سكون ليل اسود وتقولين بحبك يا احمد
حبيب قلبى اتأخرت بالشيشه ليه ياعم
عبد الله : معلش يا ريس الفحم كان لسا بيطيب
احمد : ماشى يا ريس ماااااااااااااشى تسلم ماتحرمش
سلمى : ( كاتمه الضحكه بالعافيه )
احمد : اتفضل يا باشا اتفضل ..
........
احمد :يابنت الهبله انتى سايبانى اتكلم والواد ورايا
سلمى : ههههههههههههههه هههههههههههههههههههههه ههههههههههههههههه هموووووووووووووووووت
..................
الى لقاء ف حلقه قادمه