روايه بنت الاكابر

الحلقه العاشره ) ( حاسه انى هيجرالى حاجه )

(الحلقه العاشره ) ( حاسه انى هيجرالى حاجه )
................
(في الحلقات السابقه )
احمد : انت مالك يا مصطفى ؟ غيرت رأيك ليه ؟ وواخد الموضوع على اعصابك يعنى ؟ فيه ايه يالا ، وعمال تتهته ليه ف الكلام
مصطفى : هههههههههه خالص يا عم انا بقولك رأيى وانت حر
احمد : مصطفى !
مصطفى : عاوز ايه من زفت
احمد : تعالى .. تعالى قرب كده وبصلى ف عينى يا حيلة أمك
....................... (الحلقه العاشره) <3
مصطفى : ايه ياعم عاوز ايه ؟
احمد : ياض ماتخافش تعالى ....
مصطفى : اهو
احمد : انت عينك رايجه ليه وقلقان وعمال تفرك ف ايدك ؟
مصطفى : ياعم انت هتوترنى بالغصب ليه .. مافيش حاجه
احمد : وحياه امك وامى فيه حاجه انت مخبيها عليا ... انا مش لسا عارفك النهارده اخلص فيه ايه مخبيه عليا
مصطفى : مافيش حاجه بجد يا احمد ... انا بس متخانق مع اسماء
احمد : طب طلع تليفونك
مصطفى : عاوز ايه انت
احمد : طلع تليفونك ماتخافش
مصطفى : ياعم انت موترنى ليه فيه ايه ؟ اهو تليفونى
احمد : رن على مراتك واديهالى
مصطفى : ليييييييه ؟
احمد : رن عليها واخلص ...
مصطفى : الو! اسماء .. خدى احمد عاوز يكلمك
احمد : الو .. ايوه يا سوسكا ... عامله ايه ؟
اسماء : كويسه والله يا احمد انت اللى عامل ايه ؟
احمد : يعنى جوزك مخبى عنى كل ده وماتقوليليش ؟ ماكنش عيش وملح ده ههههههههههه
اسماء : هههههههههههههههههه انا فضلت اقوله احمد هيزعل لو عرف ماسمعش كلامى
احمد : هههههههههههه عسل يا ناس .. طب اقفلى اقفلى ، الهى ربنا ما يحرمنى منك
اسماء : ههههههههههههههه ماشى
احمد : اقفل باب الكافيه يا على
مصطفى : طب انا رايح اصلى العشا يا شباب حد عاوز حاجه ؟
احمد : حبيب قلب اخوك تعالى وهنصلى جماعه دلوقتى . شوف .. هتنطق ولا اعبطك قدام الناس
مصطفى : ياعم مافيش يا عم . مانت عارف مراتى هبله
احمد : هى بردو اللى هبله يا روح امك ... انطق ياض .. مخبى ايه عليا ؟
مصطفى : بصراحه
على : ماتنجز ياعم انطق . هيتحول عليك
مصطفى : بصراحه سلمى وساره ومروه كلمونى وقابلتهم وعاوزينى اشتغل معاهم جاسوس عليك عشان ترجع الشركه وتكون قدامهم
احمد : نعم ياروح امك ؟
مصطفى : ومش بس كده
احمد : هات اخرك
مصطفى : طب سيب طيب القميص انت قافش حرامى ولا ايه هههههههههههههه
احمد : هههههههههههه مصطفى ! انطق وارحم نفسك
مصطفى : هى اللى مركبه الكاميرات ف الشغل عندك عشان تشوفك طول الوقت ومركبه كاميرات على مكتب السكرتيره اللى انت بتكلمها دى
احمد : يا حلاوه يا ولاد ... وايه تانى ؟
مصطفى : و.......
احمد : فيه ايه تانى .... اخلص مخبى حاجه لسا
مصطفى : سالى وندى معانا ف اللعبه دى
احمد : سالى ومين ياخويا ؟ ازاى وهى شافتهم منين
مصطفى : كانت عندهم النهارده .. وكانت موجوده لما انت دخلت البيت بس هما خبوها
احمد : هههههههههههههههههههه يا ولاااد المهبوشه ... اه . الدولاب والحمام ؟ اتارينى شامم ريحة برفانها وعمال اقول دى ريحة ايه ؟
مصطفى : ايوووووه بالظبط
احمد : ههههههههههههههههههه هموووووووووووت ... وايه تانى
مصطفى : بس والله هو كل ده اللى انا اعرفه
احمد : بقوا انتوا عاملين روباطيه وعصابه بقا على اهلى ؟ دنا هطلع عين اللى خلفوكوا واولهم انت يا كلب البحر .. بتبيعنى ياض ؟
مصطفى : ههههههههههههههه طب اقعد بقا وسيب ام القميص .. شكلى وحش قدام الناس يا عم ارحم امى بقي
احمد : بس انت طلعت خرع مابتعرفش تكدب وانا فاقسك طول عمرك واعترفت من اول قلم جاتك وكسه على وكستك ههههههههههههههه
مصطفى : ياعم انت وترتنى والمصحف .. ايه ياعم فيه ايه ؟ وبعدين انت موتر البنات كده ليه ومربيلهم الرعب ؟ دول كانوا جايين متخفيين وقاعدين ف العربيات ولا المفتش كورمبو
احمد : ههههههههههههه هههههههههههههههه ههههههههههههههههههه ياولااااد اللعيبه ... بقا بتعملوا كل ده ضدى .. ماشى ماشى
مصطفى : طب ايه ؟ ناوى على ايه ؟
احمد : قوم غور هاتلنا حجرين خلينى اشوف هعمل ايه
مصطفى : امرك يا سيد المعلمين ههههههههههههه شكلى زباله صح يا على ؟
على : بصراحه منظرك مش اد كده ههههههههههههههه قوم يا حيله قوم
.......................
(بعد نص ساعه )
مصطفى : ايه ياعم ساكت من ساعه ما قولتلك .. كل ده بتفكر ف ايه ؟
احمد : هكون بفكر ف ايه يعنى ... ف مصيبه تاخد اجلكوا كلكوا .. بس انا لقيتها
مصطفى : خير . ناوى على ايه
احمد : محدش يعرف انى قفشتك خليهم دايما فاكرين انك لسا معاهم
مصطفى : حصل يا كبير ... وبعدين
احمد : هرجع الشغل يوم السبت ... وتوصلهم الكلام اللى هقولهولك دلوقتى
مصطفى : حصل يا سيد الناس
احمد : والاهم من ده كله سالى وندى ... دنا هلاعبهم ع الشناكل الجزمتين دول .. هخليهم يوصلولها الكلام اللى انا عاوزه يوصل ههههههههههههههه
مصطفى : ياخرابى ... دانت دماغ اهلك سم يا جدع .. طب ايه هو الكلام اللى انا هقولهولهم ؟
احمد : بص يا سيدى .. انت هترن عليهم دلوقتى . انت معاك رقم مين منهم ؟
مصطفى : ساره
احمد : هترن عليها .. تقولها انا قعدت مع احمد وحاولت معاه مره واتنين وتلاته لغايه ما اقتنع بالعافيه .. بس هو وافق انه يرجع على شرط .. انه مايحتكش بيكوا خالص لانه لو شاف واحده منكوا ممكن يضربها وساعتها مش هيهمه بقا الشركه ولا يحزنون
مصطفى : تمام وبعدين ؟
احمد : بس قولها الكلمتين دول مؤقتا .. ويوم السبت وانا ف الشركه هناك هتصل عليك تبلغها حاجه .. تمام ؟
مصطفى : تمام يا كبير
احمد : المهم .. النهارده بعد ما نروح هتصل عليك
مصطفى : ليه ؟
احمد : انت مالك انت . انا هتصل عليك وتفتح وماتتكلمش .. انا هعمل سيناريو على اخواتى كده هخليهم يجروا يبلغوا سلمى باللى هيحصل
مصطفى : يابن الجنيه ..... ايه ياعم التخطيط ده فيه ايه ؟
احمد : انتوا لسا شوفتوا حاجه ؟ اصطبر بس اصطبر دنا هنفخكوا
مصطفى : تنفخهم هما بقي مش انا
احمد : مين ده ؟ دانت اولهم ...
مصطفى : ليه طيب يا عمنا منا اعترفتلك اهو
احمد : اعترفت مين ؟ لولا الفيلم اللى عملته على مراتك ماكنتش هعرف ... هههههههههههههههه عسل اسماء مراتك دى خساره ف اهلك . اعترفت من اول قلم هى كمان
مصطفى : دنا هروح اطين عيشتها دلوقتى
احمد : اقسم بالله نفسي تيجى ناحيتها ولا تكلمها نص كلمه
مصطفى : الله ! مراتى يا عم انا حر ..
احمد :طب اتصلى عليها
مصطفى : يادى النيله عليا وعلى اللى خلفونى ... اهى خد !
احمد : الو ! اسماء . . الواد ده لو كلمك نص كلمه عرفينى بس ومالكيش دعوه
اسماء : ليه ايه اللى حصل ههههههههههههه ؟
احمد : هو هيحكيلك بس لو طول لسانه عليك عرفينى بس ههههههههههه
اسماء : ماشى
...............
احمد : يلا ياعم انت وهو الساعه داخله على 1 .. وهرن عليك كمان نص ساعه بالظبط يا مصطفى . ماتتكلمش . سيبنى انا اكلم نفسي بس انت افتح الخط .. ولا اقولك ... رن عليا انت عشان الرنه تتسمع ويعرفوا انى بكلمك
مصطفى : ماشى خلاص
................................
(بيت مصطفى )
مصطفى : كده خربتى الدنيا
اسماء : ههههههههههههههه خربتها ف ايه انا مش فاهمه
مصطفى : يا حماره احمد كان بيوقعك ف الكلام وماكنش عارف اى حاجه اصلا .. تقومى زى الجردل كده تقوليله انا عارفه ومعرفش ايه .. جاتك نيله طالعالى
اسماء : ليه هو انت اعترفت انت كمان
مصطفى : اعترفت ايه ؟ دا كان قافشنى ولا اللى كان قافش حرامى غسيل . وكنت هاكل ضرب لولا انى لحقت نفسي واعترفتله بكل حاجه هههههههههههههههه
اسماء : ههههههههههههههههههه تحفه الواد ده ؟ انا عارفه انكوا مش هتسلكوا معاه
مصطفى : شويه كده وهرن عليه عشان عاوز يتكلم قدام سالى وندى
اسماء : هموووووووووووووووت والله واكون ف الاحداث دى .. ابقى شغل الاسبيكر عشان اسمع هو هيقول ايه
مصطفى : ماشى .. انا جعان بقي قومى اعمليلى اكل
.................................
(بيت احمد )
احمد : مساء الخير يا لولا ...
سالى : مسا الفل يا بطتى .. اعملك تاكل ؟
احمد : لا مش جعان . امك واختك ناموا ولا ايه ؟
سالى : لا . ماما بس اللى نامت وندى جوه ف المطبخ بتعمل فشار
احمد : طب خليها تزود بقي وهاتى mbc 2 عليها فيلم حلو النهارده
سالى : اه منا قاعده مستنيه الفيلم اهو ... قولى عملت ايه النهارده
احمد : عملت ايه ف ايه ؟
سالى : ايه ؟ يعنى عملت ايه ف الشغل وكده يعنى ؟
احمد : كويس الشغل كويس بس مش عارف والله يا لولا . انا بفكر اسيبه
سالى : تسيبه لييييييييييييييه يا احمد دالسا تانى يوم ليك النهارده .. اشتغل كده وربنا يبارك
احمد : انتى شايفه كده ؟
سالى : اه
احمد : ماشى
ندى : خد حبه فشار اهو يا حموووو
احمد : هاتى ياختى . مابتذاكريش ليه ؟
ندى : اذاكر مين ياعم كبر مخك .. هههههههههههه لسا بدرى ع المذاكره
احمد : وحياه امك لو ما اتجدعنتى كده لنا مطلعك م المدرسه وبلاها مدارس .. وتقعدى تستنى كده صاحب نصيبك .. خليكى زى سالى ماشاء الله اهى وربنا كارمها
ندى : ان شاء الله .. اسكت بقا عاوزين نشوف الفيلم دا لسا عرض اول
احمد : طيب ياختى شوفى الفيلم .... يوووه انت عاوز ايه يا مصطفى بترن ليه ؟
سالى : رد عليه لاحسن يكون فيه حاجه مهمه ولا حاجه
احمد : هقوم اقعد ف البلكونه وارد عليه
......
احمد : الو ! ايوه يابنى
مصطفى : اهو ياعم اتصلت عليك زى ما قولت اهو . اشجينى .. اه واسماء معايا هى شبطت وقالتلى عاوزه اسمع خطه احمد اللى هيعملها على اخواته ههههههههههه
احمد : الو ! انت بتتصل ليه يابنى منا قولتلك خلاص انى نازل الشغل يوم السبت
(سالى وندى بيتسحبوا وواقفين ورا الباب وبيسمعوا الكلام )
احمد : اه اه خلاص ياعم هروح وامرى لله وطز فيهم هما كلهم
مصطفى واسماء : ههههههههههههههه
احمد : وبعدين بينى وبينك ... البت منى وحشانى .. بت زى العسل يا اخى وبفرح لما بكون جنبها ... والله بفكر انى اكلمها ولو ربنا رايد ممكن اتقدملها الشهر ده
مصطفى : يا نهار اسود هههههههههههههه اعقل يابنى . انا هموت انا واسماء
احمد : الو ! انت فين يالا .. (بيعلى صوته ) يااااااااعم بقولك البت منى وحشانى سامعنى ؟ ساااامعنى ولا مش سامعنى ؟ واحتمال كبير اتقدملها لانى حاسس انها معجبه بيا ... وهى زى العسل ومن عيله وشبهنا كده
مصطفى : ههههههههههههههه سامعك الله يخربيتك انت بتعلى صوتك ليه ياعم
احمد : بعلى صوتى ياعم عشان تسمع ...
مصطفى : هههههههههههه انا بردو اللى اسمع ؟ اخواتك بيسمعوا ولا لا
احمد : اه كله تمام ... والدنيا حلوه اوى ههههههههههه
احمد : ايوه ان شاااء الله ... وعلى الله اشوف الجزمتين التانيين دول ف وشى . والله لنا نافخهم وساعتها محدش هيحوشهم من ايدى .. بس عادى لو شغل عادى هتعامل معاهم ولا كأنهم موجودين وهرد بذوق كمان
احمد : طب يفكروا كده يتعرضوا ل منى ولا يعملولها حاجه ولا يؤذوها .. هتبقى مصيبتهم معايا انا ساعتها ومش هيكون فيها طبطبه بجد ....... هما هيشترونى ولا ايه
مصطفى واسماء : ههههههههههههههههههه ياخرااااااااااابى
احمد : ماشى يا حبي طير انت بقي عشان هتفرج مع البنات على فيلم وعاوز اتعشى .. مع السلامه
اسماء : احمد احمد احمد !
احمد : عاوز ايه يابنى ؟
اسماء : ههههههههههههههه انت تحفه .. يلا امشى
احمد : ماشى يا عم وانت من اهله ههههههههههه
.....................
سالى : (بشويش ) بسرعه بسرعه ارجعى
ندى : يلا
............
احمد : ايه يا بنات الفيلم بدا ؟
سالى : اه خلاص بيبدا اهو
احمد : مافيش واحده بنت حلال كده تقوم تعملى اى سندويتش .. انا جوعت والله
سالى : ياحبى انت تؤمر .. تحب تاكل ايه ؟
احمد : اه حاجه يا سولى .. اعملي سندويتش جبنه وقطعى عليها طماطمايه .. وكوبايه الشاى الحلوه بتاعتك بقي
سالى : من عينتينى
احمد : وانتى يا نونه ماتجيبي شويه فشار يابت انتى .. خلى بالك كتر الفشار هيتخنك
ندى : لا ماتقلقش انا واخده بالى . وبعدين احنا اجسامنا مابتذيدش الحمد لله ..
احمد : ماشى يا لمضه
ندى : ااه ..بتشد شعرى ليه ياعم
احمد : وانتى مالك انتى . هو شعرك انتى ولا شعر اختى
ندى : شعر اختك
احمد : يبقى مالكيش فيه .... انا جاى على بالى اقوم اعمل شويه مكرونه .. فيه بانيه ف التلاجه ولا مافيش
ندى : موش عارفه .. تعالى نشوف سالى
احمد : بتعملى ايه يابت ماكنش ده ساندويتش ... بقالك ساعه وربع
سالى : مافيش اهو بعمل
احمد : تعملى ايه ؟ انتى واقفه عماله تتكتكى ف ام التليفون اهو .. بتكلمى مين ؟
سالى : مافيش .. بكلم واحده صاحبتى
احمد : ورينى كده ... بتكلميها على ايه الواتس ولا ايه ؟
سالى : اه .. اسمها ساره .. بس ماينفعش تشوف بقا عيب .. كلام بنات
احمد : وانا من امتى بفتش وراكى يا حماره ..
سالى : لا انا بقولك بس ...
احمد : طب وصاحبتك ساره دى حلوه ؟ هههههههههههههه
سالى : ههههههههههههه مزه .. اكلمهالك ؟
احمد : لا ياختى مش عاوز ... المهم عاوز اعمل مكرونه فين العده
وفين الحله
سالى : الله الله ياحضره الشيف .. من زمان ماكلناش من ايدك .... بطنى بقالها كتير ماوجعتنيش هههههههههههه
احمد : اتلمى يابت دنا عليا طبق مكرونه انما ايه .. مايتاكلش خالص ههههههههه
سالى : طب اهى الحله ...
احمد : طلعى انتى البانيه م التلاجه واتعاملى وانا هعمل المكرونه
..........................
احمد : قومى يلا انتى وهى على اوضتكوا .. الساعه بقت 3
سالى : ياعم بكره الجمعه .. ادينا قاعدين . خليك قاعد معانا شويه
احمد : طب ما تيجوا نلعب بلاي ستيشن
سالى : بس انا هلعب بريال مدريد ماليش فيه . انت كل مره بتلعبه وبتبهدلنى ...
احمد : لا انا بلعب بالريال يا ماما .. العبى انتى ب برشلونه
سالى : لا هلعب بالريال برونالدو .... ها قولت ايه ؟
احمد : امرى لله .. وانتى يا ندى هتلعبى بإيه ؟
ندى : اما نشوف بقا مين اللى هيكسب فيكو وانا اختار بعدها
احمد : ماشى .. قومى هاتى البلاى ستيشن بقي
سالى : فوريره
........................
(اخر الليله )
ندى : بت انتى اخوكى مايستاهلش مننا كده هههههههههههههه دنا كنت هحضنه واعترفله بكل حاجه
سالى : نعم ياروح امك ؟ والمصحف داحنا هنتبهدل ... وبعدين احنا بنعمل كل ده عشان خاطره .. وعشان خاطر انى عارفه ومتأكده انه بيحبها وبيموت فيها
ندى : طب وبعدين ؟
سالى : ولا قبلين ادينا ماشيين ف الخطه اهو وربنا يسترها من عنده
ندى : هههههههههههههه عارفه يا لولا يا حبيبتى لو اتقفشنا هيحصل فينا ايه ؟
سالى : ههههههههههههه عارفه يا قلب يا لولا من جوه
ندى : المهم عرفتى ساره بالموضوع ولا لسا
سالى : اه بعتلها كل حاجه وقولتلها على موضوع منى ههههههههههههههه زمان سلمى بتولع دلوقتى
............................
ساره : الو ! الخطه جايبه شغل يا بنتى
سلمى : ها طمنينى ايه الاخبار ؟
ساره : احمد هيرجع الشغل يوم السبت .. وبيقول كمان ان احنا لو احتكينا بيه ولا اى حاجه هيبهدل اللى خلفونا ههههههههههه
سلمى : ليه وجع البطن ده بقي .. وبعدين مش مهم . يعمل اللى هو عاوزه ... كفايه انه هيرجع واشوفه تانى حتى لو من بعيد انا راضيه
ساره : اه وفيه خبر تانى
سلمى : خبر ايه ؟
ساره : هو خبر مش اد كده يعنى وممكن يزعلك
سلمى : ياخرابى عليك وعلى طريقتك المستفزه دى . ماتنطقى يابت فيه ايه حرام عليك
ساره : احمد
سلمى : ماله احمد ما تخلصى
ساره : شكله كده معجب ب منى . وكان بيقول ل مصطفى انها واحشاه ولو ربنا رايد ممكن يتقدملها ... سالى اللى قالتلى الكلام ده وقالتلى انا سامعاه بودنى
سلمى : نعم ياروح امك ؟ يتقدم لمين ؟ انتى واعيه للى بتقوليه يابت انتى ولا ايه مالك ؟ اقسم بالله افط ف كرشه وف كرشها وف كرشك انتى كمان .. غورى يابت اقفلى السكه داهيه تسد نفسك انتى كمان .. مع السلامه
..............
(سلمى بتكلم نفسها )
سلمى : والله عال يا سي احمد ... بقا معجب حضرتك ب منى وهتتقدملها
طب ورينى بقا هتكلمها امتى وازاى .. ودينى منا ورايا حاجه ف الشركه كلها غيرك انت وهى اما نشوف اخرتها معاك يا ابو عين زايغه .. ان ماوريتك مابقاش انا .. هنام ازاى انا دلوقتى .. ارن عليك دلوقتى يعنى واديهملك ف جنابك ؟ هتعند مع اللى خلفونى دا انت كمان ممكن تجيلى البيت تضربنى وتمشى منا عارفه دماغ اهلك ... طب اعمل ايه يارب .... انا حاسه انى هيجرالى حاجه
...............
(يوم السبت )
(احمد ومنى داخلين مع بعض الشركه وسلمى داخله وراهم )
................................
والى اللقاء ف الحلقه القادمه