روايه بنت الاكابر

(الحلقه الخامسه ) ( أحمـــــــد )

(الحلقه الخامسه ) ( أحمـــــــد ) <3
................
(في الحلقات السابقه)
احمد : اديهالى يا عمى
ابو سلمى : هههههههههههههههههههههههه
سلمى : انت بتضحك على ايه يا بابا ؟ وبعدين انت حاطط السماعه ف ودنك ليه هتكلم حد ولا ايه ؟
ابو سلمى : ههههههههههههه خدى السماعه كده وقولى الو !
سلمى : يعنى ايه ؟
ابو سلمى : خدى يابت اسمعى الكلام
سلمى : الو !
احمد : انزلى يا لومه انا تحت البيت
........................ (الحلقه الخامسه ) <3
سلمى : اييييييييييييه ؟ انت سامعنى ؟
احمد : هههههههههههه اه يا حبيبتى انزلى
سلمى : حاضر (عينيها مليانه دموع )
ابو سلمى : ايه رأيك بقا ؟
سلمى : انت أحلى بابا ف الدنياااااااااااااااااااااااااااااا انا نازله
ابو سلمى : ربنا يسعدك يا حبيبتى
......................
(تحت البيت )
سلمى : هههههههههه احم احم
احمد : ههههههههههههه اعمل فيك ايه طيب دلوقتى
سلمى : اللى انت عاوزه .. انا من ايدك دى لايدك دى. عاقبنى اضربنى اعمل اللى انت عاوزه
احمد : لا انا هعمل حاجه تانيه .. تعالى
سلمى : هتودينى فين بقي ؟
احمد : تعالى يابت اسمعى الكلام .. فين مفتاح عربيتك
سلمى : اهو ...
احمد : طب هاتى ، اركبى يلا ...
................
( ف مطعم يعرفوه )
سلمى : ياااااااااااااااااااه اول مره نيجى المكان ده بعد ايام الجامعه انت لسا فاكر المكان ده ؟
احمد : بصراحه ده المكان اللى جه ف بالى وانا سامعك بتتكلمى مع ابوك .. سلمى كل الكلام اللى قولتيه ده بجد
سلمى : اه يا حبيبى والله بجد
طول عمرك وانت قصاد عينى ومابشوفش حد غيرك .. انت مالكنى يا احمد . مالكنى بمعنى الكلمه .. بحبك وعاوزه اصرخ واقول بحباااااااااااااااااااااااك ... هههههههههه ايه ده انت مش هتمنعنى وتقولى وطى صوتك يا مجنونه
احمد : ههههههههههههههه لا مش هقول وطى صوتك .. ده انا اساسا جايبك هنا لسببين
عشان اشهد عليك البحر ده على انى عمرى ما حبيت حاجه ف الدنيا قد ما حبيتك وعشقتك يابنت الذينه انتى
مفعوصه زيك تعمل ف اهلى كده
لا قادر اخاصمك ولا ازعل منك ... ارخم عليك ماشى واغلس واطلع روحك . بس قلبى من جوه عمره ما شال منك يا جزمه ودايما كان قلبى ده يهزقنى بسببك ..
عارفه يا سلمى !
كل واحد مننا كراجل مهما كانت درجه ثباته الانفعالى
الا انه مايقدرش يتحكم ف نفسه وف مشاعره تجاه انثي واحده هى بالنسباله كل الكون
انتى مش بس بالنسبالى كل الكون
انتى بالنسبالى روح متكونه جوه صدرى
بتطبع بطبعك
بقيت ماشى ببص ف وشوش البنات شايفك
لغايه ما يعتبرونى مجنون ولا متحرش هههههههههه بس انا بكون شايفك انتى
شعرك تفصيلة وشك شفايفك حركه ايدك حتى عياطك بكون شايفك
هزارك ودلعك ورقتك وجمالك بكون شايفك
انتى اتولدتى عشان تكونى ليا ومعايا وبتاعتى
انا بحس انى اتولدت لقيت نفسي بحبك
حتى يمكن قبل ما اشوفك وانا بحبك
لما عرفت انك مخطوبه جريت على اول مكان بلجاله لما بكون مخنوق
المكان اللى كان دايما ابويا ياخدنى ويقعدنى فيه ويدينى نصايح
كنت انا وهو نمدد رجلينا ونفرد ضهرنا على الصخر ورانا ونتكلم
كأنى قاعد مع صاحبى مش ابويا
يقولى تبقى راجل ازاى وتكون بالنسبه لاخواتك كل الدنيا عشان يحبوك
زرع جوا منى الحنيه وقالى أهلك ثم أهلك ثم أهلك
كنت دايما بقوله ربنا يديك الصحه يا حبيبى وتشيل عيالنا وعيالهم
كان يقولى انت اللى ليا وانت ضهرى وعكازى وطول مانت معايا يابنى انا مش شايل هم حاجه ولا حتى هم انى امشى واسيبكو عشان عارف انى سايب ورايا أسد
تعرفى انه كان بيوصينى عليك
تخيلى كان بيوصينى عليك قبل ما اعرفك ييجى ب 5 سنين
كان دايما يقولى
اللى هترضى بيك وتحبك دى تشيلها فوق راسك
اوعى ف يوم تهينها ولا تيجى عليها
اوعى ف يوم تبيتها زعلانه ولا مكسوره منك
اوعى ف يوم تهينها ولا تقل منها قدام اهلك ولا اهلها
اوعى ف يوم ماتحبهاش وتعاكسها كل يوم
سمعها كلام حلو حسسها ان مافيش ف الدنيا دى لاقبلها ولا بعدها
حب يابنى الحب مش عيب
خليك قوى ف حبك وماتتنازلش عن حبك مهما كانت الظروف
حبيبتك تبقى نقطه قوتك مش ضعفك
وخليك دايما عارف ان ضعفها معاك ده قوتك انت
كل كلامه ده عدى قدام منى كأنه سيناريو ، فلاش باك عدى على خيالى بتفاصيله بكلامه بحركه ايده وهو بيتكلم كأنى كنت شايفه بيكلمنى بالظبط
اول ما قالى ضعفها معاك ده قوتك انت جيتى انتى قدام منى وانتى زعلانه
ساعتها بس انا ضحكت
وعرفت اد ايه انتى هبله ، خوفتى تقوليلى عشان ماتزعلنيش
اول ما ضحكت لقيت ابويا ضحك وسابنى ومشى
بعدها لقيت مصطفى داخل عليا
انتى بتقوليلى انى انا مالكك
والله انتى اللى ملكتى كل حاجه فيا
ملكتى قلب عمره ما فكر يدق لاى مخلوقه غيرك
وملكتى روح اتشعلقت بروحك
وملكتى جسم بينفض وبيترعش لما بتيجى سيرتك
اليومين اللى فاتوا دول كانوا اسود ايام ف عمرى .. ماكنتش حابب انك تخبى عليا مع انى انا اصلا عارف انتى ليه خبيتى وعشان ايه وعارف انك ارتبكتى ؟ بس كنت بردو زعلان
ماسألتيش نفسك انا جايبك هنا ليه ؟
جايبك هنا ياستى عشان انا عاوز احضنك قدام النااااااااس دى كلها
واسكندريه كلها تشهد علينا
تشهد على واحد عاشق حبيبته من ساسها لراسها
واحد كل ما يفتكر تنهيده واحده منها بينسى العالم ومافيه وبيخرج بره الدنيا . براها يا سلمى والله ...
بينى وبينك انا كنت ناوى اطلع روحك وقعدت مع نفسي وابتديت اخطط وكنت هعذبك معايا بجد .. بس قلبى اتزلزل من مكانه لما سمعتك بتحكى لباباك سيبتى حاتم ده ليه ؟
سلمى : احمد انا .......
احمد : هششششش تعالى ف حضنى يا مفعوصه ؟
سلمى : (بتعيط ) وبتحضنه
احمد : (بيلف دراعه علي ضهرها ) بحبك ياللى مطلعه عين امى معاكى
سلمى : وانا بحبك اوى يا حمو
احمد : هههههههههههههه عارفه لو خبيتى عليا حاجه تانى هعمل فيك ايه ؟
سلمى : هههههههههههههههههه لا خلاص حرمت . هو انا هبله
احمد : ههههههههههههه من ناحيه هبله ف انتى فعلا هبله
سلمى : ههههههههههههههههههه خلاص بقا اول واخر مره الناس بتبص علينا
احمد :طز ف الناس . محدش له حاجه عندنا ... وبعدين اول واخر مره ايه ؟ قصدك عاشر واخر مره
سلمى : طب انا عاوزه ابوسك دلوقتى
احمد : سلمى !
سلمى : ماليش دعوه
احمد : لوووووووووومه !
سلمى : والله ما ليا دعوه خلص نفسك
احمد : بينى وبينك انا ماسك نفسي بالعافيه وكتاب الله ... انا يابت انتى هروح لابوك النهارده مش علشان نتفق على ميعاد الخطوبه
سلمى : امال ليه ؟
احمد : عشان اتفق على ميعاد الجواز على طول هههههههههههههه
سلمى : ياريت يا بابا والله ياااااااااااااااااريت
احمد : انتى مالك مسروعه ع الجواز كده ليه ؟ وانا اللى كنت فاكرك مؤدبه ههههههههههه
سلمى : اعملك ايه طيب مانت مجننى
احمد : انا بردو ؟ ياشيخه اجرى . جاتك نيله ف حلاوتك ... انتى بتعملى ايه ف عينك دى عماله تحلو كل شويه . وايه ده الشياكه دى وايه الحلاوه دى يخربيت امك
سلمى : ههههههههههههههههههههه طب ماتشوف نفسك يا روح امك انت كمان
احمد : روح امك ؟ ! ههههههههههههه والله واتجرأتى اهو وبقيتى تقولى روح امك
سلمى : معايا زينه شباب البلد بعقله وحكمته ودماغه دى ومش عاوزنى اتجرأ ليه ؟ يا اخى دنا اقسم بالله كنت بحس بالامان لمجرد بس انك موجود ف المكان اللى انا موجوده فيه .. وبعدين انت بتاعى انا وبس .. فاهم ؟
احمد : امال انا بتاع مين ياباشا .. وبعدين كملى كلامك ... انتى بتقولى اشوف نفسى . اشوف نفسي على ايه ؟
سلمى : لا والله . هنستهبل بقي ؟ ههههههه دنا هطق وهموت بسببك .. بطل انت حلاوه اهلك دى وبطل تطول كل شويه فيه ايه رايح فين انت ؟
احمد : هههههههههههههههه ربنا خلقنى كده اعملك ايه يعنى ؟
سلمى : طب بطل تروح الجيم . انت كده حلو .. اكتر من كده هتبقى اوفر .
احمد : بربيلك عضلات ياستى عشان اعرف اشيلك لما نتجوز
سلمى : نعم ياخويا ؟ وانت حد قالك انى تخينه ولا ايه ؟
احمد : هههههههههههههههه لا دانتى كده ميه ميه تتاكلى اكل . مهلبيه على قشطه على طبق رز بلبن على شويه حاجات حلوه كده
سلمى : تؤتؤ مش هتعرف تاكلنى
احمد : سلمى ! وحياه امك ياشيخه بطلى تؤتؤ دى عشان وكتاب الله انا بضعف من مياصتك ودلعك ورقتك دى ومش هيحصل كويس واحنا وسط الناس
سلمى : تؤتؤ شهبطل
احمد : ياساتر يارب .... ارحمينى ابوس ايد اللى خلفوك .. بقولك ايه ما تيجى نروح عند مأذون دلوقتى ونتجوز ههههههههههه
سلمى : هههههههههههههههههه يلا . مش هقولك لا على فكره
احمد : اه يا قليله الادب ... كده تبيعى اهلك ف ثانيه وتشرديهم وتفضحيهم
سلمى : هههههههههههههههه يا حبيبى مانت مش فاهم .. اصلا انا عارفه انك عمرك ماتعمل كده .. احمد ! انا متطمنه معاك لدرجه انى ممكن اجى انام ف بيتكوا وف اوضتك وعلى سريرك ومش هكون خايفه منك
احمد : لا بس انا اخاف على نفسى منك عادى هههههههههههههه
سلمى : هههههههههههههههه بصراحه اه .. ف دى معاك حق . انا ماخافش منك لكن انت خاف على نفسك منى
احمد : هههههههههههههه البنات جرالها ايه يا جدعان .. انتوا عاوزين مننا ايه مش فاهم ؟ مابقاش فيه امان ف البلد . نطفش يعنى ونسيبلكو البلد ..
سلمى : اعملك ايه طيب . وبعدين بطل تقشط الحاجب اليمين بتاعك ده ... اغراء يابنى والله اغراااااء حرام عليك . انا لما بشوف الحاجب مقشوط كده ودقنك الخفيفه دى مع طريقه مشيتك مع لون عيون اهلك العسليه دى بيحصلى حاجات كده ماينفعش اقولها والمصحف ههههههههههههه
احمد : طيب بقولك ايه ؟ ما تيجى تسهرى معانا ف البيت مع سالى وندى وامى
سلمى : تعالى ....
احمد : تعالى .. عشان هنكمل سهرتنا هناك وبعدين اروحك واطلع لعمى نحدد معاد الجواز ... انا شقتى قدامها اقل من شهر بالظبط وتخلص . فاضل بس الالوان اللى سيادتك تختاريها
سلمى : بتكلم بجد ؟ يعنى انا ف خلال الشهر ده هكون عروسه احمد
احمد : اه وتغيرى اسمك على الفيس وتخليه انا عروسه احمد ولا انا مرات سي احمد .. عشان وكتاب الله اتبرى منك خالص وهطفش ومش هتشوفى وشى تانى بلا قلة أدب
سلمى : ههههههههههههههههه همووووووووووووت . طب احضنى بقي
احمد : (بيحضنها وبيلف بيها قدام الناس )
سلمى : الناس بتبص علينا
احمد : منا قولتلك ماليش دعوه بحد
سلمى : مجنووووووووووووووووون ..
احمد : تعالى نروح البيت بقا . هكلم سالى تعملنا عشا ..
سلمى : ماشى .. عشان عاوزه اتخانق معاك هناك شويه يا استاذ
احمد : يالا بينا هههههههههه
............................
( ف بيت احمد )
سالى : افتحى لاخوك يا ندى انا ايدى مش فاضيه
ندى : طيب .... حموووو
احمد : ايه رأيك بقي ف المفاجأه دى ؟
ندى : سلممممممممممممممى .. حبيبتى حبيبتى
سلمى : ندوووش ... وحشانى يابت والله ههههههههههه
سالى : ايه ده ايه ده ؟ لومه عندنا . انت ماقولتش ليه ان سلمى اللى جايه ياعم ... بتهزر والله ...
احمد : منا اتصلت عليك قولتلك اعملى عشا عشان فيه حد عزيز عليا جاى يتعشى معايا
سالى : منا ماتوقعتش بصراحه بما انكوا كنتوا زعلانين مع بعض يعنى .... هاتى بوسه يا لومه
سلمى : فين طنط نامت ولا ايه ؟
سالى : اه لسا نايمه من شويه . هى بتطمن لما احمد بيكلمنا بيقولنا انه جاى ف السكه ... ف بتدخل تنام على طول ....
احمد : طب ايه هنفضل مقضينها كلام كده . وبعدين فيه ريحه شياط
سالى : يانهار اسود .. دى البطاطس اتحرقت هههههههههههههه
احمد : ياهبله يابنت الهبله ههههههههههههههه وانتى يا ندى ماتدخلى تساعدى اختك
ندى : هى مخلصه كل حاجه
احمد : هى عامله عشا ايه ؟
ندى : عملت كبده اسكندرانى ياعم .. وبطاطس وحاجات خفافى كده ..
احمد : طب ادخلى قطعى السلطه معاها
ندى : ماهى قطعت
احمد : دى مصيبه ايه دى ؟ ادخلى اعملى الشاى
ندى : عاملينه وخلص من شويه
احمد : ادخلى ولعى ف اختك غورى بقي
ندى : لسا مولعه فيها من شويه
احمد : طب غورى من هنا يخربيت ام تناحتك (بيحدفها بالكوفيه بتاعته )
ندى : ههههههههههههههههه ماجتش فيا ( بتطلعله لسانها )
احمد : انتى بتطلعيلى لسانك ؟ طب ودينى منا عاتقك ... امسكيها يا سلمى معايا
............................
الى اللقاء ف الحلقه القادمه