رواية بنت الاكابر

(الحلقه الرابعه ) ( المطعم )

(الحلقه الرابعه ) ( المطعم ) <3
................
(في الحلقات السابقه)
سلمى : الو ! ساره الحقينى انا كنت بموووووووووووت امبارح بس كنت ماسكه نفسي بالعافيه ههههههههههههههههه
ساره : من ايه ؟
سلمى : ههههههههههههههههههههه من احمد ... ردود افعاله وطريقته ف الكلام امبارح كانت مموتانى على روحى ، هههههههههههه ههههههههههههه هههههههههه
ساره : لا استنى انا جايالك .... لازم اعرف كل حاجه
.......................... (الحلقه الرابعه ) <3
(ف البيت بعد ساعه )
ساره : ايه يا بنتى ايه اللى حصل هو فين احمد ؟
سلمى : بيصلى الجمعه وهيعدى ع المطعم عشان الافتتاح النهارده
ساره : طب ايه هو ايه اللى حصل
سلمى : ههههههههههههههه ههههههههههههههههههه حصل ايه انا معرفتش انام امبارح كل ما افتكر منظر احمد والكلام اللى قولناه اقوم اروح الحمام اضحك وارجع تانى .. معرفتش انام والله
ساره : ههههههههههههههههههههه ليه قولتوا ايه وعملتوا ايه
سلمى : هههههههههههههه اقولك ايه ولا ايه بس ... امبارح فضلت اخوفه واقوله فيه فيلم حلو ع التلفزيون لواحده جوزها خانها وقتلته وقتلت اللى خانها معاها وربطتهم ف البحر من تحت عشان مايطلعوش ...
ساره : يالهوى
سلمى : ههههههههههههههه سامعاه بودنى طول الليل نايم جنبى كل شويه يبصلى وينام تانى يشوفنى نمت ولا لا هههههههههههههههه
ساره : ههههههههههههههههه يالهوووووووووووى قطعتى خلف الواد يخربيت فقرك
سلمى : ههههههههههههه اه منا قوللته تخيل عملت ايه ف غاده ودى مجرد قريبه ليا من بعيد مابالك بقا لو عرفت انك بتخونى يا حمو هعمل فيك ايه .. ومن ساعتها وهو بيقرا القرأن كله // ردود افعلاه وطريقته ف الكلام ونظراته كانت لوحدها بتموتنى من جوه ... انا مش عارفه ايه الواد اللى انا بحبه ومتجوزاه ده ههههههههههههههه تعرفى ان احمد كل يوم بيبهرنى بشخصيته .عارفه انتى البونبونى اللى كنا بناكله واحنا صغيرين . اهو احمد البونبونى ده .... تصدقى وتؤمنى بالله . لو حد سالنى ايه اكتر نعمه ربنا انعم بيها عليك . هقول وجود احمد ف حياتى ....بس انا خليته يقطع الخلف بجد امبارح هههههههههههههههههههه
ساره : اه يابنت الجزمه .. حرام عليك والله ايه كل اللى عملتيه ده ف الواد
سلمى : ههههههههههههههههه بصراحه انا افتريت امبارح .. بس بردو لسا مش عارفين مين صاحبه الرساله .. انا امبارح اتأكدت انه مش احمد اللى باعتها
ومش هيهدالى بال الا لما اعرف
...............................
(امام المسجد )
مصطفى : حرما يا حمو
احمد : جمعا ياخويا
مصطفى : ايه يابنى مالك بترد من غير نفس ليه ؟ انت قرفان منى ليه ياعم
احمد : مافيش . قله نوم بس
مصطفى : هههههههههههههههه ايوه ياعم الله يسهلك
احمد : الله يسهلك ايه .. ماهى اشكالكوا دى هى اللى جايبانى ورا . انا مانمتش من الخوف امبارح
مصطفى : ههههههههههههههههههههههه ههههههههههههههههههه
احمد : ماتبطل ضحك يا بغل
مصطفى : ههههههههههههههههه هههههههههههههههههههههه وكتاب الله ما قادر استنى ياعم اقعد والمصحف ماقادر امشى ههههههههههههههههههههههه
احمد : تصدق انا غلطان غور ينعل ابو شكلك
مصطفى : ههههههههههههههه اه يابطنى .... وكنت خايف من ايه
احمد : مالكش فيه
مصطفى : لا والنبى قول قول ... ها
احمد : هيكون مين غيرها يعنى اللى مربيالى الرعب .. دنا طول الليل نايم مغمض عين ومفتح عين لاحسن تقوم تعمل فيا حاجه ولا حاجه جاتكو ستين نيله
مصطفى : ههههههههههههههههههههه
احمد : الله ! ماتتكتم بقي يالا انت ... انت واكل ايه النهارده
مصطفى : ههههههههههههههههههه خل خلا خلاااااااص هسكت اهو هههههههههههههههه كمل كمل
احمد : امبارح لقيتها عاملالى عشا حلو وحركات وشموع ورومانسيه
قولت تمام . الدنيا حلوه اهى
قالتلى فيه فيلم اجنبى حلو جاى تعالى نتفرج عليه
قولت يادى النور شكله فيلم رومانسي بقي وهنعيش
بقولها بيحكى عن ايه الفيلم ده يا روحى ...؟
بتقولى عن الخيانه الزوجيه . واحده قتلت جوزها وربطته ف البحر عشان كان بيخونها
انا سمعت الكلمه دى وانا تلجت وحسيت ان الدنيا بردت فجأه وفضلت اقرأ المعوذتين
مصطفى : ههههههههههههههههههههههههههههه هههههههههههه ( بيقع ع الارض )
احمد : غور يالا انا طالع ع المطعم . اتغدى وابقى تعالى عشان ورانا شغل كتير النهارده
مصطفى : ههههههههههههههههههههههه هحاول هحاول لانى شكلى هروح هفضل اضحك هناك
احمد : اوعى تجيب سيره لمراتك يا مصطفى ... دول عاملين حزب وبيقولوا كل حاجه لبعض
مصطفى : اجيب سيره لمين هو انا مجنون
احمد : سلام ياخويا
مصطفى : هههههههههههههه سلام يا فقر
..................................
ساره : بقولك ايه اتصلى على سالى خليها تيجى . وعلى اسماء بردو . خليهم كلهم ييجوا ونعمل حزب بجد بقا وندور على مين صاحبه الرساله
سلمى : استنى هتصل على اسماء
سلمى : الو ! اسماء انتى فين
اسماء : ف البيت . بحط الاكل لمصطفى
سلمى : طب حطيله الاكل وتعالى . قوليله رايحه لسلمى هتغدى معاها عشان هنطلع ع المطعم بعد العصر كده .. هو كده كده رايح لاحمد كمان شويه
اسماء : فيه حاجه ولا ايه
سلمى : هههههههههههههههه اه الموضوع كبير .. تعالى بسرعه وعدى على سالى هاتيها معاك
اسماء : فوريره ... مسافه السكه واكون عندك
...........................
(ف البيت كلهم متجمعين )
سلمى : ها بقي .. ايه رأيكوا ف الرساله دى ...؟
..
سالى : يانهار ابيض . ومين اللى باعته الرساله دى .... انتى اتأكدتى انه مش مقلب من احمد ياسلمى صح
سلمى : اه اتأكدت ...
سالى : ههههههههههههههههههههه يخربيتك انتى ععملتى كل ده ف احمد امبارح .. الواد قطع الخلف منك لله
سلمى : ههههههههههههههههههه
اسماء : ههههههههههههههههه اهو انا دلوقتى عرفت مصطفى جوزى جاى من الصلاه عمال يضحك ليه
وكل ما اسأله اقوله بتضحك ليه يقولى مافيش احمد دماغه لسعت بس عشان المطعم وكده
سلمى : ههههههههههههههههههههههه اه رجاله عينيها زايغه
ساره : طب ها يا بنات .. عاوزين نشوف هنعمل ايه وهنوصل لصاحبه الرساله دى ازاى ؟
اسماء : طيب هو مبدايا هو لو فعلا فيه واحده تعرف احمد . ف اكيد اكيد مش هتسيب فرصه زى افتتاح المطعم النهارده ولازم تيجى
سلمى : اه والله معاكى حق .. طب واحنا هنعرفها ازاى ؟
سالى : بسيطه ... احنا كل واحده فينا هتبقى واقفه ف ركن من اركان المطعم وعينيينا مفتحه على كل البنات اللى واقفه لوحدها او اللى تروح تقف مع احمد ونجيب ارارها
سلمى : اشطا ... ده بخصوص النهارده ... طب ازاى نقدر نمشى ف اتجاه تانى بره المطعم
اسماء : خلى بس النهارده يعدى يا سلمى وبعد كده هنبقى نتصرف .. خلينا ماشيين واحده
سلمى : تمام ... انا هقوم اعمل نسكافيه . كلكوا معايا مش كده
اسماء : اه ياريت ...
سالى : احنا هنروح المطعم امتى
سلمى : يعنى على بعد العصر بشويه كده على ما نخلص النساكافيه ونقوم نلبس ونروح كلنا
سالى : اشطا ... احمد عزم كل العيله واصحابه
سلمى : اه .. وانا كمان عزمت اللى بحبهم من عيلتى واهو اصحابى .. المشكله ف اصحابى دول كتير اوى ههههههههههههه
ساره : انا جعانه يا سلمى عندك ايه يتاكل
سلمى : بقولكوا ايه يا بنات انتوا كلتوا
اسماء : لا انا حطيت لمصطفى ياكل وجيت على طول .
سلمى : طب اطلبيلنا حاجه ياساره خفيفه عشان هناكل ف المطعم
ساره : تمام
.............................
(الساعه 9 )
احمد : اولا يا جماعه انا بوجه الشكر لكل الناس اللى سندتنى الفتره اللى فاتت وخلتنى اقدر اطلعلكوا المطعم بالشكل اللى انتوا شايفينه . وطبعا مقدرتش افتتح المطعم الا ولما يكون اصحابى وحبايبى كلهم معايا ... وف مقدمه الناس دى وشريكتى ف المطعم حبيبتى ومراتى سلمى .... اتفضلوا يا جماعه ..
ساره : بقولك ايه يا بت ياسلمى ... انتى شايفه البت اللى هناك دى
سلمى : انهى بت ؟
ساره : اللى هناك دى ام فستان اسود اللى قاعده مع الناس هناك دى انتى عارفاهم ؟ .. من اول الحفله وعينيها على جوزك مش سايباه
سلمى : طب استنى ....!
مساء الخير يا جماعه ... ايه ده ياسمين .. وحشتينى . فينك يا ندله من زمان
ياسمين : موجوده ياسلمى .. ماشوفتكيش من ساعه فرحك ...
سلمى : اه . يعنى انا لازم اوجه الدعوه ليكوا ككوا عشان تيجوا يا اندال .. المفروض من نفسكوا تيجوا تشوفونى
ياسمين : معلش والله غصب عنى ... انا مستنيه حاتم
سلمى : حاتم مين ...!
ياسمين : هههههههههههه حاتم يابنتى حاتم .. خطيبك الاولانى
سلمى : ايه ده .. هو جه ؟ وامتى ومستنياه ليه
ياسمين : ماهو جاى مع عصام اخويا .. لما عرف ان افتتاح المطعم بتاعك النهارده قال لازم ييجى ويعمل الواجب
سلمى : وهو مين اللى عزمه
ياسمين : ايه يا سلمى .. انتى صاحبه واجب .. وبعدين هو قريبنا يعنى مننا وعلينا . وموضوع الخطوبه والجواز ده قسمه ونصيب وبعدين هو جاى يعمل الواجب مش اكتر
سلمى : والله ...! طيب .. منوره .. منورين يا جماعه . عن اذنكوا هرجعلكوا تانى
................
سلمى : الحقونى انا ف مصيبه سوده
ساره : مصيبه ايه . هى البت دى طلعت صاحبه الرساله ولا ايه
سلمى : رساله ايه دلوقتى انا ف مصيبه اكبر
سالى : ايه يابنتى ماتنطقى سيبتى ركبنا
سلمى : عارفين مين جاى يهنينى دلوقتى
ساره : مين يعنى ؟
سلمى : حاتم
ساره : حاتم مين ؟؟ اوعى تقوليلى انه ......
سلمى : اه .. اللى كنت مخطوباله ... جاى مع واحد قريبى كمان شويه .. ياترى هيحصل ايه لو احمد شافه .. ده ايه اليوم اللى شكله هيقلب بنكد ده
سالى : بقولك ايه .. خدى احمد وامشوا دلوقتى ...
سلمى : طب والناس ياسالى . انتى بتهزرى
سالى : ياسلمى عدى اليوم . احمد تصرفاته مجنونه وممكن لو عرف انه اللى كان خطيبك هيقلبها ع الكل . اسمعينى انا دا اخويا وعارفاه اكتر منكوا
سلمى : طيب .. انا هحاول
.....................
سلمى : حمو ...!
احمد : عن اذنكوا يا جماعه ...... ايه يا روح حمو .. مبروك عليك مطعمك يا قلبى
سلمى : الله يبارك فيك يا حبيبى .. بقولك ايه ماتيجى نحتفل كده ف مكان لوحدينا
احمد : ههههههههههههههههه انتى سخنه ولا ايه ... هو معقول اسيب المطعم اول يوم . دنا مقعدتش من ساعتها وعمال اسلم على الناس كأنى ف الفرح بتاعى
سلمى : ههههههههههههههه ماهو عشان اليوم ده حلو وجميل بالنسبالى عاوزه احتفل بيه معاك لوحدنا
احمد : حاضر يا روحى .. نص ساعه بس استقبل الناس اللى لسا ماجتش . واول ما احس ان خلاص العدد اكتمل وكل الناس اللى نعرفها جم هاخدك ونمشى ... نتمشى ع البحر شويه .. وكده كده الواد على ماسك المطعم
سلمى : طيب . نص ساعه مش اكتر . ماشى
احمد : ماشى يا قلبى
......................
سالى : ايه مامشيتوش ليه ؟
سلمى : شويه كده بيقولى الناس لسا جايه .. نصايه كده وهاخده من ايده ونمشى
سالى : يابنتى انتى عبيطه ؟ مش بتقولى الزفت التانى ده جاى
سلمى : اعمل ايه ييعنى ياسالى . لو كنت تنحت مع اخوك كان هيشك ان فيه حاجه . انتى مش عارفه اخوكى يعنى
سالى : منا عشان عارفه اخويا بقولك خديه من هنا .. لما يشك ولا يزعل احسن مليون مره من يعرف ان خطيبك الاولانى ده جه النهارده واكيد هيسلم عليك
سلمى : ماتكركبيش بطنى والنبى ياسالى انا مش خالصه
ساره : انتى نسيتى موضوع الرساله ولا ايه
سلمى : مش عاوزه اعرف موضوع الزفت دلوقتى . انا المهم عندى المصيبه اللى على وشك انها تحصل دى .... يارب يعدى اليوم ده على خير
.......................
عصام : مسااااااااااء الخير يا احمد باشا
احمد : ايه يا بنى هو احنا لازم نعزمكو يعنى عشان نشوفكوا .. هو انت ابن خالة مراتى اونطه ولا ايه ... حبيبى يا عووص حبيبى
عصام : حبيبى حبيبى .. بقولك ايه ده صاحبى حاتم وقريبنا بردو وجاى يهنيك ويهنى سلمى
احمد : اهلا يا عم حاتم . اتشرفت بيك .. انت قريبهم بردو ؟
حاتم : ههههههههههههه اهلا بيك يا ابو حميد . اه انا قريبهم
عصام : هههههههههههههههههه اه حاتم قريبنا ... هسيبك بقا لضيوفك وانا هدخل للجماعه جوه . هما ف انهى ترابيزه
احمد : اه الجماعه كلهم هنااااك اهو ف الركن اللى هناك ... بس زى ما يكون سمعت اسم حاتم ده قبل كده ..
حاتم : ههههههههههههه عادى يا ريس منا قريب بس من بعيد شويه . لما الدنيا تهدى كده هبقى اتعرف عليك . عشان انا بسمع عنك سمع خير
احمد : اكيد ياباشا . اتفضل . اتفضل يا عصام انت مش محتاج عزومه
..........................
عصام : انت ايه اللى عملته ده يا روح امك . هو ده اللى اتفقنا عليه ؟
حاتم : يا اخى مقدرتش امسك نفسي وانا شايف البنى ادم اللى كان بينى وبين سلمى وخدها منى
عصام : انت عيل مش قد كلامك على فكره . يلا نمشى . احنا ماتفقناش على كده يا عم حاتم ...
حاتم : خلاص والله هحاول اهدى نفسي . بس اشوف سلمى بس وهنمشى على طول
عصام : سلمى ايه مافيش سلمى . بقولك ايه الواد احمد ده ابن مجانين ومش هيعمل حساب لاى حد لو شك ف حاجه ولا عرف انك كنت خطيب سلمى .. ف بالله عليك عدى اليوم ده على خير ، اقسم بالله احنا ما قده وهيطربقها علينا كلنا .. واولهم سلمى وانا مش هسمحلك تعكنن عليها
حاتم : يا عصام خلاص هشوفها واقولها مبروك ونمشى على طول
عصام : طب تعالى ... استنى هاخد ياسمين اختى معانا عشان مانبقاش رايحين انا وانت بس نباركلها
حاتم : طيب تمام
.......................
ساره : سلمى ...!
سلمى : عاوزه ايه انتى منى دلوقتى
ساره : المصيبه حصلت خلاص
سلمى : مصيبه ايه الله يحرقك انا مش مستحمله
ساره : عارفه مين اللى كان احمد بيسلم عليهم دلوقتى ولسا سايبهم حالا
سلمى : نعم ؟ اوعى تقوليلى
ساره : اه عصام وحاتم والله . فضلوا واقفين معاه شويه بس سابوه . وتقريبا كده عصام بينده لاخته عشان يجيبها ويجيب حاتم وييجوا يباركولك
سلمى : ياوقعه سوده ... طب هما شافونى ولا لسا
ساره : اه ماتتحركيش هما داخلين علينا
...............
ياسمين : لووووومه . عصام وحاتم جايين يباركولك
عصام : سمسم .. مبروك يا قمر المطعم الجديد وان شاء الله يكون قدمه قدم خير عليكو انتى واحمد
سلمى : الله يبارك فيكو يا جماعه ... المطعم ذاده نوركوا والله
حاتم : مبروك يا سلمى
سلمى : الله يبارك فيك يا حاتم . انت نزلت مصر إمتى
حاتم : من حوالى اسبوع كده .. ومبروك على فرحك كمان
سلمى : تسلم ربنا يخليك ... طب واقفين ليه يا جماعه اتفضلوا اقعدوا طيب . ايه رأيكوا ف ذوق المطعم .. ده ذوق احمد على فكره
حاتم : لا واضح ان احمد ده ذوقه حلو ف كل حاجه
عصام : ف سره (الله يحرقك ) طيب يا جماعه انا هسيبكوا بقا انا وحاتم ورانا مشوار كده . انا قولت نيجى نبارك .. مبروك تانى يا سلمى
سلمى : شكرا يا عصام ..
............................
عصام : تصدق ان انت عيل وسخ يالا ... من النهارده انا معرفكش ...
حاتم : ليه ياعم هو انا اتكلمت ..
عصام : وحياه أمك ؟ طب يلا نغور من هنا
احمد : ايه يا جماعه انتوا رايحين فين . انتوا بتهرجوا بقا
عصام : معلش يا ابو حميد . رايحين مشوار بس . انا قولت اجى اباركلكوا بس والله
احمد : مش محسوبه الزياره دى على فكره ... ليكو عزومه تانيه . وهات حاتم معاك
عصام : ان شاء الله .. عن اذنك يا عمنا بقي
احمد : سلام يا باشا . سلام يا عم حاتم
حاتم : سلام يا ابو حميد
........................
مصطفى : ولا يا حمو ... الواد ده مش مظبوط
احمد : مش كده ؟؟ انا بردو خدت بالى
مصطفى : اه انا كنت هبهدل ميتين اللى خلفوه بس عملتلك انت حساب . عينه مانزلتش من على ترابيزه البنات
احمد : يابابا انا واخد بالى ... ومستنى اشوف اخره ايه ..... ولا عاوز ايه ف ليله أمه السوده دى ... وشكله كده عمل حاجه خلى عصام ياخده ويمشى .... خليك هنا . انا ثوانى وراجع
............................
الى اللقاء ف الحلقه القادمه
شارك برايك ف اللحقه وماتنساش تعمل شاهد اولا للصفحه
الروايه دخلت ف الجد