روايه بنت الاكابر

(الحلقه الحاديه عشر ) ( كله بالأدب )

(الحلقه الحاديه عشر ) ( كله بالأدب ) <3
................
(في الحلقات السابقه )
(سلمى بتكلم نفسها )
سلمى : والله عال يا سي احمد ... بقا معجب حضرتك ب منى وهتتقدملها
طب ورينى بقا هتكلمها امتى وازاى .. ودينى منا ورايا حاجه ف الشركه كلها غيرك انت وهى اما نشوف اخرتها معاك يا ابو عين زايغه .. ان ماوريتك مابقاش انا .. هنام ازاى انا دلوقتى .. ارن عليك دلوقتى يعنى واديهملك ف جنابك ؟ هتعند مع اللى خلفونى دا انت كمان ممكن تجيلى البيت تضربنى وتمشى منا عارفه دماغ اهلك ... طب اعمل ايه يارب .... انا حاسه انى هيجرالى حاجه
...............
(يوم السبت )
(احمد ومنى داخلين مع بعض الشركه وسلمى داخله وراهم )
.................... ( الحاديه عشر ) <3
منى : صباح الخير يا استاذه سلمى
سلمى : صباح النور يا منى ... صباح النور يا استاذ احمد
احمد : اهلا
سلمى : انتوا ايه جايين سوا ولا ايه ؟
منى : لا انا لسا مقابله احمد هنا على بوابه الشركه
سلمى : اها .. طيب تمام .. وايه انتوا اخباركوا ايه ؟
احمد : بقالنا 10 دقايق واقفين ...محدش هيطلب الاسانسير طيب ولا ايه ؟
منى : ههههههههههههه نسيت معلش ..
سلمى : هههههههههه (بتبص لاحمد )
احمد : اتفضلوا الاسانسير وصل
................
(جوه الاسانسير هما التلاته )
احمد : بقولك ايه يا منى ؟ انتى فاضيه بعد الشغل النهارده ؟
منى : اه ليه ؟
احمد : بفكر اخدك واعزمك نتغدى سوا واهو ارد الدين اللى عليا .. مش انتى ليكى عندى عزومه لما قولتلك لو اشتغلت معاكوا هعزمك
منى : هههههههه اه فاكره
سلمى : (بتخبط ف المرايا بتكسرها )
منى : اااه . يا خبر ابيض .... خير يا استاذه جرا لايد حضرتك حاجه
سلمى : لا مافيش .. انا بلف بالصدفه الشنطه خبطت فيها ....
بس انا شايفه انكوا بقيتوا اصحاب اوى اهو
احمد : ماتعرفيش يا استاذه سلمى انا بعز منى اد ايه
منى : ههههههههههههه تسلم . المعزه متبادله
سلمى : والله ؟ اممممم طيب كويس
احمد : وكنت بستأذن حضرتك النهارده تسمحيلنا بساعه نمشيها بدرى عشان الحق اعزمها بس
سلمى : لا مش ممكن
احمد : ليه طيب
سلمى : عندنا شغل .. ابقى اعزمها بعد الشغل ... عن اذنكوا الاسانسير وصل
احمد : اتفضلى ( كاتم الضحكه بالعافيه )
.............
منى : هههههههههههههه ايه يابنى حرام عليك بتكلمها كده ليه
احمد : ايه مالى انا قولت حاجه ولا ايه ؟
منى : هههههههههههههه خالص بس كلامك كده كأنك بتغيظها . حاسه بكده
احمد : وانا اعرفها منين .. انا بس مابحبش الناس اللى فاكره انها تقدر تشترى الناس بفلوسها هههههههههههههه
منى : بس خلى بالك ..سلمى مش كده ... دى زى مانت شايفها كده . حته بونبونايه
احمد : اه منا لسا هعرف بقي
............................
(مكتب سلمى )
(سلمى داخله شايطه )
سلمى : اااااه يابن الجزمه انا دمى هيفضل يتحرق كده كل شويه ؟
ساره : فيه ايه يا بنتى مالك ؟ اهدى بطلى عصبيه مالك ؟
سلمى : الباشا بيكلمها قدامى واحنا ف الاسانسير وبيقولها هعزمك ومعرفش ايه
ساره : بجد ؟ ههههههههههه وبعدين ؟ عملتى ايه
سلمى : ربنا رحمهم منى ... كنت هكسر مراياات الاسانسير على دماغهم بس مسكت نفسي
ساره : هههههههههههههههههههه
سلمى : انتى بتضحكى على ايه يا بت الهبله انتى كمان .. انتى اللى عملتيى فيا كده .. اتصرفى بقا انا مش هقدر استحمل كل ده
ساره : طب هو فين دلوقتى
سلمى : زمانهم وصلوا مكتبهم
ساره : طب ادخلى افتحى الكاميرات بسرعه نشوف بيعملوا ايه ولا واقفين فين
سلمى : اهوووو شوفتى ؟ دول واقفين مع بعض بردو
........................
(مكتب منى )
منى : انت واقف هنا ليه بقي . ادخل مكتبك
احمد : الله ! بقالى يومين ماشوفتكيش يابت . بلاش اسلم عليك يعنى واقف معاك شويه
منى : ههههههههههههههه لا خليك بس خلى بالك الكاميرات شغاله وممكن حد م الاداره يكون شايفنا
احمد : اه منا عاوز كده
منى : نعم ؟ يعنى ايه ؟
احمد : لا اقصد يعنى خلى اللى يشوف يشوف انا واقف مع زميلتى
منى : هههههههههههه مش بقولك مجنون .. انت بتبص فين ؟
احمد : هى الكاميرات دى متركبه فين انا مش شايف . شاوريلى من غير ما تلفتى نظر
منى : فوق كتفك الشمال ف زاويه الاوضه من فوق ... ماتبصش بقي
احمد : طووويب تمام ... المهم لو عرفنا نزوغ النهارده بدرى واعزمك العزومه بتاعتك ابقى عرفينى
.................................
(سلمى بترن على منى )
منى : الو ! اؤمرى يا استاذه سلمى
سلمى : منى ! احنا جايين نشتغل هنا ولا جايين نتكلم ونتعرف .. الاستاذ اللى عندك ده بيعمل ايه
منى : مافيش حضرتك كنا بنشوف هنفطر ايه
سلمى : طب قوليله يتفضل على مكتبه مش عاوزين توتر ع الصبح . احنا ف شغل انتى وهو
منى : حاضر يا فندم هبلغه
منى : روح ياعم على مكتبك ..... الناس زعلانه
احمد : هههههههههههههههه
منى : بتضحك على ايه ؟
احمد : هههههههههههههه مش قادر بصراحه ... يلا اطلبى فطار واندهى عليا .... وانا اللى هحاسب ها
منى : ههههههههه ماشى
..................
سلمى : شوفتى ياساره اهو بيضحك ... والله قاصد يغيظينى . انا نازله اطلع عين اهله
ساره : خدى هنا رايحه فين هههههههههههه اعقلى بس .. يا سلمى يا سلمى ... الله ! ايه الجنان ده هتنزلى تعملى ايه
سلمى : هنزل اطين عيشته وعيشتها
ساره : طب استنى بس استنى .. طب استنينى طيب نازله معاك
......................
(مكتب احمد )
سلمى : صباح الخير يا اساتذه
المحاسبين : صباح النور يا استاذه
سلمى : صباح الخير يا استاذ احمد
احمد : انا لسا مصبح على حضرتك بره
سلمى : اه معلش .... هو مش ......
احمد : نعم ؟ (بيبصلها )
سلمى : هه ؟ لا مافيش ... كنت بسأل يعنى مبسوط معانا ف الشغل . واتعلمت حاجه ف اليومين اللى فاتوا ولا ايه ؟
احمد : اه الشباب مش مقصرين معايا ... محمد وعلاء والرجاله هنا كلهم تمام
سلمى : طيب ابقى عدى عليا كمان شويه
احمد : خير
سلمى : مافيش هكمل بعض الاجراءات بس ...
احمد : خلاص ماشى .. افطر بس مع منى وهطلع لحضرتك حاضر من عنيا الاتنين
سلمى : (بتبصله وشرار طالع من عينيها )
احمد : تؤمرى بحاجه تانيه سيادتك
سلمى : شكرا .... (بترزع الباب وبتخرج )
احمد : هو فيه ايه يا شباب ..ههههههههههههه
محمد : انا اعرف ياخويا ؟ والله ما اعرف حاجه
..........................
(مكتب منى )
سلمى : شوفى شغلك يا منى مش عاوزين اى حوارات ف الشغل
منى : حوارات ايه يا استاذه سلمى مش فاهمه
سلمى : اى حوارات يعنى كده ولا كده احنا هنا جايين نشتغل مش جايين نعمل حاجه تانيه
منى : حاضر
سلمى : انتى وراكى حاجه بعد الشغل النهارده ؟
منى : اه الاستاذ احمد عزمنى وخارجه انا وهو
سلمى : لا مش هينفع اعتذريله
منى : ليه حضرتك ؟
سلمى : ايه ؟ مافيش انا عاوزاكى ف موضوع تانى هنخرج بعد الشغل نتغدى انا وانتى واكلمك فيه
منى : طب ايه هو حضرتك الموضوع ممكن نتكلم فيه دلوقتى
سلمى : انا قولت بعد الشغل .. اتفضلى حضرتك شوفى شغلك
.........................
احمد : الو ! ايوه يا مصطفى
مصطفى : ايوه يا حب
احمد : بص ... كمان خمس دقايق بالظبط هتتصل بساره تقولها ...احمد كان بيكلمنى دلوقتى وبنتطمن على بعض وقال كمان ان سلمى حلوه اوى النهارده وزى القمر
مصطفى : مش فاهم .. ليه يعنى ؟
احمد : مالكش دعوه ده تكتيك ماتفهموش انت ... هتتصل بيها وتقولها كنت بكلم احمد دلوقتى وبسأله عامل ايه ف الشغل وساره وسلمى حد مضايقك منهم ولا حاجه .. وبعدين تقولهم ان انا قولتلك لا محدش مضايقنى بس البت سلمى زى القمر النهارده .. تمام ؟
مصطفى : تمام ههههههههههههههههههه اقسم بالله دماغ سم يا جدع
احمد : يلا غور هههههههههههه
.....................
(مكتب ساره )
مصطفى : الو ! ازيك يا ساره
ساره : اهلا يا درش ... فيه جديد ولا ايه ؟
مصطفى : عندى ليك خبر بمليون جنيه
ساره : خير .. فرحنى احنا من الصبح شايطين انا وسلمى .. صاحبك مش ناوى يجيبها البر
مصطفى : ازاى ؟
سلمى : مافيش .. دابب صحوبيه مع منى وبيكلمها وال ايه عازمها ع الغدا .. وسلمى مولعه ههههههههههههه ربنا يستر النهارده ومايحصلش حاجه
مصطفى : ههههههههههههههه ياساتر يارب .. غريبه يعنى مع انى كنت بكلمه من شويه بتطمن عليه وبقوله اخبار الشغل وحد مضايقك ولا حاجه .. قالى لا بالعكس اليوم حلو .. حتى قالى ان سلمى النهارده زى القمر
ساره : ايييييييييييه ؟ بتقول ايه ؟ بتتكلم جد ولا بتشتغلنى ؟
مصطفى : اه بجد
ساره : امال سايق العوج على سلمى ليه ومخليها تولع ف نفسها يا عينى
مصطفى : ههههههههههه معرفش بقي . انا قولت ابلغكوا
ساره : ماشى يا درش ... هشوف الموضوع مع سلمى وهنتصرف
مصطفى : اشطا ... سلام
ساره : سلام
.......................................
(مكتب سلمى )
ساره : يابنتى ارحمى نفسك وسيبك م الكاميرات دى بقي عماله تبصى على ايه انتى
سلمى : بشوف احمد ... وحشنى اوى يا ساره .. حاسه انه بعيد عنى بالرغم انى بينى وبينه كم متر .. وحشنى والله بجد
ساره : طب مش هتصدقى انا هقولك ايه دلوقتى
سلمى : خير ؟
ساره : مصطفى كان بيكلمه دلوقتى وبيتطمن عليه وكده ...تتوقعى احمد رد عليه قاله ايه ؟
سلمى : ماتنطقى يابت مش ناقصه غتاته اهلك دى ..
ساره : ههههههههههههههه قاله كله تمام وميه ميه حتى البت سلمى زى القمر النهارده
سلمى : ايييييييييييييييييييه ؟ بتهزرى صح
ساره : ههههههههههه والله ابدا مصطفى لسا مكلمنى حالا
سلمى : فين المرايه ؟ هو بجد شايفنى حلوه يا ساره ؟
ساره : يا حبيبتى انتى على طول حلوه وزى القمر
سلمى : يا حبيبى يا احمد .. انا عارفه انى مش ههون عليه اصلا .. انا نازله اصالحه بقي
ساره : تصالحى مين ؟
سلمى : احمد يا بت
ساره : نعم يا روح امك ؟ تصالحيه ازاى ؟
سلمى : انتى مش لسا قايله من شويه انه بيقول عليا زى القمر النهارده .. يبقى قلبه حن اهو
ساره : ههههههههههههههههههه هموووووووووت وكتاب الله .... طب هو يعرف انك عرفتى منين ؟
سلمى : ايه ؟
ساره : ههههههههههههههه ايوه روحى قوليله بقا ان مصطفى كلمنا وقالنا
سلمى : يا خبر ابيض ... دنا كنت هسلم مصطفى كده
ساره : هههههههههههههه دانتى بتسلميه وبتسلمينا وكانت هتبقى وقعتنا طين
سلمى : طب اعمل ايه انا دلوقتى .. منين بيقول عليا حلوه ومنين بيحرق دمى .... الواد ده ناوى يجيب اجلى
ساره : طب انا عندى فكره خطيييييييييييييره ازاى كانت تايهه عننا
سلمى : قولى ياختى
ساره : بصى يا ستى . احنا كمان يوم ولا يومين كده .. هنبلغه بأى طريقه انك جايلك عريس حلو اوى وغنى وانتى بتفكرى بجد ف الموضوع ونشوف رد فعله بقي هيكون عامل ازاى
سلمى : اقسم بالله ياساره انتى اللى يمشى وراك يروح ف داهيه .. يابت احمد دماغه جزمه قديمه وممكن يتجنن ف عقله ويعمل اى حاجه
ساره : يا حبيبتى وهو ده اللى انا عاوزاه .. عاوزاه يتجنن والاهم اننا نشوف رد فعله .. هيضايق ولا لا .. لو اتضايق يبقى كل اللى بيعملوا معانا ده من ورا قلبه وفتره وهتعدى وهترجعوا لبعض
سلمى : طب لو ماتضايقش ياختى
ساره : استحاله ! انا عارفه ومتأكده انه هيضايق واحتمال ييجى يضربك اصلا هههههههههههه احلق شعرى لو معملش كده
سلمى : عارفه !! انا هحلقلك شعرك بجد المره دى لو حصل حاجه
ساره : وانا موافقه ههههههههههه
سلمى : المهم ما قولتليش اتكلم ف ايه مع احمد لما ييجى دا زمانه طالع يخربيتك .. وفكرى ف اى موضوع ل منى بسرعه
ساره : اى حاجه ياستى اى حاجه .. اتكلمى مثلا معاه اسأليه لو كان مبسوط ف الشركه . او عاوز يروح اى قسم تانى او اى حاجه ف اى حاجه . انا بدأت اتوتر على فكره لما حسيت انه قرب ييجى .. هههههههههههههه انا هنزل افطر ياستى هو زمانه طالع ... وماترنيش عليا غير لما يخرج
سلمى : اه يا جبانه يا كلبه ... وبعدين هو مش متنرفز ولا حاجه اقعدى بقي
ساره : اه انا جبانه اهدى انتى ... انا نازله
.....................
(على باب مكتب ساره بتشوف احمد قدامها )
ساره : احم .. صباح الخير يا احمد
احمد : اهلا ... البت اللى مشغلاك جوه ؟
ساره : اه مستنياك اتفضل
احمد : شكرا ... انتى مالك كده مش على بعضك ليه ؟
ساره : انا ؟ لا عاادى اهو . انا حلوه خالص
احمد : حلوه ؟ ايه حلوه دى اسمها كويسه
ساره : معلش سورى . كويسه اتلخبطت
احمد : لا سلامتك من اللخبطه .. بلغيها قوليلها انى بره
ساره : طيب ثوانى ..
احمد : انتى رايحه فين ؟
ساره : هبلغها
احمد : هو مش انتى سكرتيرتها ؟ ماتبلغيها ف التليفون ولا مش شغال
ساره : ههههههههههه لا لازم ادخل ابلغها عشان تعمل حسابها
احمد : تعمل حسابها ف ايه مش فاهم
ساره : ياعم استنى دقيقه وراجعالك
احمد : دقيقه بحالها ؟ لييييه هو انا فاضيلها وفاضيلك .. انجزى ورايا شغل
ساره : طيب .. طيب
....................
(مكتب سلمى )
ساره : الحقينى الوااااااااااد بره
سلمى : ياخرابى . طب اعمل ايه والنبى ماتسيبينى معاه لوحدى
ساره : وانا مال امى انا ؟؟ اقسم بالله كنت مرعوبه وانا بكلمه ... كان مقفل كده وعينه مطلعه شرار ههههههههه لا ياستى انا هدخله وامشى
سلمى : اه يا كلبه ... طب مخصوم منك 3 ايام .. غورى اندهيلو
ساره : طيب طيب
سلمى : استنى ... شكلى حلو ؟
ساره : حلو ياستى
سلمى : طب الطقم اللى انا لابساه ده حلو
ساره : الله ! ماهو لسا قايل عليك زى القمر من شويه ... اه واوعى تعكى الدنيا معاه لاحسن انا عارفه هبلك وجنانك .. وهتخربطى الدنيا
سلمى : طب ما تخليكى معايا والنبى يا ساره والنبى والنبى
ساره : يا حبيبتى مقدرش . وبعدين هو فيه ايه ... انتى صاحبه الشركه وهو موظف عندك انشفى بقا ابو شكلك
سلمى : طيب غورى اندهيلو
..................
ساره : اتفضل يا احمد سلمى مستنياك
احمد : شكرا
..................
سلمى : صباح الخير
احمد : اؤمرى سيادتك عاوزانى ف ايه ؟
سلمى : طيب اتفضل طيب استريح
احمد : اهو اتفضلت . اؤمرى
سلمى : انت مالك مقفل ليه كده ؟ دنا حتى المفروض صاحبه الشركه ومديرتك قصدى مديرتكوا . قصدى المديره . يوووووووووه مقصدش حاجه
احمد : بتقولى ايه ؟
سلمى : لا ولا حاجه
احمد : لا عيدى اللى بتقوليه كده .. المفروض ايه ؟
سلمى : اقسم بالله طلعت بالغلط وماقصدش .. ورحمه ابوك ما اقصد
احمد : ماشى يا ست سلمى هعديها ... عاوزه ايه منى دلوقتى انا ورايا شغل
سلمى : مافيش كنت هسالك يعنى مبسوط ف المكتب ولا لا .. انا ممكن انقلك اى قسم انت عاوزه
احمد : لا مبسوط الحمد لله .. والطقم اللى انا شغال معاه ناس كويسه سواء محمد ولا علاء ولا وليد .. حتى منى .. بنت زى العسل كده
سلمى : نعم ياخوياااااا ؟ اقصد يعنى نعم يا استاذ ؟
احمد : نعم ايه ؟ انتى عاوزه ايه انتى دلوقتى انا مش فاهم .. سألتينى مبسوط ولا لا وقولتلك مبسوط . فيه حاجه تانيه
سلمى : انت رايح فين بعد الشغل النهارده ؟
احمد : وانتى ايه دخلك انتى ؟ انتى ليكى ف زمتى ساعات الشغل وبس . ومالكييش فيه بعد كده ... وحطى ف حسبانك انك صاحبه الشركه وبس .. وبعدين مش ده مكتبى اللى ف الشاشه اللى قدامك دى ؟
سلمى : ايه ؟ لا مش هو .
احمد : لا هو .. انتوا ايه بتراقبونى ولا ايه ؟
سلمى : اراقبك ايه بس دى الكاميرات اللى ف الشركه كلها وكل شويه بتيجي الصوره على كاميرا شكل
احمد : والله ؟ ماشى
سلمى : اه . امال هنراقبك ليه يعنى ؟ وبعدين بطل وقفه مع منى
احمد : وانتى عرفتى منين انى وقفت معاها ؟
سلمى : هه !
احمد : ههههههههههههه عرفتى منييييييييييييييييين انى كنت واقف معاها
سلمى : هه ! معرفش .. اهو توقعت كده
احمد : هههههههههههه ماشى يا استاذه سلمى .. بس منى النهارده حلوه وزى القمر
سلمى : ما تتلم بقي .....انت كنت بتقول عليها ولا عليا انا
احمد : نعم ؟ يعنى ايه بقول عليها ولا عليك ؟ هو حد وصلك كلام انى اتكلمت عليك ؟
سلمى : ايه ؟ لا طبعا ومين هيوصلنى يعنى ؟
احمد : امال ايه كنت بقول عليها ولا عليك دى ؟
سلمى : الو ! ياسااااااااااااااااااره ... اتصلى على مستر عماد خليه يجيب ورق المناقصه
ساره : مناقصه ايه اللى يخربيتك انا مش فاهمه
سلمى : ايوه المناقصه اللى عنده خليه يجيبها وييجى على طول . ها على طول .. (ف سرها ) الحقينى بسرعه انا شكلى عكيت الدنيا
ساره : هههههههههههههههههه اه يانى طب انا داخله استنى ماتتكلميش
احمد : ماقولتيش يعنى يا استاذه يعنى ايه ببتقول عليا ولا عليك دى
سلمى : ابدا اصل اصل ... افتكرت كلامك ليا زمان لما كنت بتقولى دايما انى حلوه وزى القمر
احمد : اهاااااااااا .. وبعدين دا كان زمان يا سلمى .. كنتى دايما حلوه وزى القمر
سلمى : طب ودلوقتى يا احمد
احمد : هههههههههههه (بيقف وبيمشى وبيلف جسمه وبيكلمها ) قمرين يا سلمى مش قمر واحد ... انا ماشى بقا ورايا شغل
ساره : خير فيه حاجه
احمد : حاجه ايه ؟ خلصنا كلامنا وماشى
ساره : ماشى ياباشا ..
...............
ساره : ايه يابت اتكلمتوا ف ايه ؟
سلمى : ياساره الحقينى الواد ده هيجننى وهيطير البرج اللى فاضل ف نافوخى ... اطلبيلى كوبايه لمون والنبى
...................
والى اللقاء ف الحلقه القادمه