روايه بنت الاكابر

(الحلقه الثالثه ) ( سلمى القادره )

(الحلقه الثالثه ) ( سلمى القادره ) <3
................
(في الحلقات السابقه)
سلمى : انا قايمه بقي .. لسا ورايا تحريات هعملها عشان اوصل لصاحبه الرساله
منه : صحيح بقولك ... طب ما تكلمى البت لمياء كان ليها حد ف شركه التليفون يعرفلنا الرقم متسجل باسم مين ويبقى الموضوع اتحل
سلمى : فكره . هكلمها دلوقتى وانا نازله
منه : اشطا
سلمى : سلام يا قلبى
منه : سلام يا حبى . مع السلامه
....................... (الحلقه التالته ) <3
(ف الكافيه )
مصطفى : ايه يابنى مالك ؟ قاعد كده ليه
احمد : ههههههههههههه مالى ياعم منا قاعد عادى اهو
مصطفى : لا شكلك سرحان كده بتفكر ف حاجه .. فيه حاجه ولا ايه ؟
احمد : طب اقعد ... فيه موضوع مجنن أمى ومش عارف اعمل ايه
مصطفى : موضوع ايه احكى
احمد : استنى .. حوده . حجر معسل والنبى يا حوده بسرعه وكوبايه شاى عشان الواحد دماغه مهروشه
مصطفى : ها ياعم ما تحكى
احمد : النهارده وانا خارج م البيت جاتلى الرساله دى
مصطفى : رساله ايه ..!
احمد : خد اقرأ
مصطفى : يانهار اسود . ههههههههههههه دانت كويس انك كنت خارج . لو سلمى كانت شافت الرساله دى كنت هتندبح يا معلم
احمد : مش طالبه هزار أهلك دلوقتى .. انا عاوز اعرف مين ده اللى بعتلى الرساله دى
مصطفى : مش جايز تكون الرساله بجد ههههههههههه
احمد : انت بتقول ايه يالا ؟
مصطفى : لا ولا حاجه هههههههههه
احمد : احنا مالناش ف احضان ولا بوس ولا الهرى اللى مبعوت ده . ده واحد او واحده عاوز يخرب عليا
مصطفى : طب الاول ومبدايا وقبل أى حاجه لازم تمسح الرساله وماتخليهاش على تليفونك ... مراتك مجنونه يا عم وممكن تعمل فيك حاجه وانت نايم
احمد : ههههههههههههههه اه ده اساسى .. بس انا فيه حاجه حصلت مش لاقيلها تفسير لغايه دلوقتى
مصطفى : حاجه ايه ؟
احمد : النهارده الصبح سلمى فضلت تنكش فيا وتقولى هو خطك ده جديد ولا لا
وكانت بتجيلك محادثات او رسايل عليه ولا لا وشويه حاجات م الكلام ده ....
بس الغريب ان الرساله جاتلى وانا نازل يعنى هى اكيد ماشافتش الرساله
عشان تفضل تسألنى كده ... اللى قالقنى انها كانت بتسأل باهتمام كأنها عاوزه توصل لحاجه
مصطفى : طب مش يمكم تكون سلمى هى اللى عامله فيك المقلب ده ؟ عشان تشوفك هتروح تعترفلها ولا لا ؟
احمد : تفتكر ؟
مصطفى : هههههههههههههههه افتكر جدا .. ممكن تكون هى جابت خط جديد وبتمهدلك بالموضوع عشان لما تبعتلك الرساله تروح تقولها وتعرف ساعتها انك مش بتخبى عنها حاجه
احمد : طب افترضنا انه صحيح ... هى اكيد عارفه انى مش هيعجبنى المقلب ده .. وهتخاف تعمله .. لا ياعم سلمى مجنونه بس مش لدرجه الهبل ده
مصطفى : ياعم اسمع منى . ممكن تكون هى اللى عامله كده او مخليه واحده صاحبتها تعمل . ساره مثلا
احمد : الله يحرقك يابعيد لعبت ف راسى اكتر ماهى كانت ملعوب فيها ههههههههههههه
مصطفى : ههههههههههههههه ياعم انا بوضحلك ايه اللى ممكن يكون بيحصل
احمد : طب وبعدين .... اتعامل مع سلمى على اساس ايه دلوقتى . اروح اقولها . طب افرض انها ماكنتش تعرف حاجه عن الموضوع . يبقى انا روحت اسلملها نفسي تسليم اهالى عينى عينك هههههههههههههههه وممكن اخبى عليها وفعلا ممكن تكون هى اللى ورا المقلب ده وبردو ابقى سلمت نفسي ... دى حيره ايه دى . الله ياخدكوا
مصطفى : ههههههههههههه اشرب الحجر اشرب ومخمخ كده ورينا هتعمل ايه
..........................
سلمى : الو ! ساره انتى فين
ساره : ف البيت . لسا راجعه م الشركه دلوقتى . انتى ناويه ترجعى الشغل امتى
سلمى : السبت ان شاء الله . بقولك ايه انا عاوزاكى
ساره : خير انتى فين ؟
سلمى : البسي وانا هعدى عليك . ربع ساعه واكون عندك
ساره : ماشى يا حبى
...............
ساره : ايه يا مزتى خير
سلمى : تعالى بس نقعد ف حته الاول اشرب حاجه تهدى الاعصاب انا اعصابى قربت تنهار
ساره : ههههههههههههههه مالك يا روحى
....................
( في مطعم )
سلمى : خدى اقرأى الرساله دى كده
ساره : رساله ايه خير
سلمى : اهى اقرأى
ساره : يا نهار اسود ومنيل ... .. ايه ده فيه ايه ؟
سلمى : شوفتى بقا .. اهو انا على اعصابى م الصبح بسبب الرساله دى . لما قربت اتجنن
ساره : طب ايه انتى واجهتى احمد بالموضوع ولا لا
سلمى : اواجهه ايه انا عاوزه اقطم زمارة رقبته من ساعتها بس ماسكه نفسي وبتعامل معاه عادى لغايه ما اعرف الموضوع ايه
ساره : طيب يا حبيبتى ماهو ممكن يكون مقلب ومعمول فيكو انتوا الاتنين
سلمى : ممكن اه يكون مقلب . وممكن يكون حقيقه
ساره : اه طبعا . طب خلينا نفكر طيب ف مين ممكن تعمل كده
سلمى : امال انا جايالك ليه
ساره : بقولك ايه . ايه رأيك ف البت غاده ..
سلمى : غاده ...! غاده هبله وخافت لما روحتلها امبارح . واستحاله هتفكر تعمل كده بالسرعه دى عشان هى عارفه مين سلمى
ساره : طب منه ؟
سلمى : انا لسا جايه من عند منه يا ساره وهى حلفت انها ماتعرفش حاجه عن الموضوع ده وانا عارفه منه
ساره : الله ! ايه الحيره دى .. طب مش يمكن يكون احمد نفسه اللى عامل المقلب ده فيك . ومخلى حد من اصحابه اللى يعمل كده ؟
سلمى : تفتكرى ؟
ساره : ههههههههههههههه افتكر جدا . دا واد طاقق والشله بتاعته كلها هبل . وتوقعى منه اى حاجه
سلمى : يا حبيبتى ممكن . بس لا لا بيتهيألى احمد مايعملش حركه زى دى
ساره : احنا عاوزين نتأكد بس قبل ما نقول ينفع ولا ماينفعش
سلمى : وهنتأكد ازاى من حاجه زى دى
ساره : اممممممممممممم استنى بس اما اطلب نسكافيه عشان اجى ونمخمخ سوا
سلمى : ماشى
.......................
مصطفى : عيشت وشوفتك سرحان يا جميل وشايل الهم ههههههههههههههههه
احمد : اتنيل بقا .. انا دماغى هتشت من ساعتها . طب بقولك ... افرض سلمى ماتعرفش حاجه عن الموضوع ده وجات الرساله على تليفونى وانا قاعد جنبها . يبقى ايه منظرى ساعتها بقي ... دنا هيبقى منظرى زباله وممكن فعلا تحدفنى بحاجه ف وشى هههههههههههههههههههه
مصطفى : ههههههههههههههههههههههههههه اقسم بالله هموت من منظرك وانت عمال تفكر كده .. ههههههههههههه أول مره اشوفك مبلم كده هموووووووووووووووت والله هههههههههههه . طب عندى فكره
احمد : اشجينى
مصطفى : ايه رأيك تجيب خط جديد وتقولها ان الخط بتاعك وقف
احمد : ياعم اتلهى على عينك ... دنا لما بغير قميص بلبسه وانا نازل بتسألنى ليه وبتغيره ليه وعشان ايه ههههههههههههه حاجه زى دى هتخليها تشغل دماغها واحنا مش عاوزين نوصل للمرحله دى
مصطفى : يالهوى يانا يامه ههههههههههه قلبى معاك يا ابو الصحاب .. هتوحشنى يا غالي
احمد : انا ايه اللى وقعنى الوقعه دى .. دى البت مجنونه ياعم . دى كانت هتاكل خد البت قريبتها وقصيت شعرها وجايبالى شعرها بتقولى خد ياخويا ادى جزاة اللى هيقرب منك هههههههههه . امال هتعمل فيا ايه بقي لو عرفت حاجه زى دى .... ( بيغنى ) هتعمل فيا ايه هتعمل فيا اييييييييييييه ؟
مصطفى : ههههههههههههههههههههههههههههه عادل امام بشحمه ولحمه ف فيلم المتسول يا جدعان هههههههههههههههه خلينا ف الجد بقي
احطلك ورد ولا صبار على قبرك لما اجى ازورك هههههههههههههه
احمد : غور بقا يخربيت تناحتك عيل غتت ...ههههههههههههههههه ابقى هات ريحان
مصطفى : من عنيا يا حب .. بقولك ايه . هى سلمى مراتك فين . ف البيت ولا بره
احمد : لا بره راحت ترجع الفلوس ل منه بتاعه المطعم اللى حكتلك عنها ...
مصطفى : طب ما ترن عليها كده شوفها فين وشوف نبره صوتها
............................
سلمى : ما تخلصى يابنتى فكرتى هنتأكد ازاى ولا لا
ساره : انا جاتلى فكره
سلمى : ايه ؟
ساره : بصى ... اولا كده لو لقيتيه ماسك التليفون على طول يبقى بدا يعمل حاجه غلط . لو لقيتيه عمل باسورد للتليفون يبقى بيعمل حاجه غلط
سلمى : تمام
ساره : لو لقيتيه بيسالك على طول على اى حاجه او انه يكون خايف انك تكونى عرفتى حاجه او تلاقيه متوتر كده يبقى ياسلمى فيه حاجه بجد ولازم تعرفيها
سلمى : اه ... صح .. استنى احمد بيرن
ساره : طب ردى ردى
احمد : الو ! حبيبتى
سلمى : ايه يا روحى
احمد : ايه فينك ؟ خلصتى مع منه ولا لسا
سلمى : اه يا بابا . خلصت وقاعده انا وساره دلوقتى
احمد : طيب هتروحى ولا اعدى عليك ولا ايه
سلمى : لا انا خمسه كده وهقوم امشى ع البيت .. انت هتتأخر ولا هتيجى على طول
احمد : لا انا شويه بردو وهتلاقينى معاك .. قاعد مع الشباب بس
سلمى : ماشى يا حبيبى .. وانا ماشيه هديلك رنه اعرفك انى مروحه
احمد : ماشى يا حبى ... سلام
سلمى : سلام يا حبيبى
...........................
مصطفى : ايه ياعم .صوتها بيقول ايه ؟
احمد : صوتها بيقول انها عادى وشكلها ماتعرفش حاجه عن موضوع الرساله الله يحرقك . كنت هتودينى ف داهيه
..................
ساره : ايه يا سوسو صوته بيقول ايه ولا بيسال على ايه
سلمى : صوته عادى جدا . طبيعى . بيسالنى مروحه امتى وبتعملى ايه .. بس مش متطمنه بردو
ساره : زى ما قولتلك لو عمل الحاجات دى يبقى فعلا بدا يعمل حاجه غلط
سلمى : اه منا هوتره وهلعب باعصابه . عشان لو بيعمل حاجه هيعترف هو
ساره : هههههههههههههه هو ده . بس خلى بالك منه . احمد مش سهل
سلمى : لا ماتقلقيش عليا
ساره : والمصحف منا قلقانه غير منك
......................
(بعد ساعه )
احمد : انا هقوم اروح بقا سلمى روحت
مصطفى : ماشى يا حبي ..... اه صحيح نسيت اقولك
احمد : خير
مصطفى : اوعى تبين انك قلقان او متوتر وهى بتكلمك ..
حتى تليفونك . اوعى تعمل له باسورد او تفضل ماسكه على طول ...
خلي فيه احتمال انها ممكن تكون هى اللى بتعمل المقلب ده فيك ... اشطا
احمد : اكيد طبعا ... وانا بردو هفهم هى بتجرنى للكلام ولا بتلعب بيا ولا ايه بالظبط ..
منا لازم افهم فيه ايه ...
ولو فيه حاجه هى بتعملها من ورايا هلعب باعصابها لغايه ماهى تعترفلى بنفسها
مصطفى : اشطا يا حبيب اخوك
احمد : انا قايم مروح
................
احمد : الو ! لومى اجيبلك حاجه وانا جاى ..
سلمى : سلامتك يا بابا ماتتأخرش عليا عشان وحشتنى بس
احمد : حاضر .. بحبك
سلمى : بحبك
....................
(احمد وهو طالع ع السلم بيقول : وجعلنا من بين ايديهم سدا ومن خلفهم سدا فأغشيناهم فهم لايبصرون )
سلمى : حبيبى ! وحشتنى اووووووووووووى ياواد انت
احمد : وانتى كمان يا مزتى ... ايه كنتى بتعملى ايه ؟
سلمى : بحضرلك العشا .. هعملك احلى طاجن جمبرى عشان ماتاخدش عنى فكره انى مابعرفش اطبخ تانى . انا شيف يا بابا بس هى النفس بس
احمد : شووف ازاااى ؟ ايه الروقان ده كله يانهار ابيض
سلمى : وماروقش ليه بقي ها ليه ؟
احمد : مش عارف والله . هو فيه حاجه ولا حاجه ؟
سلمى : هههههههههههههههه حاجه ايه ياروحى
احمد : لا انا بسأل عادى .. لاحسن يكون فيه حاجه ولا حاجه
سلمى : الله ! وحياه امى مافيه حاجه ههههههههههههه ايه ياعم هو فيه حاجه انت عاوز تقولها ؟
احمد : عمرى ....انا عمرى ما فكرت اقول حاجه . مابحبش الحاجات اللى بتتقال دى
سلمى : ههههههههههههه طيب يا روحى ادخل غير هدومك بقي على ما اطلع الجمبرى واظبط الحركات
احمد : خلاص ماشى
سلمى : اه صحيح فين تليفونك
احمد : اهو . عاوزه ايه من تليفونى
سلمى : مافيش ياروحى انا مش شايفاه معاك بس قولت انت نسيته ولا حاجه
احمد : لا كنت حاطه ف الجيب الورانى ... لو عاوزاه خديه
سلمى : وانا هعمل بيه ايه بقي
احمد : لا لاحسن تكونى عاوزاه ولا حاجه . خدى اهو
سلمى : ههههههههههههههههه الله ! وانا مالى ومال تليفونك يا حمو . ادخل غير هدومك بسرعه بقي
احمد :
سلمى : ايه يا حمو بتبصلى كده ليه
احمد : لا ابدا ... هدخل اغير وجاى بسرعه
سلمى : هات بسبوسه طيب
...................
مصطفى : الو ! ايوه يا حب ايه الدنيا هههههههههههه اتقفشت ولا لسا
احمد : انت بترن ليه دلوقتى الله يحرقك . البت بتلعب باعصابى انا
مصطفى : ههههههههههههههه ازاى
احمد : مافيش . بتتكلم ببرود كده وبتقولى فين تليفونك
مصطفى : يابنى اتعامل بهدوء ..
احمد : انا اول مره احس انى بالغباء ده كده ...
مصطفى : لا انت عشان خايف من سلمى بس هههههههههههههههه همووووووووووووووت وكتاب الله ..
احمد : فشر . مش احمد اللى يخاف يا بابا . اجرى اجرى
مصطفى : هههههههههههههههههه طب والمصحف خايف
احمد : لا انا مش خايف بقا . انا مرعوب ههههههههههه امشى ياعم ربنا يتولانا النهارده
........................
سلمى : ايه يا حمو .. كنت بتكلم مين ..؟
احمد : مصطفى .. حتى شوفى
سلمى : اشوف ليه انا بسألك عادى يا بابا ههههههههه هو انا هشك فيك ولا ايه . دانت قلبى وروحى واستحاله اصلا انت هتفكر تخبى عليا حاجه اصلا . مش كده ؟
احمد : اكيد طبعا .. مقدرش اخبى عنك حاجه .. استحاله .. استحاله جدا
سلمى : هههههههههههههه اه وخصوصا انك شوفت انا عملت ايه ف البت غاده ...مابالك هعمل ايه ف حموتى بقا حبيب قلبى وروحى
احمد : ربنا كبير و ربنا يوفق الدنيا على بعضها
سلمى : طب يلا الاكل هيبرد ...
احمد : اكل ايه بعد اللى قولتيه ده انا نفسي اتسدت .. انتى عارفه حاجه ولا ايه ؟
سلمى : حاجه ايه يا حمو اللى انت ماسكها من ساعه ما دخلت .. هو انت عامل حاجه من ورايا وخايف اعرفها
احمد : انا عمرى ما فكرت اعمل حاجه
سلمى : ههههههههههههه طيب يا روحى يلا عشان نتعشى انا جوعت
احمد : يلا
...........................
احمد : تسلم ايديك يا روحى ... الاكل مظبوط حته ظبطه . كأنك بتعملى الاكله دى كل يوم .. مين اللى علمك الطريقه ....
سلمى : ماما ... كلمتها النهارده وقالتلى ع الوصفه .
احمد : ماشى ...
سلمى : تعالى نتفرج ع التلفزيون بقي فيه فيلم حلو اجنبى جاى النهارده
احمد : تعالى ... الفيلم على ايه
سلمى : على ام بي سي 2 .. فيلم جامد عرض اول بس كنت شوفته ف السينما لما نزل
احمد : بطوله مين ؟ ايوه ايوه البطل ده انا عارفه
سلمى : الفيلم فكرته تجنن
احمد : بيحكى عن ايه طيب ...
سلمى : واحده جوزها بيخونها .. وهى طول الفيلم بتدور على الحقيقه عشان تعرف مين دى اللى جوزها بيخونها معاها وف الاخر بقي بتقتله وبتقتلها وبترميهم ف البحر وبتربط جثثهم بطوب عشان مايطلعوش على وش الميه
احمد : الله اكبر . ولا حول ولا قوه الا بالله .. وحسبى الله ونعم الوكيل
سلمى : هههههههههههههههههههههه ايه يا حموتى مالك ؟
احمد : حموتك ايه انتى خليتى فيها حموتك .... اتقى الله ف دينك . قومى يا وليه من جنبى
سلمى : ههههههههههههههههه الله ! مالك يا روحى انا بحكى الفيلم .. وبعدين هو انت عاوز تقارن نفسك بالخاين الغشاش ده ... ازعل منك والله
احمد : ياساتر يارب ..... لا انا هتفرج على مسرحيه العيال كبرت احسن
سلمى : ايوه بحبها اوى المسرحيه دى بردو ... بس مش بحب رد فعل امهم ف المسرحيه لما عرفت ان جوزها هيتجوز عليها .... ال ايه راحت لبست واتشيكت عشان ترجعه تانى .. دى كانت تديله بالسكينه ف كرشه الكبير ده بلا قرف
احمد : بقولك ايه . انا مش متفرج على حاجه ... ودينى ما فيه تلفزيونات شغاله النهارده وقومى نامى على سريرك يلا انا هنام هنا
سلمى : تنام هنا فين ؟
احمد : ع الكنبه
سلمى : ليه يعنى خير ؟
احمد : من غير ليه . انا حر . من حقى كمواطن انى انام على الكنبه النهارده
سلمى : ههههههههههههههههههههههههههههه ياروحى بفضفض معاك . ماحنا بنتكلم اهو واحنا بنتفرج ع الافلام
احمد : ايوه يا روحى بس الملافظ سعد مش كده يعنى .. انام جنبك ازاى دلوقتى
سلمى : خلاص هسكت خالص مالص .. تعالى ننام جوه بقا مانت عارف انى مابعرفش انام غير ف حضنك
احمد : ايوه ماهو حضن بس النهارده ماتحلميش بأكتر من كده
سلمى : ليه يعنى ؟
احمد : لا انا قطعت الخلف الليلادى هههههههههههههههههه ف مافيش خالص ماتفكريش ف اى حاجه قليلة الأدب
سلمى : هههههههههههههههههههههه ههههههههههههههههههههههههه يالهوووووووووى هتموتنى
احمد : يلا نامى بقي عشان بكره ورانا يوم طويل ... افتتاح المطعم . وعاملكوا مفاجأت حلوه بكره وعزمت كل الشله بتاعتنا تقريبا
سلمى : ماشى يا روحى .. بحبك
احمد : وانا كمان بحبك ..
سلمى : هات بوسه ياض
احمد : امووووووووووووووووووووووووووووووواح
سلمى : يامجننى انت ... بس كان نفسي اتفرج ع الفيلم الاجنبى ده
احمد : نامى ياسلمى .. يانا يا الفيلم ده ف البيت
سلمى : ههههههههههههههههههه تصبح على خير يا بسبوسي
احمد : وانتى من اهله يا روح بسبوسك ... المهم اقرأى قرأن قبل ماتنامى عشان الشيطان مايجيش يلعب ف راسك وانتى نايمه ... لاحسن اصحى الاقيكى رابطانى تحت البحر
سلمى : هههههههههههههههههه
.....................................
(تانى يوم )
سلمى : الو ! ساره الحقينى انا كنت بموووووووووووت امبارح بس كنت ماسكه نفسي بالعافيه ههههههههههههههههه
ساره : من ايه ؟
سلمى : ههههههههههههههههههههه من احمد ... ردود افعاله وطريقته ف الكلام امبارح كانت مموتانى على روحى ، هههههههههههه ههههههههههههه هههههههههه
ساره : لا استنى انا جايالك .... لازم اعرف كل حاجه
..............................