សេចក្តីអន់ចិត្តស្រាប់តែកេីតមានឡេីង ក្រោយពេល
ស្ដាប់ប្រយោគម្ចាស់បេះដូងចប់។ ទ្រង់មានបន្ទូលមិនខុសទេ ទ្រង់ជាអធិរាជព្រះចន្ទ រស់នៅលេីឋានសួគ៌ ពិតជា
កន្លែងដ៏ស័ក្ដិសមហើយ សម្បត្តិយេីងត្រឹមជាមនុស្សធម្មតា
ទៅប្រាថ្នាអីកន្លែងខ្ពង់ខ្ពស់ដល់ថ្នាក់នោះ។
«បងមិនចង់ឲ្យអូនទៅឋានសួគ៌ ព្រោះកន្លែងនោះ មិនល្អបរិសុទ្ធដូចអូនគិតទេ»ជុងហ្គុក បន្តសេចក្តី ដេីម្បី
ឲ្យ ថេយ៉ុង កាត់ផ្តាច់ភាពយល់ច្រឡំមុននេះចោលអស់។
ថេយ៉ុង មិនបានតប ក្រៅពីដាក់ខ្លួនចុះអង្គុយនៅលេី
ផ្ទាំងថ្ម រួចសញ្ជឹងគិតពីអ្វីដែល អធិរាជព្រះចន្ទ មានបន្ទូលមុននេះ។ ឋានសួគ៌ជាកន្លែងដែលមនុស្សគ្រប់រូបចង់ទៅដល់នៅពេលដែលមនុស្សម្នាក់នោះលាចាកលោក ហេតុអី្វក៏ប្រែក្លាយទៅជាកន្លែងមិនល្អបរិសុទ្ធដូចអ្វីដែលមនុស្សលោកយល់ឃើញទៅវិញ។ ឫមួយអធិរាជព្រះចន្ទ មានអ្វីលាក់បាំង?
«បងមានអ្វីលាក់បាំងអូនទេ?»ថេយ៉ុង ចោលក្រសែភ្នែកមុតស្រួចទៅរកបុរសសង្ហា អស្ចារ្យ និង ខ្ពង់ខ្ពស់
ស្របអ្នកម្ខាងទៀត ស្ដាប់ឮសំនួរហើយ ឈរស្ងៀមទ្រឹង
មិនដឹងតបបែបណា។
«ពួកយើងទៅស្រង់ទឹកទៅ ឡាឡាង ប្រហែលជា
រៀបចំរួចរាល់ហើយ»ជុងហ្គុក ប្ដូរប្រធានបទ បង្វែរដោយ
ការលេីករឿងផ្សេងមកនិយាយ រួចក្រព័ទ្ធដៃទៅក្រោយ
ឈានជេីង នាំផ្លូវមនុស្សចំណូលថ្មីទៅកាន់ដំណាក់ស្រះស្រង់។
«ពួកនាងចេញទៅ»ឮបញ្ជាចេញពីមាត់អធិរាជព្រះចន្ទ
ដ៏ឧដុង្គឧត្ដមហើយ ឡាឡាង ក៏ឱនក្បាលគោរពទ្រង់
រួចដេីរចេញបាត់អស់ បន្សល់ទុកត្រឹមគូស្នេហ៍មួយគូ
ដែលមានរឿងអន់ចិត្តចំពោះគ្នា។
ប្រអប់ដៃមាំ ចាប់ដោះសម្លៀកបំពាក់ចេញពីរាងកាយ
ដ៏ហាប់ណែន សាច់ដុំធំៗ សិកផេកប្រាំបីកង់ រួចទម្លាក់
ជេីងចូលក្នុងអាងទឹកដែលមានស្រទាប់ផ្កាកុលាបក្រហម
រាប់រយស្រទាប់។
YOU ARE READING
ម្ចាស់បេះដូងអធិរាជព្រះចន្ទ
Romanceជាតិនេះ ស្នេហារបស់ពួកយើងមិនសមប្រកប សុំប្រាថ្នាឲ្យជាតិក្រោយពួកយើងបានជួបគ្នាជាថ្មី
