«អ្នកណាក៏ដោយហ៊ានប៉ះពាល់គេ ស្មេីនឹងប្រកាសសង្គ្រាមជាមួយយេីង!»សម្ដីច្បាស់ៗ ប្រាកដប្រជា បញ្ជាក់
ថាមិនបានលេងសេីច។ អ្នកណាក៏ដោយ ហ៊ានប៉ះពាល់ឫ
មានគំនិតធ្វើបាបមនុស្សរបស់ទ្រង់ ស្មេីនឹងប្រកាសសង្គ្រាមជាមួយនឹងអធិរាជព្រះចន្ទ។«បុត្រ!»ទេវតាមេឃា ដែលស្ងាត់អស់រយៈពេលជា
យូរ រង់ចាំមេីលស្ថានការណ៏ដ៏សែនយ៉ាប់យ៉ឺន ក៏បោះសំ
ឡេង បង្ហេីរសម្ដីហៅបុត្រាឮខ្លាំងសមល្មម មិនសូវពេញ
ចិត្តនឹងភាពផ្ដាច់ការរបស់គេ ដែលហ៊ានប្រកាសសង្គ្រាម
សូម្បីតែជាមួយមាតាបង្កើតរបស់ខ្លួន។«ព្រោះតែឯង!!!ឯងតែម្នាក់គត់!»ព្រះនាង ហ្វង់ជឺ
លេីកដៃចង្អុលមុខក្មេងប្រុសសម្អប់ធ្វេីមុខម៉ក់ៗគួរឲ្យជ្រក់
ជ្រេញក្នុងក្រសែភ្នែករបស់ទ្រង់ ទាំងខឹង ទាំងក្ដៅរហូត
ហូរទឹកភ្នែកដោយមិនដឹងខ្លួន រួចងេីបដេីរចេញទៅដំណាក់
ដោយមានទេពធីតាផ្កាឈូកយាងតាមពីក្រោយទាំង
ទឹកមុខកំសត់ អមដោយទឹកភ្នែកសស្រាក់សស្រាំ ខូចចិត្ត
ត្បិតពិធីរៀបអភិសេកត្រូវបានរំសាយ។ខ្វះតែបន្តិច តែបន្តិចប៉ុណ្ណោះ ព្រះនាងនឹងបានក្លាយជាអគ្គមហេសីរបស់អធិរាជព្រះចន្ទ ពេញសិទ្ធិទៅហេីយ ប៉ុន្តែចុងក្រោយការព្យាយាមទាំងអម្បាលម៉ានត្រូវបានអាសាបង់ ព្រោះតែមនុស្សលោកល្ងង់ខ្លៅគួរឲ្យឆ្អេីមរអេីមម្នាក់!។
«មាតា អ្ហឹកៗ ខ្ញុំម្ចាស់រង់ភាពអាម៉ាស់ពេកហើយ អ្ហឹកៗ
ខ្ញុំម្ចាស់គ្មានមុខទៅជួបអ្នកណាទៀតទេ នៅពេលដែល
ពិធីរៀបអភិសេក ត្រូវរំសាយទាំងកណ្ដាលទីបែបនេះ
អ្ហឹកៗ»ព្រះនាង យំរៀបរាប់ បង្ហាញពីសេចក្ដីអាម៉ាស់
និង ភាពឈឺចាប់ដែលរត់ចូលមកក្នុងពេលតែមួយ។
មានទេវតាច្រើនព្រះអង្គ ទេពធីតា អារក្ស អ្នកតា ទេវតារក្សាឋានទាំងបី សូម្បីតែអធិរាជបិសាច ក៏ចូលរួម ក្រុម
នារីទេព កញ្ជ្រោងទេព ទេវតាគ្រប់ជាន់ថ្នាក់ លេីកលែង
តែព្រះឥន្ទ្រដែលគ្មានវត្តមាននៅក្នុងពិធីរៀបអភិសេក។
តេីឲ្យព្រះនាង យកមុខទៅទុកនៅកន្លៀតណា?ព្រះនាង
ជាទេពធីតាផ្កាឈូក មានកេរ្តិ៍ឈ្មោះល្បីល្បាញ អ្នកណា
ក៏ស្គាល់ ក៏គោរពថ្វាយជាពិសេសនាថ្ងៃសិល ប៉ុន្តែ
ព្រះនាងបែរជាមកចាញ់ក្រោមដៃមនុស្សលោកធម្មតា
ម្នាក់ទៅវិញ?ព្រះនាង មិនសុខចិត្តទេ!។
YOU ARE READING
ម្ចាស់បេះដូងអធិរាជព្រះចន្ទ
Romanceជាតិនេះ ស្នេហារបស់ពួកយើងមិនសមប្រកប សុំប្រាថ្នាឲ្យជាតិក្រោយពួកយើងបានជួបគ្នាជាថ្មី