@ផ្សារទំនើប
បន្ទាប់ពីចេញពីក្រុមហ៊ុន ជុងហ្គុក បាននាំភរិយាជា
ទីស្រឡាញ់មកដេីរផ្សារ មេីលគេមេីលឯង ចៀសវាងការ
ធុញថប់ក្នុងកំឡុងពេលមានផ្ទៃពោះ និង ទិញសម្ភារៈខ្លះៗ
ត្រៀមសម្រាប់សម្រាលកូន ក៏ដូចជារបស់របរប្រើប្រាស់
សម្រាប់ទារិកាតូចពេលវះកាត់ចេញពីពោះម្ដាយ។
@វិមានឋានសួគ៌
«អូននៅទីនេះហើយ បងយកអីវ៉ាន់ទៅទុក»ជុងហ្គុក
ដាក់កាយស្ដេីងឈរក្ដោបពោះប៉ោងស្ទីង ឲ្យអង្គុយលេី
សាឡុងថ្នមៗ ទេីបកាន់អីវ៉ាន់សំពីងសំពោងយកទៅទុក
ក្នុងបន្ទប់។ ពេលរួចរាល់ ក៏ប្រញាប់ប្រញាល់ដេីរត្រលប់មកវិញ ហេីយហួសទៅផ្ទះបាយ ដេីម្បីដាំទឹកក្ដៅ។
នៅក្នុងវិមាន អ្នកបម្រើមានមិនខ្វះ ប៉ុន្តែគេមិនចង់ប្រេី
គេចង់ធ្វើវាដោយខ្លួនឯង ចង់បំពេញងារជាប្ដី តួនាទីជា
ឪពុកម្នាក់ ទោះបីមិនបានល្អឥតខ្ចោះដូចឪពុកដទៃ សុំ
ត្រឹមតែជាឪពុកដ៏ប្រពៃសម្រាប់កូនប្រុសស្រីគឺគ្រប់គ្រាន់
ហើយ។
«ឡាឡាង!!»ដាក់ដាំទឹករួច ជុងហ្គុក ក៏ងាកហៅស្រី
បម្រេីស្មោះស្ម័គ្ររបស់ខ្លួនឲ្យមកក្បែរ។ ពេលនាងដេីរ
មកជិត ទេីបបន្តប្រយោគ៖
«ហៅអ្នកបម្រើ និង អង្គរក្សគ្រប់គ្នាឲ្យមកទីនេះ
ឥឡូវនេះ! »ស្រីក្រមុំងក់ក្បាល ព្រមទាំងបោះជំហានដេីរចេញទៅ។ មួយសន្ទុះក្រោយមក អ្នកបម្រេីស្រីប្រុស រួមទាំងអង្គរក្សមាឌតូចធំក៏មកដល់។
«ចាប់ពីថ្ងៃនេះទៅអ្នកទាំងអស់គ្នាអាចសម្រាកបាន
មិនបាច់មកធ្វើការទេ ចំណែកប្រាក់ខែខ្ញុំទូទាត់ឲ្យដូចដេីម»
ឮសម្ដីអ្នកជាចៅហ្វាយនាយហេីយ ពួកគេក៏ងាកមេីលមុខគ្នាបែបមិនសូវយល់ន័យពីអ្វីដែល ជុងហ្គុក បាននិយាយ។
«ខ្ញុំត្រូវការពេលវេលាផ្ទាល់ខ្លួនជាមួយប្រពន្ធកូន
ក្នុងកំឡុងពេលនេះអ្នកទាំងអស់គ្នាចង់ទៅណាក៏បាន ទៅ
ដេីរលេងកំសាន្ត លំហែកកាយ ឫរកពេលសប្បាយៗជួបជុំ
ជាមួយគ្រួសារ មនុស្សជាទីស្រឡាញ់ចុះ ចំណែកប្រាក់ខែ
ខ្ញុំគិតឲ្យដូចដេីម»ស្ដាប់ចប់ ពួកគេក៏ស្រែកហ៊ោកញ្ជ្រៀវ
រាំរែកឱបគ្នាដោយភាពសប្បាយរីករាយ។ មិនងាយទេណា
ដែលរស់នៅប៉ះចៅហ្វាយល្អ ផ្ដល់ពេលវេលាឲ្យកូនចៅ
ដេីរលេង ហើយនៅគិតប្រាក់ខែពេញលេញឲ្យទៀត។
បេីមិនសប្បាយ មិនហ៊ោកញ្ជ្រៀវ មានតែចម្លែក។
YOU ARE READING
ម្ចាស់បេះដូងអធិរាជព្រះចន្ទ
Romanceជាតិនេះ ស្នេហារបស់ពួកយើងមិនសមប្រកប សុំប្រាថ្នាឲ្យជាតិក្រោយពួកយើងបានជួបគ្នាជាថ្មី
