មកទល់ពេលនេះហេីយ ប្រកែកក៏ប្រកែកមិនបានមានតែសារភាពការពិតឲ្យមនុស្សជាទីស្រឡាញ់បានដឹង
ទោះបីជាត្រូវ ថេយ៉ុង ស្ដីបន្ទោសក៏ទ្រង់ព្រម។
«ហេតុអី្វព្រះឥន្ទ្រដាក់ទោសបង?បងធ្វើអ្វីខុសមែនទេ?»ថេយ៉ុង ប្រឹងសួរ ខណៈ ជុងហ្គុក ប្រឹងស្ងាត់មិនព្រមឆ្លេីយ។
«ឫមួយដោយសារតែអូន?អូនមែនទេ អ្នកដែលធ្វើឲ្យ
បងក្លាយជាបែបនេះ? ឆ្លេីយនឹងអូន!អ្ហឹកៗ»
អធិរាជព្រះចន្ទនៅតែរក្សាភាពស្ងៀមស្ងាត់ មិនព្រមផ្ដល់ចម្លើយណាមួយទៅឲ្យបណ្ដូលចិត្ត។ ខឹងពេក អន់ចិត្តពេក ថេយ៉ុង ក៏ស្ទុះដេីរចេញ ទាញសម្លៀកបំពាក់ដែលភីលៀងរៀបចំទុកដាក់រួចជាស្រេចបាច់ដាក់នៅលេីតុ មកស្លៀក រួចបន្តសំដៅទៅរក ឡាឡាង ដែលកំពុងឈរនៅខាងក្រៅដំណាក់។
«ឡាឡាង»សំឡេងស្រាលស្អក ដាស់អារម្មណ៍ភ្លឹក
ភាំងឲ្យវិលមកសភាពធម្មតាវិញ។ ឡាឡាង ញញឹម
បន្តិច រង់ចាំស្ដាប់ប្រយោគបន្ទាប់របស់ម្ចាស់តូច។
«ហេតុអី្វព្រះឥន្ទ្រដាក់ទោសអធិរាជព្រះចន្ទ?»សំនួរ
របស់ ថេយ៉ុង ធ្វេីឲ្យមេក្រុមនារីទេព គាំងស្ដូកតែម្ដង
នាងមិនដឹងត្រូវតបឆ្លេីយបែបណាទេ តេីអ្នកណាអាច
ជួយឆ្លេីយជំនួសនាងបាន?
«អឹ-គឺ»
«នៅអឹគឺដល់ណា ខ្ញុំចង់បានចម្លើយពិតប្រាកដ!នៅ
ទីនេះខ្ញុំមិនទុកចិត្តអ្នកណាក្រៅពីនាង និង ជុងហ្គុក ទេ
សង្ឃឹមថានាងនឹងមិនកុហកខ្ញុំទៅចុះ»
«អធិរាជព្រះចន្ទ ត្រូវបានព្រះឥន្ទ្រដាក់ទោស គឺ
ជារឿងពិតម្ចាស់តូច»
«ហេតុអី្វក៏ត្រូវដាក់ទោស?ទ្រង់ធ្វើអ្វីខុស?»របួស
ធ្ងន់ធ្ងរខ្លាំងណាស់ មិនមែនគ្រាន់តែស្នាមធម្មតានោះទេ
ប៉ុន្តែជាស្នាមរលាក ហើយខ្មៅរលួយ មានផ្សែងចេញ
មកពីមុខរបួសទៀត។
«ព្រះឥន្ទ្រ ទ្រង់ជ្រាបអំពីរឿងស្នេហារវាងមនុស្សលោកធម្មតា និង អនាគតនៃម្ចាស់ឋានសួគ៌គឺអធិរាជព្រះចន្ទ
ទ្រង់ក្រោធខ្លាំងណាស់ បានបញ្ជាសេនាទេវតាឲ្យឃុំឃាំង
អធិរាជ ចំនួន៣០ថ្ងៃ និង បានបានដាក់ទោសដោយការវាយនឹងរំពាត់រន្ទះមេឃាចំនួន៥រំពាត់ក្នុងរយៈពេលប្រាំពីរថ្ងៃម្ដង សរុបចូលគ្នាគឺ២០រំពាត់»អធិរាជព្រះចន្ទ អាចទ្រាំទ្រដល់២០រំពាត់ ចំណែកមនុស្សធម្មតាវិញ ត្រូវតែចុងរំពាត់រន្ទះមេឃាតែបន្តិច ព្រលឹងនឹងរលាយអស់គ្មានសល់សូម្បីតែបំណែកដ៏តូចមួយ។
YOU ARE READING
ម្ចាស់បេះដូងអធិរាជព្រះចន្ទ
Romanceជាតិនេះ ស្នេហារបស់ពួកយើងមិនសមប្រកប សុំប្រាថ្នាឲ្យជាតិក្រោយពួកយើងបានជួបគ្នាជាថ្មី
