«យ៉ាងម៉េចហើយរាជពេទ្យ?ប្រពន្ធកូនយេីងមានសុវត្ថិភាពទេ?»បន្ទាប់ពីអន្ទះសារ ដេីរទៅដេីរមកអស់
រយៈពេលមួយសន្ទុះធំ រាជពេទ្យក៏បានពិនិត្យ និង ដាក់
ថ្នាំបំបាត់ការឈឺចាប់ឲ្យ ថេយ៉ុង គេងលង់លក់ភ្លេចអស់
ទុក្ខកង្វល់ ប៉ុន្តែ តេីថ្នាំនេះមានប្រសិទ្ធភាពយូរប៉ុណ្ណាទៅ?
«ម្ចាស់តូចរួចផុតពីគ្រោះថ្នាក់ហើយព្រះពរ ប៉ុន្តែ»
ចម្លើយប៉ុន្តែរបស់រាជពេទ្យ ធ្វើឲ្យបេះដូងអធិរាជព្រះចន្ទ
ធ្លាក់ក្ដុកដល់ឋានបាតាល។ ទ្រង់ មិនទាន់ធ្វើចិត្ត ដេីម្បី
ទទួលដំណឹងដ៏រន្ធត់នេះបានឡេីយ ទេីបស៊ូ បែរខ្នងដេីរ
ចេញទៅរកប្រពន្ធ គេចវេះមិនព្រមទទួលស្គាល់ការពិត
តែក៏មានសំឡេងមួយឃាត់ដំណើរ៖
«ម្ចាស់តូចរលូតបុត្រហើយព្រះពរ ខ្ញុំម្ចាស់ឥតបាន
ការ ជួយបុត្រីតូចមិនបាន អធិរាជដាក់ទោសមកចុះ»រាជ
ពេទ្យឱនក្បាល រង់ចាំទទួលទោសកំហុស ដែលខ្លួនគ្មាន
សមត្ថភាពជួយបុត្រីតូចបាន ពិតជាអត់បានការមែន!។
«ទទួលកំហុសហើយកូនយេីងរស់ឡេីងវិញទេ!!?»
ជុងហ្គុក គំហកសួរ ស្របកែវភ្នែកប្រែពីខ្មៅទៅជាក្រហម
លាក់បង្កប់ទៅដោយភាពឈឺចាប់ និង គុំនុំគុំកួនលេីអ្នក
ដែលហ៊ានលេីកដៃសម្លាប់សូម្បីតែកូនក្មេងមិនដឹងខ្យល់អី
មិនអនុញ្ញាតឲ្យគ្នាបានស្គាល់ពិភពខាងក្រៅសិន។
«សូមព្រះរាជទោសអធិរាជ»
«ឆ្លេីយឲ្យត្រង់មក កូនយេីងទៅចោលយេីងដោយ
សារអ្វី!!?»ស្របសម្ដី ទឹកភ្នែកមួយតំណក់ក៏ស្រក់ចុះ បង្ហាញពីអារម្មណ៍ឪពុកម្នាក់ដែលបាត់បង់កូនទៅដោយមិនបានត្រៀមចិត្តបន្តិចសោះ។ ប្រអប់ដៃមាំ លេីកវាសទឹកភ្នែក
ចេញពីថ្ពាល់ មិនឲ្យនរណាម្នាក់ឃើញភាពទន់ខ្សោយ
របស់ទ្រង់ទាន់ មុននឹងគំហកសួររាជពេទ្យសាជាថ្មី៖
«ឆ្លេីយភ្លាមមក!!!»
«ខ្ញុំម្ចាស់សូមអភ័យទោសចំពោះចម្លើយមួយនេះផង
ក្រាបទូល តាមពិតទៅ សុខភាពរបស់ម្ចាស់តូច ពិតជាល្អ
ខ្លាំងណាស់ មិនអាចកេីតរឿងហេតុអាក្រក់បែបនេះបាន
ឡេីយ កាលដែលក្មេងក្នុងពោះលែងនៅក៏ដោយសារតែ ម្ចាស់តូច សោយថ្នាំរំលូតកូន ថែម-ថែមទាំងជាថ្នាំប្រភេទ
ខ្លាំងទៀតផងក្រាបទូល»ស្ដាប់ចប់ ជុងហ្គុក ក៏បក់ដៃឲ្យ
រាជពេទ្យចេញទៅ ខណៈ ឡាឡាង ក៏បង្ហាញខ្លួនតាម
ដោយទឹកភ្នែកដិតដាមពាសពេញថ្ពាល់ ទោះមិននិយាយ ក៏
ដឹងថានាងខូចចិត្តខ្លាំងប៉ុណ្ណាដែរ តែអ្នកដែលពិបាកទទួល
យក និង ខូចចិត្តខ្លាំងបំផុតគឺម្ដាយរបស់ក្មេងដែលបាន
ចាកឋានទៅដោយដៃទេវតាចិត្តអប្រិយ។
YOU ARE READING
ម្ចាស់បេះដូងអធិរាជព្រះចន្ទ
Romanceជាតិនេះ ស្នេហារបស់ពួកយើងមិនសមប្រកប សុំប្រាថ្នាឲ្យជាតិក្រោយពួកយើងបានជួបគ្នាជាថ្មី
