«ខ្ញុំនាំគេទៅគេង»
«តែថេយ៍-»
«ថេយ៍ ជាប្រពន្ធខ្ញុំ ប្ដីនាំប្រពន្ធទៅផ្ទះមិនបានឫ?»
«ហាស???»កំលោះសង្ហា វ៉ូហ្កា និង ស្រីស្រស់
មេលហ៍ ឧទានឡើងព្រមៗគ្នា ហើយងេីបឈរសម្លឹងមេីល
ការចាកចេញរបស់ម្ចាស់វិមានឋានសួគ៌ ទាំងចំហមាត់ធ្លុង
ប្រៀបដូចហេតុការណ៍អម្បាញ់មិញត្រឹមជាការយល់សប្តិ
ប៉ុណ្ណោះ។ តែថា...យល់សប្ដិនេះ ស្រស់ៗពេកហើយ
ជាការពិតឫ? ថេយ៉ុង មិត្តសម្លាញ់គឺជាប្រពន្ធរបស់បុរស
អាថ៌កំបាំង ចន ជុងហ្គុក ដែលទេីបតែបញ្ចេញមុខជា
សាធារណៈថ្មីៗនេះឫ?អូយ!!!សុំសន្លប់មួយសិន។
ព្រឹកថ្ងៃថ្មី
«ទឹ...ទឹក»បបូរមាត់ក្រៀមស្ងួតបេីកម្ហបៗត្រដររក
ទឹកមកផ្សេីមបំពង់ក និង បញ្ចូលថាមពលចូលក្នុងខ្លួនវិញ។
រាងកាយមួយនេះ ខ្សោះខ្សោយពេកហេីយ ហេវហត់
អស់កម្លាំង បេីដឹងបែបនេះ យប់មិញមិនផឹកទេ ញ៉ាំសាច់
ក្លែមជំនួសស្រាវិញ។
«ណេះ!»ប្រអប់ដៃមាំហុចកែវទឹកទៅឲ្យក្មេងនៅលេី
ពូក ទាំងមុខមាំក្រញ៉ូវ។ តាមចិត្តខឹង ចង់តែបាញ់នោមឲ្យ
ផឹកជំនួសទឹកត្រជាក់ៗទេ។ ផឹកសុី ស្រវឹងត្រេតត្រូតលែង
ស្គាល់ក្បាលប្ដី ប្ដីខលទៅមិនលេីក មិនលេីកមធ្យម ងុំ
បិទទូរស័ព្ទគេចោលទៀត។ ចង្រៃមែន!នឹកឃេីញកាល
ណាចង់តែលេបចូលក្នុងពោះឲ្យបាត់ៗ កុំឲ្យពូកែដេីរ
ហេីរទៅក្រៅមិនប្រាប់ប្ដីទៀត។
«ឈឺក្បាលណាស់»ដៃតូចៗលេីកវាយថ្ងាសផាច់ៗ
ឈឺមហាសែនឈឺ ឈឺខ្ទោកៗសឹងប្រេះលលាដ៍ទៅហេីយ
ក៏ចំពេលងាកមុខមេីលប្ដី ឃើញប្ដីសម្លក់សម្លឹងដូចចង់
សុីខ្លួនទាំងមូលទៀត ក៏អត់នឹងរអាមិនបាន។
«អូនធ្វើអីខុសហ្ហេស?ម៉េចក៏បងសម្លឹងមេីលមកអូន
ដោយក្រសែភ្នែកបែបនេះ?»សំនួរគ្មានចម្លើយ គាប់ជួន
ទូរស័ព្ទដៃនៅលេីក្បាលគ្រែក៏រោទ៍ឡើង។ ថេយ៉ុង ស្រវា
ទាញទូរស័ព្ទចុចទទួល យកមកផ្អឹបនឹងត្រចៀក បេីក
ការសន្ទនាទៅកាន់ខ្សែម្ខាងទៀត។
ESTÁS LEYENDO
ម្ចាស់បេះដូងអធិរាជព្រះចន្ទ
Romanceជាតិនេះ ស្នេហារបស់ពួកយើងមិនសមប្រកប សុំប្រាថ្នាឲ្យជាតិក្រោយពួកយើងបានជួបគ្នាជាថ្មី
