Zawgyi Font ⤵️
***************
String of heart 💕
(နှလုံးသားစောင်းကြိုး)
အပိုင်း(၄)
.........................
ခေါင်းစည်းကွင်းပျက်လေးကို တစ်လှည့် လှေကားဘက်ကိုတစ်လှည့် စည်းချင်း ရုတ်တရက် ယောင်နနလေးကြည့်နေပြီးမှ သူလည်း အောက်ထပ်သို့ ပြေးဆင်းသွားလိုက်သည်။ အောက်ထပ်က ကော်ရစ်တာမှာ ရှင်းလင်းပြီး စာသင်သံမှတစ်ပါး ပြင်ပစကားပြောသံများမရှိ တိတ်ဆိတ်လျက်....။ သူမဘယ်အခန်းထဲဝင်သွားတာပါလိမ့်။ စွတ်ရွတ်ဝင်သွားဖို့က ကိုယ်ကျင်လည်ရာမဟုတ်သလို ဆရာမတွေ စာသင်နေတာမို့ စည်းအဖို့ တစ်စုံတစ်ရာလုပ်ဖို့ အခွင့်မသာပေ။
အပြင်မှာတော့ မိုးစက်တွေက တဖွဲဖွဲ... ။ လေငြိမ်သွားသဖြင့် ထိုမိုးစက်တွေက သူ့အတွက် မှုစရာမဟုတ်တာမို့ ခေါင်းစီးကွင်းကို ဘောင်းဘီအိတ်ထဲထည့်၍ ပြန်ထွက်ခဲ့တော့သည်။
မိန်းမလှလေး.... ငါတို့ထပ်တွေ့ကြမယ်။ ငါက မင်းကိုတွေ့ချင်တယ်ဆို မင်းတွေ့ချင်ချင်မတွေ့ချင်ချင် ရေစက်ပါပါမပါပါ ငါတို့နှစ်ယောက် တွေ့ကိုတွေ့ရမယ်။
ဘာလို့လဲဆို တွေ့ချင်တဲ့သူက စည်းချင်းဖြစ်နေလို့ပဲ... ။
° ° ° ° ° °
စာသင်ချိန်တစ်ချိန်လွတ်သွားကာ နောက်တစ်ချိန်မစခင်လေး ဆရာမရောက်မလာခင်မှာ နံ့သာရုံ အခန်းထဲ အမြန်ပြန်ဝင်လာခဲ့လိုက်သည်။ ဖြန့်ကျနေသော ဆံပင်တွေကို စုသိမ်း၍ ရှေ့ဘက်သို့ပို့ကာ လက်တစ်ဖက်နဲ့ကိုင်ထားရင်း နောက်ပေါက်ကနေ လှစ်ခနဲ ဝင်လာသော ရုံ့ကို ခေမာမှလွဲ ဘယ်သူမှ သတိမထားမိကြချေ။
" ကြာလိုက်တာဟာ... တီချယ့်ကိုရောတွေ့ခဲ့တယ်မလား ... "
အသံအုပ်အုပ်ဖြင့် ပြောသော ခေမာ့ကို အာရုံမစိုက်နိုင်သေးဘဲ အကျီနဲ့ထဘီပေါ်ကရေစက်တွေကို လက်ဖြင့်သပ်ချနေတာမို့ ခေမာက သူမအားကြည့်၍ ဆက်ပြော၏။
" စာကြည့်တိုက်ဟောင်းမှာရှိမယ်ထင်လို့ ငါမလိုက်တော့တာ ဘယ်မှာတွေ့ခဲ့တာလဲ "
" အရင်စာသင်ဆောင်ဟောင်းမှာလေ "
" သြော် စာသင်ဆောင်ဟောင်းက ဒီနဲ့အဝေးကြီးကို လမ်းလျှောက်ရသေရောပေါ့ ငါပါလိုက်ခဲ့ရမှာ အတွေးမှားသွားတယ် "
BINABASA MO ANG
String of Heart (နှလုံးသားစောင်းကြိုး)
Romance" သာ... မင်းရဲ့နှုတ်ကနေ ' မောင် ' လို့ တစ်လုံးတည်းခေါ်လိုက်၊ မင်းဘေးနားက အနှောင့်အယှက်တွေအားလုံး မောင်ရှင်းပြီးသားဖြစ်စေရမယ် " #စည်းချင်း " ဟင့်အင်း ဟင့်အင်း.... မချစ်ချင်တော့ပါဘူး မချစ်တော့ဘူး၊ ရုံ့ဘဝမှာ ဘယ်သူကများ ရုံ့အပေါ် တကယ်ချစ်ခဲ့ကြလို့လဲ၊ ရ...
