String of heart 💕
(နှလုံးသားစောင်းကြိုး)
အပိုင်း(၂၄)
...........................
" နောက်တစ်ပုလင်းထပ်ချ "
" ဟုတ်ကဲ့ ဆရာ ..."
" အမြည်းရောပဲ "
" ရပါမယ် ခဏစောင့်ပါခင်ဗျ "
မူးရင်ပြီးရောဆိုပြီး တစ်ပုလင်းပြီးတစ်ပုလင်းမမူးမချင်းထပ်ချခိုင်းနေ၏။ ဒါက သုံးပုလင်းမြောက်....။ ယာမကာဆီမှာ အာရုံကပ်ထားတာမို့ ဘယ်ဆီမှစိတ်ရောက်မနေ။ အနားမှာ ပွတ်သီးပွတ်သပ်လုပ်တဲ့သူတွေ၊ သီချင်းသံတွေ၊ ကနေတဲ့လူတွေကို လျစ်လျူရှုထားလိုက်တော့သည်။
" ထပ်ချဦး... "
" ရသေးရဲ့လားဗျ တစ်ယောက်ထဲလာတာလား "
" ကျစ် နား ငြီး တယ်ကွာ... "
လေးပုလင်းမြောက်မှာတော့ စည်းလျှာလေးပလေးဖြစ်လာသည်။ စားပွဲကို လက်တစ်ဖက်ထောက်ထားပြီး လက်ကျန်ပုလင်းထဲက အရက်တွေကို ဖန်ခွက်ထဲစစ်ထည့်လိုက်၏။ ဘေးကမိန်းကလေးကလည်း ဒိုင်ခံ ရေခဲထည့်ပေး အမြည်းခွံကျွေးနဲ့ မအားလပ်ချေ။ ခေါင်းလည်း မထောင်နိုင်တော့.... ။
" ရှင်ရရဲ့လား တို့ပြန်လိုက်ပို့ပေးမယ်နော် တို့ပြောတာကြားလား လမ်းရောလျှောက်နိုင်သေးလား ဟင် "
စားပွဲပေါ်မှာ မျက်နှာမှောက်အိပ်နေပုံရသော စည်းချင်းအား ကောင်မလေးက လှုပ်လှုပ်နိုးရင်း ခေါ်နေလည်းမရ။ ဆိုင်မှာလည်း လူရှင်းနေပြီ။ မကြာခင် ပိတ်တော့မည်ထင်ရဲ့။ ဘယ်လိုက်ပို့လို့ပို့ရမည်လည်းမသိ။ ပြီးတော့ သူတို့နှစ်ယောက်က ယခုမှ သိကြတဲ့သူတွေ။ နောက်ဆုံးတော့ သူ့ကိုဆိုင်မှာပဲထားခဲ့ရန် သူမဆုံးဖြတ်လိုက်၏။ ခပ်ကုပ်ကုပ်နဲ့ အသာလှည့်ထွက်ဖို့ပြင်လိုက်စဥ် စည်းချင်းဆီက မပီမသစကားသံကြားရတာမို့ မသွားသေးဘဲ သေချာအောင် ထပ်မေးလိုက်သည်။
" ဘာပြောလိုက်တာလဲ တစ်ခုခုပြောလိုက်လား ဟမ် "
မျက်နှာနားကပ်ကာ နားစိုက်ထောင်ကြည့်ခိုက် စည်းချင်းကခေါင်းအမော့နဲ့ ခေါင်းနှစ်လုံး မရည်ရွယ်ဘဲ ဆောင့်မိသွားသည်မှာ ဒုန်းခနဲ... ။
KAMU SEDANG MEMBACA
String of Heart (နှလုံးသားစောင်းကြိုး)
Romansa" သာ... မင်းရဲ့နှုတ်ကနေ ' မောင် ' လို့ တစ်လုံးတည်းခေါ်လိုက်၊ မင်းဘေးနားက အနှောင့်အယှက်တွေအားလုံး မောင်ရှင်းပြီးသားဖြစ်စေရမယ် " #စည်းချင်း " ဟင့်အင်း ဟင့်အင်း.... မချစ်ချင်တော့ပါဘူး မချစ်တော့ဘူး၊ ရုံ့ဘဝမှာ ဘယ်သူကများ ရုံ့အပေါ် တကယ်ချစ်ခဲ့ကြလို့လဲ၊ ရ...
